للعرايس اللي خلصوا من جهازهم كله ...قولولنا شنو شريتوا من عطور وميك وشوية شغلات ؟

[قاهره عذالي]

تمااااااام

 

[كلي لكـ]

دوم يارب

قهوره شرايج ودي اشتري الجناط الماركات ابي الاساسيه شانيل سوده و ابي من كارولينا و جيمي شو في جناط صعب تتقلد بهالماركات

بس ال في وغوتشي شكثر تقليدهم مابيهم

شرايج
لان الجناط العمليه تقريبا خلصتهم شريت 5 و وحده فخمه للدراريع والبدل

 

[قاهره عذالي]

شوفي انا نصيحتي اشتري الالوان الاساسيه (اسود ابيض رمادي كحلي بني بيج )
يمشون مع كثير ملابس
اما الجناط الماركه عادي لو جنطنين كشخه وحلوين ولونهم يمشي مع اي لبس
والباقي تقليد او اشياء ناعمه

وفي جناط ماركه يجيها جوتيها نفس الجنطه طقم
اشتري هالنوعيه 2

 

[كلي لكـ]

امممممم الابيض كلش مافكر فيه بسرعه يتوسخ خصوصا مع العبي

اي باخذ اسود اللي اهيا شانيل و بني كارولينا
رمادي امممممم مادري باخذ من اي مكان من الافينيو
بروح محل الاسطوره جناطهم حلوه واسعارهم معقوله


فديتج
مشكوووووووووووووره

 

[MISS-WAD0o]

ألسلام صراحه الموضوع روعه والله يجزاكم خير كلكم ياللي شاركتوا انا عروس سعوديه وانشالله جايتكم في الكويت وعرسي شهر تسعه وما بعد بديت :-(ببتدي اليوم او بكرا بس مو عارفه شنو ابتدي فيه<<<< بجيب العيد ههههه

 

[كلي لكـ]

اهم شي خلصي كل شغل اول ليله من بدله وطقم وساعه وشوز وحجوزات وقميص اول ليله

وبعدين خصصي كل اسبوع لشي وبتخلصين ان شاء الله

بلشي التفصيل لانهم ياخذون وقت

 

[MISS-WAD0o]

شرايك اتجهز بالكويت عندكم ولا تحسين نفس الشئ شنو تنصحيني عندكم بالكويت انا وحيد امي وضايعه وامي ماتعرف

 

[قاهره عذالي]

السعوديه عندهم الاسعار ارخص لان الكويت غاليه لو تجهزين اهني ينقص عليج المهر حيل
بنات الكويت وهم مهورهم اغلى مو ملحقين
روحي الخبر
اشتري ثوب الزفه والاكسسوارات والمكياج
والفساتين احلى

 

[كلي لكـ]

راي من راي قاهره عذالي

 

[كلي لكـ]

ياحلووووووووو الخبر عندكم روووووووعه

ويكفي جناط الماركه تنزل عندكم قبلنا

 

[MISS-WAD0o]

لبى قلوبكم ولله جعل ربي يوفقكم ويحقق لكم اللي تمنونه وانشالله اذا شريت شئ بقولكم

 

[كلي لكـ]

الله يوفقج ياقلبي ويسهل عليج وتخلصين تجهيز ويطلع تجهيزج حلو

بس عليج بالصدقه من المهر عشان ربي يبارك لج فيه

 

[MISS-WAD0o]

كلي لك شلون اسوي مثل عدادك لاني ودي بواحد مثله عشان اتحمس وانا مو داخله من الاب داخله من الجالكسي تاب <<<احس قلت فصه حياتي

 

[MISS-WAD0o]

الحمدلله اول ماجاني تصدقت الله يجزاك خير عالنصيحه

 

[كلي لكـ]

حبيبتي ضغطي على عدادي يطلع لج الموقع عاد اتبعي الخطوات وكل شي يصير اوكي

 

[يالبيه 17]

هذا الرد لكتكات احمر

ابي اجمع لج

احسن 3 مجموعات عطور فرنسيه لللعروس وفعلا عرايسيه وحلوه

مجموعة عطر نيور من فكتوريا سيكرت اغلب العرايس تشتري عطره

مجموعة كوليستار الوردي يهبل وصج اغراء وواجد بنات اكتبوا عنه مواضيع انه صاك على كل العطور اللي في هالصدد وخساره عروس ماتشتريه خاصه اول الايام تسبحين وتحطين لوشن هالعطر وهو خالي من الكحول يعني عادي ينرش ع الجسم على قميص النوم ع الشعر

