لندنيات عندي استفسارات

[shoshowoo]

قوه بنات شلونكم
الي سوت فيزا حق بريطانيا شنو كانت الطلبات وجم طلعتها

والي راحت على الطيران البريطاني جم يحسبون الوزن الزايد بالرده ولا الشحن ارخص لي

ياريت الي تعرف تفيدني

 

[om l3yal]

حبيبتي اذا كنتي عايلة مايطلبون منج غير انج تعبين الفورما مالت الفيزا وصورة خلفيتها بيضا بدون لا تبتسمين ورسومها تقريبا ٣٤ دينار
والبريطانية حدهم ٢٣ كيلو بجنطة وحة لكل شخص واذا تبين تشترين وزن جنطة ثانية هم ٢٣ كيلو تطلع تقريبا ١٥.٥ اذا شريتيها من النت بس اذا من المطار تطلع ٤٠ باوند يعني تقريبا ١٨ دينار والجنطة الثالثة تقريبا ٣٥ دينار
انا بالعطلة كنت مع عيالي كنا خمس اشخاص يحق لي خمس جناط وشريت فوقهم ست جناط طلعوا ١٠٠ وشي دينار والصراحة لما حسبت اذا شحنتهم مع الشركات طلعت ان اذا معاي احسن يوصون معاي واذا وصلوا ما اتبهدل اروح وارجع وغير رسوم الجمارك وانتي حرة
موفقة ان شاالله

 

[shoshowoo]

ام العيال مشكوره ماقصرتي حياتي

 

[هاديهـ&مطيعهـ]

اخذي موعد من النت غيروا نظامهم انا رحت اسوي الفيزا وبعد اسبوع السفرة قالت لي لازم موعد من النت قلت لها مابقى شي لى السفره مايمدي قالت تقدرين تسوين vip وسيتها ب٥٧ بس تعبين بياناتج بالفورمة وصورة شخصية خلفية بيضا وياخذون بصمات الإيد والعين سهالات لا تحاتين

 

[أم_فهد]

السلام عليكم اختي ( هادية ومطيعة ) بأي تاريخ سفرتج يمكن تكونين معاي​