للي يفهمون بالاسهم تكفون انقذوني

[طوووطه]

بنات انا كملت السن القانوني
واخذت حقوقي من شئون القصر بما انه الوالد متوفي
عطوني اسهم وانا مافهم بالاسهم شي
ودي ابيعهم واخذ فلوسهم بس مادري اخاف اخسر او شي لانه مابيهم كلش مابي اسهم
شلون اتصرف وابيعهم واستفيد لاني مافهم بحسبه الاسهم شي
واللي تعرف احد بشئون القصر تفيدني والله اكسر الخاطر ومحتاجه هالفلوس تكفون

 

[فوركسيه]

الله يرحم الوالد ويتغمده برحمته واموات المسلمين آمين
محتاجه اعرف تفاصيل اكثر
بس ابيج تعطيني اذا ماتمانعين وهذا يرجع لج اول وتالي اسماء الشركات وعدد الأسهم لكل شركه
وان شاء الله راح تكونين راضيه
بس عندي ملاحظه صغيره اذا تسمحين لي:
الحين الاسهم هابده خوش هبده وداقه الارض من الخساير وبما انه محفظة المرحوم مجمده ومحد باع من زمان فأكيد الاسهم خسرانه واذا حيل مستعيله على بيعتهم راح اخليج تطلعين وتبيعينهم بأقل خساير ممكنه اما اذا صبرتي اكيد راح يرتفعون وتكونين كسبانه
بس اول شي وقبل كل شي تروحين مبنى البورصه وتاخذين معاج بطاقتج المدنيه وتفتحين حساب بالمقاصه تقدرين من خلاله تتداولين وتبيعين وموفقه وسامحيني يمكن ما قدرت اوضح اكثر لأني سهرانه ومصدعه

 

[طوووطه]

جزاج الله خيييييير

 

[شقاوتي غير]

والله من رايي انج تلجأئين حق مستشار قانوني يقدر يفيدج اكثر ومانصحج تستشيرينا هني لان الاسهم مو هينه ربح وخساره وشوي معقده السالفه ومو اي احد يفهم البورصه والاسهم فتوكلي على الله واستشيري مستشار قانوني وماراح يبخل عليج ان شاء الله

 

[فوركسيه]

والله من رايي انج تلجأئين حق مستشار قانوني يقدر يفيدج اكثر ومانصحج تستشيرينا هني لان الاسهم مو هينه ربح وخساره وشوي معقده السالفه ومو اي احد يفهم البورصه والاسهم فتوكلي على الله واستشيري مستشار قانوني وماراح يبخل عليج ان شاء الله

الاخت الكريمه شقاوي غير :yaaaaaarb:
ممكن تقولين لي شكو مستشار قانوني بالسالفه :ch12:

 

[شقاوتي غير]

الاخت الكريمه شقاوي غير :yaaaaaarb:
ممكن تقولين لي شكو مستشار قانوني بالسالفه :ch12:

حياتي في مستشارين قانونين مهمتهم يحافظن على الامول ويساعدون اصحابهم على استثمارها ياقلبي ؟ وانا مريت بهالتجربه وماضن اني اقول شي وانا مو متأكده منه يالاخت الكريم :bbbiu:

 

[فوركسيه]

تسلمين
بس انا اللي اعرفه مستشار القانون للقانون
ومستشار الاقتصادي او المالي مادري
بس معقوله وحده تروح حق محامي تقوله عندي اسهم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وتصرفلي فيهم!!!!!!!!!!!!!
والله مادري يمكن انا غلطانه اوف صج انا ملقوفه شلون اتكلم بشي ما اعرفه
امبي فشله

 

[إلشآمخة]

اب​

الله لو يعطونا دروس خصووصيه بالبورصه عشان نفهم يكونون خوش نآس ​

اخت فوركسيه الله يرحم بنتج ويعوضج غيرها درزن بنات وصبياان ويفرحوون قلبج ​

 

[فوركسيه]

اب​

الله لو يعطونا دروس خصووصيه بالبورصه عشان نفهم يكونون خوش نآس ​

اخت فوركسيه الله يرحم بنتج ويعوضج غيرها درزن بنات وصبياان ويفرحوون قلبج ​

تسلمين يارب
تامريني امر:balo:

 

[!الجادل الصعب!]

انا عطوني اسهم لمآ كملت 21 وبعتهم وتحسفت ..
خليهم لوقت العآزه لآ تبيعينهم الحين خصوصآ الاسهم نآزله ..!
وموفقه ..,

 

[kuwaitya-frawla]

انا موظفه بالبورصه وكل شي بالاسهم و بالشركات وبالبورصه اعرفه وكلام اختي فوركسيه عين العقل و البنت شكلها فاهمه و شكلها تتداول بالبورصه...اذا حبيتي اني اساعدج كلميني عل خاص و نوظح الامور لانه يبيله حسابات وقرقه و حجي وايد

والله يرحم الوالد و يغمد روحه الينه

 

[طوووطه]

فديتكم كلكم والله ماقصرتوا
والاخت اللي تقول مستشار مادري اول مره اسمع بس انا مابي اشتغل علي طول بالاسهم بس ببيعهم وخلاص

 

[شيخه الحلى]

حبيبتي انا زوجي بالبورصه وعارف للاسهم عدل
اذا تبين شي دقي علي انا افهمج
وإذا تبين رقمي على الخاص
افهمج عدل
لازم اعرف اسماء الشركات وعدد الوحدات اللي عندج