للبنات فقط <<< بدون انتقاد بليز

[soseta]

البنات اللي يقولون يعرفون ناس خذوا عن حب

يعني شنو قاعدين تشجعون هالشي !!
اوكي ممكن تصير بس حالااااااات نادره
وانا اعرف ناس خذوا اللي كانوا يكلمونهم بس حياتهم تعيسه وشك ومافيها حياه ..

وحده منهم كانت تكلم الف واحد بهدف الزواج وضبط معاها واحد وتزوجها بس اهوا نفس حالتها كان يكلم ومخربط لين قايل بس , والحين حياتها حجييم , كل شي عندها بس ماعندها حببب ومحرومه من الانجاب بعد لان اهله مايبونها بس جبرهم عليها مع ان مايحبها خذاها عشان يذلها , الله لايبلينا يارب


الثانيه كانت تكلم واحد مطلق واهوا طبعا يكلمها ويكلم الف والاثنين كانوا يلعبون , وتزوجوا بعض عناد , اهوا شاف اهله مو موافقين والبنت شافت ان اهله مو موافقين فصارت سالفه عناااااااد صاروا يبون بعض , وتزوجوا صج انهم حبوا بعض بس كانوا وحيدين ماعندهم اهل لان اهل الصبي مو موافقين , وتمت البنت جم سنه بدون حمل وغصب حملت ..


يعني حياتهم جحيم , انا ليلحين ماشفت وحده كانت تكلم واحد وحبت وتزوجته وارتاحوا ..


بنات شنو تسوى عليكم تخربون سمعتكم واذا تزوجتوا اللي كنتوا تكلمونه تسمعونلكم حجي ماادري شلون صاير ..


وحده من اللي قلتلكم عنهم تزوجت واحد , تدرون شنو يقولهاااااا , سامحوني على اللي بكتبه بس شوفوا شنو يقولها يوميا ..


يقولها انتي زبااااله , انتي المفروض تحمدين ربج ان واحد مثلي خذاج , لو انا مو ماخذتج محد ياخذج , يازباله انتي واهلج ..
تخيلوا هالكلام ينقالكم بشكل شبه يومي !! , ويسبج ويسب اهلج ..

واشياء وايد مااقدر اكتبها عشان لاتنعرف البنت منو هذي

 

[ShoSho_4]

حبيبي انا عندي راي معين في هالموضوع

انا استغرب من اللي يقولون ان كل بنت تكلم معناتها مو زينه

هالكلام غلط 100%

وايد ناس تزوجوا عن حب مو بس على ايامنا حتى على ايام امهاتنا

امي واايد تسولف لي عن قصص حب صارت بأيامهم

بس المشكلة مو بالحب

المشكلة بالشخص نفسه اللي نحبه

يعني الوحده لما تكلم واحد على طول تقص على نفسها من اول اسبوع وتقول حبيته

وهو يقولها احبج انتي ام عياالي

ترى هالشي غلط

الحب مو بس بالقلب حتى العقل

الاختيار الصحيح يكون بالعقل والقلب

انا اتمنى اتزوج عن حب وما اشوفه عيب

ودام الوحده محافظه على نفسها وصاينه كرامتها فهي صح

اما اللي تكلم مليون واحد وتقول احب هذا والباجي تقزوره

او اللي تكلم مليون واحد واللي يصدف معاها تمشي معاه

فهذي هي البنت اللعوبه واللي صج قليلة أدب

ياليت اللي ما يعجبها الموضوع ما تنتقد احد لأن الموضوع موضوع مبدأ

تقلبي مروري غاليتي

نفس رايي الي كنت بقوله اهو على حسب الاشخاص والمشكله فيهم مو بالحب ولازم كل وحده تاخذ حذرها وتحب بعقلانيه وموفقين يارب

 

[مطيريه ماركه]

قلتي بدون انتقاد وآنا معروفة ان تكلمت تكلمت بصراحة تجرح فخليني ساكتة احسن والله يهدي الجميع

 

[صاحية بخبال]