وعندج عطر لوي حلوو وكمجموعه بعد حلوو

حيل محبوب هالعطر خاصه البنفسجي
وعندج عطور كارولينا هريرا فيها فرنومات

وتصلح لللعروس
مثل هذول

هذي عطور كاورلينا اللي فيها فورمات وحيل ماشيه للعرايس

وهم عندج عطر كوليستار الوردي

وعطر لوي ونيور من فكتوريا سيكرت

وانتي اختاري 3 حسب ميزانيتج

وهذي كعطور حلوه تكون كشكل طقم لان فيها اغراء

قاهره ياقلبي

مجموعه نيور منن فكتوريا سيكرت صح ؟

زين وكوليستار وين احصلها بفكتوريا سيكرت بعد

 

[قاهره عذالي]

لا كوليستار تحصلينها بالمركز الفرنسي
ونيور من فكتوريا سيكرت

 

[*باروكة شعـر*]

شوفي عطر الور شانيل القديم حلوو للعروس اول يوم

وعندج عطر لاف كلوي الجديد يجنن

وعندج عطر لاليك الاسود حلوو وفيه ريحة بخور وقوي تحسينه يصلح حق اول ليلة بالعرس

وعندج هم عطر ديور ادكت الكحلي او الازرق اللي يعجبج

هذي كلها عطور حلوه وقويه وتصلح حق اول ليله وانتي اختاري :rerrerek:

اي بحطهم باللسته اروح اشمهم ..

بس قاهرة عذالي بسألج عن العطور
يعني اول اسبوع لما يكون فيه زوارات عند حمولتي احط عطر واحد عشان يثبتون ريحتي
والا انوع . ونفس الشي عند ريلي احط عطر واحد حق القمصان كل يوم والا انوع ؟؟ وهل استعمل عطر اول ليله لمدة اسبوع معاه وعقب اغير . حييل افكر بالعطور

 

[قاهره عذالي]

لا يا قلبي
التنويع خاصه بالشقه وللزوج حلو
لان الرجال يمل اذا ريحتج دايم وحده
يعني بالنهار عطر خفيف وهادي اول ماتقعدين من النوم
وبالليل عطر شوي ثقيل وقوي
وللمناسبات والزوارات عطور قويه وثقيله
وتكونين مبخره هدومج وشيلتج وكل شي وهدومج وهي معلقه بعد التبخير رشي العطر عليهم
يثبت العطر اكثر من لما تكونين لابسه هدومج وترشين عليها العطر

اذكر زوجي كنت ارش له دايم بالليل عطر كوليستار مع انه حلوو قبل كان يستانس عليه بس عقب مل وقام يقولي بس هذي ريحتج وحده ماتغيرينها
فحلووو انج كل حزه عطر شكل
يعني الصبح اول ما تقعدين عطر لاكوست الوردي او شوبارد او قطرات مطر من اجمل او ساكريفايس من اجمل او رومانس وبيور فيم من الرصاصي كلها عطور خفيفه وهاديه وبارده وتصلح للنهار والصبح
وبالليل عطر شوي قوي مثل العطور اللي حطيتها لج مثل ايلي من سان لوران ووصال من اجمل وعطر خلاب من اجمل وعطر غرامي هم من اجمل ولجين من اجمل هالعطور القويه شوي وحلوه لليل وللمناسبات
اما بالليل قبل تنامين اسبحي سبوحج واستخدمي الشور جل حق مجموعة من مجموعات الجسم الللي تختارينها مثل مجموعة المسك من بودي شوب او فيوليت من بدي سنتر او سويت كاميليا من زهور الريف او مس نكتار من نكتار هالمجموعات جدا عرايسيه وحلوه وعقب تنشفين وتحطين لوشن المجموعه حق الشاور جل اللي تحممتي فيه وعقب ترشين بخاخ الجسم وعطر الشعر عقب التجفيف بالاستشوار وتحطين شوي من مسك العروسه من القرشي على رقبتج من ورا وورا اذانج ومسحه على فخوذج وشوي على رسغ ايدج مكان النبض وتاخذين عطر المجموعه حق الملابس وترشينه على قميص النوم او اي عطر حلوو فيه اغراء مثل عطور كارولينا هريرا اللي سكسي 212 وسكسي في اي بي ووتجيبين خلطة فراش مثل اكوا كوثر او اكوا زينه من الرصاصي او كلونيا اشرقت من اجمل وترشين على البطانيه حقت السرير ومكان نومج وتشغلين بخورج وتبخرين غرفتج والشقه
لازم العروس كل ليله هذا جدولها وتنوع لان عطر واحد بيمل الرجال وما عاد يغريه تصير ريحته ممله
مثل ما انتي لو ترشين نفس العطر كل يوم بتملين من ريحته

وموفقه ياقلبي

 

[كويتية فاهمة]

موفقين يا عرايسنا<<<<<<<<<<وانا بعد وياكم

صج بسأكم:
ودي تكتبون رؤوس اقلام كل شي تحتاجه العروس للتجهيز
مثلا: عطور عربية
عطور فرنسية
ساعة لاول ليله
فديييييييييييييييييييييييييييتكم يالغوالي ادري ماراح تردوني