للعرايس اللي خلصوا من جهازهم كله ...قولولنا شنو شريتوا من عطور وميك وشوية شغلات ؟

[قاهره عذالي]

ولله استفدت منكم يا بنات و اشكر قاهره عذالي وقيم وباقي البنات ماقصروا الله يجعله في ميزان حسناتهم وللله يوفقكم بس ابي اسالكم طقم الفوط مال الحمام لازم اشتريله بعد قصدي لزوجي ولا طقم بلحالي

اشتري طقمين
واحد اوف وايت وواحد ملون واحد قصير وواحد طويل
كتنويع
وطبعا الطقم يجيج بكرتونه لج وله وموجود بكثره بكل مكان
المكان اللي يبيع بطانيات العرايس يبيع اطقم فوط حلوه واكسسوار حمام

عندج الشاهبندر الجهرا على الارض في محل ملابس اطفال وبطانيات واكسسوارات حمام وفوط واطقم فوط وبطانيات عرايس:eh_s(7):

 

[قاهره عذالي]

بنااااااااات

ودي اعرف شنو البخووور اللي شريتوووه للاستخدام الشخصي يعني لي انا ؟؟؟

ابي شي يديد .. ؟؟

لان انا شريت بس ماعرف شنو اللي بخليه حقي وشنو اللي بخليه للبيت ..

ودي اشتري واحد حقي ..

وبعرف مكان القريشي وين ؟؟ قالت لي عنه حنون بموضوع العطور بس ماعرفته ؟؟

انا اقولج البخور اللي جربته وعجبني

بخور المميز من الرصاصي

بخور كشخه من سويس اربيان

بخور المعاريس من امل الكويت

ويمدحون بخور شموخ من الرصاصي وبخور راقيه بس ما شميتهم

وعندج معمول حنان من العبدالمحسن حيل حلوو

وهم بخور عود معطر من اجمل روووووووووعه وعليه اقبال كبير كثير ناس تستعمله :eh_s(7):

 

[قاهره عذالي]

ياربي شكثر اعاني

القرشي كل مكان نفس حالتي محتارة بالبخور
تلقينه بالبيرق - الحمرا مول
صراحة مااعرف بالبخور وايد نبي من يساعدنا
بس يمدحون
الملكي من القرشي وسفاري انا شميت الملكي ماعجبني بس ماشفت سفاري ودي اروح مرة ثانية

اذا ما عجبج الملكي من القرشي

شوفي بخور المعاريس من امل الكويت
وبخور المميز من الرصاصي
وبخور شموخ وبخور راقيه من الرصاصي بعد
وبخور كشخه من سويس اربيان يجنن
وعندج معمول حنان من العبدالمحسن حيل حلووو
ومن اجمل بخور عود معطر هم في ناس حيل تحب تستعمله ويجنن بعد :eh_s(7):

 

[قاهره عذالي]

شريت بجامه مع الاندر وير مالها وفلاتها
من ومن سكرت


شريت بجامه حرير ٣ قطع بنطلون وشورت ومثل بلوزه دانتيل من الطاهر
لونها ذهبي
تيننن


فديتكم ياعرايس والاه انكم خواتي

ترا البجايم اكثر شي تستهلكه العروس
خاصه اذا لها شقه لحالها والبجايم الحراير ع اللبس حلوه
شوفي ماكس ترا في بجايم حراير حلوه :eh_s(7):

 

[كتكات احمر]

العطور الفرنسية شطبت عليهم
والبخور ان شاء بروح اشوف مرة ثانية
بس جم دهن عود اشتري؟؟
شفت الشايع اشراق وجمان حلوين وناوية عليهم اثنين كافي ولا ازيد؟

 

[قاهره عذالي]

