للطالبات المتغربات في اوروبا و امريكا ,,,شنو تاخذون معاكم ؟؟

[LuLiTa]

سلااام عليكم :ggdw:,,,


حبايبي قلبي ,,, اول شي الله يوفقكم في دراستكم و يعينكم و يسهل عليكم و يحفظكم لاهلكم و ان شالله ترجعوون ديرتكم سالمين غانمين و بشهادات ترفع الراس:q8:,,,,




و هم متغربين بديرة بعيدة و مو مسلمة فحالنا يكون شوي مختلف ,, ف بعرف شنو تاخذون معاكم اغراض من الكويت على حزت السفر ؟ شنو اهم شغلات تركزوون عليها ؟؟ _03BA:​

 

[mr000]

حبيبتي الله يوفقكم كلكم ويردكم الديره سالمين وباعلى الشهادات ان شاءالله شوفي حبيبتي آنا نخططه أشتري حق ولدي شغلات مع ان هو موراضي ياخذ غير هدومه بس آنا ماعلي منه بحطله شغلات أدري انه راح يحتاجها علما يستقر وتالي هو يشتري اللي ناقصه..شراشف 2/ مخدات2 ينباعون مضغوطين بكيس نايلون يعني ماياخذون مكان بالحنطه..صحون وقفاش واكواب بلاستك..بعض الشغلات حق المطبخ..جدر..مقلى..بطانيه..مادري بعد ياريت البنات اللي سافروا يقولون لنا وعلى فكره آنا سمعت أن الطلبه مسموح لهم ب50 كيلو وزن لما يروحون يعني في مجال تاخذين أغراض وايد..آنا شكلي بحط نفس سؤالج في قسم المغتربات لأن هناك فيه طالبات وايد أو اللي رايحين مع أزواجهم..

 

[mr000]

سوووري عالبدليات نخططه= مخططه ...الحنطه= الجنطه

 

[LuLiTa]

حبيبتي الله يوفقكم كلكم ويردكم الديره سالمين وباعلى الشهادات ان شاءالله شوفي حبيبتي آنا نخططه أشتري حق ولدي شغلات مع ان هو موراضي ياخذ غير هدومه بس آنا ماعلي منه بحطله شغلات أدري انه راح يحتاجها علما يستقر وتالي هو يشتري اللي ناقصه..شراشف 2/ مخدات2 ينباعون مضغوطين بكيس نايلون يعني ماياخذون مكان بالحنطه..صحون وقفاش واكواب بلاستك..بعض الشغلات حق المطبخ..جدر..مقلى..بطانيه..مادري بعد ياريت البنات اللي سافروا يقولون لنا وعلى فكره آنا سمعت أن الطلبه مسموح لهم ب50 كيلو وزن لما يروحون يعني في مجال تاخذين أغراض وايد..آنا شكلي بحط نفس سؤالج في قسم المغتربات لأن هناك فيه طالبات وايد أو اللي رايحين مع أزواجهم..

مشكوورة عالرد حبووبة ,, و هم ينفعه تاخذين له شوية اكل يقزر فيه اول اياام مثل قيمر جبن قلاص و نودلز و شوربة ناشفة و حليب ناشف على ما يدل السوبر ماركت و يتعود عالمنطقة ,,, و هم اخذيله غلاية الماي مالت السفر تلقينها بالغانم و الاسواق الشعبية ,,,و هذول من الشغلات اللي حاطتهم ببالي ,,,

 

[mr000]

أي ذكرتيني بالغلايه وهم الاوتي وعلاقات حق الملابس..بس المشكله بالأكل.. اللي قلتيه كله ماياكله .. بس يحب فطاير زعتر والله مادري آخذله درزنين ولا ثلاثه ويحطه بالفريزر هناك..

