لمن لديها الخبره بماليزيا

[لوزة_الحلوه]

ممكن اعرف شنو بضاعة السوق الصيني
وشنو ممكن اتبضع منه
وينفع اخذ اعيالي مااقدر اخليهم بالفندق
واشلون الاسعار انا سمعت بان اذا كاسرت علي سلعه لازم اخذها ولا يعصبون صج

 

[ArEEj]

السوق الصيني فيه كل تقليد الماركات
ساعات - جناط - احذية - تي شيرتات - احزمه - وشغلات وااجد

وعادي اخذى عيالج اذا حبيتي بس اهو حيل زحمه وضيق
انتى حاولى ما تروحين بالويك اند مالهم ابدااااا
بالنسبة للمكاسر والله عادي اكاااااااسر ليما اقول بس
بس اهم شي الابتسامه على وجهج لا تكشرين بوجههم
مره وحده اوربيه جدامى تكاسرهم وما ادرى شقالت لهم
والله قاموا عليها الصينيات قوووومه بالانجليزي
يقولون لها روحى ديرتج انتى ليش جايه اهنيه
طلعى برا من السوق احرجووووها حيل
يعنى انتبهى لا تتحرشين فيهم بس كاسري بابتسامه واذا ما اعجبج قولى ثانكس وامشى

 

[ميسوره]

السوق الصيني فيه كل تقليد الماركات
ساعات - جناط - احذية - تي شيرتات - احزمه - وشغلات وااجد

وعادي اخذى عيالج اذا حبيتي بس اهو حيل زحمه وضيق
انتى حاولى ما تروحين بالويك اند مالهم ابدااااا
بالنسبة للمكاسر والله عادي اكاااااااسر ليما اقول بس
بس اهم شي الابتسامه على وجهج لا تكشرين بوجههم
مره وحده اوربيه جدامى تكاسرهم وما ادرى شقالت لهم
والله قاموا عليها الصينيات قوووومه بالانجليزي
يقولون لها روحى ديرتج انتى ليش جايه اهنيه
طلعى برا من السوق احرجووووها حيل
يعنى انتبهى لا تتحرشين فيهم بس كاسري بابتسامه واذا ما اعجبج قولى ثانكس وامشى

يسلم بوئك

بس انا افضل انج تشترين من الماركات الماليزيه
مثل بونيا وكارلورينو احسن وارخص ويبن عليهم
احسن من التقليد وتشكيلتهم حلوه وشي يسوى
هذي وجهه نظري :tek:

 

[منتهـى الرقه]

كلام ميسوره عين العقل

 

[سينتيا]

وين صاير هالسوق ممكن اعرف

 

[*peace*]

اي صح كلام ميسوره انا مشترية ماركات ماليزية بنفس سعر التقليد من الشاينا تاون قلت الحمدلله اني شريت قبل

لااروح الشاينا تاون صراحه قهر

امس رحت حزت العصر ماكان زحمة امس الأحد

عادي اخذي عيالج وقولي دعاء المكان اول ماتوصلون ماكو الا العافيه ان شاء الله

وترى حليوين وعادي كاسريهم انا زوجي يكاسرهم ويضحك معاهم عادي محد عصب لووووووووووووول

بس ويع انا مااحب الصينيين والهنود اكش منهم مومثل الماليزيين حليوين وأميني صراحه شعب يفتح النفس

لي قالوا مثلا ب100 قولي 50 او 60 واصري على سعرج

بس اول شوفي ماركاتهم ترى حلوه روحي ميغا مول بكوالا حلو عجبني اكثر من بي بي بلازا خرابيط شوي

 

[معلمة انجليزي]

شنو بضاعة السوق الصيني
كل شي تقليد وفيه محلات تبيع ملابس عادية
وشنو ممكن اتبضع منه
كل شي تقريبا
وينفع اخذ اعيالي مااقدر اخليهم بالفندق
اي بس خلي رجلك يمسكهم و انتي استلمي السوق و الفرارة
واشلون الاسعار انا سمعت بان اذا كاسرت علي سلعه لازم اخذها ولا يعصبون صج
اذا كاسرتيهم على سلعه و رضوا بالسعر اللي تبينه يعصبون اذا ماشريتيها اما اذا قلتيلهم سعر و اهم مارضوا عادي امشي مالك شغل فيهم و مايقولون شي

 

[maryam_q8]

من وين اشتري حق العيد حقي وحق اليهال من هناك

 

[لوزة_الحلوه]

ماقصرتي بنات علي الردود
باذن الله باجر بروح السوق الصيني
وكاني بروح امبجر بخلي لعيال ننايمين مع الشغاله
الله يستر