لمتى لمتى لمتى واحنا ساكتين

[al.zainq821]

سلام عليكم ورحمة الله

الي صار مو شويه والله جثث اطفال وجثث حريم وسبب التماس بالكهرباء معقوله الكويت الي تعتبر من اغنياء الدوله

ماتقدر تسوي مولد كهرباء سنع

يعني شنو يبون ابفهم لا تطوور مثل العالم ولا مستشفيات مثل العالم ولا كهرباء مثل العالم

انا بفهم وين الحكومه من الكهرباء وينهمممم ولا هم مو كويتين وين فلوس الدوله وين تطورات والله المفروض احنا الحين من اول الدول المتقدمه

شنو ناقصنا ابفهم عن الدول الثانيه شنو ناقصنا عن امريكا وغيرها مره شفت بالاخبار حريق بامريكا بثانيه وحده وصلت الاسعاف وبدقيقه انقذوهم

والمستشفى وحده بمحافظه يبلغ عددها 300نسمه انا بفهم شتكفي لمثل الحالات

واقسم بالله شي يحز بالخاطر ناس توصل القمر واحنا ننطر كل شهرين مصيبه جديده ياحريق يانهدم مبنى ياستجواب وزير

ليت بابا جابر عايش بس ويشوف حالنا بس

واذا ماصار شي من هالمصيبه الكويت عليهااااااا السلام

مانبي استقالة حكومه او وزاره او استجواب وزير

كلهم مالهم شغل بالسالفه السالفه قضاء وقدر

نبي تطور نبي مستشفى سنع كهرباء سنعه حكومات سنعه حالات للطوارى سنعه شوارع سنعه

اللهم ارحم موتنا وموت المسلمين

 

[مــ_ــا مــ_ــي]

الله كريم يا بنت الحلال ... اللي صار صار وانتها وما عاد يفيد شي راحت ارواح ناس وربي يعوضهم الجنه خيراا من دنيا فانيه.. لكن الحذر الحذر من اللي راح يجي.. لازم نراعي الله سبحانه في كل خطوه نخطيها.. لان لو لا سمح الله وبعيد عنكم صار شي مو متوقع الا اقلها يشفع لنا اجرناا في يوم لا ينفع لا مال ولا بنون.. ويكون القرأن الكريم نور قبري الى يوم الساعه

 

[اخت خالد]

نامل التطور

على قولتج لو يصير شي ثاني زلزال او انفجار لا سمح الله في مكان عام

وين يودون الجرحى

تظنين يودونا السعودية ؟؟؟؟؟؟؟؟؟؟

 

[al.zainq821]

ايه والله لا يخلون نموت وبعدين يعزون اهلنا فينا

الله يعين على حالنا بس

 

[رهوف]

الحكومة مالها شغل بهالموضوع شفيكم بس تبون تتحلطمون عالحكومة وبس

اللي صار اذا كان بسبب تماس كهربائي يعني توصيلات اهم امددينها مو المولد الرئيسي اللي حاطينه

الحمدلله احنا عايشين بخير ونعمة والله يكافينا شر الناس اللي ما يعجبها العجب

 

[مدموزيل كوكو شانيل]

الله يرحمك يا بابا جابر

و الله يرحم جميع المسلمين الاحياء منهم و الاموات

ان لله و انا اليه راجعون

 

[مناوي الكويت]

ما نقول الا لا حول ولا قوه الابالله العظيم
شنسوي

 

[NoNy aLM]

ب*we need blood donors from all blood groups as we are facing an emergency situation .... please pass this message to all your friends ... the blood bank is open from 7am till 9 pm sat-thursday... Ay fa9eela 3adii 3ashan el karetha ele 9arat b3ers el jahra o allah yr7amhum o yr7am 7alhum!!

Plz Forward!!

بـــــنك الـــدم

 

[][ نسكآفيه ][]

شكووووووو الحكومه ,,,بعد؟؟
ليتات الخيمه موصله بماطوووووور يجي معاها ,,, شكوووو كهرب الحكووومه؟؟؟

الله يرحمهم بس ويصبر قلوووب أهاليهم ,,,

اللي صار قضااء وققققققدر...

 

[الغاليه نونو]

ذكري ربج يمه اللي صار قضاء وقدر وربج كاتب هالشي يصير الحكومه شكو

اللي حاطين الخيمه شوفي الشركه اللي مددت لهم الكهربا ماحسبت حساب هالكارثه وبعدين بتقارنين الكويت بامريكا

الكويت دوله وامريكا قاره والفرق اكيد كبير بينهم

ولا تنسين الغزو اللي دمر الديره وردها ورا عشرين سنه والحين الحمدلله الكويت مافيها الا العافيه شوي شوي كل شي يتصلح

وعلي كل اللي فيها وبكل اللي فيها تبقا الكويت عروس الخليج احمدي ربج واشكريه يمه عالنعمه اللي احنا فيها
ولاتربطين القضاء والقدر بالحكومه خليج متفاااءله يمه

 

[دمعة الحوراء]

بسم الله الرحمن الرحيم
لا حول ولاقوة إلا بالله العلي العظيم
هذه الحادثة ذكرتني بحادثة مؤلمة حصلة في إحدى قرى القطيف من حوالي 10 سنوات راح ضحيتها حوالي 300 شخص
ولايزال هناك من يعانون من آثار الحريق
طبعا الحكومة ماتحركت إلا بعد الحريق وبنى الملك في نفس القرية قاعة الملك عبد الله بن عبد العزيز للأفراح هذا الي قدروا يسووه

 

[زهرااا]

مالها شغل الحكومه

 

[{..ℓɱṌọ]

--------------------------------------------------------------------------------

بسم الله الرحمن الرحيم
لا حول ولاقوة إلا بالله العلي العظيم
هذه الحادثة ذكرتني بحادثة مؤلمة حصلة في إحدى قرى القطيف من حوالي 10 سنوات راح ضحيتها حوالي 300 شخص
ولايزال هناك من يعانون من آثار الحريق
طبعا الحكومة ماتحركت إلا بعد الحريق وبنى الملك في نفس القرية قاعة الملك عبد الله بن عبد العزيز للأفراح هذا الي قدروا يسووه

ووش تبيييييييييييييينه يسسوي اكثر من كذآآ
وبعديين قبل 10 سسنييين مااتولى الملك عبد الله الحــــــكمـ

الله يررحمـ الموتــى قضضاء ووقدرر
لاحول ولاقوة الا بالله

 

[دراهــم]

بس لاحظوا يا بنات ..

