للمتداولات في بورصة الكويت .. كيف تحققين 3000 دينار شهريا دخل صافي من البورصة

[كيوت_25]

كيوت 25 اسمحي لى انى ارد عليج
انتى جم سهم تبين ؟؟؟
يعنى تبين تشترين من السوق الرسميى والا الكسور ؟؟؟

و الله اختي ما ادري كسور ولا رسمي بس انا عندي 3000 دك و ودي مثل ما قلت لج اني اشتري سهم بنك بوبيان و انام عليه فما ادري اذا هالشي يصلح بالسوق الرسمي ولا الكسور ؟!؟

و بالنسبه لسؤالي الثاني (( الصناديق الاستثماريه يا ليت تقولين لي شنو احسن صندوق بس يكون اسلامي ولا تقولين لي العسجد اكس اكس اكس خسرت فيه ليما قلت بس ))

و مشكوره حبيبتي على اهتمامج بالرد على استفساراتنا :tek:

 

[جمايل]

اخت شوروك شكرا علي عرض تجربتج وعلي هالمعلومات القيمه انا حابه ادش السوق الامريكي شلون افتح حساب واي هو احسن بنك للتداول وجم يكون المبلغ وهل اهو بالعربي وشنو احسن الشركات طبعا اللي اعرفه ابتعد عن اسهم البني وجم اقل قيمه بالدينار الكويتي والله يعينج اسالتي واجد وتقبلي تحياتي

 

[shorok]

اخت شوروك شكرا علي عرض تجربتج وعلي هالمعلومات القيمه انا حابه ادش السوق الامريكي شلون افتح حساب واي هو احسن بنك للتداول وجم يكون المبلغ وهل اهو بالعربي وشنو احسن الشركات طبعا اللي اعرفه ابتعد عن اسهم البني وجم اقل قيمه بالدينار الكويتي والله يعينج اسالتي واجد وتقبلي تحياتي[/QUO

ماعليه تأخرت بالرد عليج اختي جمايل توني اشوف سؤالج، بالنسبة لدخولج السوق الأمريكي في نقاط لازم تعرفينها اول شي ما انصحج تتداولين عن طريق البنوك المحليه او الشركات اللي مسويين نفسهم بروكريه بالكويت لأن حظهم طايح و معاملتهم زفت و ثاني شي مايتنفذ لج أمر الشراء او البع الا بعد ماتنغثين لذا انحج تفتحين حساب مع شركر ايتريد لأن لهم فرع في دبي و لهم موظفين عرب تقدرين تتصلين فيهم او تطرشني لهم ايميل و اهم يتصلون فيج بالتلفون و يفهمونج كل شي غير عن انهم يزودونج بستريمر مجانا و مشاركة مجانية في بريفينغ عشان تعرفين الأخبار اول باول و غير كذا برنامجهم فظيع تقدرين من خلاله تحليلين فنيا السهم غير يسمحون لج بمتابعة التداول لفل 2 و وايد ميزات .

بالنسبة للمبلغ اقل شي على ما ظن 2000 $

عن طريقهم تقدرين تتداولين في الأسهم و الأوبشن ، طبعا أسهم البني الجنون بعينه و علمه المفروض الواحد ما يخاطر فيها بأكثر من 500$ و الا بيصير قمار


بالنسبة للشركات بالسوق الأمريكي لاتعد و لاتحصى

لازم تدرسين كل القطاعات ( الصناعه ، التكنولوجيا ، الطب، النفط ....)
و تحددين الشركات الي تبين تتداولينها

انصحج تابعين اولا www.yahoo.com
و بعدين دشي على finance

شوفي كل ما يتعلق بالسوق الأمريكي

بالنسبة لموقع البروكر www.etrade.com
ماعليش بطلع هالحين بس ارجع اكمل لج الباقي

 

[اموله]

ياهلا اختى ومشكوره على نصايحج بس انا اضم كلامى مع الاخت بحر الرمال لوعندى راسمال 50000 عالاقل باضمن وجوده ولا خسارته لانه مبلغ كبير والعقار مهما نزل سعره مرده بيرتفع والعقار بالكويت زاد نشاطه وبارتفاع ملحووظ
خصوصا الايجار والبيوت بعد
وكل انسان له رؤيه ممكن لان لج خبره بالمجال اكثر فحابه تدخلين البورصه وعسى الله يوفقج ويزيدج غنى بالدنيا والاخره ولكل الاخوات موفقات
وسامحينى ع الاطاله

