للي راحو شهر عسل ،، بليييز ساعدوونــي

[Om_Ksha]

ههههههههه انا فيلم خذيت هاند باااق كلها عطوووورات و لوشنات
وحجابات بيج رمادي ابيض جذي
وشكثرررررررررررررر قمصان نووووم
وهدوووم عمليه ولفااات بس صراحه كثرت .. واشوه انى كثرت

 

[7noOna]

رد : للي راحو شهر عسل ،، بليييز ساعدوونــي

عاد انا ماصارلي شهر من ردتي للشهر العسل




يعني آخذ ترينقات؟؟ ولا بدل دوام جينزات و قمصان؟؟
طبعا على حسب اذا انتي متنقبه ولا متحجبه بس ولا مومتحجبه بس شكلج مومنقبه ؟؟

اخذيلج جم تريننق وجنز واحد وجم بالطو لانه برد ..... يعني اخذيلج 3 انواع تريننق للطلعه وبالطوين او 3 يعتمد على عدد ايام سفرتج ومثلا بتسافرين 10 ايام موشرط تاخذين 10 بدل للطلعه لانه عادي تكررين خصوصا اذا كان جاكيت اهم شي معاج جنزج وجم جاكيت او بالطو وجم تريننق مثلا سفرتج 10 ايام لاتاخذين اكثر من 10 بدل ولا اقل من 7 بدل

الاكسسسوارات له داعي؟؟

ماكو داعي .... بس دبلتج وساعتج


العطور آخذ واحد كافي ولا شكثر؟؟

اخذ نوعين بس ..... ومعاه كريم للجسم ريحته حلوه


القمصان شنو آخذ و شنو اخلي؟؟


بما انج عروس واكيد تستحين تلبسين القمصان العاريه اخذي المستر قد ماتقدرين يعني نص جم او قميص نوم تحت الركبه بس على حسب رغبتج بس اكثر شي تستهلكينه البجايم ..... اذا كانت سفرتج 10 ايام اخذي 6 قمصان جذي لانه موشرط كل يوم قميص نوم تلبسين


جم فلات تكرمون آخذ؟؟

3 كافي او 2



و لبس البيت آخذ بجايم ولا نفانيف ولقنزات؟؟؟

بجايم تستهلك اكثر لانج كله طلعه تردين تنامين



آخذ جم شيله؟؟
على حسب البدل



و اغراضي الشخصيه عنايه ومكياج << شنو آخذ و شنو اخلي؟

اخذي مكياجج اليومي مثل كريم بودره حمره ناعمه كحل جذي

اخذي اللي يمسح المكياج اخذي مزيل عرق فرشه معجون شامبو وموس وهالامور

:eh_s(6):


فديتج مجاوبه على كل اسئلتي ،، مشكووره


انا مو متنقبه ترا

 

[7noOna]

رد : للي راحو شهر عسل ،، بليييز ساعدوونــي

ودي افيدك بس مارحت شهر عسل:eh_s(11):​

 

[7noOna]

رد : رد: للي راحو شهر عسل ،، بليييز ساعدوونــي

ههههههههه انا فيلم خذيت هاند باااق كلها عطوووورات و لوشنات
وحجابات بيج رمادي ابيض جذي
وشكثرررررررررررررر قمصان نووووم
وهدوووم عمليه ولفااات بس صراحه كثرت .. واشوه انى كثرت

عاد انا ماودي اكثر اغراض عشان لايقول ماصدقت ههههههه

 

[3aBs!a G!Rl]

اب اب
اب لعيونج

 

[7noOna]

رد : للي راحو شهر عسل ،، بليييز ساعدوونــي

up

up

 

[Pissy Missy]

مبرووك مقدما

نصيحتي لا تكثرين من القمصان لان من تجربتي كنا نطلع من الصبح ليه الليل ونرد مهدود حيلنا ف ماكو وقت حق قمصان النوم الا بالايام الي طلعتكم ما تكون اليوم الكله وهذا يعتمد على مدة سفرتكم
اذا طويلة اكيد في ايام راح تقعدون فترات طويله بالفندق ف تقدرين تلبسين قمصان
يعني اخذيلج 3 او 4 والباجي بيجامات بس اذا بتروحين اروبا على شهر 3 يعني مووت برد ف الاحسن انج تاخذين جاكيت ثقيل و بوتات فلات طبعا و ترينغات وجم جينز بس لا تكثرين ملابس
واخذيلج عطرين مو اكثر وset صابون جسم مع لوشن و شامبو
ومكياجج خليه ناعم و خفيف وجم حمرة صارخه حق بالليل اذا قعدتوا بالفندق
شيره او موس او نير كيفج الي تفضلينه
جياس من بو 100 الي اييون على شكل رول حق الملابس الوصخه
ماله داعي اكسسوارات بس ساعتج و دبلتج كافي ولا تاخذين دبلتج الاصلية انا جم مرة بغت تضيع دبلتي اشتريلج وحدة ثانيه رخيصه حتى لو ضاعت مو مشكله
واخذيلج الملافع القطن اثبت وادفى
انا صادف مرة سافرت امريكا وكان برد ف شريت من هناك شالات الصوف الطوال غطيت فيهم رقبتي و شريت معاهم الي اييون على شكل قبعه صوف لميت شعري ولبستها تغطي كل الشعر والشال يستر الرقبه و وايد يدفون
راح تلقين منهم وايد الوان في h&m اخذي الوان محايدة مثل البيج والاسود والرمادي
هذا الي في بالي

