لوكات Q8yat {{الجزء الثاني}}

[جوهرة البحرين]

رد: لوكات Q8yat ( موضوع متجدد ) ...

قوة بنات شخباركم..

تفضلو اللوك >>متأخرة شوي السمووحة المفروض انزلة امس



هني عيوني بالعدسات العسلية >>موحلو ابدا مع اللوك ماحبيتة بالعدسات
بسم الله ماشاء الله

وهني لبست عدسات خضرة عيوني كل شوي تدمع اخترب الكحل من تحت بس سيطرت على الموضوع خخخ

هني هم بالعدستين بس اللي تحت الاضاءة صايرة بنفسجية والميك اب اشوفة قلب بنفسجي خخخخخ>>من حجرتي هع

ووووه وه وه هني عيوني بدون عدسات قسم بالله راحة مابعدها راحة وووه احلى صح هع

وهني صورت بفوني .. يوم صكيت بالفلاش لان فلاش الكاميرا العادية يعور العين

وووبس



رايكم حبايبي

 

[جوهرة البحرين]

رد: لوكات Q8yat ( موضوع متجدد ) ...

بسم الله الرحمن الرحيم

اخباركم ياجميلات.. عساكم طيبين..



السموحة حبايبي على التأخير هذي اول مرة اتأخر عليكم جذي بس والله الكورس هذا وايد مضغوطة ..

سويت لكم هذا اللوك عالسريع تصبرو فيه ليما انزل الدرس هععععععععع

مسامحة التصوير كلش موب واضح وضالم المكياج ..>>احين خفايا الروح حاطة يدها ع قلبها حسبالها موب واضح تصوير الدرس خخخخخخخ لاتحاتين يالغالية بيكون تصوير كاميرا مزبووط:rerrerek:

يلا بسم الله..وماشاء الله

هني اللمعة صايرة جذي من الفلاش عشان يصير واضح لان بدون فلاش بل يصير ضلام شوية:eh_s(4):

الحمرة حلوة بس موب مبينة واضح
اليمين بالفلاش واليسار بدون فلاش




وبس






رايكم يهمني :eh_s(7):

 

[جوهرة البحرين]

رد: لوكات Q8yat ( موضوع متجدد ) ...

بسم الله الرحمن الرحيم


مسامحة ع التأخير ياجميلات ..

تفضلو الدرس سويت لكم ميك اب خفيف مع شرح الخطوات كامل وبالايلاينر واتمنى ان يكون واضح وتستفيدون..


الصور يمكن تكون صغيرة وايد صغرتهم لان خطوات كثيرة وماحبيت اكبرهم اكثر من جذي الثمووحة ..

1- صورة عيني قبل المكياج >>يزعم معصبة بالصورة ههههه..
2- رسمت حواجبي بشدو مكياجي وحددتهم بفاونديشن برجوا وماحطيت كونسيلر لان ما احتاج..
3- طبطبت تحت عيني على خفيف شوية من بودرة ماكس فاكتر الذهبية..
4- حطيت الاضاءة من ميك اب فوريفر..
5- بهذي الخطوة نزلت عيني تحت عشان تشوفون لي وين اوصل الاضاءة يعني يوم تحطون الاضاءة نزلوها شوي لهالمستوى عشان يصير سهل بالدمج مع اللون الثاني ويطلع حلو..
6-اخذت لون بيج وحطيتة على الجفن ووصلتة الى فوق شوي ودمجتة مع الاضاءة سحبو الفرشة من مدمع العين الى النهاية وبحركة دائرية شوي وشوفو شلون صار
7- الحين اخذت فرشة عادية وحطيت على زاوية العين لون بني..
8-حاولو بنفس الفرشة تدمجونة شوية..
9-اخذت الفرشاة هذي الصغيرة وحطيت فيها شوية بني ودمجتة هم مع الاضاءة شوفو شلون اتجاه الفرشة جذي سويتة..

