لمتى لمتى لمتى واحنا ساكتين

[داريني]

العيب انه ما فيه اسس امن وسلامه
وماكو رقابه من الجهه الي تكون مسئولة

يعني المفروض الشركات الي تاجر الخيم والقاعات الكيربي
يكون عندهم واحد بس متخصص بالامن وسلامه توصيل الكهربا

والي صار اهمال مشترك بين الحكومه والشركات
وهذا قضاء وقدر

 

[(كويتيه عسل)]

صاااااااااااااااااااااااااااااااجه صح لسانج

بس شاطرين حق برا وياريت يبين في عينهم

عين عذاري يسقون البيع ويخلون القريب :0bee2e8d89:

 

[يــاغربـــالي]

لاحيآة لمن تناآآدي

 

[neneneeneee]

اولا هذا قضاء الله وقدره

وترى الحريق ماصار من التماس كهربائي صار من تطاير شرار الفحم حسب ماكتبو بالجرايد
والله يرحمهم ويصبر اهلهم

 

[al.zainq821]

حبايبي انا مو اقصد بس هذي الحادثه

روحوا شوفوا مستشفى الجهراء هذي مستشفى تكفي 300الف نسمه

للمعلوميه استقبلوا بس 54 والباقي قالوا مافي مكان ؟؟؟

وثاني شي شوارع الكويت الضيقه والخطه الامنيه للطوارى

وللمعلوميه بعد وقت الحدث الامن تهاوش مع المطافي ابفهم وين الحكومه عن كل هذا؟؟

وين البلديه عن اقامة حفلات باخيام ؟؟

وتقولون الحكومه شكو بعد

الحمدالله احنا بخير ونعمه وماقلت شي ماقصروا شيوخنا بس لابد من توفررر كل شي للطوارى

والله يعين حالهم ويرحم اموات المسلمين

 

[مــ_ــا مــ_ــي]

حبيبتي لازم احد يتحاسب من الاهمال اللي قاعد يصير ..

اهل العرس أو اللي ركبوا الخيمة .. اخطأوا انا معاج

بس من متى أهل الجهرا يبون مستشفى .. الاعداد قامت تتكاثر .. يسوون مناطق جديدة .. لدرجة ان المستشفى صارت ما تتحمل ..

عفيا بس روحي شوفي المستشفى .. يضيق خلقج لما تقولين ديرتنا تعطي فلوسها للي يسوى وما يسوى .. واحنا عندنا مستشفى بدائي ...

احترقت المستشفى إذا تذكرين السالفة من الصيانة البالية ..

وكل مرة أهالي الجهرا يناشدون بمستشفى سنع .. لكن المسؤولين عمج اصمخ ..

صدقيني محد بيحس بكلامي إلا اهل الجهرا لانهم يعانون .. وان شاء الله ما تعانون مثلهم ..

لكن لي متى صج واحنا ساكتين .. لين تصير مصيبة ورا مصيبة .. وعيالنا على ما يودونهم مستشفيات داخل الديرة يموتون بالطريج ؟؟ ليش احنا بالجهرا مالنا حق نتكلم ؟؟ مالنا حق نطالب بمستشفى صالحة للاستعمال الادمي ؟؟

واللي صار بالعرس ... وعدم مقدرة المستشفى باحتواء الجرحى .. ان شاء الله تكون قرصة اذن للمسؤولين ..

صح السانج..يمكن عشان الجهراء برا السور خارج نطاق التطور .. هو مساشفى واحد ومانين بعمرهم اللي يشتغلون فيه كلن شايف نفسه وماله خلق يشتغل .. حتى لما صار لي حادث سياره دخلوني الانعاش وشفت لا مبالاة طلعت على مسؤوليتي وانا كنت تعبانه من الكدمات لكن توكلت على الله .. والله كريم

 

[al_fajro albaee]

أختى السبب ماكان مولد كهرباء السبب كان زوجة الرجال هلى اللى حطت بانزين بالخيمه وهى أعترفت تو طلع على قناة الوطن

 

[al_fajro albaee]

لأنه متزوج ثنتين

 

[فقدتك يانور عيني]

الله يستر يارب ويحمي ديرتنا من كل مكرووووه

 

[نــور الكــون]

أختى السبب ماكان مولد كهرباء السبب كان زوجة الرجال هلى اللى حطت بانزين بالخيمه وهى أعترفت تو طلع على قناة الوطن

حبيبتي لا تظلمينها يقولون الناس هذي اشاااعة وتذكري الظلم ظلمات يوم القيااامه ،، وبعدين بيبين وش سبب هالحاادثه.​

 

[al_fajro albaee]

أنا ماضلمتها بس هم تو ألحين بالأخبار يقولون أعترفت والله وأذا منتو مصدقين شوفو الوطن

 

[عاشقة الكاكاو]

أول شي حبيبتي الحكومه مالها شغل

الحريق تم بفعل فاااعل والكل يدري بالشي هذا

ثااني شي المستشفيات الحمدالله قامت بدورها على اكمل وجه وفي ناس تطوعت

وطرشوا اكثر من 40 سيارة اسعااف وطيارات هليكوبتر تنقذ المصابين

بس تدرين وين المشكله ؟

المشكله فينا احنا من نسمع شي نروح نتطمش على خلق الله

اول شي اللي رايحين مكان الحادث يفووق عدد الجرحى بواااايد

يعني ليش كل من ماخذ عياله واهله ورايح يشوف مكان الحادث

شوفي التلفزيون مكان الحادث كله يهااال يحوسون بين الاطلال

لو امريكا على قولتكم جان مالقيتي يهاال وهنوود تحووس مكان الحرييجه جان الكل مسك مكاانه وقعد

