لندن والنيو لوك

[a7la_nono]

مرحبا يا حلوات حبيباتي بما اني حاليا بلندن ابي اعرف شنو اقدر اسوي عشان اسوي نيولوك اذا رجعت مع العلم اني بقعد اقل شي شهر جدام
يعني ابي اذا تعرفون شي يبيض
اذا تعرفون شي يتفخ الخدود
كريم للبشرة يخليها ناعمة مثل الحرير:eh_s(17):
ومن هالسوالف الحلوة اللي تعرفونها
انا ببلش بلصقات كرست للتبييض
واذا تعرفون اي شسي فيدوني وخلونا كلنا نستفيد
وشرايكم نخليه تجمع النيو لوك بلندن :eh_s(15):

 

[الطومي70]

هلا حبيبتي انا حاليا بلندن بس انا مطوله ونفسج ما اعرف شي بس حبيت اسالج حبيبتي شنو لزقة كرست ومنوين اشتريها

 

[دندوووشه +]

مساء الورد حبيبتي
قلبي على قلبج يا حياتي انا بعد الحين بلندن وخلينا مع بعض step by step اللي تسوينه بسويه وياج عشان نرجع نيولوك
وااللي بسويه بقوله لج وخلينا نسوي تجمع لبنات نيولوك بلندن

 

[a7la_nono]

حبيبتي لزقات كرست تلقينها بالصيدليات بس من رايي لا تاخذينها من صيدليات اجواررود اخذيها من الصيدليات اللي برا تطلع ارخص
وانا الحين بسوي تجمع ونكتب كل شي فيه:eh_s(9):

 

[a7la_nono]

حياكم التجمع بنااااااااااااااات

 

[<miss botamba>]

قصي شعرج وصبغيه بس مو الحين قبل لا ترجعين باسبوع جذي علشان اذا ما اعجبتج النتيجه يمديج تغيرين

اذا متينه سوي رجيم وامشي كثر ماتقدرين

بوتوكس وتفخ ما انصحج و لا تجميل

اللهم اذا فيج علامات تعبيريه

مثلا خطوط اليبهه او خطوط عند الفم سويلها بوتوكس

بس التفخ مو حلو نادر مايبين طبيعي


وبما انج بلندن سوي نيولووك بلبسج وستايلج


ولصقات كرست ترا موزينه للاسنان

وكل اطبه الاسنان يقولون مضارها اكثر من فوايدها

سوي تنظيف اسنان عادي بعياده افضل واصح

 

[الطومي70]

مشكوره حبيبتي علي الرد

 

[a7la_nono]

قصي شعرج وصبغيه بس مو الحين قبل لا ترجعين باسبوع جذي علشان اذا ما اعجبتج النتيجه يمديج تغيرين

اذا متينه سوي رجيم وامشي كثر ماتقدرين

بوتوكس وتفخ ما انصحج و لا تجميل

اللهم اذا فيج علامات تعبيريه

مثلا خطوط اليبهه او خطوط عند الفم سويلها بوتوكس

بس التفخ مو حلو نادر مايبين طبيعي


وبما انج بلندن سوي نيولووك بلبسج وستايلج


ولصقات كرست ترا موزينه للاسنان

وكل اطبه الاسنان يقولون مضارها اكثر من فوايدها

سوي تنظيف اسنان عادي بعياده افضل واصح

لا القص والصبغ اخاف اغامر هني بروح صالون بالكويت اول ماارجع
وانا مابي اتفخ خدودي ابر لا حبيبتي ابي اعرف من تجارب البنات اذا في كريمات نتيجتها حلوة
وبالنسبة للبس جنج تدرين شريت ملابس واكسسوارات راح اغير فيهم استايلي المعتاد
وخرعتيني والله من لصقات كرست بسال دكتور عنها
ومشكورة حبيبتي:eh_s(17):

 

[مارغريتا]

ايي والله لصقات كلش مايمدحونها ...
ولندن اكثر شي تسوق
حمدي ربج ماتعرفيني جان يننتج بطلباتي لووول
ان شاءالله تردين بالسلامه وتصيرين احلى وحده من بينهم :*

 

[رشيديه كووول]

انا انشالله بسافر لندن الايام الجايه انشالله

ورفيجتي تقولي الكويتيات والخليجيات يكشخووون بالندن حيل ما جنهم بديرة اوربيه يعني ماكو

لبس عملي كلش البنات كلهم كاجوال وسبور شيك , وانا الحين من سوق لي سوق عشان بكشخ بالندن

بما انج الحين بالندن اشلون اوضاع الشياكة اهناك بالنسبه للكويتيات ؟؟؟

 

[دندوووشه +]

اتا الحين بحاول ادور عيادة تجميل بسوي تقشير مع ان الجو شوي حار بس بسوي تقشير خفيف هذا اول شي بسويه اشرايكم

 

[اسرار70]

انا بعد معاكم بس انا ودى اصبغ شعرى بلندن قبل لا ارد
فاذا احد يعرف صالون ثقه يقولى
ان شالله بروح للجلديه لان بشرتى مو صافية وفيها حبوب

 

[a7la_nono]

والله بالنسبة للكويتيات معروفات كشيخات بكل مكان
واللي بتسوي تقشير نبي النتيجة والسعر

 

[ام لولووو]

الله يعطيج العافيه صراحه خوش تجمع تسلم الايادي وانا ان شاء الله بروح اول 5 لندن وبقعد 4شهور والتجمع طحت عليه وبوقته يالله بنات نبي تجاربكم وانا اذا وصلت بحط تجاربي بس في تجمعين للموضوع لووول احترت اي واحد اكتب فيه

 

[krkosha]

امبيه ليش بتصبغين لما تردين الكويت ؟؟؟؟؟
افا عليج في احد يطوف صالونات لندن

 

[الطومي70]

ام لولو عسي ما شر حبيبتي بتقعدين اربع اشهر انا بلندن الحين صارلي ثلاث شهور وبقي لي شهرين علاج

 

[a7la_nono]

بنات هذا مو التجمع التجمع الموضوع الثاني ياليت نسولف هناك:eh_s(9):