 

[LuLiTa]

اذا كانت اول مرة يسافر فيها ولدج ف يمكن يقعد بالفندق جم يووم على ما يحصل سكن ,, ف الاكل المثلج يمكن يخيس ,,,

بس اذا كااان عنده شقته جاهزة ف ممكن ياخذ معااه ,,, و في بالجمعيااات فطاير مثلجة و جباتي مثلج ممكن ياخذها معااه ,,

 

[LuLiTa]

بالنسبة للطالبات ف احنا اغراضنا تختلف شوي عن اللي مسافرين للسياحة ,, و عشااان جذي مهم انج تاخذوون هالشغلاات معاكم ,,,

مترجم الكتروني مال الجيب تلقوونه بالغانم ,,,
لاب توب ,,تاكدوو انه مفرمت و شاحنه يركب على فيش الدولة اللب بتسافرون لها ,,
صور شخصية , و صورة البطاقة المدنية و صورة الليسن للاحتياااط ,,,
ملف اتحطوون فيه اوراق الجامعة و اوراق السفارة و يكوون يتصكر عدل و ضد الماي و ينحط بجنطة ايدكم بالطياارة ,,,
مبخر كهربائي ,,عشاان مو كلش يخلص الفحم و تقعدوون ادوروون ,,,
بهارات كويتية مشكلة ,,,
اي شي تبوون من النت طبعووو على طوول و انتو بالديرة لانه يمكن ما اتحصلوون نت اول ايام ,, و عشان تشبكوون بالنت مال الجامعة لازم اتكونون خالصين التسجيل عشان يصير عندكم يوزر نيم ,,
مصحف و كتيبات الادعية الصغار عشااان ما ياخذوون مكان و تقدروون اتكودون على راحتكم ,,
صور الاهل و العايلة ,,,



و هذووول اللي في بالي ,,,

 

[mr000]

لوليتا هو المفروض بيقعد بشقه مع ربعه..في شغله كانت موجوده قبل بس ألحين قاعده ادورها حق سفرتي وحقه هي العلاقه البلاستك اللي نازل منها جلاليب تكون مدوره او مربعه مادري عرفتيها هذي تتعلق تكرمين بالحمام أو باي مكان تبين وتعلقين فيها الشغلات الصغيره لما تغسلينها مثل الملابس الداخليه والدلاقات ..وحق اللاب توب والشحن النقال فيه البلاك الدولي اللي هو يركب على كهربة كل دوله..شفته امس في bhs السالميه وكان مخفض على سعره من 8 لي دينارين..ولما اذكر بعد اشياء راح اكتبها ان شاءالله..

 

[LuLiTa]

لوليتا هو المفروض بيقعد بشقه مع ربعه..في شغله كانت موجوده قبل بس ألحين قاعده ادورها حق سفرتي وحقه هي العلاقه البلاستك اللي نازل منها جلاليب تكون مدوره او مربعه مادري عرفتيها هذي تتعلق تكرمين بالحمام أو باي مكان تبين وتعلقين فيها الشغلات الصغيره لما تغسلينها مثل الملابس الداخليه والدلاقات ..وحق اللاب توب والشحن النقال فيه البلاك الدولي اللي هو يركب على كهربة كل دوله..شفته امس في bhs السالميه وكان مخفض على سعره من 8 لي دينارين..ولما اذكر بعد اشياء راح اكتبها ان شاءالله..

حبووبة العلاقة البلاستيك تلقونها بالسوبر ماركت مال المنطقة او محلات بو باوند ,,, بس الاحسن تاخذونها من الكويت لانه باول ايام رااح يكوون مشغووول بالتسجيل بالجامعة و المراكض مع الملحق الثقافي ف ما راح يفضى يفتر بالمنطقة الا عقب 4 او 5 اياام او متى ما فضوو ربعه ,, العلاقة هذي افتكر تلقونها بالميرة(الفحيحيل) او دايسو او رامز ,,, انا الفحيحيل قريبة مني ف اخذها من هناااك ,,,

 

[mr000]

أي آنا قصدي قاعده ادورها هني بالكويت مالقيتها في كارفور ولا جيان في 360 بدورها بلوازم العائله..