لمسني كله مني ذبحت نفسي بنفسي متضايقة حييييييييل من نفسي .. اعوووووذ بالله

[ام مهاوش]

الدروس الدينيه
انصحج فيهم وبقوه صج تحسين براحه نفسيه وتتمسكين بالدين اكثر واكثر
انا كنت مثلج جينزات وميك اب واغاني بس الحمدالله الحين اذا سمعت اغاني احس بضيجه الحمدالله رب العالمين
اول الايام راح تكون فيه صعوبه بس بعدين تتعودين وترتاحين

 

[مزاجية حيييل]

سجلي بدار القران

اواحضري ندوات

خلي تي في ع برامج دينيه روحي العمره


خليج خاشعه بصلاتج

اكثري من قراءة القران

والله يهدي الجميع

 

[عادت ذكرياتي]

نامي على وضوء وطهارة حبوبة

قولي الأذكار وخلي ذكر الله على لسانج وربي سعادة وراحة ما بعدها راحة

ربي يوفقج

 

[M!Ss Un!VerSe]

انتي محتاجه رقيه دامج شفتي قطو بالحلم
وحسيتي بأحد يلمسج

مثل ماقالو البنات المسك يكرهونه الجن فاستخدميه

شغلي سورة البقرة واقريها بتطرد الشياطين من بيتكم

تابعي عاليوتيوب برامج الشيخ مشاري الخراز

والله اسلوبه ايننن ومريييح يعلمج شلون تتقربين من ربج
عنده برنامج
كيف تتعامل مع الله
و
كيف تلذذ بالصلاة

تابعيهم والله بغير وايد امور بداخلج مثل ماغيرني

 

[om deaj]

قطي كل السيديات الي عندج
وروحي مكنتبة تسجيلات اسلامية وسمعي منهم اناشيد والله ايد تحصلين شغلات هادية ومريحة للاذن

اللبس كشخي ولبسي في البيت
وتذكري انج اذا لبست راح تغرين الي مايسوا وتغضبين ربنا

القران خليه بسجادتج عقب كل صلاة صفحة ولا ثنتين

بغرفتج والدور الي انتي فيه شغليها ولاتروحين تنامين في الغرفة والباب مبطل نطري لين يخلصه ابوج
اقري الرقية الرعية وخل اختج تقراها
وياليت اذا ماتلبس عباة تقولينلها الحلم يمكن تخاف وتلبسها وربي يثبتها ويثبتج ويثبتنا معاكم على مايرضاه اللهم امين

 

[نجدية2011]

كرري
دعاء اللهم ردني اليك رداً جميلاً
واجعلني من عبادك الصالحين
واحفظ بصري ووسمعي وخطواتي
عن المعاصي
واكثري من الاستغفار والتسبيح
والا>كار والصلاة بوقته
وخلك دائم ع وضوء
وبترتاحين

 

[الشمريه]

لازم عندج كتاب رياض الصالحين الي فيه احاديث لرسول الكتاب راح يغير دنياج هذي نصحيتي الوحيدة لج واتنمى تطبقينها وراح تدعين لي

 

[اميره بالجنة]

شوفي خيتوووو حتى الشيوخ ينصحون بالنوم في غرفه ماتكون مظلمه دامج بروحج نامي باللمبة النوم وافتحي سورة البقره وانتي نايمه رح تحميج
ولاتنسين دعاء خلع الملابس في كثير ناس غافلة عنه (بسم الله الذي لا اله الا هو) لان المس العاشق يكون بسبب عدم ذكر هالدعاء وقت تبديل الملابس او الحمام وانتوا بكرامه فلازم تواظبين على دعاء خلع الملابس وسورة البقره والله والاذكار وربي الاذكار لو قلتيهم من قلبج وربي تحميج من كل شي

 

[برووورة]