وحتى اللي اهله كانوا بالعرس ليش ماخذ كل عيالك ورايح تدور على زوجتك او امك روح انت بروحك

ترى الزحمه خلت اغلبية الموجودين بالمستشفى يتشتتون

يدوب ينقذون الناس ولا يردون على الاهالي اللي بره ولا يسكرون الباب على المصاابين :eh_s(14):

ترى جزااهم الله خير العاملين بالمستشفى على المجهود الجباار اللي سووه

واستعاانوا في مستشفى مبارك للمساعده واكثر من مستشفى واسعاف ساعدت بالكارثه اللي صاارت

لا تقط اغلاطنا على الحكومه ترى مو كل شي الحكومه حتى احنا لازم نتعاون مع الامن

وحتى لو الحكومه غلطانه الناس غلطها اكبررر

واساسا خيمة الافراح اللي كانت بالعرس مو مرخصه يعني لو الحكومه راح تركز على كل واحد مسوي عرس

وتشوف اذا خيمته مرخصه ولا لا ماراح يكون عندنا شغل الا تراقب ترخيص الخيااام

يا جماااعه لو احنا نتعااون مع الحكوومه ونطبق القواانين جاان هذا كله ما صااار

بس احنا نتعدى على القوانين ونبي نسوي اللي نبيه واخر شي نقوول كله من الحكومه

راقبوا نفسكم قبل كل شي وصاحب الخيمه المفروض هو اللي يستجوبونه ويشوفون على اي اساس حط خيمة العرس

اللي ماكان لها الا مخرج طوارئ وااحد

بعد قولوا الحكووومه هي اللي حددت مخارج الطوااريء ؟؟؟

 

[qa6wa_q8]

احناا لاازم مصيبه تصييير عشان نتحرك كلعااده

 

[رند]

بنات اللي سار قضاء الله وقدره
اللهم لااعتراض

مالها شغل الحكومه بالتماس كهربا بالخيمه او فعل فاعل ياقرد حظ هالحكومه كل شي براسها
الحمدلله ديرتنا ديره خير والله يدوم عزها
وبوناصر لبا عينه ماقصر الله يدومه فوق راسنا طالب طاقم طبي من الخارج
يعني الواحد لايفسق على النعمه شنو غيركم شلون عايشين

 

[دراهــم]

بنات اللي سار قضاء الله وقدره
اللهم لااعتراض

مالها شغل الحكومه بالتماس كهربا بالخيمه او فعل فاعل ياقرد حظ هالحكومه كل شي براسها
الحمدلله ديرتنا ديره خير والله يدوم عزها
وبوناصر لبا عينه ماقصر الله يدومه فوق راسنا طالب طاقم طبي من الخارج
يعني الواحد لايفسق على النعمه شنو غيركم شلون عايشين

سؤال : انتي شفتي مستشفى الجهرا ؟؟ تعالجتي فيها ؟

إذا لأ .. يعني انتي مو حاسة بمعاناة هذه المحافظة

من سنين نطالب بمستشفى .. سنع

ما راح يتحركون إلا لما تنهدم فوق روس المرضى لا سمح الله .. وهم بتقولون .. [ قضاء الله وقدره ]

 

[HeR HiGHNeSs 90]

يعني تتوقعين الحكومه بس الي غلطانه مو الناس بعد؟؟
يعني الي يبوقون كهربا من الشبه مالت الشارع على بونه يوفرون ولي صارت مصيبه قالو الحكووماا كله منهم
وبعدين انشاله بيلاحقون كل واحد حط له شركه تاجير خيام على شنو يلحقون

المستشفيات خو من زمان خرطي مو بس الجهرا انا مادري ليش يعني مايسنعوون بس الناس نفسهم اهم الي فيهم العله يعني الي بالتربيه والي بالصحه والي بالداخليه لو في موضفين يخافون الله ويسوون شغل من قلب والي يستعملون المرافق لو يحافظون عليها ويكون فيه تفتيش دوري عل اجهزه جان ديرتنا ماكو منها

وبعدين عبالج امريكا مثاليه ماتدرين كثر مصايب تصير عندهم شكثر يتاخرون الاسعاف على ناس ترا الي نشوفه بالافلام بس بجم ولايه عندهم وعندهم بلاوي اكثر منا الحمدالله على كل حال شوفي الاهمال الاكثر الي بالدول الثانيه

والنواب الي امس قاعدين يصارخون بالتلفزيون انه وين الحكومه ليش ماحطو قرار من زمان يمنعون الاحتفال الخيام او انه يوفرون نظام حمايه ولازم قبل كل عرس او احتفال انه الحكومه لازم ياخذون موافقه من الجهات المعنيه
جان شفتيهم نفسهم الي امس يتحلطموون اهم اول ناس بيقولون لااااااااااااااا ليييييييييييييييش هاذي عادات وتقالييد مايصيير تتدخلون بخصوصيات النااس واخذي من هل حجي ترا والله لوما الي صار جان اهما ماقالو الحجي الي قالوو

اخر كلامي الحمدالله ديرتنا بايدنا نقدر نسويها جنه لو كل واحد قدر يسوي الي يقدر عليه لو انا وانتي وكل الي بالمنتدى عل اقل لما يطلعون مكان يحافظون عليه مايقطون بالارض لي رحنا مستشفى نحافظ على المكان او حمام عمومي تكرمون جان الديره بخيير
وعذروني عل كلام الطويل بس هل كلام بقلبي من امس