لمن تشكين مشاكلج .. ؟؟ اللي .. ولا اللي

[PuPa^^SWeeT]

السلام عليكم


كيفووو بنات



اليوم دقت علي وحدة
وقاعدة تشكييلي انها

دقت على رفيجتها تشكييلها مشكلة ويا ريلها

قومي يا هالرفيجة شيشيها

وخليها تكبر السالفة


ويالله طخوو لوما عقل ريلها و فهمه انها مو صاحبة الراي بالموضوع



المهم


اللي بسالكم ايااه


انتو حق منو تشكوون ؟؟؟


ندري كل وحدة بتقوول امي ولا اختي ولا رفيجتي


مابي شخص شنو يقربلج


ابي رجاحة عقله و صواب رايه



هل تبحثين عن شخص او وحدة اتشيشج


ولا اتدورين وحدة اتهدييج ؟؟؟



ولا تبين وحدة اتبينلج الحل الانسب



كلنا بنقوول اللي اتدورلنا الحل الانسب


السؤال هذا الشخص هل هو فعلا اللي تشكييله

ولا اللي اتدورينه و ماتلاقينه


؟؟؟



بالنسبة ليي


مو دايمن تتوفر صاحبة الراي الانسب



انتو شلوون


المايك لكم ​

 

[Om A7lam]

بصراحة احل أموري و مشاكلي وادور حلول بنفسي ما احب ادخل او أخذ رأي احد بمشكلة تخصني الحمدلله عارفة مصلحتي و شنو الأنسب لي واقدر اتحكم بمشاعري او انفعالي اذا ابي و اذا اضطريت استعين بأحد فأول شخص ألجأ له أمي لانها تساعدني كثر ما تقدر و اكثر وحدة تهمها مصلحتي و عندها خبرة اكثر من الرفيجات او الخوات

 

[~ بنت الهدى ~]

اخذ الحل الأنسب و المساعده من امي الغاليه

الباقي مجرد فضفضه مابي منهم حلول

 

[تحت ظلك]

ولا اتدورين وحدة اتهدييج ؟؟؟


طبعا أنا أشكي لصديقتي وأنا اعرف مابيدها حل ولا أنا عندي حل ولا كل هالبشر عندهم حل لمشاكلي

الحل بيد الله سبحانه , أشكييلها عشان تهديني وهذا أكثر شي أحتاجه بس ابي احد يهديني ويسمع مني فضفضتي

لأني صابره وأعض على الصبر بطعمه المر

ابي احد بس لابجيت يحضني ويخفف عني ولا أنا اعرف ان ماحد عنده حل

وطبعا ماعندي راي أنسب ولاشي لأن أعرف اكثر الأمور الي تضايقني لو أوقف في وجها خسرت أكثر مما أكسب

انا ادري تكلمت كلام مفروض مااتكلمه بس انا اجاوبج وماعرف اتكلم الا بصدق وصراحه وحتم علي الموضوع اجاوب بصراحه

عموما بعد معاناة سنين خسرت نفسيتي وصرت أحتاج الأحتواء أكثر لأني مكسوره

ولهذا لجأت لمن يحل مشاكلي ويساعدني ويسمعني

وسلام والله الدموع غرقت العيون

ودعواتكم الطيبه

 

[miss $_$ semsem]

قبل كنت اقول لجم وحدة من رفيجاتي كل شي بقلبي بس صار موقف واعتبرت هالجم بنية مو مال هالثقة كلش

ومن بعدها اذا في شي مضايقني بالجامعة عادي ماكو مشاكل اقول
بس اذا شي مضايقني حيل بموضوع ثاني قمت احتفظ فيه لنفسي حتى لو في جم وحدة من اهلي ارتاح افضفض لها هم ماقمت اقول

 

[زهرة الفردوس]

افضل شى إن الوحده ماتتكلم إلا لشخص حكيم يوزن كلامه ويحكم بالعدل وهذا نادر ماتلقينه

 

[الصمت الاناني]

السلام عليكم
انا اشكي حق رفيجتي بس مو دايم اخذ منه الحل
لان ادري الي يضيقني يضيقها احول اخذ الحل من شخص
ما يعرف اسلوبي ولا اقوله شنو مشكلتي بضبط
بس اقوله كان جدال او موضوع لي النقاش
هذي طريقتي
ادري غريب بس احسن ما اضايق الي احب احبهم
​

 

[سوسو حبيبتى]

اب اب

لي عودة سوسو قاعدة فوق راسي

 

[حقنة المستبدة]

