للخبيرااااااااااات في التحويش فقط؟؟؟؟؟؟؟؟؟؟؟

[الباسمه]

اب اب اب

 

[لميس]

اكيد بنك الراجحي له فروع مو فرع واحد في حفر الباطن !!

ان شا الله بكره تكون عندكم الشروط والاوراق المطلوبه!!

 

[الباسمه]

في انتظارج لميس
واتمنى من البنات يفيدونا بطرق جديده للتحويش هههههههههههههههههههه
اعجبتني الكلمه

 

[لميس]

كلمت الراجحي قالوا الشرووط هي:

جواز سفر/عنوانك في الكويت/وعنوان لك في السعوديه(عاد عطيهم اي عنوان)
75 ريال=6دنانير رسوم استخراج بطاقه سحب(وهذي مو لازم لاننا ما نبي البطاقه):cxxxp:

 

[الباسمه]

مشكووووره لميس على تفاعلج
وين باقي البنات نبي بعد افكااااار للي صعب يسافرون السعوديه

 

[منانا]

انا اقترح عليج تحطيينهم بحسااب الداانه بالخليج او الي بالوطني نسيت اسمه كل شهر حطي ميتين و50 دشي فيها جمعيه مع رفيجااتج او اهلج ولما تستلميينها حطييها بالحسااب او سوي فيها شي استثمااري وال 40 الي تبقى حاولي ما تجيسينها بحساابج تكون للطواارئ سبحاان الله وعلشان اذا احتجتي شي ما تضطرين تسحبين من الي خااشتهم عرفتي

وانا اقوولج هالشغله من منطلق الحكمه الي تقول لا تضع البيض كله في سلة وااحده وهذي نصييحه استثماارية مهمه وتنفع حتى حق الي بيبلشوون تجاارة انهم ما يحطوون فلوووسهم بمكاان واااحد يوزعووونها بكذا شغله
وهم هالحكمة تنطبق على الي يساافروون بعد وانهم ما يحطوون فلوووسهم كلها بمكاان وااحد يعني شي بالجنطة وشي بالدلااغ هههه وشي بالحسااب وشي بالمخبه سبحاان الله الوااحد ما يدري عن الظروف

ان شااء الله اكون فدتكم والي تستفييد من نصاايحي تدعييلي ان الله يوفقني ويعجل بزوااجي اللهم آمين

 

[الباسمه]

منانا الله يوفقج ويحقق اللي في بالج
تدرين عااد اعجبتني تقسيمتج حيل حييييييييييييل
لان فيها مرونه وانا ما ودي احط كل اللي عندي استقطاع واذا احتجت اروح اسحب لان محد ضامن هالدنيا
اكثر شي اعجبني اني اخلي 40 على صوووووب للظروف عشان ما اضطر اتسلف
وباذن الله بطبق نصيحتج
والله يوفق الجميع

 

[القبله]

أنا عندي لج نصيحه مو شلون و شكثر اتجمعين بس أبقولج طريقه ماشيه عليها صارلي 4 شهور و وفرت مبالغ كبيره أول شي

تقسمين مصروفج لج يعني حق خرابيط بنزين مطعم اي شي 20 دينار كل أسبوع و أذا خلصو تقعدين جنه ماعندج غيرهم
بجذي بيكون مصروفج 80 دينار بالشهر
و تخليلج 100 أحتياط حق ظرف طارئ وحده والده بغيتي تشترين شي ضروري ابهالسعر المهم اهوا أحتياط اذا صارتلج حاجه أصرفيها اذا لأ خليها مع المبلغ اللي تبين تستقطعينه

و ابجذي راح تقدرين تجمعين مبالغ مايخطرلج على بال صدقيني

ملاحظه مهمه :
* طلعات السوق أقطعيها مطاعم أشياء مالها داعي خليها كل 4 أو 5 شهور عن خاطرج
* أول شي بيكون صعب علييج بعدين ابتتعوديين

و الله يباركلنا ابمعاشاتنا أجمعين

 

[الباسمه]

مشكووره اختي القبله على نصيحتج وصاجه والله ما كان يطير معاشي الا الطلعات والمطاعم
كل ما ضاق خلقي اروح مطعم او كااافيه وعليج الحساب

 

[شوفواشموخي]

اه بس كل شهر اقول بوفر وماكو فايده

 

[baby johnson]

شوفي حبيبتي اذا 290 صافي الي باقيلج
شوفيلج مجموعه من البناااااات ثقه وعلى قلبج
خواتج اهلج رفيجاتج بنات خالتج بنات من المنتدى تعرفينهم ودشي معاهم جمعية
والله انا ماقمت اوفر الا من الجمعيه
ياما دشيت جمعيات ب20 و30 و50 و100 بعد وعلى فكره انا طالبة جامعه بس احب ادش جمعيات ولما استلم المبلغ يكون حلووووووووووو وايد وتحسين صج انج انجزتي وخشيتي شي ولما تكون جمعية راح تلتزمين تدفعين كل شهر بدون لاتقدرين تسحبينهم
الا بوقتج الشهر الي انتي متفقه عليه معاهم
والله يوفقج حبيبتي

 

[الباسمه]

مشكووره حبيبتي على الافاده

 

[بمبة المفترسة]

افتحي حساب ثاني لج وسوي استقطاع من حسابك الاصلي الي الحساب الجديد
وكل مايمعتي الف دينار سويهم وديعة والوديعة عليها ارباح بعد
والنقطة الثانية استثمريهم يعني اشتري شقة بالاقساط 290 قسط شهري او اشتري ارض

 

[<<لمار>>]

فتحيلج احسلب بالبنك ولاسوى جمعية

 

[الباسمه]

مشكووورين حبايبي على مروركم

 

[ودي***أفرح]

الله يعطيكم العافيه على النصايح الحلوه.......عاد أنا ما يبقى من معاشي إلا 250دينار فقط لا غير والحمدلله مشيه حالي فيهم..يعني روحات السوق خفت حييييل والمطاعم مره كل اسبوعين والحمدلله عايشين.........

 

[لؤلؤية]

ما شاء الله عليكم يا بنات افكاركم اتينن

 

[الباسمه]

حياج ام فيصل
ومشكورين يا بنات على مروركم وافادتكم
ونطمح للمزيد من الافكار

 

[الباسمه]

اب
اب
اب

 

[ή ő 0 и Ч *]

الله يعين كلناآ معآشتنآ مآفيهآ بركه ,,

آب ,,