انا عن نفسي مع كلام اختي مطيريه لانه جد موضوع ماله داااااااااااعي كلش لانه انا برايي مايرد على اي عضوه بأي فايده

الله يستر على الجميع

 

[ديما الملقوفة]

دام انطرح هلموضوع خنقوول الي صج كسر قلبي وخلني اتحسر على الي وصلنا له
والسبب الي شفته بلكلية وماني قايله اي كلية لانها معرووفه بسمعه السيئه بنات مو بس اكلمون الا ايسون النون مايعلمون
والله اني تمنيت المووت ولا اجوف الي جفته معقوله المسلمين وبنات ديرتي يوصلون لي هدرجه

بس بذكركم بكلمة قالها الامام علي عليه السلام في كتابه نهج البلاغه
قال الحذر الحذر فأن الله قد ستر وكأنه قد غفر
فيا بنات اذا الله ستر عليكم مو معناته انه غفر لكم فحذرو الي قاعده اتكلم قاعده اتغلط
وهيا ابنفسها تدري ولا جان تحجت جدام اهلها بس لانها تدري ان الي تسويه غلط تنخش وتكلم
والللله انا ماانتقد بس بنبه لان شي اجر شي وهو راح اجرج لطريج الله يعلم فيه

وارجو محد يزعل من كلامي بس في مشاركات ضايقتني اصراحه جنهم اشجعون هشي

 

[مـسـكـ 2009]

بصرااحه كلنا ندري ان هالشي حراام
ومالي داعي نشوه سمعة اهالينا عشان كلمنا واحد
وع فكره كل الشباب جذابين ويلعبون ع البنات
ليش اجازف واخر شي اطلع بفضيحه
ومع هذا انا ماقولج ان مافي بنات ماتزوجوا عن حب انا اعرف كذا وحده
بس مو من جيلنا من جيل امهاتنا لانهم اهم اللي صادقين بالحب
مو الحين كله جذب بجذب
وعسى الله يهدي الجميع

 

[فديـت عيـونك]

أنا تزوجت عن حب بس بصراحه ما أشجع على هالطريقه كلش لأنه اللي الله كاتبه بيصير ولو جريت جري الوحوش غير نصيبك ماتحوش بس اللي حبت وتدبست بالحب الله يعينها

 

[Rawo0onah]

افهم من كلامج انج تقصدين انها اتكون علاقة صداقة اكثر من انها حب,,
يعني تتعرف على واحد مجرد للفضفضة! لان ماااااااااااااااكو رفيجات او خوات بهالزمن.

اسمحيلي شلون ماكو خوات ورفيجات بهالزمن وكله جذب,,
انا عندي رفيجات وعندي اختي بعد اموت عليهم واحبهم واخاف عليهم ونفضفض حق بعض ونثق ابعض وعمرهم لا هددوني ولا فضحوني!!كا يعني في رفيجات.

وعلى الاقل هالشي احسن من اني الجا حق شاب غريب والله نهانى عن هالشي اصلا..
والشباب اهمن اللي ينخاف منهم وايهددون ويفضحون.


يمكن وحدة دورت ومالقت رفيجات او خواتها مو يمها بس ترا هذا مو مبرر ابدا انها اتكلم شاب غريب عنها حتى لو بالوقت الحالي كان ثقة,,
واذا اهيا شايفة ان اللي قاعدة اتسويه منطقي وصحيح خالتكلمه جدام اهلها!!ليش الخشاشي؟

اهيا شنو الاهم عندها انها تمشي عالطريج الصحيح اللي دينا امرنا عليه ولا انها تلقى شخص ثقة اتفضفضله؟؟
اهيا لها مطلق الحرية بالاختيار,,
بس بالاخير مايصح الا الصحيح,,
والمنطق ايقول اذا مالقت صديقة ابمعنى الكلمة المفروض اتضل ادور ليما تلقى اذا كلش كلش مالقت خلاص مو لازم ايكون عندها ارفيجة عشان تشكيلها ممكن اتعالج مشاكلها ابنفسها او انها تستغل وقتها بشي مفيد عشان تريح نفسيتها.في الف طريج ولا طريج الغلط.
بس للاسف الشيطان ايزين للانسان طريج الغلط ويخلي الانسان ايحط مبررات حق غلطاته عشان ضميره مايانبه.