10- الحين اخذت الفرشاة العريضة وحطيت فيها ذهبي ومسحت بخفة ودمجتة مع الاضاءة والشدو البني عشان يصير شوي في تناسق بين الالوان ..
11- وانا مفتحة,, شوفو النتيجة شلون صار الشدو خفيف..وهذا المطلوب لان الكحل بيكون عريض فلازم الشدو يكون خفيف..
12- هني وانا مغمضة.. >>خفايا الروح93 حفظي الطريقة هع الحين بنبدأ الايلاينر
13- الحين وصلنة لرسم الايلاينر استخدمت الفرشة المشطوفة وجل ماك ابتدين بالخط من نص العين تقريبا وسحبته لاحظو فيه فراغ لان موب مصبوغ عقب بنصبغة بس الحين انركز على الخط من فوق ..
14-شوفو اتجاه الفرشة شلون صاير خلو فرشتكم جذي وبنفس الاتجاه وسحبوها يعني خطي الكحل ووصليه للخط اللي قبلة>>فهمتو شي؟؟
15-شوفو شلون صار
16- الحين اخذي الفرشة وفتحي عينج بققيها هههه نفسي وحطي الفرشة عند نهاية عينج من النص وسحبيها شوفو شلون اتجاه الفرشة انا حاطتة وسوو جذي بالضبط..
17-شوفو شلون سحبتة من النهايةووصلتة بالخط القبلي وضبط.. انتبهو وخلو الخط ضعيف وايد من النهاية..
18- الحين عاد غمجي الكحل مرة ثانية وصبغي الي عند الرموش..

19+20: نفس الخطوة تقريبا الحين تبدأين ترسمين البوز من جدام كيفج تبينة طويل او ضعيف تحكمو فيه انتو..
21- رفعت الفرشة لكم عشان تشوفون اتجاهها ويكون واضح لكم
22-الحين عاد مثل اتجاه الفرشة تمشونها ع بداية العين وتسحبونة وتوصلونة للخط اللي رسمناه..
23-وتعرفوني مارتاح حق جل ماك فلذلك جبت ايلاينر مكياجي ورسمت فيه البوز من جدام سويت خط شوي ضعيف ووصلتة الى الرموش وحطيت شوي تحت رموشي مننص الين وركزت شوي على نهايتها
24-عشان يطلع لي كحل مرتب استخدمت ايلاينر من مكياجي شوفو حطيت فرشة الكحل من نهاية عيني وسحبتة بخفة يعني قاعدة الحين اعيد على الكحل ..
25-شوفو اتجاهها سوو نفس الشي يعني تحطون راس الفرشة عن الخط الضعيف وتسحبونة خفايا الروح ركزي يابعدي..
26-وبس عدت على العين من فوق وهذي النتيجة
27-الحين بالفرشاة المشطوفة رسمو خط اسود تحت العين
28-طالعو اتجاه الفرشة شلون صاير وعرضة شوية الكحل من نهاية العين..
29-اخذت عود قطن وحطيت فيه شدو بني ودمجتة مع الخط الاسود اللي سويتة..
30-وهذا الشكل عقب الدمج..لاحظو عند بداية مدمع العين حطيت ذهبي خفيف حيل وهم بعد استخدمت العود احسة يضبط معاي اكثر من الفرشة..

حطيت ماسكرا بوبا بصراحة يابنات اول ما شريتها ماحبيتها سمعت وايد مدح هني عنها واخذتها بالبداية ماحبيتها بس الحين مادري احسها اوكي ودمجت معاها ماسكرا من بودي شوب يمكن اهي اللي سوت شغل هع

وبالنهاية هذا اللوك بدون عدسات وبعدسات ها اي وحدة احلى هععع

هني براطمي باخر صورة مسحتهم من تحت بيدي واعتفس الفاونديشن وتمللت وماحطيت مرة ثانية هع



رايكم يابنات وايد يهمني .. اتقبل النقد عادي اسدحو ارائكم واخذو راحتكم

وشكرا على المتابعة

 

[خفايا الروح93]

رد: لوكات Q8yat ( موضوع متجدد ) ...

