للبنات الي يدرسون برا ..... رجاء .. (في بريطانيا)

[هااجر الهاجري]

السلام عليكم ورحمه الله وبركاته


بنات الله يعافيكم ماتعرفون شلون طريقه دراسه الدكتوراه في بريطانيه

يعني في ناس يقولون بحث وفي ناس يقولون مواد ثم بحث


وجم اقعد اول سفره ... يعني اقعد سنه والا شهرين كل كورس....يعني اربع شهور بالسنه ...و الا شلون ؟؟


انا عندي لغه .. ومعديه جميع الاختبارات توفل وغيره

 

[اختكم بالله]

واحد من جماعتنا يدرس ماستر والدكتوراه ببريطانيا

ومجموع الدراسه من 4 الى 5 سنين

ومافي كورسات ماتقدرين ترجعين دوام كامل دراسه

 

[اختكم بالله]

الدراسه مواد وبحث

واخو رفيجتي يدرس دكنواره ببريطانيا نفس الكلام قال

وقعد سنه هناك ورجع برمضان اسبوعين ورد مره ثانيه ماكو مجال

ولازم توفل جديد

واذا بتقدمين شوفي التعليم العالي اذا انتي مو موظفه اما اذا موظفه قدمي على البعثه من دوامج لان الدراسه غاليه حيل واجارات السكن اسبوعي مو شهري يعني تكلفه

 

[اختكم بالله]

بحثت بالنت وهذا اللي حصلته اتمنى اكون افدتجانا بامريكا وسويت بحث عن هالدولتين


:

:

:

السلام عليكم ورحمة الله وبركاته

سمعت العديد من الكلام وقرأت الكثير عن مدة الدراسه في بريطانيا وفي أمريكا وعن نظام الدراسه فيهم للدراسات العليا وارجو في هذا الموضوع ان تعم الاستفاده ونتمنى من الاخوه المشاركه وطرح أرائهم ومعلوماتهم عن هذا الموضوع

بسم الله الرحمن الرحيم

- بريطانيا
الماجستير : من 9 شهور الى سنه
والدكتوراه : 3 سنين

امريكا :
الماجستير : من سنه ونصف إلى سنتين

الدكتوراه : من 3 سنوات الى 4 سنوات وقد تصل الى 5 سنوات



اما نظام الدراسه

بريطانيا :

الماجستير : يدرس في 9 شهور مواد مع رساله - ويقال انه يوجد مواد فقط ولست متأكد
الدكتوراه : سنتين مواد وسنه البحث ( الرساله )


امريكا :

الماجستير: سنه ونصف او سنتين مواد فقط
الدكتوراه : سنتين مواد وسنه او سنتين بحث ( الرساله )

://
حفاظاً على حقوق الكاتب نرجو عدم حذف المصدر
المصدر مبتعث

 

[UK_Girl]

هلا هاجر ..
بجاوبج من تجربتي والله شاهد علي ..
خذيت مواد لسمستر واحد وفيها بحوث باس وفيل و حضور وتيتوريلز ..والحمدلله على كل حال عديت بعد ما تعذبت !
كل هذا فوق البحث الرئيسي الذيسس !وبعد مقرر ناخذ مواد تدريب بس تدريب تاخذين عليها نقاط تضاف ككردت لج وتفيدج في الحياه الاكاديميه وانا اشوفها مضيعه وقت وجهد ولو اني من بعضها استفت بصراحه ..
هذا بجامعتي جامعه العقد بس النظام يختلف سالي وقدمي والله يوفقج ..
تحياتي

 

[UK_Girl]

بالنسبه للتوفل او الايلتز تره اذا مر عليه سنتين يعتبر قديم ويطالبونج تمتحنين مره ثانيه لا تضيعين وقت وقدمي توكلي على الله
والله يسهل وادعيلي انا متحطمه جدا ومتعذبه ..
صج نسيت اقولج النظام اليديج في بريطانيا بعد مرور 3 او 6 او 9 اشهر على تسجيلج بالجامعه يسوون لج اختبار شفوي وتقدمين تقرير في موضوع البحث وهالنظام اسلوبه وطريقته يختلف من جامعه لجامعه ..
بس حبيت احطج في الصوره بشكل كامل عشان ما تتفاجئين وتروحين بثقه ..
تحياتي

 

[هااجر الهاجري]

مشكورين ويعطيكم العافيه ... هذا العشم فيكم (دايما القى اجابتي بكويتيات)


يعني بنات اللي افهمه اني اذا بدرس في بريطانيا ... لازم اقعد سنتين كاملين ... دراسه ... وسنه بحث
وانا حسب مافهمت ... ان البحث عادي ارجع الكويت واسويه هنيه

يعني اذا بدرس ببريطانيا .. احسب حساب سنتين برا ؟؟؟ .. زين ماكو فواصل ؟؟ وبالصيف مارد؟ وبراس السنه ماكو رجعه للكويت؟؟

انا اعرف وحده تدرس على حسابها ... تروح كل شهرين .. وتقعد هناك شهرين

يعني بالكورس تقعد شهرين .... يعني بالسنه اربع شهور


في انتظاركم

 

[هااجر الهاجري]

هلا هاجر ..
بجاوبج من تجربتي والله شاهد علي ..
خذيت مواد لسمستر واحد وفيها بحوث باس وفيل و حضور وتيتوريلز ..والحمدلله على كل حال عديت بعد ما تعذبت !
كل هذا فوق البحث الرئيسي الذيسس !وبعد مقرر ناخذ مواد تدريب بس تدريب تاخذين عليها نقاط تضاف ككردت لج وتفيدج في الحياه الاكاديميه وانا اشوفها مضيعه وقت وجهد ولو اني من بعضها استفت بصراحه ..
هذا بجامعتي جامعه العقد بس النظام يختلف سالي وقدمي والله يوفقج ..
تحياتي

مشكوره حياتي ع التجاوب

يعني المواد الدراسيه كورس ....
والمواد التدريبيه ... جم مدتها؟

ولازم المواد التدريبيه؟؟ بعضهم يقول ماله داعي مواد اساسا لانهم يدرسون الدكتوراه مع البكالوريوس صج؟

وشنو جامعتج؟؟

 

[هااجر الهاجري]

اختكم بالله مشكوره عالبحث
وانا تخصصي ادب انجليزي ... ان شاء الله هينه سالفه التوفل