للي بدا تتعلم اللغة الفرنسية خطوة بخطوة... أهلا وسهلا

[Bnt_Lebnan]

بما انو اللغة الفرنسية بلبنان تعتبر اللغة الاساسية التانية مع العربي فحبيت اني شارككن بمعلوماتي عن اللغة وانشالله اقدر فيدكن باللي بعرفو....

بس قبل ما بلش بالدروس بدي اياكن تعرفوا انو اللغة الفرنسية مش صعبة زي ما نحنا بنتخايلها بس كمينا مش سهلة بدها تركيز وانتباه ومتابعة هيدا اهم شي...

كبداية رح اعطيكن بعض الملاحظات عن اللغة الفرنسية بشكل عام:
- كتابة الكلمات الفرنسية اصعب بكتير من نطق الكلمات لان طريقة الكتابة بتختلف كتير عن طريقة النطق علشان هيك لازم نحفظ الكلمة وطريقة اللفظ وكيف بتنكتب.. ورح اشرح بالتفصيل بالدروس الجاية.
- ثلث الكلمات الإنكليزية اصلا فرنسية. يعني اللي بتعرف انكليزي رح كتير يسهل عليها تحفظ المفردات الفرنسية
- حرف ال ر R ما بينلفظ الا إغ
- لما نبلش نقرأ او نحكي فرنسي بدنا نركز على اللفظ المزبوط لان احيانا نفس الكلمة بتنلفظ باكتر من طريقة وبيختلف المعنى حسب اللفظ...
- كل الكلمات باللغة الفرنسية لازم تكون يا اما مذكر او مؤنث كل الحروف والاسماء والضمائر والافعال يا مذكر يا مؤنث ما في اي خيار تاني.. وللأسف ما في اي طريقة لنعرف اذا هالكلمة مذكر او مؤنث الا عن طريق الحفظ. يعني لما نحفظ الكلمة بنحفظ معاها شو نوعها مؤنث او مذكر هيك بتكون اسهل علينا. وموضوع التأنيث والتذكير باللغة الفرنسية اساسي كتير كتير..
- الحروف الفرنسية 26 حرف وكلها مذكر...

هيدي الملاحظات الاولية وانشالله اذا لقيت حدا مهتم بنبلش الدرس الاول المرة الجاي مع L'alphabet حروف الابجدية وبنلفظها لالفابيه lalfabyh

 

[Heavenz]

الله

أنا مهتمه ..واتمنى اتعلم شوية فغانسي

يالله متة نبدي؟

 

[MisS iNdepndent]

يعطيج العافية عالموضوع و أنا حديييييي مهتمه يالله نبلّش

 

[still_waiting]

يسلمووووووو حبيبتي
وانا بالأدبي ويهمني حييييييل الفرنسي اتمنى تحطين اول درس ......؟
ناطرتج حبيبتي

 

[HAD.Lavender]

و انا بعد وياكم
و عندي معلومات شويا عن الفرنسي و حافظة جم كلمة و الارقام
يالا نبلش

 

[يارضاها وقف وناظر شوي]

Bonjour

this is how far I can go in French!!

waiting for you .....Bent_Lebnan

 

[Bnt_Lebnan]

انشالله بقدر فيدكن وتتعلموا اللغة الفرنسية ونصير نحكي كلنا فرنسي... انا كتير بحب هيدي اللغة وانشالله اقدر فيدكن

يلا نبلش بأول درس

L'alphabet
الحروف الابجدية

a
ah بس صوت ال h بيكون يادوب طالع

b
bayh كأننا عم نقول كلمة بيه بالمصري بس حرف الهاء ما بيطلع بيكون كتير خفيف

c
syh سيه وصوت الهاء اكيد مش طالع

d
dyh ده حرف الدال مكسور والهاء يا دوب مسموعة

e
ehh هيدا الحرف كتير بيستصعبوه اللي دارسين انكليزي بس لتلفظوه منيح حاولوا تلفظوه متل صوت حرف a بكلمة early او كلمة إه المصرية بس اكيد صوت حرف الهاء كتير خفيف يعني يا دوب طالع

f
eff حاولو تشدو على حرف الفاء إفف

g
jeh جه الجيم مكسورة والهاء يا دوب صوتها طالع

h
ash هيدا الحرف صامت اغلب الاوقات الا بحالات استثنائية بنجيلها بالدروس الجاية انشالله بالتفصيل الممل