ما خاب من استشار فقط يلزم ان نبحث عن الشخص الحكيم لا ان نشتكي الى من لا يعرف حتى كتابة اسمه فالغريق لا ينقد الغريق

 

[Uou0Uo]

عندي صديقة اغلى من روحي واعتبرها بصرااحه امي وطول الوقت معاها الله لايفرقنا مااحب اسمع حل منها بس احب حنانها ومهما اصيح واضيق مابي غير صدرها وحنانها ومن بعدة تهدا نفسي واحل مشكلتي بنفسي ولو كانت صعبة اتصل باي استشاري او استشير اي عقل حكيم

 

[غنج اهلها]

انا اذا ماشتكي لااخواتي وامي


لوكان ماكان ماشتكي خلاااص

لان بطبعي غامضه وماحب شي خاص فيني يطلع

 

[المرتاحة]

انا قمت ما اشتكي لاحد حتى لصديقاتي او لخواتي شكواي لله ..لان محد بيعرف او بيحس فيني كثري انا صاحبة المشكلة

لكن اذا كنت محتاجه لاستشارة عندي الوالد الله يخليه و يطول بعمرة وايد اثق فيه وبآرائه ووجهات نظره كرجل و شخص ذو خبره في الحياة

 

[قمر بيت أبوها]

المرتاحه الله يحفظ لك الوالد
أنا بعد استشير ابوي الله لا يحرمني منه واثق برايه بس لحظات مااشكي له اذا المشكله بتضيق خلقه ولا ترفع الضغط فاسكت
والمصيبه لما انتي تكونين محله ثقه للناس والكل يشكي لك وتحلين مشاكلهم
عقب يحاربونك وينسبون سبب المشكله لك هذولا والله المشكله صدق
وحاليا استشير وحده من صديقاتي بالمنتدي( الله يحفظها )
وامور السابقه كنت اشكيهم حق ام صديقتي الله يحفظها لعيالها بس هالفتره انشغلت واستحي منها (توك تستحين ههههههه)
وزي ماقالت وحده من الخوات بعض الناس مجرد فضفضه مو تدورين حل عندهم
بس الانسب والافضل انك تحتفظي بمشاكلك حق نفسك ولا شكيتي اشكي لله عز جلاله
( إِنَّمَا أَشْكُو بَثِّي وَحُزْنِي إِلَى اللَّهِ )

 

[♥MaSteRiyA♥]

آنا ما أمر وايد بالهسوالف
بس الحمدلله اذا واجهت شي.. دايماً ألقى
من يمسكني من ايدي ويوقف معاي

ربي مسخرلي عبيده الحمدلله
الله يخليهم لي ويحفظهم يااااااااااااااااااارب :yaaaaaarb:​

 

[دندون ام عبود]

اشكي لربي
ومشاكلي احلها بنفسي ماحب ادخل احد بنووب

 

[@ كويتيه @]

آخذ رآيي رفيجآتي وخوآتي

بعدهآ اقعـد افكـر بالموضوع مع نفسي فتـــــره

وبعد ما اقرر اخذ رآيي الوآلده ..

 

[Patcholli]

الجأ حق الشخص اللي ارتاحله واحسه صج بينصحني بظمير وخوف علي

للاسف وايد ناس كنت اعدهم بحسبة الخوات بس مواقفهم بالتشيش مو طبيعيه خراب بيوووووووووووووت ..!!
خاصه الي تكون شايشه مع ريلها واتي اطلع حرته فيني وبنصاحيها حقي

الصراحه هالناس مستحل اتكلم معاهم او اشكيلهم الحمدلله كبرت وعرفت منو اللي صج بينصحني بظمير

 

[سوسو حبيبتى]

فاقد الشي لا يعطيه

دة مبداي باختصار

ادور على واحدة تقدر تفيديني

واحب افضفض مع اختي وصاحبتي اكتر شي

وافضفض معاكم طبعا ياصحبااتي الغاليين ع الواتس اب هههههههه

 

[بنوتة الخبر]

انآ اششكي لنفسسسي واششكي لقلمي
ونآدرآ مآ اتحكى بسسآلفه تخصصني الى اذآ احتجت نصصصيحهه

وشششكرآ

 

[حبي بيرين]

بالنسبه لي اول من ارجع له هو نفسي يعني بما انه انا صاحبه المشكله وانا ابخص الناس بنفسي واعرف مصلحتي واللي ينفعني فادور ع الحل بنفسي بعدها اسال اختي وش رايها يصلح او لا (اختي اللي نفس تفكيري ) بصراحة فيه اراء متهورة عشان كذا صرت مااخذ رأي غيري على قولتهم عقلك براسك تعرف خلاصك