للي يعانون من تأخر الانجاب فوزيه او ناهد العلي

[زهور المحبة]

السلام عليكم ورحمة الله وبركاته



بنات الله يعافيكم ويرزقكم بالذرية الصالحه


انا صار لي 9 شهور متزوجه وللحين ربي ما كتب لي الذريه رحت لعالية الفضلي وقالت لي فيني كيس على واحد من المبايض والتبويض ضعيف

ودي اراجع عند د فوزيه القطان او د ناهد العلي

والله حدي محتاره بينهم وايد اللي يمدحونهم بس فوزيه يقولون انها ماديه وجم وحده جدمت عليهم سن اليأس مادري شنو بسبب شي عطتهم

قولوا لي منو اتعرفهم واستفادة منهم

انا كنت عند عاليه الفضلي وبصراحه ما استفدت منها شي ولا بدت فيني كورس علاج للحمال بس اروح اقط فلوس وارد
ومن اول زياره تبي تسويلي عملية ب 600 مادري جم علشان اتشيل الكيس

ودي اروح لناهد لان يقولون انها صريحه ودينه بس خايفه تكون فوزيه احسن منها

تكفون فيدوني

ربي لا تذرني فردا وانت خير الوارثين
ربي هب لي من لدنك ذرية طيب انك سميع الدعاء

 

[Emanova]

استخيري ربج

و روحي للثنتين و شوفي انتي ترتاحين عند منو .... و انا يبطون جبدي لما يقولون هالدكتوره ماديه ؟!؟!؟!؟! يعني اهي تبي تسي الدخلع ب 5 ؟ و لا السونار ب 10 ؟

اللي ما يبي يقط يروح الحكومه و ينلطع بالمواعيد و النطره

استخيري و ان شاء الله تحملين بدون علاج و انتي ترى بعدج عروووس

 

[SaD FaCe]

مادري منو احسن من الثانيه ان شاءالله البنات يفيدونج ويفيدونا معاج

 

[نيبال الايمان]

ضى الايمان


يا عمرى يا زهور المحبة اول شى عسى الله يرزقج بالذرية الصالحه اللى تقر عينج وتفرح قلبج اللهم امين يارب 000

يا عمرى احسن شى تستخيرين وشوفى ربج وين بيوجهج 000 استخيرى اكثر من مرة وشوفى وان شاء الله باذن واحد احد ما تمر هالسنة الا وانتى وانا وكل محروم ومحرومه منهم الله يرزقهم بالبذرية الصالحه اللى تقر عينهم وتفرح قلوبهم اللهم امين يارب

 

[madam_cake]

انا والله ماراجعت عند ولا ولاحدة فيهم ،، بس ماشالله يمدحوونهم واايد ومن كلام البنات ان الثنتين ممتازين ،، انتي روحيلهم واي اوحدة ترتاحين لها نفسيا استمري معاهاا

 

[كويتيه مذهله 87]

الاثنين شطاار
بس فوزيه القطان ماراح تشووفج هي الي تحتهاا
هي حق العملياات بس
اما د ناهده العلي هي شخصيا تراجعين عندهااا
وموفقه

 

[bnt_kwt]

ودي افيدج
بس احسن شي استخيري
ماخاب من استخار

 

[غيـ الناس ـر]

جربي الثنتين .. انا جربت الثنتين وارتحت لناهده بس بعدين تحطمت من مواعيدهم .. يعني تنطرين 3 ساعات بس عشان تدشين عالطبيبه ..


واللي صج ارتحت لها نداء بو خضور شاطره وامينه

 

[زهور المحبة]

جزاكم الله خير والله يرزقنا وكل محروم بالذرية الصالحه

والله صاجين ماخاب من استخار ان شاء الله بستخير واشوف منو اروح له

مادري ليش احس مايله لناهد اكثر من معصومه والله كريم

ياليت البنات اللي عندهم يفيدونا

 

[ندى88]

حبيبتي والله لا هذي ولا هذي عندج عيادة محمد صلاح وعندج معاه الدكتور خالد والله كثر ماقول شاطر شوي بحقه واسعاره حدها ارخيصه اختي راحت عند ماجده اليتامى قطة فلوس الدنيا وما احملت الا عند خالد ونص السعر ونفس العلاج وعلى راحتج

 

[ملكه الحطب]

انا اقول اذا فيج ضعف وفيج تكيس اتروحين عند حريم احسن من الدكاترع والعمليات وعندي رقم وحده يمدحونها وانا مره رحت لها بس مااخذت علاجها ههههههههههههه كسلانه

 

[miss_uk]

حبيبتي انا راجعت عند ناهدة العلي بحمالي كانت اكثر من روعه بالتعامل

وكنت عندها حاله خاصة لأنها تدري انا ما حملت الا بعد معاناة ويوم الولادة قاعده معاي من اول طلقم لين طلع البيبي الله يجزاها خير

ناهدة الحلو فيها تخاف الله ودايما ذاكرتة والعيادة على قد حالها
وبالنسبة للمواعيد لازم تروحين لها مايصير تلفون
لكن
دام رحتي اول مرة اي موعد ثاني راح يبلغونج فية
بعدين اذا انتي علاج اعتقد راح تكون لج الاولوية لانة لنا ايام معينة