 

[7noOna]

رد : رد: للي راحو شهر عسل ،، بليييز ساعدوونــي

مبرووك مقدما

نصيحتي لا تكثرين من القمصان لان من تجربتي كنا نطلع من الصبح ليه الليل ونرد مهدود حيلنا ف ماكو وقت حق قمصان النوم الا بالايام الي طلعتكم ما تكون اليوم الكله وهذا يعتمد على مدة سفرتكم
اذا طويلة اكيد في ايام راح تقعدون فترات طويله بالفندق ف تقدرين تلبسين قمصان
يعني اخذيلج 3 او 4 والباجي بيجامات بس اذا بتروحين اروبا على شهر 3 يعني مووت برد ف الاحسن انج تاخذين جاكيت ثقيل و بوتات فلات طبعا و ترينغات وجم جينز بس لا تكثرين ملابس
واخذيلج عطرين مو اكثر وset صابون جسم مع لوشن و شامبو
ومكياجج خليه ناعم و خفيف وجم حمرة صارخه حق بالليل اذا قعدتوا بالفندق
شيره او موس او نير كيفج الي تفضلينه
جياس من بو 100 الي اييون على شكل رول حق الملابس الوصخه
ماله داعي اكسسوارات بس ساعتج و دبلتج كافي ولا تاخذين دبلتج الاصلية انا جم مرة بغت تضيع دبلتي اشتريلج وحدة ثانيه رخيصه حتى لو ضاعت مو مشكله
واخذيلج الملافع القطن اثبت وادفى
انا صادف مرة سافرت امريكا وكان برد ف شريت من هناك شالات الصوف الطوال غطيت فيهم رقبتي و شريت معاهم الي اييون على شكل قبعه صوف لميت شعري ولبستها تغطي كل الشعر والشال يستر الرقبه و وايد يدفون
راح تلقين منهم وايد الوان في h&m اخذي الوان محايدة مثل البيج والاسود والرمادي
هذا الي في بالي

:eh_s(7):


مشكووره على طاري الشالات ينفعوون

 

[noo7a]

كله يعتمد على شكثر بتقعدون
والله يهنيكم

 

[مارغريتا]

اتمنى لج شهر عسل سعيد

اتوقع كفوا ووفوا البنات جزاهم الله خير

 

[مصممة جرافيك]

رد : للي راحو شهر عسل ،، بليييز ساعدوونــي

مبروك عالزواج انا كاتبه اغراض السفر بتلفوني وكل ما ابي اسافر اشوف واحط بالجنطه لووول خل اكتبلج الاغراض كلهم وانتي شوفي شنو تاخذين هالاغراض كاتبتهم من لمن رحت شهر العسل

عبي اذا تلبسين
بنطرونات
بلايز
شيلات
كابات
دبابيس
دلاقات
مكينه مزيله للشعر
استشوار
قمصان نوم
فوطه
شرشف
شحن تلفون
مكياج
كلينكس مزيل مكياج
مفراكه
فرشه ومعجون
شامبو
كريم يولاي
مشط
بجامات
فوط نسائيه
ملابس داخليه
عطر
اوتي
مقراضه
مزيل عرق
جاكيت
قران
ملقط
دفتر وقلم
نظاره شمسيه
كاميرا وشحنها
وكل شي على حسب المده اللي بتسافرينها تاخذينه والف مبرووووك

 

[مناير خزنة التاير]

التنويع التنويــــــــــــــــــــــــــــــــــــــــــــع التنويع

اخذي عطرين واحد للطلعات واحد مع الشور جل و الكريم يعني الست كامل خليه للغرفه

حتى الملابس نوعي بين بدل و ترينغات و غيره

يعني لا تكودين اغراض شوفي جم يوم سفرتج وين رايحه وجذي

و تحددين

 

[عيون&الريم]

رد : للي راحو شهر عسل ،، بليييز ساعدوونــي

اب
اب

 

[شوكلاطه]

رد : للي راحو شهر عسل ،، بليييز ساعدوونــي

انا رحت امريكا

خذت ترنيقااات لمشواير الصبح وحول عشر بجايم منوعه
وقمصان نوم خذت سته وشريت منااك :$

وملابس داخليه خذت ع كل يوم ثلاث تغيريات وشريت مناك بعد

والملابسسسسسسسسسس شكلت خذت جينزات من كل شكل ونوع ووياهم قمصان تيشرتات وهم مناك شريت لبسسس للعصر وللمشواير التنقل

