لما الواحد يطيح ع الأرض

[puppet]

امس رحت مكان والموظف تزحلقت ريله وطاح

انا وخرت ويهي عنه وقلت : الله الله

وبعدين عشان اخفي الحرج : قلته أنا ياما طحت هالطيحة وغيرنا الموضوع بسرعة ..

***

لكن المكان اللي يمنا

ركضوا حقنا وقالوا : سلامات ، شكلك طحت

قال : لا التلفون طاح

قالوا : لا انت طحت ، قول والله العظيم انك ما طحت .

***

ليش الناس تتعقب عثرات الطيحة ، فنانة صوروها بلوتوث طاحت ع الستيج

كاميرا خفية يصورون الناس تطيح ويضحكون عليهم

وليش بعض الناس وتعتبر الطيحة شي له علاقة بالكرامة ؟؟

***

انا لما اطيح اقوم واكمل مشيتي عادي

، بس الناس : لا !!

 

[روح الدنيا]

مادري هههههههههههههههههههههه


انا عن نفسي لما اطيح اقول حلوه الحركه !!

 

[الحور العصيمي]

والله مادري كلن وطبيعته
أنا إذا طحت ودي الأرض تنشق وتبلعني<<<صريحه
خخخخخخخخخخخخخخخخخخخخخخخخخخخخ

 

[happy&single]

ليش انتي ماخذه الموضوع جد بزياده
عااادي الناس تضحك على اخطاء غيرها مو القصد التصيد!
احنا بوقت الضحكة عزيزة تطلع بالغصب ، والناس تبي تفرفش
مو قصدها الشخص بعينه ، وسلامتج
الله يبعد عنا الطيحات بالاماكن العامة والخاصة :eh_s(3):

 

[هجير الريح]

بقولج سالفه انا مره رايحه السوق وتونى بدش المجمع جان اطيح على ويهى وكل ماقمت رديت طحت وكانو يمى شباب وماتو على من الضحك وواحد يقول للثانى اخ لو تيلفونى الثانى معاى جان اصور بس حظها يعنى يبون يأرخون طيحتى وينشرونها وانا وقفت وتمنيت الارض تنشق وتبلعنى ورحت سيارتى ومن ذاك اليوم ليومج مارحت للمجمع هذا ولا بروح لانى كرهته والسبه طيحتى

 

[كويتية 85]

والله بنات انا ساعات اضحك على اللي تكون حركته عجيبة بس مو القصد منها احرجه لا والله من وراه ما اقدر امسك روحي ..


دايما تصير معاي ما ادري ليش وخصوصا لمن اكون كاشخه << من الثقة ههههههههههههههههههه


اخر طيحه لي قبل لا اتنقب بجمعية منطقتنا بعز الظهر الله وكيلكم ما شلت عيني من الفشلة على طول سيارتي والناس تقولي سلامات تعورتي وانا ولا رديت حدي كسرت خاطرهم ...

كنت بالأول عشان الفشلة اذا طحت ولا دعمت شي اقول ما ادري شفيني اليوم دايخه واضحك .... أرقع الموضوع شوي .

 

[$الـــحـــلاوه$]

الواحد غصب يضحك يعني شنسوي خخخ
بس ماعليه اليوم نضحك عاللي يطيح وباجر نطيح ويضحكون علينا ههههههه

 

[هيوونه@]

بقولج سالفه انا مره رايحه السوق وتونى بدش المجمع جان اطيح على ويهى وكل ماقمت رديت طحت وكانو يمى شباب وماتو على من الضحك وواحد يقول للثانى اخ لو تيلفونى الثانى معاى جان اصور بس حظها يعنى يبون يأرخون طيحتى وينشرونها وانا وقفت وتمنيت الارض تنشق وتبلعنى ورحت سيارتى ومن ذاك اليوم ليومج مارحت للمجمع هذا ولا بروح لانى كرهته والسبه طيحتى

وي وي وي
صج قويه بصورج الله المستعان
يالله سلامات وما تشوفين شر
عادي تعودنا نطيح ونقوم جنه ما صار شي

 

[DBDOB3 DES]

بصراحه احس سخافه من الشخص اللي يضحك على اي احد يطيح ع الارض حركه عاديه احسها
مع اني ماطحت ولامره بس مااشوف فيها شي يضحك

 

[[[ عيون جابر ]]]

انا لما اطيح ولا احد يطيح اول شي اضحك بس مو لدرجة الشماته وجذي لا اصلن عادي يعني مجرد طيحه

 

[soseta]

الموضوع عادي بس الموقف اللي قلتيه بط جبدي شوي , يعنيييييي قالهم التلفون طاح اهما شكو مصرين لا انت طحت والا يبون يعرفون !!
هالشي ماحبيته
خلاص طاح وخلص

وانا اتقبل ان احد يعرفني يضحك بس مايمصخها وعلى حسب الطيحه ..

