لندن .. عيد الأضحى 2009

[إيمي1987]

رد : لندن .. عيد الأضحى 2009

روووووووووووعه

 

[bambena]

رد : لندن .. عيد الأضحى 2009

يعطيج العافيه

من احلا التقارير

متابعه

 

[sweet lady]

ماشاءالله واااااااايد حلووووووو ومفصل
متاااابعين لا طولين بعد يومين بسافر لندن

 

[*وردة نرجيسية*]

الله في جزء ثاني
وناااااااااااااااااااااسة
روووووووووووووووووووعة يالغلا اكملي ونحن من خلفك نسير

 

[j.style]

رد : لندن .. عيد الأضحى 2009

وااي تقريرج يشوق
يسلموا

 

[M!Ss English]

رد : لندن .. عيد الأضحى 2009

تقريرج رووووووووووعه حبيبتي

مشالله عليج كفيتي ووفيتي

شوقتيني للندن

 

[<miss botamba>]

تقريرج واااااااااااو وناطرينج ذكرتيني بلندن يااحلوهاااااااا
بس بغيت اسألج محل ابروكرومبي شنوو يبيع جنه اول مره اسمع فييه

اول شي مشكوره عالمرور :hjy5jewf:

وثاني شي المحل هذا يبيع هدوم رجاليه ونسائيه عمليه تريننغات وعطوره وايد معروفه اتينن خصوصا الرجاليه وعنده بعد نعل و جناط

بس اشيائه عمليه وفي وايد يبيعونهم في المنتدى والعام كان موضه الصبيان كله ابروكرومبي وللحين مستمره

روووووووووووعه

:33_1185028183:

يعطيج العافيه

من احلا التقارير

متابعه

الله يعافيج مشكوره

:nbvppw:

ماشاءالله واااااااايد حلووووووو ومفصل
متاااابعين لا طولين بعد يومين بسافر لندن

ان شاء الله بحاول اسرع شوي وازيد اشياء بس مراح اقدر اخلصه بسرعه كله لان باقي يمكن 7 اجزاء :eh_s(16):

الله في جزء ثاني
وناااااااااااااااااااااسة
روووووووووووووووووووعة يالغلا اكملي ونحن من خلفك نسير

مشكوره عالمرور :eh_s(17)::eh_s(17)::eh_s(17):

وااي تقريرج يشوق
يسلموا

حياج الله ومشكوره :eh_s:

تقريرج رووووووووووعه حبيبتي

مشالله عليج كفيتي ووفيتي

شوقتيني للندن

مشكوره تستاهلون :eh_s(7):

 

[<miss botamba>]

مثل ما وعدكم اليوم راح احط لكم شرح وخرايط حق محلات موجوده خلف ال Regent Street الموجوده في ال Carnaby Street و الشوارع الي حوالينها وان شاء الله شرحي يكون مفصل مبسط و سهل والاهم ان شاء الله يعجبونكم وتكون اول مره تعرفونهم علشان مايكون مكرر

اول شي هذا لينك حق خريطه المكان بدون لويه الشرح حق الي حاب يحفظها او يطبعها

http://www.carnaby.co.uk/images/map/mapPDF.pdf

الخريطه جزئتها 3 اجزاء مع شرح مجمع ال Kingly Court

الجزء الاول




عاليسار عند رقم 1 شارع الريجنت ومثل ما انتوا شايفين اول محل COS علشان توصلون هني من الاوكسفورد سيركس تمشون باتجاه البيكادلي
عند محل COS الفتحه الي قبله في شارع Great Marlborough Street على الشارع هذا موجود محل Liberty طبعا المحل معروف يبيع ماركات متعدده غير هذا عنده خامات ليبرتي المعروفه .. والي يعرف محل هيفاء مال الدراريع كل دراريعها من محل ليبرتي
المحل هذا فيه 3 كافيهات
1. Café liberty : يقدم وجبات خفيفه ووجبات ريوق و غدا
2. Champagne & Oyster Bar : وجبات خفيفه سلطات وشوربات
3. TEA : كافيه متخصص للشاي و الكيك فقط

بعد ليبرتي في خمس محلات الي عليهم احمر من فوق لين تحت
كافيه ليون - بينز كوكيز – ستاربكس – اورانج (خطوط موبايل حق البلاكبيري) – محل مس سيكستي

البلوك المقابل له
كافيه بريت – Lazy Oaf – محل بينفت للميكياج (الموجود في فافافوم على ما اعتقد وبعد عند سيفورا)

موقع Lazy Oaf يونسون الملابس الي عنده
http://www.lazyoaf.co.uk/

اقصى يمين الصوره CourtHouse Hotel اهما بالصج راح يكون مقابل المكان الي على الصوره
هالفندق تابع لسلسله فنادق هيلتون
فيه مجموعه مطاعم وقهاوي بس الاحلى عندهم سبا اسمه SANOOK الصراحه انا بس قريت عنه وشفت الصور والاسعار تشوقت اروحله
للي حابين هذا لينك السبا

http://www.courthouse-hotel.com/leisure/index.html

وهذا لينك للمساجات الموجوده مع الاسعار

http://www.courthouse-hotel.com/images/outside.pdf


نرجع نكمل الشرح ونرجع للريجنت ستريت

موازي مع محل غاب في شارع ال Foubert's Place على هالشارع تقريبا طلعت لكم احلى المحلات والمطاعم ونبدي من اليسار من بعد غاب