 

[مستثمرة بورصوية]

السلام عليكم

اسفة اني قطعت عن الموضوع فترة بسبب عض الانشغالات

واسفة اني ما قدرت ارد على الرسايل الخاصة من كثرها وكلهم يسالون عن الصناديق وعن افصل طرق الاستثمار وعن افضل الدورات وكيفية تعلم التحليل الفني وغره

اول شي انا مع شروق في كل كلمة قالتها واضح ما شالله انها مرت بتجربة جميلة في السوق المحلي و الامريكي

بالنسب للسوق الامريكي طبعا سوق محترم جدا جدا ويحترم التحليل الفني ويمشي معاه بالمللي .... بس هذا مو معناته ان سوقنا ما يمشي على التحليل الفني

بالعكس سوقنا يمشي على التحليل الفني تماما بس يبيله اول شي صبر ثاني شي يبيله تحليل صح مو تحليل المنتديات اللي كل واحد يرسم له اشوية خطوط احمر واخضر وجم كلمة يكتبها تحت التشارت وبعدين يقولنا هذا تحليل !!!

الاسهم ومؤشرات البورصة كلها تتمتع بمناطق دعم ومقاومة وهذا من اساسيات علم التحليل الفني ... ولو كان سوقنا ما يمشي مع التحليل ما كنا نقدر نحدد مستويات دعم ومقاومة المؤشرات و الاسهم ولا قدرنا نطلع الاشكال الفنية المتعارف عليها في التحليل الفني مثل السارية و العلم و الكوب و العروة و المثلثات و الأوتاد الصاعده و الهابطه و الرأس و الكتفين باشكاله و القيعان و القمم الثنائية و الثلاثية و القيعان المقعرة وغيرها من الاشكال الفنية المختلفة

يبقى ان سوقنا يعتمد ايضا على التوصية بس مو اي توصية ... في توصيات شخصية اتيي من ناس ثقة لما يقولك ادخل على السهم الفلاني تلقى السهم خلال يومين صاعد فوق واذا قالك اطلع تلاقي السهم نازل بعدها بيوم او يومين

بالنسبة للصناديق الاستثمارية ... من خلال متابعتي لاداء الصناديق خلال النسنوات الماضية لقيت ان افضل الصناديق اهي صناديق شركة الاستثمارات الوطنية وصندوق ايفا سنويا يحقق اعلى عائد

وعادة الصناديق تكون للي عنده راس مال صغير ويخاف من الشغل بالاعتماد على نفسه

لكن انا افضل ان اي متداولة تحب تشتغل في البورصة ان يكون عن طريق وسيط اللي يكون الاتفاق معاه عادة على توزيع الارباح سنويا ويشتغل مقابل نسبة من الارباح اللي يحققها من خلال التداول ... لان الوسيط اكثر شخص يكون عنده معرفة بالشركات اللي عليها شغل من خلال طلبات الشراء اللي يتلقاها من العملاء الكبار في البورصة بالتالي يشتري معاهم وبيع معاهم

انا شخصيا الحمدلله عندي وسيط اتعامل معاه مقابل 20% من الارباح ... بالاضافة الى عمليات البيع و الشراء الشخصية اللي اقوم فيها بنفسي

ومن الصوبين احقق ربح بفض الله سبحانه

 

[sKyLiTeGirL]

أبي أسأل خبيرات البورصه حبايبي ما سمعتو شي عن عقارات الكويت

نما إلى علمي إنها راح اتطييييييييييير>>>>>>شرايكم حبيباتي البورصويات؟

 

[sKyLiTeGirL]

وجيزان كل مالها في نزول شالسالفه؟؟؟؟ نبييييييييييييييع ولا نصبر؟؟؟؟؟؟؟؟

 

[@استثمار@]

انا لي تجربه في السوق الامريكي وبصراحه انصح فيه بس بشرط للي ايجابل او ايحط ليمت لسعر البيع والشراء

وعندي افضل وسيط اهو بنك الكويت والشرق الأوسط ويقدر يفتح لج حساب كبدايه ب150 دينار وايعطيج الاوسط برو

اتنزلينه على جهازج وهم ياهو الستريمر فري لحد عدد معين بعدين اذا بتزيدين وتبين توصيات منهم تدفعين ابتداء

من 30 دولار

والبيني ياما رفع ناس وحطهم مليارديريه وياما خفس بناس وخلاهم حفاي يعني مغامره

بس مايمنع اتحطين بشركه اتكونيين امتابعه الشارت مالها واذا فيه خبريه عليها واو موقعه عقد او اي شي

