للي طلبو مني طريقه مطبق الزبيدي ودقوس البيديان بالصور

[ريمه الكويت]

تفضلووووووووووووو
مطبق زبيدي ودقوس البيديان ولازم معاهم عصير الليمون بالنعناع

+++++++++++++++++++++++++++++++++++++++++++++++++++

مطبق الزبيدي
++++++++++++
حق المطبق لازم الزبيدي يكون كبير شويه اما الصغير يصلح للمقلي والمرق

المهم تنظفين السمج زين ولاخلي السماج ينظفه لج وفتجي بطنها وغسيليه عدل وفركيها بملح وشويه طحين عن ريحه الزفره خليها مابين ربع ساعه او اكثر بعدها غسليها ونشفيها

غسلي عيش ونقعيه وخليها على جنب

بجدر كبير حمسي بصله وحطي عليها فصين ثوم مقصصين مع شويه زنجبيل مقصص وحمسيهم مع بعض
حطي طماط مبشور(حبتين) مع بهارات وحبه ليمون اسود مخرمتها بالشوكه وحبتين هيل وليمون اسود تقريبا نص قفشه وسط
وكزبره بودره نص قفشه + نص شده كزبره خضره مفرومه وقلبيهم مع بعض

حطي قفشتين كبار ملح وحطي السمج فوق البهارت وقلبيهم مع الحمسه بحذر عشان لايتكسر السمج

حطي ماي مغلي على السمج لما يغطي السمج او اكثر باصبعين حسب كميه العيش الي بتسوينه انتي قدري
حطي عليهم نص علبه معجون طماط وانتي ظبطي كميه الملح حسب طعمه

خليهم تقريبا 10 دقايق او اقل بشويه لان الزبيدي مايتجمل طبخ وايد
شيلي السمج شوي شوي عشان لاتتكسر بيدج وحطيها بصينيه فرن ورشي على السمج زيت نباتي وكل سمجه رشيها بفلفل اسود وليمون اسود عشان تتحمر بالفرن

ودخليها بالفرن حمريها من تحت بعدين فتحي النار فوق عشان تحمر

اللحين نسوي العيش
يبي جدر ثاني وحطي عليه مشخل كبير وصفي مايه السمج الي بالجدر الاول عشان تشيلين البهارات الي فيه والطماط وغيره
وخليه يطبخ على النار لما يغلي حطي عليه العيش الي صفيتيه من مايه عاد لازم يكون الماي مال السمج مغطي العيش باصبعين تقريبا
خليه على النار لما يمتص المروق كله بعدها رشيه شويه زعفران وقفشه كبيره سمنه نباتيه واللحين حطي العيش على حديده على نار هاديه عشان يتسكر
وسويله الحشو
الحشو عباره عن بصل مقصصه تحمرينها باالزيت لما تحمر حطي عليها نص قفشه صغيره ليمون اسود ورشه كركم وملح وبعدها تكونين مغسله نص كوب زرشك ومصفيتها وحطيه عالبصل وحمسبهم مع بعض دقيقتين وسكري على النار
حطي الزرشك على البصل
وقت التقديم حطي العيش ونثري عليه الحشو


وسدحي السمجه عليهم ههههههههههه


اللحين بحط طريقه الدقوس
حمسي بصله مع فصه ثوم مدقوقه لما تصفر لونهم حطي عليهم حبه فلفل اخضر حار مقصص وحمسيه معاهم وحطي قفشه نعناع مقصصتهم وحركيهم وحطي عليهم طماط مبشور

نقعي قفشه كبيره صبار بنص كوب ماي حار لما تحسين الصبار انهرى وسار لون الماي غامج صفيه واخذي بس مايه الصبار وحطيه على الحمسه مع نص علبه معجون طماط وملح والي يحب الحلات حطي قفشه شكر وخليهم يطبخون لما يثقل سكري عالنار
وقدميه مع المطبق

اما عصير الليمون

اخذي نص شده نعناع وقصصيه ناعم وحطيه مع نص كوب شكر مع كوبين ماي وخلطيهم مده بالخلاطه لما تحسين الماي سار اخضر
عصري ليمون اخظر مابين 4 اوخمسه ليمونات حسب خجم الليمون وحسب حجم الدولكه oster_av1:
وحطي العصير على خلطه النعناع مع كميه من الماي والثلج وحركيهم مع بعض عاد شوفي طعمها اذا احتاجت شكر او ليمون

وعوافييييييييييييييييييييييييييييييييييي:33_1185028183:

 

[جارة القمر]

مشكوووووووره



وتسلم ايدج حبيبتي

 

[DBDOB3 DES]

تسلم ايدج ياقلبي

 

[ROYAL]

مشكووووووووووووووووووووووووووووره علي هالطبخه احبها وايد والله
راح اجربها لاني ما كنت اعرف شلون اطبخ السمك
تسلم ايدج .

 

[مرمر75]

الله يعطيج ألف عافية حبيبتي ومشكورة كفيتي ووفيتي............

 

[MassComm]

يسلموو الايادي

 

[ياوحشة غيابك]

تسلم ايدج على الطبخة الخياااااااااال لاززم أجربها الصراحه شكلها لذيذ شلون طعمها اكيد الذ...

 

[xxx]

تسلم الايااااااااااااادي

 

[حصة اللولو]

اخخخخخخخخخخخخخخ خليتيني ابببببببببجي :krkrkr:

مشتهيييييييييييييته واموووووت عليه بس ماعندي احد يطبخ لي

امي يايبه خدامه واكلها يلوووووووووع الجبد


وتقول ليش ماتاكلون


ابي مجابييييييييس

واموووت بالعيوش والمطبقات

:lkmnkl:

منو يرحمني :eh_s(2):​

 

[ام مسااعد]

واااااااااااااي عذاااب


تسلم ايدج حبيبتي

طريقتج مقاربة لطريقتي بس انا اقلي السمج بعد ما احطط عليه طحين وشوية بهارات السمج

هم يطلع مقرمش ولذيذ واحافظ على شكل الزبيدية

يدوووووووووووووخ..

يبيييلة زبيدي

 

[ريمه الكويت]

جاره القمر هلا بالغلا

 

[ريمه الكويت]

يسلمج ربي دورا :hearting:

 

[ريمه الكويت]

رويال جربيها بتعجبج انشالله

 

[ريمه الكويت]

مرمر اهلا وسهلا انتي الي طلبتي الطريقه صح ؟؟؟

 

[ريمه الكويت]

ماسكوم هلا ومسهلا

 

[ريمه الكويت]

ياوحشه غيابك عيونج الحلوه يالغاليه

 

[ريمه الكويت]

هلا وغلا بنت الكويت

 

[ريمه الكويت]

≥•Э9Ặר•≤ افا عليج اسوي لج طبق وتفضليه بالعافيه ولايسير بخاطرج

 

[ريمه الكويت]

ام مسااعد هلا وكل الغلا وفعلا الطحين يخليه محومر ومقرمش بس عندي بنت ممنوعه من الطحين فساعات اسوي طبختين حقها غير وحقنا غير بس السمج ماقدرت افصله فسويتها جذي ورشيته بهارات صج لونه ماحمر بس طلع وايد ترف ولذيذ

 

[hmama]

واي قلبي قلبي

حدي يوعانه

تسلم ايدج