وجهت نظرج احترمها بس ابدا ماتفق معاها..

صح لسانج اختي وردة مشاعر كلامج عين العقل
وديما الملقوفه انا معاج
ووااااايد بنات كلامهم صح
بس بنات عن المذاهب البنت مو قصده لان صج واايد حالات فاشله
وهالزمن مافي وحده ما تكلم لي هالدرجه!!!!!!!!!!
كل ما اتعرف على وحد تقول ما تكلميييييين !!!يستغربون
بس يقولولي احسن لا تروحين هالطريج والحمدالله ما عندي هالسوالف
وبنات اللي تكلم لا تخرب غيرها انتي قعد تاخذين اثم ليش بعد تاخذين اثم غيرج
الله يستر علينا ويحفظنا
ويعطيج العافيه عالموضوع ...................​

 

[ديما الملقوفة]

صاجه اختي رونه <هذا نكج عدل لووول

الحين غريبه اذا وحده ماتكلم انا لمايسألوني وقولهم لامااكلم يستغربون
وانا استغرب بعد ليش اشايفين البنات ترى اكو بنات دينات ماعندهم هسوالف
اخافون الله ويدرون ان هشي غلط بس انا الي باط جبدي ان اكو بنات اخربون على بنات
يعني البنات الي اكلمون امخربين سمعت البنات الثانين الحين الشباب والامهات علبالهم كل البنات ايكلمون
موملاحظين ان الزواج قل الشباب ماقامو يتزوجون وليش يتزوجون دام كل شي متوفر لهم اذا بغو تكلمو
مع ستين الف وحده وللاسف البنات الي يكلمونهم يعطونهم ويه فهو ليش بعد يروح يتزوج لا والامهات
ماقامو اقولون حق اعيالهم تزوجو من الي اشوفونه ايقولون شنو هذا بنات هلوقت مايستحون وطبعا ماتزوج ولدها
وحده على قولتها ماتستحي وبجذي زاااااااادت العنوسه وهذا سبب اكبير ابزايده
وسبب رئسي بعد تدرون ليش لان ايام اول لصبي اموووت وشوف بنت وكلمها
الحين اكلمها ويمل من ويها من كثر مايشوفه شفتوو شفتووو ان الله مايحرم شي وهو ابمصلحتنا
الله حرم هشي لان يضرنا

والله مادري شقول بعد حسبي الله ونعم الوكيل ولاحول ولاقوة الا بالله والله يستر على الجميع

 

[ريـــــ قطر ـــم]

ماعندي استعداد اخسر رضا الله سبحانة و تعالى و رضا والديني عشان شنو عشان اكلم و امشي بهالطريق

كفو والله
الله يكثر من أمثالج

 

[بروريتآ]

كلن حر بنفسه ... هذا مو معناته أنا ضد كلام البنات .. بالعكس بس شتسوين بهالوقت تاكلج بقشورج الله يستر على بنات المسلمين وعلي ياارب

 

[كيوتيه]

نعم أختي ؟!
يعني هذي فتوى يديدة .. أو تحريم يديد ؟؟
ياما ناس خذوا بعض ورغم كل الفوارق وبالنهاية تزوجوا ما شاء الله تبارك الله ..
رب العالمين يقول: { وجعلناكم شعوباً وقبائل لتعارفوا }
من انتي عشان تحرمين الزواجات اللي من مذاهب مختلفة ؟؟
تبين تزرعين الطائفية مثلا ً ، ولا تبين تعززين القبلية اللي أصلا صايرة مثل النار في الهشيم هالأيام !

وازيدج من الشعر بيت ، ترى الحالات اللي اعرفها فهي حالات زواج ناجحة مو فاشلة ...
أما قلة أدب فاسمحي لي ووفري ألفاظج الحلوة لنفسج ، والعاقل يا يقول خير أو " فليصمت " ،،،

ليش قبيتي على البنت جذي اهي ما تقصد طائفيه ؟؟!!

