لن اتسوق في الكويت ..

[FeShinGoOo]

قوه بنات ..


الموضوع كما هو موضح في العنوان ..

قررت ان لا اتسوق بالكويت ..

الاسعار شابه نار ..

وبشكل مبالغ فيه جداً ..

قبل جم شهر كنت باوروبا وحسيت روحي مشفوحه على السوق جنه بديرتي مافي اسوقه والسبب ان اسعارهم حيل معقوله حتى الماركات العالميه تفرق عنا بال 100 وال 200 ..!!

وحتى محلات الاوت ليت عندهم يكون فيها نيو كولكشن والاسعار حيل حيل معقوله ..!!

الجنط اللي اهني بال400 وفوق اهناك على 150

البدل اللي ب 300 دينار اهناك على 60

هاذا غير المحلات والماركات العاديه الشبابيه هم اسعارهم تفرق الي عندنا ب 30 اهناك اب 9 دنانير ..

ليش هالاستغلال ليش ..؟؟

وفوق هاذا نشتري وايدنا على قلبنا لا يطلع تقليد ومو اصلي ..

من جذي قررت اني ماقط ولا فلس باي مجمع بالكويت الا في حالتين ..

اذا كان في سيل يسوى ..!

او اذا جيكت على سعره بالموقع الرسمي ولقيته فعلا متطابق ..!!

غير جذي ماراح اشتري وراح يكون الشوبيق مالي كله بالانترنت او لما اسافر ..

ولا للاستغلال احنا مانكدح ومنتعب وينهد حيلنا واذا يتنا زياده النصابين قامو وارفعو الاسعار ..!!

الحمدالله انا وحده صحيت من هالغفله وكنت اقول بطقاق خل اشتري مايهم

بس الحين لا والله ..!!

يهم ومليون يهم ..!

لي متى نعيش مغفلين ومقصوص علينا


ارائكم تهمني ..

 

[نجداويه نجد]

ـ


دام كذا حتي انا لن اتسوق بالرياض ؟؟
<< لي عوده أخرى ان شالله للموضوع

 

[برنسيسة زمااني]

والله انا اويدج بهالسالفه

والله صايرين نهيبه وبوق بووووق بوووق مو طبيعي حسبي الله عليهم

انا بدله القاها بالنت ب40 دينار

بالسوق ب 90 دينار!!!!


ليش ليش ليش شصاير عمى بعينهم

لازم نقاطعهم يا احنا يا اهما

 

[قرنبيطة]

صدقتي والله الاسعار شاااابه شي مو طبيعي طلعه وحده تقطين فيها 100 ديناروبمحل واحد بس
وعلى قولتج لما نسافر جنا مشافيح مومصدقين شي رخيص
عالعموم يعطيج العافيه حبيبتي

 

[شمس 20]

حسبي الله ونعم الوكيل فيهم هـ التجار

 

[هجووورة]

تدرون شنهو السبب حبيباتي
حكومتكم الرشيدة مو قاعدة تراقب الاسعار
كل يحط السعر اللي يبي حتى بو 100فلس صار على500 وان شاءعن قريب يوصلون دينار
(كل ياخذ من كبت امه)

 

[FeShinGoOo]

^^

اصدمج اكثر هجوووره

برمضان كنت احوس ادور لي بدي حق تحت بدلتي امي قالتلي امشي كويت ماجيك تحصلين عندهم بديات حق تحت الهدوم

رحنا انا اول مره اروحله وشفت في محلات مادري طقة اسواق شعبيه دشيت قلت يمكن احصل عندهم

شفتلج نفانيف قصار شكلهم بو 5 او 7 مو اكثر .. وانا شايفتهم اهني عن تاجرات المنتدى يمكن على 20

اتهقين جم سعره بكويت ماجيك ؟؟؟؟؟؟؟

45 دينار

لييييييييييييييييييييييييييييش

الخامه حدها رديئه

واضح يابالكويت

او سوريااااااااااااااااااااا

او جاينااااااااا


امبيه انصدم قلت شالمسخره شالمقصه والناس واعليا يشترون ..؟؟

اتصدقين قبل 3 اسابيع تقريبا حصلته بمحل اسمه براند فورليس اب 5 دنانير ..!!

لا لا لا

موجذي

لازم يكون في رقااااااااااااااابه على هالمسخره الي قاعده تصير ..!!

والله نشتري من النت احسن وارخص ..

ومظمون ..

 

[FeShinGoOo]

ـ


دام كذا حتي انا لن اتسوق بالرياض ؟؟
<< لي عوده أخرى ان شالله للموضوع

عاد احنا ننحاش من الغلا واني عندكم

يالله ناطره عودتج تعالي بردي غليلج ويانااا

 

[FeShinGoOo]

والله انا اويدج بهالسالفه

والله صايرين نهيبه وبوق بووووق بوووق مو طبيعي حسبي الله عليهم

انا بدله القاها بالنت ب40 دينار

بالسوق ب 90 دينار!!!!


ليش ليش ليش شصاير عمى بعينهم

لازم نقاطعهم يا احنا يا اهما

اصدمج اكثر ؟؟

العام كنت باللبنان .. وشفت دراعه اتهبل تقريبا كان سعرها اب 30 دينار ومادري ليش ماشريتهاا

يوم رديت الكويت اتهقين بجم شفتها اهيا بالظبط اب 80 دينار ..!!

