للي تدور مكان في حمام سباحه خاص حقها وحق عايلتها تتفضل:)

[رقي]

بالكويت
يزي كم شخص

 

[بنت بنوت]

قوه بنات


الي تدور مكان في حمام سباحه خاص لها ولزوجها ولعيالها طحت لكم على مكان عجيييييييييييييييب وباقل من سعر الاكامكن الثانيه الي فيها حمامات سباحه مثل الهلتون وسفير البستكي اسعارهم 500 هذا سهره 165 وفيلا كبيره مكونه من غرفتين وحمامين وصاله كبييييييييييره حيل ومطبخ مجهز بالكامل وملاعب تنس وسكواش وخيل وبولينج وغير السبا والجاكوزي وحمامات السباحه العامه والعاب الاطفال



تبون تعرفون وين




مكان بصبحان اسمه ( صحارى ) يديد وراقي وشغله وايد مرتب
وفي شاليهات ثانيه ارخص بس بدون حمام سباحه
بس ترى ما يطل على بحر لان اهو بالاساس نادي بولينغ

روحوا قبل لا ينشهر ويرفع اسعاره لان نفس اداره الهيلتون

بس ابي اسأل عن الحمام السباحه نفسه شلون يعتبر خاااص حيل محد يشوفج ولا مثل الهيلتون يكون خاص بس الناس من صوب البحر ممكن يشوفوووونج ؟؟؟

 

[girl_in_abottle]

شي جميل
مشكورة على المعلومة

 

[brbecan]

سوق الجمعه لا الهيلتون الي في حمام سباحه ب 500 دينار اليله الواحده انا متاكده

رقمهم 840084

 

[brbecan]

بنت بنوت لا حمام السباحه يكون خاص خاص حقج محد يشوفج لا تحاتين لان صاير حمام السباحه بحوش فيلتج يعني تاخذين راحتج باللبس عالاخر

 

[brbecan]

رقي اهو حق 4 اشخاص لان غرفتين غرفه بسرير بة نفرين وغرفه فيها سريرين
بس الصاله وايد كبيره
وبعد ممكن ان شخصين يزورونكم بس ما ينامون عندكم

انا رلاحت انا وزوجي وعيالي وخدامتي خذيتها عشان تجابل اليهال وانا اخذ راحتي بالسباحه بعد بالغصب نلقا مكان خاص نتسبح فيه على راحتنا

 

[brbecan]

دال برينسس بعد شنسوي هذا الوحيد الي فيه حمام سباحه الي بدون حمام سباحه غرفه وحده بس وارخص بعد

 

[ام الحبيب]

الرقم البللللللللللللللللللز لحقى علينا تكسبين اجر فى عيالى

 

[brbecan]

على فكره المكان يكون وايد خاص لج تقدرين تاخذين معاج الطفاحات وجذي حق عيالكم وتقدرون تاخذون عدة الشوي وايد حلوه الفكر ه شوي على حمام السباحه لان الريوق بتتريقين بالمطعم من ضمن سعر الغرفه والغدا او العصاري تقدرين تطلبين من المطعم يوصلولج للغرفه وطبعا لا تنسون المايوهات والي معاها عيال كبار شرتات كفايه عليها لوووووووووول
وبعد بالبار الثلاجه حاطيلج مشروبات مجانيه ( بيبسي شعير سفن ميرندا ماي غازي ماي عادي بطاط شيبس عصاير وحليب كاكاو وحليب فراوله )

وفي ستيريو يعني الي تبي تاخذ معاها من البيت موسيقى هاديه او اغاني شرقيه عشان تترقص كل وحده وافكارها

انا نصيحتي ان تاخذين معاج شوية اكل من كيك وخفايف جذي حق العصر مع الجاي ( لان حاطيلج شاي ونسكافيه بالمطبخ بعد ) والغوري وكل شي موجود مطبخ كامل حتى فرن فيه
وبعد شنو ياربي خلا اتذكر؟؟؟؟؟؟؟
اي حمامهم صغير يعني بسرعه الحمام يصير بخار الي تبي تاخذ وياها الصابون المغربي وقت نوم ريلها تتفرك لووووووووووووول كلش مو وقته اتغشمر
في يم حمام السباحه كرسيين ملوت البحر حق الي بتسوي تان تاخذ وياها الاويل او كريمها لان انا بيوم واحد صبغ لوني وفي طاوله مع كراسيها عشان تحطيلج المشاريب والفواكه والاكلات الخفيفه لان وانت تسبحين بتيوعين فكل شي يمج

وصج في بعد فواكه ييبولج اياها فري من ضمن لسعر

بس ترى المكان الحين بالصيف بس حده يومينلا تكثرون

والرقم مره ثانيه 840084

اي صج ترى اهم متخصصين بالمساج والسوالف هذه يعني الي تبي مساج تاخذ معاها فلوسها في حق الحريم وفي حق الرياييل بعد حتى شغل صالون عندهم الي متازمه وتبي تشيل وتحف هناك :>

وانشاءالله يارب تستانسون وتغيرون جو
وياليت اي وحده تلقا مكان حلو جذي تعطينا خبر وما تبخل علينا
واي استفسار انا جاهزه

 

[أمواج البحر]

يعطيج العافية حبيبتي على الإفادة

مبين من كلامج انه مكان سنع ... يبيلنا رووووحه

 

[سمو]

تسلمين حبيبتي باربيكان عل الشرح بالتفصيل :eh_s(15):

ويعطيج العافيه.

 

[knafa]

مشكوووووووووووره حبوبه
يبييييييييييييييله

 

[لوكريسيا]

يعطيج العافية بربيكان ... خووووووووووش شي

 

[غير كل الناس]

مشكووووووووووووووووووووره

 

[brbecan]

عليكم بالف عافيه انشاءالله تستمتعون

 

[الحياة حلوه]

انا عندي الرقم بس لازم تشكروني و تدعولي أول الرقم أهو 4769371

 

[سنتر الزين]

مشكوره ياعمري باربيكان ييتي بوقتج

 

[عطر الشوق]

مشكورة حبيبتي
بس اتوقع صار فل ماشاالله من بنات المنتدى
خلينا انطلع اشعاة ان زادو السعر هههههههههههههههههههه

 

[هيوونه]

الرقم قبل الدوام برررررررعه

 

[أحب ترابها]

بربيكيان والحياة حلوه مشكورين والله يوفقكم