وخذيت لي كم بدله كششششخه مع تركيباتها جنطه وكعب ووالاكسسوار للمطاعم واللقهاوي والترزرز خخ

كنت البس من جهازي وبنفس الوقت كنت اشتري مناك الي ينقصني والبس

خذت استشوارررري وعده الشيل ومكيااااج خفيف جدن وروب وكريماتي وشامبو وعده التسبح

وووصح هناك رحنا بحر وخذت بكيني ومايوة كم شكل انتبهي اذا بتروحين اماكان جذي ماقريت وين بتروحين بس اذا اسياا خذي عده التان

وصبغ اظافر الواااااان يشوقون ويحلون ولاتنسين مزيلهم
وكوتكسسسسسسسسسسس

وغسولات المنطقه الي خبري خبرج وبلاوي للحلج علوج وومعجون اسنان وفرشاااه وحلاو مصصص وادويه للطوارئئ

من اربع سنين فمو ذاكره عدل


ان شالله فدتج

 

[اميره1980]

على حسب الديره اللي رايحة لها حبوبة
ما قلتي وين
عموما
جيبي ورقة و قسميها الى خانات و كل خانة كتبي فيها القسم اللي تحتاجينه مثلا اغراض الحمام و كتبي تحته احتياجاتج مثلا المكياج و كتبي ملابس الخروج و كتبي قمصان النوم و كتبي جذي
بس لا تكثرين حبوبة اخذي اللي تحتاجينه بس و اخذي شغلات عملية جدا السفر يبيله الشي الخفيف لا تاخذين اللي يبيله عنايه خاصة

 

[ولهااااانه]

أب لعيوووونـج

 

[7noOna]

رد : للي راحو شهر عسل ،، بليييز ساعدوونــي

up

 

[travel_addicted]

رد : للي راحو شهر عسل ،، بليييز ساعدوونــي

شوفي حبيبتي انتي اول على حسب جم يوم راح تقعدين
1- اللبس و الجواتي : نوعي اخذي جم ترينينج لانه اريح شي بالسفر و اخذي بلايز او قمصان ناعمة و عملية و اذا دولة بارده اخذيلج جاكيت وايد متين و يفضل لونه اسود عشان يمشي مع كلشي لانه اذا دخلتي مكان مسكر راح تفصخينه اوربا اماكنها المسكرة داايما تكون دافية و اخذيلج بنطرونات و جواتي و جناط الالوان الاساسية مثل اسود و بيج و ابيض و اخذيلج بدلة كشخة مع كعبها يمكن تروحين تتعشين في مطعم كشخة او شي و اذا ما تبين كعب اخذي فلات بس اللي يصير فيه احجار و شكله كشخة و لا تنسبن جوتي رياضة عشان تلبسينه مع الترينيننح اذا رحتي رحله او جبال او اي شي
2- قمصان النوم : لا تغلطين غلطتي انا رحت امريكا و قعدت 25 يوم و كودت قمصان نوم شكثر مع اروابها و لا استخدمت الا شي قليل لانه نكون طالعين طول اليوم فنرد تالفين العافية ندور الفراش فا انتي نوعي جم بجامه حرير على قطن على قميص نوم خامات مختلفة و اخذي لج واحد او اثنين اللي فيهم اكشن شوي
3- الاكسسوارات : مادري شنو ستايلج باللبس و اذا تحبين وايد تلبسين جذي بس دوريلج شي اللي يكون يمشي مع كل شي مثلا سيت ذهبي و سيت فضي
4- الادوات الشخصية و العطور و المكياج : بحاول اتذكر اهم الاشياء الاساسية اللي لازم تنوخذ ... شامبو ديودرنت فرشاة معجون مقراضه ملقط مكينة ازالة الشعر مزيل المكياج فوط صحية و الفوط الصحية اليومية عشان ما تغسلين الملابس الداخلية كريمات الويه و كريم حماية من الشمس و اخذيلج سيت او سيتين عطور اللي يصير فيها عطر و كريم و لوشن و الحين اكو في bath and body works سيتات عجيييييييبة و مسوينهم صغار حق السفر و المكياج اخذيلج مكياجج الاساسي اللي انتي تحطينة كل يوم واخذي سيت فوط اذا انتي ما تستخدمين فوط الفنادق تشمل فوطة ويه و فوطة شعر و فوطة جسم
و لا تنسين الكاميرا عشان تسجلين فيها احلى الذكريات ان شاء الله
اممممم هذا اللي في بالي الحين ان شاء الله ما اكون نسيت شي و اذا ذكرت راح ارد مرة ثانية ان شاء الله
و اهم شي تستانسين و لا تخربين على روحج هالايام الحلوة لانه صج صج صج احلى ايام و عسى الله يهنيج يا رب

 

[إيموو]

حـنوووونـه تسلميـن ياقلبي ع هالموضــوع
<< جـآآآ بوقـته

ومـا قصـرووو كل من دش وكتب يعطيكم العااافيه

عسى ربـي يوفق الـكــل

​

 

[nwir72]

تروحين وتردين بالسلامه