جوهرة ماقدرت أقاوم وقمت مباشرة أطبق الدرس ،، والله حاولت جهدي وهذا اللي طلع معايا ،،، ونزلت الصور بس علشان تشوفي محاولتي ،، الألوان ماهي راضية توضح في التصوير أبدا ،، قريب عشر صور وما ضبطت معايا ،، ع الطبيعة أحلى >>> أمدح نفسي .. خخخخخخخخ



واااااااااااي جداااااا مستحييييييية والله ههههههههههههه :eh_s(22):

أبغى أعرف كم تعطيني من عشرة على المحاولة


ما أعرف فين المشكلة في الصور وحدة كبيرة ووحدة صغيرة ؟؟ حتى هي مستحية هههههه مشوا حالكم ترى هي مجرد محاولة ....


خلاص مستعدين نفسيا ؟؟؟ هههههههههههه
















رأيك يهمني ،، وأتمنى من أخواتي ما يبخلوا علي بالنصيحة ،،، بس لحد يهاوش هههههههه>>>> أمزح والله بس فعلا حاولت ،، وإن شاالله أستمر وأنجح ..

 

[جوهرة البحرين]

رد: لوكات Q8yat ( موضوع متجدد ) ...

الادوات:


ماسكرا حواجب + شدو الحواجب من مكياجي لونة اغمج بس بالصور صاير شوي فاتح

فاونديشن برجوا عجييييييييييييييييييييييييب يهبل وبودرة ماكس فاكتر غنية عن التعريف

ال 3 فراشي هذول من دييقو دالا بالما والفرشة السودة من فافافوم

اضاءة ميك اب فوريفر

شدو من مكياجي

جل ايلاينر من ماك

ايلاينر من مكياجي

ماسكرا من بودي شوب وبوبا

اسفنجة لعقب ماخلص مكياج انظف فيها تحت العين بالفاونديشن وبودرة

حمرة مادري شلونها خخخ بس وايد احببببببببهااااااااااااااااا من مكياجي

هذا قلوس من باث اند بودي شوب وايد حلو وثابت

 

[جوهرة البحرين]

رد: لوكات Q8yat ( موضوع متجدد ) ...

رايكم بلوكي ياحلوات
بحطلكم مبدئيا صورة وحدة بس لا الموقع اللي احمل منة مادري شفيه بطيييييييييييئ ذبحني

 

[وجـه البـدر]

رد: لوكات Q8yat ( موضوع متجدد ) ...

صباح الورد بنات شلونكم ..


كل عام وانتم بخير .. وعيدكم مبارك



حبيت اوريكم لوكي بالعيد وان شاءالله يعجبكم ، واتقبل النقد بكل صدر رحب :eh_s(17):

 

[Sparkle]

رد: لوكات Q8yat ( موضوع متجدد ) ...

مياااووو قلت أشارك ويا فنانات هل تجمع :* سوري الصور مو وايد واضحه


لوكي بعيد ميلاد أحد من رفيجاتي ^.^ سوري التصوير مو شىء كان اب موبيل ومرا اب فلاش ومرا بدون فلاش

طبعا كل اللوك ماك الا شادو واحد وبيس واحد (أستخدمة 3 بيسات باللوك وطبعا too faced shadow insurance واحد منهم أحبه :* )






​

 

[جوهرة البحرين]

رد: لوكات Q8yat ( موضوع متجدد ) ...

بسم الله الرحمن الرحيم..

هذا لوك صاروووخي ارض جوو>>احلفيييي

هني اول مالبست العدساات وحطيت فاونديشن ورسمت حواجبي

هني شوفو حطيت اول شي ايلاينر اسود خط ضعيف فوق الرمش

وهني متنت الايلاينر ومديتة من ورا

وهني سويت بوز من جدام بس بصراحة احلى احلى شي اول واحد وايد عجبني احسة مناسب لعيني

ماحلل اللي تاخذ الصور

 

[Sparkle]

رد: لوكات Q8yat ( موضوع متجدد ) ...

