سلام عليكم
شلونكم شخباركم يا عرايس
ان شاءالله بخير
بديت اجهاز من يوم الخميس
وخلصت البجايم الطوال واشورتات وقمصان النوم
ودرايع القصار ملابس الداخليه
وجم فلات حق شقتي وكلهم من ماكس بصحاري
وبخور ملكي من القرشي ومسك العروس
بس يبيلي جم قميص نوم ٣ او ٤
وملابس داخليه بعد يبيلي ٥او٩
وان شاءالله بروح اليوم اخلص العطور الفرنسي والبخور
بس حبيت اسأل عن موقع كتاولج اصلي مو تقليد
لانه بشوف العطور العطور اللي ابيها وبشوف وين الارخص وباخذ منه اذا كلهم اصلي*
اي يا قلبي موقع كتالوج اصلي اصلي كم مره طلبت منهم
وعندج معرض العارضيه قبال الافنيوز هم يبيع ارخص من المركز الفرنسي ووجوه وفي بسرداب الشايع جنه
العطور الفرنسيه اللي ارشحها لج مثل ما قالت قيم واخلاق شوبارد
زين من شيسيدو
لاكوست الوردي
كلوي الجديد
لاليك
الور من شانيل القديم
ايلي من سان لوران بعد
كوليستار الوردي
عطر ديفا هم حلو
عندج عطورات استي لودر حلوه بس اختاري اللي يعجبج مثل برايفت كولكشن
ديور ادكت النوع اللي يعجبج او ديور بيوزن هم النوع اللي يعجبج
:eh_s(7):
اشتري 6 الى 10 عطور فرنسيه
والباقي شرقيه
من اجمل عندج : قطرات مطر - وصال - ساكريفايس - تينز - خلاب
الرصاصي : دلع بنات السوده او الورديه - عنبر العود - بيور فيم - الخلطة الخاصه - رومانس - خلطة العود - خلطة اكوا كوثر - خلطة اكوا زينه
الشايع : سطور- حروف - هاجر - moon life - ومن عطورات سيد جنيد اللي عندهم :" بنفسج - سرور - طيوب - فنن " وللشعر عندج خمرية الشايع حلوه
من سويس اربيان :
عطر عبير - نوف - شي شي - سويت هارت - دهن عود ( عطر مبخر - شذا - نوره - كشخه ) ومجموعة كشخه سوواء بخور وبخاخ ودهن عود وخلطة فراش هم كتالوج يبيع منتجاتهم:eh_s(17):
البخور بعد يبيلج هم
مو بس الملكي
عندج العود المبخر من اجمل
او العود المميز من الرصاصي
او مثل ما قالت قيم واخلاق بخور راقيه من الرصاصي
وعندج بخور كشخه من سويس اربياان حلو ويهبل
اختاري نوعين بخور زياده + نوع واحد معمول
مثل معمول جبل علي من الرصاصي او معمول حنان من عطور العبدالمحسن لهم فروع واحد بجمعية الخالديه وفي بمجمع واره بالجهرا على الارض
وهم العبدالمحسن عندهم عطر حنان وجنى وحور حلوين هالعطور الـ3 + خلطة فراش حنان حلوه
وعندج الخلطات الحلوه هم من دار زكيه للطيب لههم فرع بالمنار مول الجهرا ومجمع المغاتير الفروانيه
الخلطات الحلوه
(انيس الروح - ثراء - الملكي - غنى الحياة ) هالـ4 سعرهم 10 دك مسوين عرض
لا تنسين مجموعات الجسم
من زهور الريف : سويت نكتار ( عطر ملابس - شور جل - بخاخ للجسم - لوشن)
من بدي سنتر :"مجموعة فيوليت حلوه "
من نكتار :"مس نكتار بس لا تشترينها كلها بس العطر وبخاخ الجسم والبودر و الشور جل واللوشن "
من بدي شوب :"مجموعة المسك "
خليهم 4 مجموعات جسم مفتخره مثل هذول وكل واحد ريحته تختلف وخلاص