شوفي دهن عود : اسمه عطر مبخر يجنن والله اخر فتره هبيت فيه جني مبخره امشي خاصه بعد السبوح وعقب ماتحطين اللوشن والديودرنت حطي ورا اذانج وورا رقبتج وشوي على كتوفج واماكن النبض جني فواحه وسعره 2ونص جنه

وعندج مسك العروسه من القرشي لا تنسينه

4 دهن عود يكفون

 

[كتكات احمر]

شوفي دهن عود : اسمه عطر مبخر يجنن والله اخر فتره هبيت فيه جني مبخره امشي خاصه بعد السبوح وعقب ماتحطين اللوشن والديودرنت حطي ورا اذانج وورا رقبتج وشوي على كتوفج واماكن النبض جني فواحه وسعره 2ونص جنه

وعندج مسك العروسه من القرشي لا تنسينه

4 دهن عود يكفون

من وين قهورة ؟ :eh_s(17):

 

[قاهره عذالي]

يووه نسيت اكتب من ووين

من سويس اربيان

 

[كتكات احمر]

ركضضض
جزاج الله خيييير

 

[قاهره عذالي]

العفووو وبشرينا عنج
وطمنينا عن جهازج اول باول والله يتمم عليج ويطلع جهازج احلى جهاز

 

[كتكات احمر]

لما اخلص كل شي ان شاء الله بكتبه بالتفصيل باذن الله للعرايس الي توهم
<<< كاشخة لووووووول

 

[كتكات احمر]

بس بسالكم متى اسوي برنامج العروس جم شهر قبل العرس ؟
وجم يكلف؟ ابي شي رخيص
ودي اسوي برنيم او الشرقية بس بعرف الي سوت جم كلفها ؟؟

 

[قاهره عذالي]

بس بسالكم متى اسوي برنامج العروس جم شهر قبل العرس ؟
وجم يكلف؟ ابي شي رخيص
ودي اسوي برنيم او الشرقية بس بعرف الي سوت جم كلفها ؟؟

انا سويته 10 ايام قبل العرس
وفي برنامج قبل العرس باسبوع
حسب الصالون والعروض وكم حمام تبين
وفي قبل العرس بشهر وفي قبل العرس باسبوع
حسب عدد الحمامات
لان لازم كل حمام بينه وبين الثاني 5 ايام
يعني اذا تبين 4 حمامات بشهر يكون
وبين ايام الحمامات يتوزع الشغل من حف بديكير حمام زيت نقش حنه وتشقير وبروفين للجسم او رجول وايدين

 

[كتكات احمر]

ايهو احسن اخذ قبل شهر ولا قبل باسبوع؟؟

 

[يالبيه 17]

مشكله ماعندي خبره بالالماس كله واسعاره

بس شوفي بعد شوي ابي ارسل لج تقسيمه عدله للمهر ان شاء الله صبري علي:eh_s(15):

اوكي ياقلبي ناطرتج :eh_s(17):

 

[يالبيه 17]

كتكات اخذي قبله بشهر احسن والله

 

[كتكات احمر]

انا مو وايد مع الحمامات المغربية بس باخذ بنصيحتكم انزين مو تدرون جم يكلف ؟؟
100 - 200 ؟ عشان احسب ميزانيتها من الحين

 

[قاهره عذالي]

حسب الصالون

انا كان جنه 3 اسابيع بشي و60دك

واخترت 4 حمامات

 

[يالبيه 17]

انا مو وايد مع الحمامات المغربية بس باخذ بنصيحتكم انزين مو تدرون جم يكلف ؟؟
100 - 200 ؟ عشان احسب ميزانيتها من الحين

امممم الحمام المغربي اسعاره من10 او15 ومايتعدى ال20 على حسب الصالون نفسه

 

[قاهره عذالي]

حنا بالجهرا في صالونات الحمام المغربي على 5 و8 و9 و10 اكثر شي

بس يطلعونج نظيفه صج وقدامج تشق قرطاس الليفه المغربيه واذا خلصتي الحمام عطتج الليفه