هذا ثاني حادث يصير الاول بصالة الافراح .. وهذا في البيت بسبة خيمة

غير ان الحريق اللي قبل صاير بمستشفى الجهرا

والمستشفى اساسا ما قدر يستوعب كميات الجرحى والمتوفين .. فـ ارسلهم لمستشفى الفروانية والصباح ومبارك الكبير .. من زمان الناس يستصرخ تبي مستشفى سنع

كل هذا يؤكد ان الجهرا محافظة مظلومة من جميع الجهات ..

نبي من الحكومة تطلع لنا [ من المسؤول عن هذه الفاجعة ؟ ]

على الاقل .. نبي حداد رسمي بالتلفزيون لان اللي ماتوا [ 50 نفس بشرية ] مو [ 50 قطو ]

شوفوا التلفزيون شنو فيه ؟؟ بالله عليكم انا طول الليل قاعدة اتابع اخبار ديرتي من الجزيرة اللي ما اواطنها والعربية ..

::

اللي صار بالجهرا .. استصراخ .. نبي المسؤولين يتحركون ..

ديرة غنية .. وتتبرع برا الكويت .. واحنا مستشفيات مثل الناس ما عندنا

لكن مقيولة

خيرك لغيري والشقا والعنا لي

 

[أحلى عيون]

يا بنت الحلال على قولت واحد يعلق بجريده يقول الشرهه مو على الحكومه الشرهه على البنغالي الي سوى الوايرات وما وصلها عدل والله ضحكني الكلام وانا مالي خلق


والله هذاك اليوم قاعدين انا وعيالي ولا الليتات طفت وشبت بروحها يعني شنو تسوي الحكومه للكهربا يقولج احمال كبيره على الكهرباا

كل سنه راح تسمعين هذا الكلام بالصيف ليما يسون مولد كهربا زين وسنع

ويقولج يا حبوبه على السنه ان شاء الله الي تجي والله يعطينا طولت العمر راح يمددون كهربا من قطر << والله قهر يعني ناخذ من قطر واحنا الي نعطي العالم كلها على كهربا ما يقدرون

خليها على الله

 

[$الـــحـــلاوه$]

ليت بابا جابر عايش بس ويشوف حالنا بس

<<<دمعت عيني من هالجمله
يااربي ترحمهم ان شاء الله انا حاسه بضيقه من اليوم الله يعين اهاليهم ويصبرهم

 

[pretty sarona]

تماس كهربائي شكو احمل الديرة الغلط ؟ صار من الحمل الزائد ولا أيا كان , انا قريت اكثر من سبب و الله يعلم من شنو ..
اللي صار قضاء و قدر , المستشفى اذا ما كفى يسد عنه مستشفى ثاني , شفيها يعني كلنا ديرة وحده و ما قصروا المطافي ولا الداخليه الله يعطيهم العافيه

 

[whitish]

الله يستر علي الكويت حالها ما يسر

ربي الطف بالكويت واهلها

 

[SaD FaCe]

الله كاتب جذي هذا يومهم بعد شنسوي

 

[دراهــم]

تماس كهربائي شكو احمل الديرة الغلط ؟ صار من الحمل الزائد ولا أيا كان , انا قريت اكثر من سبب و الله يعلم من شنو ..
اللي صار قضاء و قدر , المستشفى اذا ما كفى يسد عنه مستشفى ثاني , شفيها يعني كلنا ديرة وحده و ما قصروا المطافي ولا الداخليه الله يعطيهم العافيه

حبيبتي لازم احد يتحاسب من الاهمال اللي قاعد يصير ..

اهل العرس أو اللي ركبوا الخيمة .. اخطأوا انا معاج

بس من متى أهل الجهرا يبون مستشفى .. الاعداد قامت تتكاثر .. يسوون مناطق جديدة .. لدرجة ان المستشفى صارت ما تتحمل ..

عفيا بس روحي شوفي المستشفى .. يضيق خلقج لما تقولين ديرتنا تعطي فلوسها للي يسوى وما يسوى .. واحنا عندنا مستشفى بدائي ...

احترقت المستشفى إذا تذكرين السالفة من الصيانة البالية ..

وكل مرة أهالي الجهرا يناشدون بمستشفى سنع .. لكن المسؤولين عمج اصمخ ..

صدقيني محد بيحس بكلامي إلا اهل الجهرا لانهم يعانون .. وان شاء الله ما تعانون مثلهم ..

لكن لي متى صج واحنا ساكتين .. لين تصير مصيبة ورا مصيبة .. وعيالنا على ما يودونهم مستشفيات داخل الديرة يموتون بالطريج ؟؟ ليش احنا بالجهرا مالنا حق نتكلم ؟؟ مالنا حق نطالب بمستشفى صالحة للاستعمال الادمي ؟؟

واللي صار بالعرس ... وعدم مقدرة المستشفى باحتواء الجرحى .. ان شاء الله تكون قرصة اذن للمسؤولين ..