واااي ياربي في بنات يدشون المواضيع وغرضهم الاساسي تخريب الموضوع عشان يتصكر !!

ومشكووره اختي صاحبه الموضوع وصاجه بكل كلمه قلتيها
فديتج :tek:

 

[فديت_روحي]

حبيبتي اولا مشكوره على الموضوع

وايد حلو

وكلامج صح 10000% وخصوصا سالفة ان لازم الوحده تفكر بعقلها قبل لاتحب ,يعني لو مو من قبيلتها ومذهبها واهي تدري ان هالشي راح اييب مشاكل ,ومن الصعب ان يتزوجون ,المفروض ما تكمل العلاقه من البدايه ,اقصد قبل لايحبون بعض ,,

اانا رفيجتي كانت بتكلم شخص معجب فيها وجذي ,على اساس فتره ويتزوجون, من اول ما عرفت انه مو من مذهبها وتدري اهي ان اهلها ماراح يوافقون , ابتعدت عنها ووضحت له هالموضوع ,واهوا تفهم الشي هذا وراح ,
يعني حكمو عقلهم قبل لايحبون بعض ,احسن من الاستمرار بالعلاقه الفاشله وبعدها ماتقدرين تسوين شي اذا حبيتيه وتعلقيتي ,صعب تهدينه !
تهده من البدايه من فتره الاعجاب ,احسن من انها تهده عقب ماتحبه صج ,,


شوفي انا ادري ان الحب من ورا الاهل وسوالف تلفونات وطلعات حرام ,
بس هذي نص بنات الكويت يكلمووووووون ,هذا الواقع
وانا وحده منهم, مريت بهالتجريه ,
وما انصح البنات يمرون فيها تدرين ليش؟؟

لانه الي تكلم واحد تقدر تكلم 10 ,
تدرون ليش؟

لان لاحظ الي تكلم ,بالبدااايه ,قبل لاتتعرف على اول شاب ,تكون خايفه ,مرتبكه ,وميته خوف ,تخاف من اهلها وتخاف يخونها وتخاف من ربها ووايد شغلات اببالها اهم شي انها تخاف منه وتستحي وجذي,حتى ما تتكلم عدل,,

وعقب فتره تتعود علييييه ,,وعقبها تقعد يمكن شهر او اكثر معاه ,
وحتى لو هدته ,
وكلمت غيره ,اهني تتوقعون خوفها من علاقه مع ثاني شاب نفس خوفها قبل ما تكلمالشاب الاول الي من العلاقه الاولى؟؟
اكيد لا ,شوي بتقدر تتكلم ,وبتنسى سالفة اهلها ,بس بتفكر بعلاقتها معاه ,

واذا هدته وكلمت ثالث نفس الطريقه راح يقل الخوف شوي شوي ,,ويصير الامر عادي عندها ,انها تكلم ويصير امر بسيط, جنها تكلم رفيجتها!!

انا ما اقول ان كل البنات الي كلمو واحد ,لازم يكلمون 10 ,لاااا

في بعض البنات كلمو 1 وتزوجو بس هذي حالات نادره ,


انا قصدي ان اذا فشلت علاقتها مع الاول بعض البناااااات ,راح تدور على شخص ثاني يعوض فشل العلاقه الاولى

واغلب البنات الي يكلمون جذي

تشوفينها تكلم ,وعقبها يخليها او تفشل علاقهتم ,تقعد فتره ,وتكلم غيره,,لعدة اسباااب

اولا مرات تدور الشخص الي يحبها ويفهمها بس مو لاقيه,وكل شوي تقول يمكن الثاني احسن منه,,وعقب تجرب الثالث , وهكذا

وثانيا ,في بعض البنات يكلمون على اساس صداقه بين بنت وولد ,مثل فضفه وسوالف وطلعات بس مو حب!