i
ee إيييي بنمد حرف الياء

j
jee جييـــي كمينا بنمد حرف الياء

k
kahh كه حرف الكاف مفتوح وحرف الهاء يادوب طالع

l
ehll إلل حرف اللام بنشد عليه منيح

m
emm إمم كمينا حرف الميم بنشد عليه

n
ehnn
إنـن بنشد هلى حرف النون ليطلع مرتين
بس حرف النون في الو قاعدة انو اذا اجا اخر الكلمة بنلفظوا خفيف كتير يا دوب طالع

o
ohh أوه حرف الألف عليه ضمة وحرف الواو ساكن ويا دوب نلفظ حرف الهاء خلو الصوت مش مسموع

p
pay بي حرف الباء خفيف كتير والياء مكسورة بس بنعومة يعني ما نشد عليها خلوها تطلع خفيفة

q
koo كوو بنمد حرف الواو مرتين

r
aihr إغغ هيدا حرف الدلع حاولوا دايما تلفظوه غ مش ر علشان تحسوا انو عنجد عم تحكوا فرنسي

s
ess إسس ألآلف مكسورة بس بنعومة وبنشد على حرف ال س

t
tay حرف التاء كتير ناعم مش متل الانكليزي كأننا عم نقول تيه بس حرف الياء والهاء يا دوب مسموعين

u
هيدا اكتر حرف رح يعذبكن لتتعلموا تلفظوه مزبوط بس
oooh أووووه حاولوا تمدو الواو منيح

v
vayh فيه الياء والهاء يا دوب مسموعين

w
doo-bluh-vayh دووبلوه فيه

x
eex إييكس حرف الالف مكسور كتير وبنشد على حرف الياء بنخلي الصوت يطلع قوي

y
ee-grek إيي كغيك

z
zed زد حرف ز مفتوح وبنمد صوت الفتحة شوي

هيك بنكون خلصنا الحروف الابجدية الفرنسية وانشالله درسنا الجاي بيكون حروف العلة الفرنسية وهيدي هي الاساس باللغة الفرنسية لان بسببها بتتغير اصوات كلمات كتير واحرف كتير

لكن درسنا الجاي انشالله حروف العلة a - e- i -o - u - وحرف شبه العلة y والحركات اللي بترافقن

اي استفسارات عن الدرس الاول خبروني قبل ما نبلش بالدرس التاني علشان خطواتنا تطون صح

 

[كل الغلا زوجي]

مشكورة وايد على المجهود ولو سمحتي لي بشارك وياكم الدروس واستفيد ....

 

[Bnt_Lebnan]

انشالله بتستفيدي من المعلومات اللي عندي ويمكن تحبوا اللغة وتتعمقوا فيها اكتر مين بيعرف

 

[شمعه البيت]

تكفوووووووووووووون بنات انا محتاجه مدرسه فرنسى زينه حق امتحان الدور الثانى وماحصلت كلهم مسافرين والامتحان قرب الى تعرف تدزلى الرقم ضرورى ضرورى

 

[Sweet Ambitions]

Bnt_Lebnan Excellent work girl

Way to go

​

 

[لؤلؤة الكويتْ]

انا توني متخرجه من الثانويه يعني دارسه فرنسي سنتين واحب هاللغه كتييير كتييير وبدي اتعلم اللغه الفرنسيه يا " بنت لبنان "

Merci beaucoup

 

[Bnt_Lebnan]

صباح الخير

اليوم رح نكمل درسنا مع حروس الابجدية ورح نتعلم حروف العلة ونشوف شو خضائصن وكيف بنلفظن... معليش يمكن في منكن بيعفوهن منيح او دارسينن بس انا عم بكتبن للي ممكن ما يكونو مرو على اللغة الفرنسية ابدا وكمينا كتذكير للي بيعرفوا فرنسي

حروف العلة (الحروف المتحركة) باللغة الفرنسية خمسة
A
E
I
O
U
في حرف Y يعتبر شبه حرف علة يعني احيانا بنعتبرو حرف علة واحيانا بنعتبرو حرف ثابت
ومتل ما بتعرفوا باللغة الفرنسية حروف العلة احيانا بيجي فوقها حركات متل اللغة العربية فيها الفتحة والضمة والكسرة... هيدي الحركات لما بتدخل على حرف العلة باللغة الفرنسية بتغير النطق احيانا شوي واحيانا بيتغير النطق كليا وفي حركات بتغير معنى الكلمة كليا وبتصير كلمة تانية...
لازم كتير ننتبه لهيدي الحركات ونحفظها بصم يعني عن ظهر قلب ...
الحركات اللي بتظهر على حروف العلة هي 4 حركات
`
´
ˆ
¨
الحركة الاولى

