لن اتسوق في الكويت ..

[FeShinGoOo]

^^

المفروض بس الطوفه ماتتكلم

 

[مسكته بحلاها~]

اي والله نهببببه يشترونه بسعر ويدبلونه علييج!

حرااام هذا يسمونه نصب واحتيال!

الله يهديم وينزلون الاسعار شوؤي~

 

[FeShinGoOo]

^^

جان زين دبلين

يدبلونه 4 مرات ..!!

مايسوى ..!!

 

[مسكته بحلاها~]

هههه وانتي الصاجه~

تسلم ايدج ع طرح الموضوع اللي كان ودي من زمان اشوفه~

لاهنتي قلبي~

 

[زهره الجلنار]

اي والله صاجه

 

[Beyoncee]

والله معاكم حق
الله يعينا ع جشع التجار

 

[جولينار]

بس حطو ببالكم السعر بيفرق عن اوربا عشان الجمارك


بس طبعا يفرق شي بسيط مو اوفر


وفعلا هذي تعد مشكله

بالنسبة لي احس اسعارنا مناسبه


عاد مدري اغير النظر بعد فترة والا لا

 

[بنت العقربيه]

فعلا الكويت غالية اختي راحت الكويت تقول انتوا اسعاركم دبل اسعارنا في كل شي


الله يهونها عليكم

 

[el7ob Klah]

كفوووج الطيب حبيبتي

والله انا خلاص حرمت احبك ماتحبنيش خخخخخ

اسواق الكويت حطيت عليها اكس الي بالمحلات حراميه القطعه الوحده

سعرها عن 3 قطع يبون يربحون على ظهرنااا

سويت حمله مع روحي وقلت يبا خلاص يا منوره يا حلوه تعلمي تطلبين حق روحج

اشخانت هالمخ قاعد سكاتي تلحلحي وتعلمني والحين قاعده اتعلم اطلب حق نفسي

كله اكلم روحي هههههههههههههههه

والله مافي احد مجبور ع السوق بس في ناس كسلانه مالها خلق تتعلم و توفر 

 

[بكمل المشوار]

انزين احنا شنقول بقطر
شفتي النصب والسرقة عيني عينج ؟؟؟؟هذي عندنا
شفتي الهندي البياع اذا قلتي له ليش غالي يرد عليج ويقول انتو غير انتو نفر واجد فلوووس
شتردين عليه هذا ؟؟ يبيله تفصخين الكعب وتصكينه على جبهته الحقير
احنا عندنا الدنيا ناار جحيييم لا وافكر اروح السعوديه اتسوق بس الظاهر بانطق بالدوحة وانا منقهرة
الله يعين نكرف طول الاشهر وفي النهاية تروح بيووم على اغراضج واغراض عيالج وبيتج ولا بعد على اشياء ماتسوى

 

[الصابرة المحتسبة]

موضووع مهم

 

[بحه عتااآاب]

ماا الومكم اذاا الاغرااض وهي مو ماااركه غاااليه كيف عااد اذا ماااركه !!!!​

 

[PuPa^^SWeeT]

لا والحين شوفو حتى التقليد قام ينباع على 100 .. ماكو شغل صج ..؟؟

اهنيي انا وياااج


التقليد اكثر من 100 دينار


صجج مقصة لاقينا

 

[Om_Ksha]

والله مايبيله شي ام كشه انا كنت مثلج بس هالاسبوع قلت الا اتعلم وفعلا طلع حده سهل
وفي وحده يزاها الله خير عطتني هالموقع يطلبونلج اي شي تبينه وياخذون عموله 5 دنانير بس من اي موقع تبينه

http://ptc-kw.com/home/view_pages.php?do=view&ids=10

بعد قلبي ماقصرتي بشوووف السايت الحين

وانشالله بتعل عالنت وافتحلي صندوووق اصلا في اشياء تييينن خاصه للبنوتات بو الاشهر .. والله يبيله صارلي دهر اقول بفتح صندوق واتكيسل ,,


وشكرا:eh_s(17):

 

[moo-0-oon_14]

واللي مايرووح اوروبا شيسوي خخخخخخخ
مضطرين نتقبل اللي بالسوق

 

[امل وكلي آمآل]

الله يخليلنا الهرم ومبارك ستايل
ياحبيله بس

 

[noody a&a]

انا كل سنة اسافر اشتري جسوت صيف واشتى وعيدين وكل شي لمدة سنة وفي اشياء مايمديني البسها عندي شغلات مالت سنتين للحين عليهم الليبل

لكن مو مااشتري كلش لا عادي لي عجبني شي وبغيت شي اشتري عادي

لكن جذي صارت عاده

حتى مااعرف اشياء وايد بالسوق

السوق اغلب شي اروحله تسلية واشوف اليي شريته موجود ولا لأ

 

[sweet.sanfoora]

هلو فيشينغوو اي والله صاجة

اول شي بخصوص بعض التاجرات مو كلهم في تاجرة كانت عارضة تيشيرتات يشوقوون على 20 الوحدة صراحة شفت انه ما يسوى يعني اخر شي بينلبس حق جمعية المهم رحت دبي وتتووقعين بجم لقيته دينارين فقط لا غير بطلت حلجييي والمشكلة هو بالضبط
وبعدين جم مرة محلات الماركات يصكرونهم والسبة انه تقليد وتشوفين بالشمع الاحمر مادري الاخضر مصكرينه ويدفع غرامة الف ويرد يفتح شالمشكلة يعني الجنطة الوحدة يبيعها الف وهي مو اصلية يعني يدفع الغرامة وهو متشقق من الوناسة
عاد غير شغل الحريم بالبلوكات ب20 دينار وبايعته ب100 اوكي ديزاينه راقي بس انشالله مو ينباع ب20 و تبيعه ب100 شهالنصب

بس التسوق بالكويت لا غنى عنه شنسوي


وووو
بثث

ثانكيوو
بثثثثثثثثثث

 

[( عْشِقُ . . )]

الله يعين على غلا الاسعار كل شوي طالعين لنآ بأضعاف السعر ..
انا يوم رحت لماليزيا وربي اقش ماركات وسعرها بالحضيض اجهز لخواتي منآك والعالم تسال عنها .
بالسعوديآ عندنا هم الاسعار نآر خصوصا على العبآيآت يقهرون اسعار نار والخام زفت ><
احب اشتري من الكويت احس عندكم شغلات مو عندنا والسعر مانختلف عليه ههههه ماطحت الا انبطحت .
واللي يقهرني زود اشتري لي قطة بالسعر الفلاني والقاها بالمعارض بسعر وربي يقهر رخيييص .
الله يعين بس .
ياليت حكومتنا تراقب هالتجار اللي يلعبون لعب .

 

[** باربي **]

اي والله حسبي الله عليهم شوفي بريماك بلندن الاكسسووارتت جم اسعارهم ونفسهم بالمحلات

اهني دبلات الدبلات حسبي الله عليهم والله كل شي غالي من يصدق الواحد يقط بالسبعينات على اكسسورات

وغير الملابس حد المبالغه
في محلات بلوزة سادية تلقينها بال30
ليش عاد
والقهر اني انا ما اقاوم اشتري واشتري
قايله خلاص ماني داشه المحلات الا بالعيد بس اطلع واتمشى
بس المشكله اشارك بموضوع شنو شريتي اليوم وكل ما اشوف اروح اشتري دبلات الاغراض