وفيه بنااات وايد ((الاغلبيه من البنات الي يكلمون)) تصير عندهم حاله ادمان على الشباااااااب

وتلقينها ودها ماتكلم ,بس ماااتقدر ,لانها تعودت ان كل يوم تتكلم بالتلفون ,حتى لو دقايق مع صبي ,
مو شرط سوالف حب وكلام وصخ, لا حتى لو سوالف عاديه ,بس المهم تكلم واحد!!


تدرون ليش؟؟
لان الي تدش عااااااالم الشباب ماراح تقدر تطلع منه بسهوله!!

والله وعن تجربه ,,

اذا من واهي بالثانويه او بعد الحين هابين من المتوسطه يكلمون !! اكيد بتتعود ,وبيصير هالشي عندها عاده اكثر من ما اهو موضوع حب!!


لااااااااازم البنت تقطع الحبل من الاسااااااااس يعني لازم ماتكلم خير شر ,احسن لهاااااااااا

لان الي تكلم وكل مره تفشل علاقتها راح تتعوووووووود والله عن تجربه ,

مو معناته كل وحده بتتعود لا,بس على حسب البنت وشخصيتها ,بس اغلب البنات يبون واحد يحبهم ويهتم لهم ,,

يعني تكلم واحد وتحبه تموت عليه ,آخر شي يطلب منها طلب وصخ براسه !!مثلا البنت هدته ,,

تروح تشوف ثاني يمكن يحبها ويطلب هالطلب,او يستمر معاها سنه او اكثر ,شوي شوي يتقرب عشان ياخذ الي يبيه!!

والله هالشباب عقااااااااااااااارب والله ماينعرف لهم ,,

ماتعرفين شنو يدور برااسه
واغلبهم الحين جذااااااااااااابين ,يكلم البنت جم سنه واخر شي يهدهاااااا
,,,,,,,,,,

ومو معناته ان مافي ناس تزوجو عن حب ,,
بالعكس واااااايد ناس يصيرون لي ماخذين عن حب
عيال عمتي اثنين متزوجين عن حب
وولد خالتي
وعمي
ورفيجتي
وبنت خالتي
,بالعكس في شباب فيهم خير لكن قله !!!
ويعتمد على شخصيه الشاب نفسه!!ويعتمد على شنو الي براسه!!

ومثل ما فيه ناس زواجهم بعد حب فشل ,هم فيه ناس زواجهم بعد حب نجح!!
يعتمد على شخصية البنت و الريال,,


هذا موضوع طويل وكبير ومتفرررررررررررع ,,لانه وايد فيه اسباب ووايد فيه جوانب نقاشيه !

والبنت احسن لها تقطع حبل الشباب من اسااااااسه علشان لا تطيح فيها!! وتتوهق بالنهايه وتصير مدمنه بعالم الشباب,,

روحو شوفو البنات الي يكلمون ,تلقونهم من زماااان يكلمون ,
او شوفي وحده تكلم الحين وشوفيها بعد سنه ,تلقينها ليلحين تكلم ,او تكلم غيره!!

الاغلبيه ,جذي,,,
انا اعرف بنت عزيزه علي ,وقريبه مني حيل,,

كانت تكلم ولد من يوم كانت بالثانويه, وامها طاحت عليها ,وامها يوم نصحتها انها لاتكلم وجذي ,قالت لها من بين الكلام ( اذا انفتح الباب بعلاقه مع شاب وااحد,, موووبعيده انه ينفتح حق 10 غيره!! ))وكانت بينها وبين نفسها تضحك على كلام امها وتشستغرب وتقولها شهالكلام انا الي احبه بس واحد وأول وااحد هذا ,امي شقاعده تقول؟؟

وعقب فتره خانها الولد ,واقعدت فتره شهور ما كلمت ,وبعدها انجذبت حق غيره ,
وكلمته ,واندفعت بالحب والله مسكينه,,وطلع مايستاهل غرضه مو شريف ,واهي مسكيييييييينه حسبالها يبيها زواج

وعقبها نفس الطريقه ,كل مره تكلم على أمل انها تلاقي الزين الي يناسبها ,,

عقب 7 سنين واهي تكلم شباب ,الحين استوعبت كلام امها تقول صاجه امي يوم كانت تقول اذا كلمتي واحد ,تقدرين تكلمين 10 غيره ,,,,,,,
ومشكووووووووره ماتثقصرن على الموضوع
___________

 

[عطر الخزامى]

اممم

سؤال حق الي يكلموون شباب اهلكم يدروون ؟؟!