مثل ما سبق وذكرته بينيفت و Lazy Oaf ومقابل لهم مطعم كرانابي بيرغر كومباني من الاسم راح تعرفون انه مطعم بيرغر وعنده بعد سندويشات وسلطات وباستا

لينك المطعم www.burgerco.co.uk

ونكمل على امتداد الشارع مثل ماذكرت محل مس سيكستي ومقابل له ماك معروف طبعا للميكياج وبعدهم في محل حسيته يشوق اسمه CowShed يبيع شور جيل و لوشنات وهالسوالف اشيائه كلها طبيعيه مافيها مواد تضر وما يستخدمون مواد حيوانيه ماعدا شمع النحل

لينك المحل http://www.cowshedonline.com

عند رقم 2 هذا شارع الكرانابي

وراح تلقون فيه محل ديزل و موجي

لينك موجي http://www.muji.co.uk

وبالشارع الي بعده موازي له New Burgh street راح تلاقون محل اديداس والشارع الي بعده موازي له Marshall Street راح تلاقون محل حسيته حده يونس اهوا صالون بس صغير اسمه ذي باودر رووم يسوون بديكير ومانيكير و تساريح وهالسوالف واسعارهم تبدي من 15 باوند
لينك الصالون
http://www.thepowderpuffgirls.com/

يتبع ..

 

[مسك81]

ماشاءالله روعه روعه روعه
الله يعطيج العافيه وعساج عالقوه تقريرج من اروع التقارير وياريت يتثبت لان كامل وشامل كفيتي ووفيتي
الله يهنيج يارب

 

[<miss botamba>]

ماشاءالله روعه روعه روعه
الله يعطيج العافيه وعساج عالقوه تقريرج من اروع التقارير وياريت يتثبت لان كامل وشامل كفيتي ووفيتي
الله يهنيج يارب

مشكوره عالكلام الحلو :wqedqw:

 

[نـ(المطيري)ـازكـ]

مس بوتمبة خلاص بحفظ نكج ..

تدرين ان موضوعج مفروض يثبتونة ومايشيلونة موووووو لية

ما شاء الله على كثر ماشفت تقارير مثل تقريرج بتفاصيلة المهمة والحلوة ما شفت ..

ابدعتي ابدعتي .. جد حسيت وياج لو الواحد يروح بروحة على المعلومات اللي حاطتها يقدر يدبر نفسة

خوش مرشدة سياحية .. حبيت تفاصيلج حتى بالخرايط ..

لا قواج الله تابعي جد اروع تقرير شفتة ..

 

[<miss botamba>]

الجزء الثاني



اللاين الثاني من اليسار شارع ال Kingly
الاشياء الي عليها دوائر هذول كلهم مطاعم
من فوق:
Ramen Seto مطعم ياباني
بجانبه على طول Mother Mash مطعم بريطاني مختص بالبطاط وشكله لذيييييييذ وعنده ريوق و غدا وعشا
لينك المطعم http://www.mothermash.co.uk
DonZoko مطعم ياباني
C'est ici كافيه عنده انواع القهوه و كيك و كريب و ايس كريم بالاضافه الى وجبات متنوعه
لينك الكافيه http://www.cestici.co.uk

بعدها الشارع الي بعده Carnaby
من فوق:
عاليمين محل اوفيس وايد حلو وجواتيه تونس واسعاره مناسبه المحل الي جنبه David and Goliath يونس حق الشباب و الشابات الصغار والاطفال
لينك المحل http://www.chicksrule.co.uk
مقابل لهم محل ريبلي و تومي

وباخر الشارع محل بوس وصيدليه بوتس ومحل اميريكان ابارال والجهه المقابله بوما
ومن تحت على امتداد شارع ال Beak
في كافيه اسمه بيور كاليفورنيا وبالصوره مكتوب كاليفورنيا جوس بار
اهوا كافيه للعصاير و السندويشات
لينك الكافيه http://www.purecalifornia.co.uk

بتقولون البلوك الاصفر ماتكلمت عنه
هذا البلوك اهوا مجمع ال Kingly Court
وبالصوره في محل Traffic People ضمن هالمجمع ولينك المحل http://www.trafficpeople.co.uk/

خريطه المجمع


عاليمين الدور الاول
اخترت لكم احلى محلين
الاول Mnini عنده ملابس و اكسسوارات نسائيه
لينك المحل http://www.mnini.co.uk
والثاني Made in Brazil مختص بالماركات البرازيليه وعنده ملابس نسائيه ورجاليه
لينك المحل [email protected]

وعاليسار الدور الثاني
المحل الاول Bexy Lady يبيع ملابس نسائيه
لينك المحل http://www.bexylady.co.uk

والمحل الثاني Carry Me Home للاطفال حده يشوق ومن سايت المحل عجبتني هالبلوزه تونس عليها رسمه عقد لولو

ورده نرجسيه هذا حق البيبي الياي اذا بنوته

ولينك المحل http://www.carrymehome.co.uk

يتبع ..

