للعرايس اللي خلصوا من جهازهم كله ...قولولنا شنو شريتوا من عطور وميك وشوية شغلات ؟

[هدوووشه]

بعد قلبي قهوورة

طيب شنو احلا ريحة فيهم ؟

 

[ام حديجان]

قهورة شلوونج

جزاج الله خير عالموضوع وكل من كتب وفادنا

عرسي شهر 8 ثاني العيد وحدي معتفسه مادري من وين ابدي تجهيز

توه تملكت الاسبوع اللي طاف وبسرعه تحدد

عندي شهرين ورمضان

 

[قاهره عذالي]

بعد قلبي قهوورة

طيب شنو احلا ريحة فيهم ؟

حسب الريحه اللي محطوطه بالعلبه

بس عندي احلى شي روايح الزهور

 

[قاهره عذالي]

قهورة شلوونج

جزاج الله خير عالموضوع وكل من كتب وفادنا

عرسي شهر 8 ثاني العيد وحدي معتفسه مادري من وين ابدي تجهيز

توه تملكت الاسبوع اللي طاف وبسرعه تحدد

عندي شهرين ورمضان

مبروك وعسى الله يوفقج

3 شهور في وقت ان شاء الله

بس اول شي لازم تقسمين المهر صح

سوي تقسيمه وميزانيه حق يوم الزفه وحق ثاني يوم الزفه

والباقي سهالات ان شاء الله

طمنينا عليج
يبيلج تبتدين عنايه بالبشره والجسم

احسن شي تروحين عيادة جلديه وكريمات طبيه احسن من خلطات العطار

وابتدي حمامات مغربيه كل اسبوعين او 10 ايام حمام واهتمي بترطيب جسمج بلوشن مو معطر

وبالنسبه للاماكن الداكنه بالجسم

شوفي العيادات اللي تسوي تقشير احسن

الذهب عزلي له من المهر

الدراريع ابتدي فصلي من الحين

حسب اذا ساكنه برا او ببيت حموله

يبيله نعرف تفاصيل اكثر ذا ساكنه برا اة داخل بيت الحموله ..
المهر جم عشان نعرف نقسمه

العرس بيت او صاله

وخلج معانا

 

[ام حديجان]

تسلمين ياحياتي الله يبارك فيج

الحمدلله عنايتي من زمان بادية فيها وماكو مناطق سودة كله قضينا عليه
حتى ليزر خالصة جسمي من سنة مبلشة الجلسات

بس الحين مشكلتي بالتجهيزوالسوق

السكن برا والمهر 8

تهقين يمدي شهرين لان برمضان ابي اتفضى لنفسي مو اراكض بالسوق

 

[لوزين]

التجهيز يختلف اذا مع الحموله او برا؟

 

[لوزين]

ساعات اقول بجهز بكميه معقوله من البدل ودراريع الاستقبال لان السوق قريب بس اخاف تصير عزايم واستقبالات واتوهق

جم بدله استقبال اجهز وجم دراعه وجم بدله عاديه؟


التجهيز صعب

»منهااره نفسيا

 

[قاهره عذالي]

تسلمين ياحياتي الله يبارك فيج

الحمدلله عنايتي من زمان بادية فيها وماكو مناطق سودة كله قضينا عليه
حتى ليزر خالصة جسمي من سنة مبلشة الجلسات

بس الحين مشكلتي بالتجهيزوالسوق

السكن برا والمهر 8

تهقين يمدي شهرين لان برمضان ابي اتفضى لنفسي مو اراكض بالسوق

يمدي ان شاء الله بس بلشي حجوزات ثوب الزفه - المصوره - المكياج - المسكه خشي لها فلوس


فعلا صاجه رمضان مو مال فرارة سوقه بس حلوو تنزل موديلات جدد للعيد بس الله يعين ع الاسعار تغلى

انتي الحين

اشتري قميص اول ليله من نعومى + قمصان طوال مع روباتهم من كذا لون نوعي فيهم + القمصان باقي الانواع

اشتري ملابس داخليه

طقم فوط واكثر من طقم ارواب للحمام

دام السكن برا ركزي على لبس الشقه اكثر من الدراريع يعني اشتري بجايم حرارير وترينغات ودراريع قصار