عادي يا أختي كلنا تجينا كوابيس
ممكن تكون تنبيه على تقصير ومحد يا اختي كامل
وهي اكيد من الشيطان علشان يخيفك
وانتي ماشاء الله عليج قلبج حي
واحتمال انك تأخرين صلاة الفجر
الله يثبتك على طريق الاستقامة ويثبتني وياك
والله انة بعد بنفسج ومحتاجة تدعون لي بالثبات على الحق ويقوي ايماني

 

[أم خشم]

شي طبيعي ,,, اللي صار لج ,, وممكن بعد يصير لج اكثر
لانج كنتي مرضية الشيطان بالمعاصي ,, و فجاة انقلبتي عليه ,, و التزمتي و الظاهر انج تركتي ذنب عظيم ,, وهالشي خلى الشيطان يحاربج و يحاول يخوفج علشان ترجعين ,,
اي انسان يكون بعيد عن الله ,, و يلتزم ,, تصير له هالمواقف
وانا من الناس ,, اللي صار لي هالموقف ,, لما بديت التزم ,, و ازيد العبادة و تركت المعاصي ,, ياني حلم هاجمني فيه الشيطان ,, بكبره ,, لكني ما ضعفت ,, لانه اهوا ضعيف ,, وهذي محاولات فاشلة منه علشان يردج للغلط
الله يثبتج و يثبتنا معاج ,, و يبعد عنج الشر ,, يالغالية

 

[بتول الرياض]

الله يثبتك ان شاء الله ويقويك على طاعته يارب

 

[اشلون يعني &]

اقري سورة يوسف وسوره النور مرتين يوميا وراح يروح الأذى بإذن الله

 

[جــــود]

ماعليج الا العافيه ان شاءالله اغلب الناس مرو بهالمواقف

قوي علاقتج برب العالمين ومن اتجه الى رب العالمين ماخاب سبحانه

غيري دارج سوي الحمام المهجور وانتو بكرامه
حطي بدارج سورة البقره وان شاءالله ماييلج الا كل خير

 

[مس هنادي]

الله يهديج ويصلحج ويثبتج على مايحب ويرضى

 

[مقمش لولو]

حبيبتى خلي نظرتج تفاؤليه

ربنا خصج بهالحلم او الكابوس او الياثوم شي طيب

للتنبيه قبل فوات الاوان...لاتفكرين بالحلم او انج تفسرينه...شوفى الجوانب الايجابيه..ربج يحبج ويبيج تتقربين منه

قبل لاتنامين انثري الغطا (اللحاف) هالشي سنه عن الرسول وقبل النوم خلج على وضوء ..نامى على شقج الايمن واذكرى

المعوذات....ماراح تشوفين الا اللى يسرج باذن الله

 

[آلمآآآسه]

حبيبتي انتي


هالاحلام تحذيريه واحمدي رب العالمين على كل شي

لو مب هالاحلام جان ماهتديتي

شوفي قلبي اقري على الماي المعوذات واشربيه ويفضل ماي زمزم وحطي الماي في مرشات ورشي على زوايا البيت وخاصة غرفتج .. وقبل لاتنامين وهاذي انا مجربتها ولله الحمد احلم احلام حلوه .. حطي مسك اسود ورا الاذن والمعصم لان الينانوه والشياطين مايحبون ريحته والله الحافظ فديتج
​

 

[مسس كارميلا]

اذا انتي فعلا عازمه على زيادت ايمانج
سمعي هالكلام الي بقوله لج بقلبج مو باذنج

ماراح اقولج تعبدي وتركي المحرمات
لا اول اقولج شنو يعني الايمان
وشلون نزيده بقلوبنا وشنو اصل الايمان ؟؟
..

