لنعرف أسوأ مطعم من حيث خدماته وجباته المقدمه . . .

[نــور1]

السلام عليكم ورحمة الله وبركاته

شلونكم بنات المنتدى عساكم بخير . . .

بنات شرايكم ندرج موضوع عن المطاعم السيئة واللي متأكدة من خدمتها بأنها قذرة وسيئة ولا تصلح للتعامل الأدمي معها . . .

يعني قبل ما تكتبين اسم المطعم تشهدين رب العالمين على اللي لاحظتيه واللي شفتيه بالمطعم وبأكله علشان ما نظلم أحد وعلشان يكون للموضوع مصداقيته . . .​

ولأبدأ بأول مطعم كنتاكي إللى لاحظته أن الدجاج من داخل ما ينظفونه يعني الدم وبقايا الأحشاااء موجودة

وربي يشهد إني شفت هالشغلة داخل قطع دجاجهم ​

 

[قصــب سكــر]

مو خوووش موضوع بس لازم نتكلم مايصير نسكت ونتسمم

انا ما صادفت الصراحه شي لما الحين

والله يستر علينا من اكل المطاعم وان شاء الله نتركهم مره وحده



شكثر شكاوي على كنتاكي بس عقب كلام جد يبيله نقاطعه عاد كلشي الا النظافه بالاكل

ياختي امراض عجيبه وغريبه خصوصا سوالف دم الدجاج حيل خطر هالموضوع

ويعطيج العافيه

 

[(ذلتهم عيوني)]

صح كنتاكي في دم الدياي ومرات زفر من زمان ما قمت اطلب منهم

 

[سبائك]

كنتاكي الف ××××××× يلوع الجبد وكله حالات تسمم آنا اولهم

ومعاه برجر كنغ ما اواطنه

روبي تيوزدي خدمتهم وايد بطيئه حتى الشوربه سنه على ما يابوها وايد تمللنا واحنا قاعدين

فرايديز حظك يا نصيب مره كانت خدمتهم سريعه وممتازه واكلهم اينن والمره الي عقبها خدمه سيئه وأكل سيء جدا!!!!!

 

['Basma']

اي والله كنتاكي انا اشهد ..

اكلهم يتسخن ما يكون فريش ..

 

[شندوخه]

كنتاكي وهارديز اوصخ مطعمين بالكره الارضيه مو بس الكويت

 

[***البسبوسه***]

كنتاكي وهارديز اوصخ مطعمين بالكره الارضيه

 

[نووووونا]

الله على مااقول شهيد

عيالى كلهم تسمموا يوم راحوا مع ابوهم مطعم ليتل سيزر

الكبار ترجيع ومغص قوى !!!!! اما الصغيرون يا بعمرى اسهال

قوى لدرجه 10 مرات باليوم وصار فيه جفاف وما تعافى

الابفضل الله ثم وديناه المواساة حطوا له دربات وعطوه مطهر

للامعاء ونومه عندهم !!!!!!!!!!!!بعد توبه !!!!!!!!!

حرموا ما يروحون هناااااااااااااااااااك .

 

[سبائك]

نجد فعلا انا كله اشم ريحة خموره بالبيتزا اذا طلبناها من ليتل سيزر وقطعتها ما قمت اطلب منها

 

[slk]

برجر كنج تسممنا منه انا وبنتى وريلى بس مو لدرجة المستشفى الحمدللله وكان مبين عليه الدياى عرد وقديم وبعد كنتاكى مرات زفر وقديم انا احب كبابجى نظيف للحين واصح من الباجى وبعد دياي الطازج وايد حلو وكلش مو زفر وكبستهم لذيذه ومره فى هارد روك بس طلعت منه يانى عوار وركضا القرب حمام وانتو بكرامه بس انا يمكن وجبتى فيها شى ووووبس هذا الى اذكره للحين:eh_s(6):

 

[^مرايم^]

طبعاً هارديز و كنتاكي ما عليهم كلام. مافي مثل وصاختهم..

فوق انه داجينه هرمونات و ديايهم مو طبيعي جنه تافخينه اببمب..

و الغالب اييلج بايت و ميبس!

انا من زماااان ما آكل منهم

و اذا تذكرت بردلكم خبر

 

[bo6aa6ee]

وااااااي انا كنتاكي ماواطنه من عمر و الله لما احد يطلب منه اشم ريحته تبط راسي ويييييييييييييييييييييييييييييييييع

 

[كريستال ليدي]

برج الحمام اكلهم حلو و نظيف بس خدمتهم تلوع الجبد و وايد شكاوي على تعاملهم مع الزباين

انا و رفيجاتي صارلتنا مشكلة معاهم اخر مرة رحنا ووايد كانوا في ناس يشتكون على نفس الموضوع ومن يومها حلفنا ما نطبه ...