سوي لج دراريع فخمه نظام حراير وشيفونات

خلصي من النعال تكرمين والجواتي واختاري الالوان الاساسيه منهم

اشتري ذهب اصفر خلصي منه لان الحين الذهب نزل

حق الزفه اشتري اكسسوار احسن

حاولي تخلصين الملابس بجميع انواعها من قمصان ملابس داخليه دراريع بدل بجايم عبي والشنط والجواتي تكرمين مع الحجوزات

يعني خصصي يوم لكل شي

اما المكياج والعطور قبل العرس بشهر احسن عشان ما يختربون

رورحي للسوق اللي تلقين فيه


انتي هونيها وتهون

3 شهور ترا كافيه ان شاء الله اذا عارفه انتي شنو بالضبط يناسبج وعارفه شنو تبين وعارفه بالمجمعات والمحلات


خلينا نتواصل اهني اذا عندج اسئله على الاسوقه

انا اشوف اذا مستلمه المهر بلشي من هالويك اند :eh_s(7):

 

[قاهره عذالي]

ساعات اقول بجهز بكميه معقوله من البدل ودراريع الاستقبال لان السوق قريب بس اخاف تصير عزايم واستقبالات واتوهق

جم بدله استقبال اجهز وجم دراعه وجم بدله عاديه؟


التجهيز صعب

»منهااره نفسيا

لا تنهارين ولا شي

سهاله حبيبتي

افرحي يا حياتي

هذي احلى ايام باجر تذكرينها بفرحه ان شاء الله

بالنسبه لسؤالج يعتمد اذا ساكنه ببيت حموله او لا ؟ مهرج جم ؟؟

شوفي حبيبتي

روحي العربيد فصلي دراريع

10 دراريع ناعمين يعني طقة 15 و12 دك وسوي دراريع قصار بعد من ضمن العشره

وسوي الفخمات من 6 الى 8 دك وخليهم نظام شيفونات وحرارير رزه اكثر

بس مو مشاغل اذا مشاغل بس سوي بدلتين حق الطلايع اللي هي العزيمه اللي عند اهلج بعد العرس باسبوع واذا سووا اهل زوجج عزيمه ورا العرس مباشره اللي ماتكون مسائيه او صباحيه لاا عزيمه عاديه اما الباقيات اخذي من العربيد او روحي مجمع العالميه مول فوق في محلات دراريع حيل حلووه ويضيقونه عليج ويقصرونه ببلاش وفخمين بعد بس يعتمدون ع الذوق

شوفي

حطي ببالج العروس اول ما تجي بيت الحموله بيجون واجد ناس يسلمون ويشوفون العروس الجديده

فلازم تفصلين وتكونين محتاطه


انتي كم بقى من مهرج

ومتى عرسج

وشنو خلصتي ؟؟

واجد في اسئله عشان اقدر ارد عليج صح واشور عليج

 

[قاهره عذالي]

التجهيز يختلف اذا مع الحموله او برا؟

اي حبيبتي يختلف

اللي ساكنه ببيت حموله يبيلها دراريع واجد وتكثر من الدراريع الناعمه اللي تلبسهم للحموله

لان راح تنزل عليهم كل عصر وتقعد معاهم

لازم يكون عندها دراريع تنوع

اما اللي بره تجيهم بالاسبوع مره والا مرتين

فتركز على ملابس الشقه والبيت اكثر من الدراريع وتسوي دراريع فخمه ودراريع استقبال بس مو محتاجه كثير دراريع ناعمه حق الحموله

 

[لوزين]

مهري 6000

صرفت 1000 على قمصان وبجايم وجم بدله ناعمه وجنزات
مابي بدله بيضا غاليه ابي شي بسعر معقول والمسكه بعد والصالون يمكن 380 كلمتهم اسال عن اسعارهم


انا احتمال مع حموله واحتمال لا للحين ماحددوا

 

[a7saaas_20]