´
هيدي الحركة اسمها aigu (اي جو) ay-goo
وبتنلفظ ay
وما بنشوفا الا على حرف e وبتغير اللفظ كليا وحتى كمينا بتغير معنى الكلمة
été
aytay
ايه تيه بس نحاول ما نطلع صوت حرف الهاء

الحركة الثانية
è
تسمى grave
وبنلفظها grav جراف
هيدي الحركة بتطلع على معظم حروف العلة بس ما بتغير النطق ابدا يعني كانها مش موجودة الا اذا دخلت على حرف e بتغيرو شوي وبتصير تنلفظ eh او متل صوت حرف e بكلمة egg
mère
ميغ
ام
très
treh
تغيه
كتير

هيدي الحركة لما تدخل على حرف a – u بتغير معنى الكلمة بس ما بتغير النطق
اما حرف i – o فهيدي الحركة ما بتدخل علين ابدا

الحركة الثالثة

ˆ
الطقية
بالفرنسي اسمها circonflexe
Sirkohnflex

هيدي الحركة بتطلع على كل الحروف بس ما بتغير النطق الا على 3 حروف
a e o
a= ah
e= eh
o = ooh
بس انتبهوا ما يطلع معكن صوت w وانتو عم تلفظوا حرف o
اما حرف i-u
فهيدي الحركة ما بتغير النطق بس بتغير المعنى

الحركة الرابعة

¨
وهيدي الحركة ما بتطلع الا على حرفين بس اللي هني i-e
هيدي الحركة مهمة
اذا اجا حرفين علة بكلمة واحدة ورا بعض ولازم نلفظ الحرفين وما ندغمن مع بعض فبنحط هيدي الحركة على حرف العلة التاني علشان نخبر انو هيدا الحرف لازم ينلفظ
Noël
x-mas
بهيدا المثال اجا حرفين علة اللي هني o – e
علشان نقدر نلفظ الحرفين حطينا النقطين فوق حرف e
وبنلفظها
نوإل
no-ell

coïncidence
كو إن سيدانس
ko ehn see dhanss

خلصنا القسم الاول من حروف العلة والحركات وانشالله الدرس الجاي بيكون عن كيفية نطق
الحروف لما بتندمج مع بعضها
à â
è é ê ë
î ï
ô
ù û

 

[Bnt_Lebnan]

انا توني متخرجه من الثانويه يعني دارسه فرنسي سنتين واحب هاللغه كتييير كتييير وبدي اتعلم اللغه الفرنسيه يا " بنت لبنان "

merci beaucoup

انشالله اقدر فيدك باللي بعرفو ومنيح كتير انو عندي الاساسيات هالشي بيسهل عليكي تجميع المعلومات

 

[Bnt_Lebnan]

Bnt_Lebnan Excellent work girl

Way to go

​

Thanks alot

 

[Bnt_Lebnan]

تكفوووووووووووووون بنات انا محتاجه مدرسه فرنسى زينه حق امتحان الدور الثانى وماحصلت كلهم مسافرين والامتحان قرب الى تعرف تدزلى الرقم ضرورى ضرورى

يا ريتني بالكويت كنت ساعدتك... بس اذا سمحتيلي اعطيكي نصيحة... مع اني ما عندي معلومات عن المنهج تيعكون باللغة الفرنسية او بالدروس اللي عم تاخديها بس حاولي اد ما فيكي تفهمي وتحفظي القاعدات الاساسية وعنجد ما تتلبكي وتخافي من اللغة لان اذا عرفتي تحطي حالك على اول الطريق صدقيني بتعشقيها للغة لانها اجمل لغة ممكن البنت تتعلمها... واكيد لاي اسفسار انا جاهزة وانشالله بقدر ساعدك

 

[Bnt_Lebnan]

مشكورة وايد على المجهود ولو سمحتي لي بشارك وياكم الدروس واستفيد ....

انشالله بتستفيدي من اللي رح اكتبو

 

[Bnt_Lebnan]

Bonjour

this is how far I can go in French!!

waiting for you .....Bent_Lebnan

inshallah after these lessons you will be able to speak french fluently

 

[Bnt_Lebnan]

و انا بعد وياكم
و عندي معلومات شويا عن الفرنسي و حافظة جم كلمة و الارقام
يالا نبلش

كتير حلو وانشالله بتصير تحكي فرنساوي كمينا وكمينا بنستفيد من المعلومات اللي عندك

 

[Bnt_Lebnan]

يسلمووووووو حبيبتي
وانا بالأدبي ويهمني حييييييل الفرنسي اتمنى تحطين اول درس ......؟
ناطرتج حبيبتي

انشالله بتستفيدي من الدروس