واذا كان جوابكم لأ

ليش ما تقوولون لهم ؟؟


عجبي لحالكم تخشوون الناس والله احق ان تخشووه

والله السالفه ما تسوى تغضبوون ربكم وتخسروون سمعتكم سواء اخذتي حذرج او ما اخذتي حذرج هذا كلام فااضي

وماردج بتنكشفين


الله ينور بصيرتكم

 

[ونة حزن]

السلام عليكم

اولا حرام ان البنت تكلم اي شخص كصديق او حبيب لان الله قال بالقران ولا متخذات اخدان ( يعني النساء مالهم صديق او حبيب )
ما عدا محارمها طبعا

طبعا كل وحده تكلم شخص متأكدة 100 % انه ماراح يتزوجها لان الشاب ما راح يتزوج وحدة كان يكلمها لان دايما بيشك فيها

فانا برايي البنات اللي يكلمون شباب يكذبون على انفسهم عشان يصدقومن الوهم اللي عايشين فيه
وانا برايي كل بنت تكلم شاب مو زينه

اولا لانها اتخذت لنفسها صديق وخالفت ربها اولا

ثانيا خانت ثقة والديها واخوانها وتعرضهم باي وقت للفضيحة الله يستر عليهم

ثالثا تخدع نفسها

الله يهديهم
ويستر عليهم

:
عدل
وكل
وحده
تكلم
قليله
ادب

 

[$$ صعبة الوصوف $$]

كاتبه بالعنوان بدون نقــد بليز ..

بس الحجي اللي كاتبته لازم نتقـــدهـ ونقــد أيجابي أكثر من ما اهو سلبــي .!

موضوعج فيه نوع من التحريض .. بمعنى انه يابنات لو تبون تكلمون كلموا عادي بس في حدود لا تعدينهــآ

ياماما البنت بطبيعتها عاطفيـــه وأي شي يلعب بمخها وقلبها واذا حبت ماتدرك الشي اللي تسويه والدليل المصايب اللي نشووفها .!

اليوم كلمته عادي ماراح اعطيه صورتي ولا اعطيه معلومات عني وباجر جذي وبعده وبعده لين يجي اليوم وتحبـــــه وتعشششقه وتعلمه بكل شي ولو يقولها يلا نطلع طلعت معــــــآآهـ .!

والشباب الحين ماعندهم حب عندهم خرابيط .. يقزر وقته واذا بغى يتزوج رآح لآمه واخته يخطبون لـــه ..

زبــدة الحجي .. ابعدو عن هالطريج لانه نتايجه مؤلمـــــه بكل جوانبهـــآ ..!

والله يهدي الجميع

 

[نوف&&]

اولا هي بالاول خانت ربهااا ودينهاااا وما اعتقد لا عاداتنا ولا تقاليدناااا تسمح لناااا نمشي بالطريج
هذاااا ..واغلبيه البنات اللي مشوا بالطريج هذا خسروا سمعتهم بين الناااس ولا هم قادرين يواجهون الناااااس..
وشوفي اغلبيه القصص الحب هذااا نهاايتهاااا الفشل هذولا شباب يلعبووون عليهاااا واذا جا وقت الزواج
قال لامه ابي بنت ناااس وحموله وبنت ماشيه سيده ..
وربي يهدي كل بنت مشت بالطريج هذااااا وينور على بصيرتهااااا..

 

[خاشووقه]

الله الهادي

 

[حامله القنديل]

لله يصلح الجميع

 

[spanish-girl]

موضوعج حلو وايد يعطيج العافيه