جذي ايشجعج تشترين فيها وهم تحرو الحلال؟؟؟؟؟؟ اشلون؟

اشوف الشركه اللي عليها توصيات شنو اختصاصها؟وهل لها مساهمات بالخمور والقمار او اي شي محرم او لا؟

عشان الله ايباركلنا في رزقنا

اي ونسيت اقل وسيط ياخذ عمولة بيع أو شراء اهو الأوسط برو(الشرق الأوسط)ياخذ 18 دينار ع العمليه

لأني قبل لا افتح فيه كانو الوطني توهم بادين ....ونفس الشي برقان ....كلهم يفرقون وايد عن الأوسط

وانتو تقدرون تستفسرون منهم أكثر بس حبيت أفيدكم

 

[kuwaitya_zoGaa]

و الله اختي ما ادري كسور ولا رسمي بس انا عندي 3000 دك و ودي مثل ما قلت لج اني اشتري سهم بنك بوبيان و انام عليه فما ادري اذا هالشي يصلح بالسوق الرسمي ولا الكسور ؟!؟

و بالنسبه لسؤالي الثاني (( الصناديق الاستثماريه يا ليت تقولين لي شنو احسن صندوق بس يكون اسلامي ولا تقولين لي العسجد اكس اكس اكس خسرت فيه ليما قلت بس ))

و مشكوره حبيبتي على اهتمامج بالرد على استفساراتنا :tek:

حبيبتى بالنسبه لج ... تقدرين تشترين من السوق الرسمي
5000 سهم ... والصناديق ما اقدر انصحج بشي معين ... ok
بس ياقلبى خليج متابعه يعنى مو تشترين السهم وتنسينه على الاقل طلى عليه كل اسبوع .
لانه البنوك تعتبر من الشركات الثقيله ... واذا ارتفعت .... تشب السوق واذا نزلت ماتتحرك الا عقب فتره طويله ... بس تعتبر من الاسهم الثابته .

 

[kuwaitya_zoGaa]

مستثمره بورصويه ...
انا مستغربه ... شلون عندج وسيط وتتعاملين معاه ؟؟؟
لانه ممنوع ... واداره السوق مانعه ان الوسيط يعطي اى نوع من انواع المعلومات ... مدير ادارة التداول سبق واجتمع بكل الوسطاء وعاطاهم هالتصريحات .

 

[ملاك-77]

جزاج الله خير عالموضوع استفدنا منه

بس والله لو عندي هالمبلغ وانا عليميه غشيمه

ماادخل فيه البورصه لان احتمال خسارتي اكثر من ربحي



يسلموووووووووووووو

 

[noorq8]

لاللمجااازفه بدخول البورصه قبل اخذ دورات بالتحليل الفني نصيحه من تجربه.

 

[اي اسم]

اختي مستثمرة بورصوية
انا ودي اعرف شالفرق بين السوق الرسمي ووسوق الكسور
وشنو ميزات وعيوب كل واحد فيهم
وهل تنصحيني اشتري عن طريق سوق الكسور اذا المبلغ اللي عندي ما يكفي اشتري وحدة كاملة من السوق الرسمي

وسلامتج وتعيشين
ومشكووووووووووووووووورة

 

[الزينة]

يعطيج العافية

 

[رشيقه]

بس سؤال ليش ما ارد اشتري من نفس السهم اذا كان مضمون بالعكس وخاصه اذا كنتي متابعه السهم من مده
فا مثل ما يقولون السهم الي تعرف احسن من الي ما تعرفوش

وبالنسبه للخمسين الف ربي يرزقنا من خيره

 

[رشيقه]

نور الكويت

قعديلج قعده قعدين مع فطاحلة البورصه و يعلمونج كل شي
ولا دوره و لا اتعبين نفسج

وفي الحقيقه البورصه كلها تعتمد على الاخبار باختصار شديد

 

[أريام]

خوش فكرة بس يبيلها راس مال وجرأة

 

[sweet-sugar-candy]

مشكورة

 

[غضى]

كرررررررررررهت البوصه دش فيها ابوي ب 90الف
وخسر 40الف عسىىى الله يعوضه

 

[on line]

موضوع حلو
متابعه
بس سمعت انه اقدر ادش بمبلغ 5000 هل هذي المعلومه صحيحه او لا؟؟
وتسلمين علي الموضوع الشيق