وانا ارد على الموضوع تذكرت موقف صارلي , طحت طيحه بغيت اطيح بالبحر بس الله ستر وتعورت من الصخر وانجرحت بمكان صرت مو قادره اقعد من الجرح والعوار + الطيحه اللي كنت بطيحها تخرع يعني كنت اقول الحمدلله الله يستر وزين ماطحت بالبحر ..
واللي معاي مو راضيين يسكتون ميتين من الضحك , وانا متعوره وحالتي حاله ضحكت شوي مجامله حقهم بس بعدين خلاااص سكت عشان يحسون بس ماكو احسااااااااس ..

اوكي الموقف ساعات يمكن واااايد يضحك بس لما يكون الواحد متعور والا طاح طيحه جايده المفروض مايكون الضجك سيد الموقف , بدال لايسئلون والا يقولون الله والا اي شي , لا طايحين ميتين من الضحك ..

جد يومها استملقتهمممم حيييييييييييييييييل وقلت ماتسوى علي طحت , ولي اليوم هذا لو يتذكرون الموقف يضحكون ويتمسخرون , يعني جد والله خلااااااص الواحد يمل والموقف لما ينعاد على طول يصير ممل وسخيف وبايخ

 

[a3andho0om]

انا مره طحت بنااادي و في شلة بناااات ضحكو فطسو من الضحك امبيه حسيت ان بااالغو يعني ماله داعي و عااادي كملت اللي ابي اسويه ولا طااالعتهم اصلا و وحده كل ما مرت من يمي قالت كااااااااااك بس انا طنشششششششششش و بس اشوووف احد يطيييح عادي ما أضحك احس الوضع جدا عادي و ماله شغل بالكرامه لأن الشي اللي صار مو قااااصد الانسان يسويه يعني احس انه عيب الانسان يضحك

 

[CUTE ENGINEER]

عاد آنا أم الطيحات وكلها تضحك وتعور القلب بنفس الوقت آخر طيحتين
الأولى صار عندي شرخ في الكوع وحطولي جبيرة أسبوعين
والثانية بمطعم ونازلة عالدرج وأطيح على الدري وعلى ظهري للآخر وتم ظهري يعورني شهر ونص والله ستر ماانكسر
وعشان جذي لاااااايمكن أضحك على أحد يطيح جدامي لأني مجربة

 

[كلي فرح]

اللي يضحك على واحد يطيح
احس قمة السخافة
وفعلامرات الوحدة تبي تموت من الضحك كانها شايفة مسرحية
تحرج اللي طاح لو الموقف عادي
انا عن نفسي لما اطيح أقول
^
^
^
^
^
شرايكم بالحركة؟؟؟؟

 

[كويتيه بنت جابر]

شلي يضحك بواحد طايح بصراحه سخافه يعني باوربا اذا الواحد طاح بالعكس يساعدونه علشان يقوم ولا واحد يضحك

 

[puppet]

شلي يضحك بواحد طايح بصراحه سخافه يعني باوربا اذا الواحد طاح بالعكس يساعدونه علشان يقوم ولا واحد يضحك

الردود زعلتني وايد .. بس هالرد سكتني عنهم

أشكرج ، احنا ناس ما عندنا أخلاق ناخذ الموضوع ضحك ومسخرة

 

[نهى الأحمد]

موضوعج واايد حلو
في ناس تعتبر طيحتهم على الأرض انها فشله ومن هالكلام
لكن هذا الشي يرجع للشخص نفسه
كلنا نطيح وكلنا رح نوقع في نفس المطب
وانتي صاجه لي قلتي اذا واحد منا طاح نحاول نساعده بطريقة حلوه

وتقبلي مروري يا الغلا

 

[لمازا حدس زالك؟]

اسم الله عليكم بنااات

الله لايجيب الطيحااات ان شالله

 

[أم منيـرة]

أنا امس بالجـامعه طحـت :/

< لوووووووووووول ، اشهد اني تفشلت ، بس كملت مشيـّتي شسوي

وعبايتي صارت كلها غبار .. يالله ثاني مره بفتـح عيوووني ،

بس ما انتبهت احد شافني او لا!!

 

[حكاية شهرزاد]

كل واحد يعمل باصله ..

الطيحات كلنا معرضين لها ..

واي واحد يطيح نقوله اسمله عليه .. وبس حتى مانتذكر له هالموقف ..

يعني اللي طاح طاح بالنار واللي شافه بالجنه !!

يالله من فضله بس ..