يعني 50 دينار فرق عن برى

هاذا غير التجار الي يشترون دراريع البلوكات الي على 15 ويبيعونه اي 50 و 60

وهالشي حتى صاير عندنا بلمنتدى :)

 

[FeShinGoOo]

صدقتي والله الاسعار شاااابه شي مو طبيعي طلعه وحده تقطين فيها 100 ديناروبمحل واحد بس
وعلى قولتج لما نسافر جنا مشافيح مومصدقين شي رخيص
عالعموم يعطيج العافيه حبيبتي

صاجه والله والمصيبه كله صيني يعني ايبونه برخص الترااااااااااااااااااااااااااااااااب

والله مره كنت شاريه جوتي عزج الله من ناين وست بحروة ال 40 دينار ذاك اليوم ارفيجتي تظحك علي تقولي والله شايفه نفسه بالحوش على 15 وتكاسرينه ينزلج بعد ..


امبيه مو صج مو صج مو صج

 

[FeShinGoOo]

لا والحين شوفو حتى التقليد قام ينباع على 100 .. ماكو شغل صج ..؟؟

 

[أم توتو]

والله الغلا عندنا وعندكم شنسوي وين نروح اختي بالمانيا تدرس جت عندنا برمضان وكانت عليها ملابس تهبل اقولها بجم تقول يمكن ب500 ريال وشي ب800 انا انصدمت ولا الماني لاهو صيني ولا يحزنون اصلي وغير الملابس الداخليه تهبل تقريبا نفس اسعارنا بس انها مو صيني مثل لاسنزا بس تغسلينها تمغطت الدلعه شكبرها ولا شنو ميد ان انديا قلت من عذر ويييه شقول شخلي وانا اقول اروح الكويت ارخص من عندنا

 

[KOKO_284I]

تره في حمله بتصير من تاريخ 15 الشهر محد يشتري سمج لين التجار ينزلون الاسعار وبعدين شوي شوي راح يستمرون بهالطريقه على كل شي .

لان شكلهم الاعضاء ماراح ينزلون شي من الاسعار والله كل شي بايدنا احنا

هذا دزوا لنا بردكاست

 

[المرتاحة]

في حادثه صارت بايام الخليفه عمر بن الخطاب رضي الله عنه

جاء الناس إلى عمر رضي الله تعالى عنه وقالوا : ( غلا اللحم فسعره لنا ، فقال : أرخصوه أنتم! فقالوا : نحن نشتكي غلاء السعر واللحم عند الجزارين ونحن أصحاب الحاجة فتقول : أرخصوه أنتم!؟
وهل نملكه حتى نرخصه !؟ وكيف نرخصه وليس في أيدينا؟ قال : اتركوه لهم)


واحنا لو نسوي جذي وما نشترى منهم غصب عليهم بيرخصون الاسعار

 

[Tom ♥ Jerry]

.


الوآحد لو يلف الـ عآلم و يقعد يشتري عشر سنين من بره
بالنهايه مآله الا ديرته .!

شنسوي بعد لولا الضرورة مآ شرينآ .!

تسلمين حبيبتي

 

[بنووته تكاانه]

صج الاسعاار غاليه
بس لولا الضروره ما اشترينا واحناا مضطرين

 

[روو الروح ووح]

تسلمين على هالموضوع

لااااا كله كوم وهالمصممات اللي بالمعارض كووووم

تلاقين البدله عندها على 80/90/100او فوق بعد

واروح العربيد واحصلها ب30 وبتكاسرينهم ويعطيج اياهمب

ب20​

 

[شهرزاد الحكاية]

والله صاجين كل شي غالي ...حتى اغراض الجمعية تطلع عليج بالشيء الفلاني
والهدوم والاكسسوارات ...برا ابلاش وعندنا تطلع عليج مبلغ ...والله انا وخواتي قمنا نطلب من النت اوفر لنا واحسن لنا ...
على فكرة سالفة المقاطعة مالت السمج عجبتني ..بخبر فيها امي وابوي الله يخليهم ...اهو اللي يشترون السمج ...​

 

[ورع البدو]

أشهد انج جبتيها ع الجرح

وألحين يبون يزيدون المعاشات بسبب الاضرابات وتطييير الاسعار أكثر وأكثر

حتى الألف طاااارت وطاحت ببطون التجار اللي ما يخافون الله

كلامج معقوول لكن صعب نطبقه للأسف

 

[عادت ذكرياتي]

في حادثه صارت بايام الخليفه عمر بن الخطاب رضي الله عنه

جاء الناس إلى عمر رضي الله تعالى عنه وقالوا : ( غلا اللحم فسعره لنا ، فقال : أرخصوه أنتم! فقالوا : نحن نشتكي غلاء السعر واللحم عند الجزارين ونحن أصحاب الحاجة فتقول : أرخصوه أنتم!؟
وهل نملكه حتى نرخصه !؟ وكيف نرخصه وليس في أيدينا؟ قال : اتركوه لهم)


واحنا لو نسوي جذي وما نشترى منهم غصب عليهم بيرخصون الاسعار

معاها


لازم نقاطع المحلات المبالغ بأسعارها