مرحباااااااااا
داااائما مميزه قهوره
عسى ربي يوفقج ويسعدج فديتج

بغيت اكسب شوي من خبرتج
ابي افضل انواع الزيوت العطريه من بودي شوب والاعواد العطريه

هم ابي اعرف بخور زينب وين مكانه باي محل
خلطة فراش سلمى وين احصله
وشموع جليد وين احصلهم الي بالفراوله

ياليت القاه بالجهرا


ومشكووووووووووووووره

 

[العنودبنت علي]

يسلموووووووووووووووو

 

[قاهره عذالي]

مرحباااااااااا
داااائما مميزه قهوره
عسى ربي يوفقج ويسعدج فديتج

بغيت اكسب شوي من خبرتج
ابي افضل انواع الزيوت العطريه من بودي شوب والاعواد العطريه

هم ابي اعرف بخور زينب وين مكانه باي محل
خلطة فراش سلمى وين احصله
وشموع جليد وين احصلهم الي بالفراوله

ياليت القاه بالجهرا


ومشكووووووووووووووره

بخور زينب موجود عند العطارين

الزيوت العطريه اللي بروايح الزهور حلوه

خلطة فراش سلمى كشخه موجوده بمحل سويس اربيان هذول لهم فرع بواره على الارض يم محلين احمل والرصاصي

بالنسبه لشموع الجليد ما اعرفهم والله

 

[بروريتآ]

آنا مهري سبعه والحمدلله ... صراحة ودي آسوي كل شي ماعادا بدلة العرس آبيهاااا رخيصة وعادية جدا جدا جدا لانه يوم واحد وخلاآآآآآآآآآآآآآآآآص كلن يروح بيته ههههههههه !!

مفكرة آشتري خمس عطور فرنسيه و 3 شرقي وبخخخوووور عشقي البخور :$
مع طقمين عطر بس !

مو لبيسة دراريع اناااا شنو الحل ​

 

[ام حديجان]

^ طحت لي على وحدة بالاندلس تجيب الفساتين من فرنسا وايطاليا بالليبل مالهم والاسعار حول 700 شري مع الطرحة
وتوفر لج مسكة اذا تبين

رحت لها السبت اخذت موعد
وشريته مع طرحته ب 650 ويهبببببل <3 <3

وتعدل لج اذا تبين وتسوي الطرحة على مزاجج

عندها حتى فساتين فيرا وانغ !
شايفتهم بالحمرا على ثلاث الاف وطالع !!

هذا حسابها بانستغرام اخذي موعد وروحي شوفي

lulumakw

 

[ام حديجان]

سلام شلووونكم

الحمدلله احس نص الهم راح بس خلصت الثوب الابيض

وشريت اطقم الذهب

داماس عندهم شغلات حلوه وذربة والزمردة بعد

ورحت معرض هلا رمضان ب360 اخذت لي بدلة من " اشغال كويتية "

وعالويكند الجاي بخلص حجوزات الصالون والمصورة

مفكرة ب صالونه " مع منار احلى "
ومصورة " الهام معرفي "

شرايكم فيهم !

 

[قاهره عذالي]

منار مايعجبني مكياجها شفته على رفيجتي

للحينها تحط كحل ازرق داخل العين

احسه قديم

والله مصور معرفي والراعي ومرايم والاسيل سمعت مدح

بس الصور اللي اعجبوني صج من مصور اسمه باباراتزي يقولون مكانه بمجمع البستان شفت البوم عرس رفيجتي منه التصوير فضيع وفيه احتراف بس غالي شوي ب750 دك




بالنسبه للدهمشيه

الله يبارك لج بمهرج يارب

انا اشوف عطورج كلش شوي الا اذا انتي موظفه وتقدرين بعد العرس تشترين على كيفج ومخليه المهر للاشياء المهمه

اذا عرسج صاله وناس واجد

انا اشوفها انها ليله بالعمر

قطي عليها عشان الكل يتذكر ثوبج شلون كان حلووو

اما بالنسبه للدراريع تقدرين تفصلين دراريع على شكل نفانيف طوال او دراعات قصيره

 

[لوزين]

اب

اب


اب

 

[{ غصن البآن }]

آب



بنات استفيدووا