 

[كويتيه وبس!!]

ومنكم نستفييد ويسلمو على الموضوع المهم

 

[نــور1]

يعني الحين أسوأ مطعم من حيث والأكل ( وهذا هو موضوعنا والأهم ) ومن حيث الخدمة :​

كنتاكي

هارديز


هارد روك

ليتل سيزر

مطعم رمدان مسحب الدجاج زفر

فلفلة مشكلهم بااارد يعني مو فرش

سلطااان اللي على البحر بوفيهم سييء جدا


فرايدز وبرج الحمام وجاد سيؤون >>>>>>>>>> من ناحية الخدمة

أختي سيلك SLKبيرقركنج أي منطقة ؟

وبانتظاااااااااااااااااااااااار باقي مشاركات الأخوااااات خل نضع حد لتمادي وقذارة المطاعم ​

​

 

[NoWay2know]

أنا ضد الوجبات السريعه، ماحب آكلها كلش


أسوأ خدمة توصيل/ مطعم كراميل
لكن أكلهم لذيذ، سندويشات والكيك

 

[blue diamond]

هارديز كان بطاطهم متروس دهم بشكل مو طبيعي جنه طابخينه اكثر من مره بالدهن
هذا من نزماااااااااااااااان الحين والله ما ادري لاني ما اطلب منه كلش

 

[Q8-Lady]

يعطيكم العافية على هالموضوع

فعلا كنتاكي ما ينبلع و هارديز لما اكله يجيلي مغص فبطلته

 

[غنوة ستايل]

هارديز سيئ مو شي

و كنتاكي الله ياخذهم مو زين اكلها خاصه الدلووووو

مطعم رمدان في صباح الناصر مو ذاك الزود مسحب الدجاج زفره ما تنوصف

مطعم فلفله مشكلهم باااارد ويلوع الجبد

مطعم جاد الخدمه زفت و العاملين يستضرفون وكله يغازلون مصري ويغازل !! هذا ما ادري اضحك عليه وله ابجي على نفسي !!!

مطعم نايف الدجاج الشوااايه زفره مو طبيعيه

مطعم مركز سلطان اللي على الخليج البوفيه لا يحوووشك زباله ( الله يحفظ النعمه )

مطعم ابل بيز ما ادري الستيك عندهم مسوي رجيم ( يحطون قطعه وايد صغيره )

مغل محل الخدمه مو ذاك الزود خاصه ايام الزحمه
يعني اطلب السلطه . تجي مع الطلب الرئيسي ؟ وين صارت ؟؟

اذا تذكرت شي اقولكم

 

[كاشونه الاصليه]

اا نا والله من ماكدونلز والله 3 سندويشات كلهم شعر والله انصدمت ابطل واقط وشوف عيني والله يمسح الطاوله والمكرويف وشوايه نفس الفوطه سوده ووصخه
وعقب هذا كله مره طلبت برد دبكون يكون فوقه صاله كاكاو حلوووووو والله انه حط الصلصه عليه الفلبين وينفخ ويعععععععع اهو تفافيل على برد قلتله ما ابي ومشيت ويييييع وصاخه وصج كنتاكي دهنه يقلي في اسود يعني الديايه سوده ومن داخل دم وبذات فرع الدعيه وكيفان وهارديز طبعا اكل مسخن والا بارد وبطاط كله دهن وبعد يردون عليج بنفس مالت عليهم ومطعم ميس الغانم صراحه خدمه بارده وسيئه ابي اتعشا حطو خبزه واحنا اثنين خلصت الخبزه وننطر ماكو ونادي والله ولا على البال
ستار بكس الي بالمطار فوق قمه الوصاخه ويييييييييييع الحليب ينكت على ايده شغل وصاخه صراحه
شرمبي ربيانه زفر كله دهن وايد غالي وصاخه الربيان فيه ما ينظفونه مالهم خلق الظاهر
برجر كنغ هم عظم بالهمبرجر دياي اظاهر يقطون الديايه بالخلاطه بعظمهاااااا وغير الشعر الي بصمون والا بسلطه
مطعم حسني المصري قمه القذاره والوصاااااااااااااااااااااااااااااااخه صراحه ايحطون قلاصات وصخه عادي وصحون لوعه صراحه هالمطعم
مطعم الصيني الملكي كان زين الحين هم وصخ خدمه مو شي وغالي ما ادري على شنو
والله هذا الي ذاكرته لوووووووووووووووووووووووول