يقول الله تعالى

اللَّهُ نُورُ السَّمَاوَاتِ وَالْأَرْضِ مَثَلُ نُورِهِ كَمِشْكَاةٍ فِيهَا مِصْبَاحٌ الْمِصْبَاحُ فِي زُجَاجَةٍ الزُّجَاجَةُ كَأَنَّهَا كَوْكَبٌ دُرِّيٌّ يُوقَدُ مِن شَجَرَةٍ مُّبَارَكَةٍ زَيْتُونِةٍ لَّا شَرْقِيَّةٍ وَلَا غَرْبِيَّةٍ يَكَادُ زَيْتُهَا يُضِيءُ وَلَوْ لَمْ تَمْسَسْهُ نَارٌ نُّورٌ عَلَى نُورٍ يَهْدِي اللَّهُ لِنُورِهِ مَن يَشَاء وَيَضْرِبُ اللَّهُ الْأَمْثَالَ لِلنَّاسِ وَاللَّهُ بِكُلِّ شَيْءٍ )

ا
لمقصود بالمشكاه ..هو صدر المؤمن
والزجاجه ..هي القلب
كانها كوكب دري يوقد المقصود فيها ..الايمان

يكاد زيتها يضيء ولو لم يمسسه نار .
المقصود هو الايمان الي فطرنا علي الله سبحانه وتعالى يوم
خلق ابونا ادم وعرض الخلائق اجمعين
وعلمهم انه هو الله ربهم سبحانه

هذا اصل الايمان
بس شلون يشتعل الايمان في قلب المؤمن وصير نور بالقلب ينور دنيانا وأخرتنا
وبالقبر والسراط
شعلت الايمان الي يخلي يضيء القلب اهي ..
اهو العلم

العلم باصل التوحيد لا اله الا الله
واسمائه وصفاته
وتوحيد الالوهيه والربوبيه


بس مو اي علم !!
العلم الي يدخل دااااخل القلب
وحرك شي في القلب
هني اصل الايمان

اقري عن شروط لا اله الا الله

كلنا نعرف نقولها بس والله ماتعرف معناهااا


حبي الله حبيييه
مو تطيعينه انقياد و خوف من عقابه بدون حب


اول شي عشان يزيد ايماني
استعين بالله
ادعي انه قلبي يتعلق فيه
وكون هو احب لي من كل شي


بعدها
اقري او سمعي عن اسماء الله الحسنا
و ادعي فيها
بعدين راح تشوفين اثرها على حياتج
وعلى قلبج


تعلمي عن العبادات القلبيه
مشكلتنا انه احنا نتعبد بالحركات
مو بقلبنا
قال تعالى
{فإنها لا تعمى الأبصار ولكن تعمى القلوب التي في الصدور}

تعلمي عن العبادات القلبيه
الانه اذا تعبدتي بالعبادات القلبيه
محبه خوف رجاء ... (( سلسله الشيخ المنجد شرح اعمال القلوب عجيبه ))
راح تطلع على جوارحج وتصلين الصلاه وتقومين بالعبادات بقلبج
وبزييييييييد ايمانج


مابي اطول عليج اكثر
الله ينفعني وينفعج بالكلام الي قلته

 

[Pippa]

’

يزآكم الله الف خير مآقصرتوا

 

[Om.brhom]

حبيبتي اول شي بقوولج اذا تبين تخلين ربي يرضى عنج اول خطوه سويها اقعدي عالساعه 12 بليل او 1 بليل لان هذا وقت صلاة القيام وربي ياأختي ان صلاا القيام تفرج الهم وتقرب
العبد لربه لان الله سبحانه وتعالى قال ان الي يصلي صلاة القيام ( بس ركعتين ) ويدعيني راح استجيب دعوته بهالوقت
وانتي يالغاليه ادعي ربج يثبتج ع طاعته ويرزقج حسن الخاتمه ( آمين ) وادعي كل الي بخاطرج فيه وصدقيني بتتغير حياتج للاحسن بإذن الله
وثاني خطوه كثري استغفار وتسبيح والله لو طبقتي الي قلته صدقيني بتشوفين التوفيق من الله
واتمنى افدتج غلااي
وموفقه يارب

:eh_s(7): أنا معاها :rerrerek:

 

[_كلي دلع_]

الله يهديج ؤيثبتج آن شآء الله ..

كثري من ألآستغفـآـآر ؤـآلتسبيح تحسييين برـآـآحه سبحـآـآن الله .. ؤصلي قيـآـآم ـآلليل ..*