 

[<miss botamba>]

مس بوتمبة خلاص بحفظ نكج ..

تدرين ان موضوعج مفروض يثبتونة ومايشيلونة موووووو لية

ما شاء الله على كثر ماشفت تقارير مثل تقريرج بتفاصيلة المهمة والحلوة ما شفت ..

ابدعتي ابدعتي .. جد حسيت وياج لو الواحد يروح بروحة على المعلومات اللي حاطتها يقدر يدبر نفسة

خوش مرشدة سياحية .. حبيت تفاصيلج حتى بالخرايط ..

لا قواج الله تابعي جد اروع تقرير شفتة ..

مشكوره فدك ماتقصرين على الكلام الحلو وجد والله وايد تعبت عليه ولو تلاحظين انا زايده اماكن وايد انا مزرتها علشان يصير شامل لوايد اشياء ممكن يستفيد منها السائح ..

واشكرج مره ثانيه :eh_s(17):

 

[<miss botamba>]

الجزء الثالث



عاليمين الدائره الاولى مطعم بيتزا اكسبرس المعروف وموجود بالكويت
والثاني سوهو بيزيريا مطعم ايطالي
لينك المطعم http://www.sohopizzeria.co.uk/

بجذي خلصت جزئيه الشوارع الموجوده خلف الريجينت
نطروني بالمكان المخصص للاطفال الي وعدكم فيه و بتكمله باجي رحلتي

 

[بنت اسكندر]

يعطيج العافيه حبوبة

و تسلم ايدج عالتقرير و عساها دوم تسافرون و تستانسون

بس عندي سؤال واحد شنو نوع كامرتج لان الصور ماشاءالله صافيه وحلوة ؟

 

[<miss botamba>]

يعطيج العافيه حبوبة

و تسلم ايدج عالتقرير و عساها دوم تسافرون و تستانسون

بس عندي سؤال واحد شنو نوع كامرتج لان الصور ماشاءالله صافيه وحلوة ؟

الله يعافيج مشكوره :33_1185028183:

كامرتي كانون SD990 IS

 

[<miss botamba>]

مثل ماوعدكم مكانين مخصصين للاطفال ومو مبعاد موجودين بالهايد بارك و بالكنزيغتون قاردن
وهالحديقتين يفصل بينهم جسر لان الاغلبيه يحسبون الحديقه كلها الهايد بارك




المكان الاول الي عليه دائره حمرا Diana Memorial fountain والمكان الثاني الي عليه دائره صفرا Diana, Princess of Wales Memorial Playground
خريطه توضيحيه للمكان

http://www.royalparks.org.uk/docs/park_maps/KensingtonGardens_English_Map.pdf

وراح احط انا خرايط مفصله

المكان الاول Diana Memorial fountain
خريطه المكان + الدوائر الحمرا عليها ارقام الباص القريبه من المكان



اهيا عباره عن نافوره تعبر عن روح الاميره ديانا المحبه للاطفال وتم افتتاحها رسميا سنه 2004 وموجوده جنوب غرب الهايد بارك النافوره مصممه على شكل بيضاوي و يمر من خلالها ماي
وطبعا لكم الحريه في اللعب بالماي او حتى تغميس الارجل

اخليكم مع الصور













حسب موقع Trip Advisor المكان ماخذ 4 نجوم من اصل 5 نجوم من قبل زائرين هالمكان وينصحون فيه للاطفال

يتبع ..

 

[<miss botamba>]

المكان الثاني Diana, Princess of Wales Memorial Playground

خريطه المكان + الدوائر الحمرا ارقام الباص و الاندر قراوند
للاندرقراوند اذا كنتوا في الاوكسفورد ستريت اخذوا قطار الماربل ارش واتجهوا الى كوينز وي



المكان عباره عن العاب للاطفال الى عمر 12 سنه
اوقات العمل:
May - August:
10.00 - 19.45
April and September:
10.00 - 18.45
March & early October:
10.00 - 17.45
February & late October:
10.00 - 16.45
November - January:
10.00 - 15.45

واخليكم مع الصور











وهالمكان حسب موقع Trip Advisor ماخذ 4.5 نجوم من اصل 5 نجوم والكبار يحبونه قبل الصغار
واعتذر على حجم الصور اذا صغير لان من الموقع مال الحديقه

نطروني بتكمله يوميات رحلتي

 

[BaiTotia]

رد : لندن .. عيد الأضحى 2009

رووووووووووووووعة حدي إندمجت

 

[bnt_7waa]

عليييج بالعافيه

حدي كنت متشوقه على لندن والحين من بعد تقريرج

:lkmnkl: Its Must to go


احلى شي كشكات الاكل لووول

عاد تنصحين فيها بالشتى يقولون حيل بارده