ما شالله Sparkle
حيل حلو الميك اب رووووووعه
ويشرفنا مشاركتج للموضوع قلبي اسم الله عليج شحلوج
ياليت تحطين لنا شنو الشدوات اللي استخدمتيهم ؟؟

الأدوات:

Too faced shadow insurance أوزعه على عينوني بالكامل



Nyx Jumbo pencil- Pots & Pans يتوزع بنصف الأول من العين




Mac Grease Paintstick- Zinc Zone *ليمتيد يتوزع بنصف الثاني من العين





بديله واحد من هذووله
الي على اليمين mac shadestick بلون shark skin ,,الي بالنص makeup forever aqua cream برقم 2#,,والي على اليسار nyx jumbo pencil بلون slate




Mac eyeshadow- Electra توزعين الشادو على الجفن المتحرك فوق بيس Pots & pans فقط!



Mac eyeshadow- Knight Divine ينحط فوق البيس الثاني zinc zone فقط!



Nouba eyeshadow- #321 ينحط بالزاويه الخارجيه للعين وتدمجينه لي الجفن الثابت



Mac eyeshadow- Vanilla ينحط تحت الحاجب كإضاءه




Mac Blacktrack fluidline تكحلين العين من برا ومن داخل فيه وترسمين رسميه بسيطه وتركبين الرموش

 

[Sparkle]

رد: لوكات Q8yat ( موضوع متجدد ) ...

Mac eyeshadow- Electra توزعين الشادو على الجفن المتحرك فوق بيس Pots & pans فقط!



Mac eyeshadow- Knight Divine ينحط فوق البيس الثاني zinc zone فقط!



هذول حسيتهم نفس شيد اللون تقريبا فممكن توضيح اكثر و ماشفت بيس بوتس اند بانس وشنهو زينك زون؟

هذا سواتشز من النت حق الشادوين (الي بالنص وعلى اليسار اهما الي أستخدمتهم)

pots & pans قلم من nyx اسمه nyx jumbo pencil تستخدمينه كبيس للشادو

mac grease paint stick- zinc zone نفس فكرة نيكس شادو كريمي على قلم يستخدم كبيس واهوه مقطووع كان ليمتيد وحطيت الوان بدييله له

 

[جوهرة البحرين]

رد: لوكات Q8yat ( موضوع متجدد ) ...

بسم الله الرحمن الرحيم


تفضلو شوفو شغلي على عيون العضوة داريناا>>غنية عن التعريف هععع

سويتة بالخطوات بس موب وايد دقيق

ماشاء الله ..

اول شي عيونها قبل المكياج
عقب حطيت لمعة فوريفر
وعقب حطيت لون برتقالي على احمر على ماروني مادري شلون لونة خخخخ
وعقب جبت الفرشة وسويت قوس بالشدو البني شوفو واضح بالصور
عقب موهتة البني مع اللون اللي قبل

والحين نبدأ بطريقة الكحل ..
بديت من نص العين
وعقب حددت العين من فوق الى برا نهاية العين
وحطيت نقطة كحل عند بداية مدمع العين عشا اعرف لي وين اسوي البوز
والحين مديت البوز من بادية العين الى النهاية بكحل ساءل من مكياجي

كحلت العين من داخل
وكحلتها من تحت بالقلم شوفو بزاوية العين من النهاية سويت شخوط بالكحل عشان عقب ادمج مع اللون البني
دمجت الكحل مع اللون البني
حطيت ماسكرا
وهذا اللوك النهااائي بالفلاش

ها شرايكم بشغلي ؟؟

 

[جوهرة البحرين]

رد: لوكات Q8yat ( موضوع متجدد ) ...

الشدو اللي استخدمتة باللوك الرصاصي مأشرة عليه بالأسود
واللي باللوك بدرس الايلينر استخدم الشدو اللي بالمستطيل الاخضر
والمستطيل الاحمر هاللونين استخدمتهم حق لوك دارينا


خفايا الروح هذا الشدو الزيتوني حبيبتي تفضلي..
مايبين واضح تصوير فون..
اهوة بالصج اغمج من جذي بس هني عشان صورت بالفلاش ووحدة بدون فلاش..

ووووبس اي شي تبونة خبروني وان شاء الله ما اقصر معاكم يالغاليات

 

[zenxena]

رد: لوكات Q8yat ( موضوع متجدد ) ...

مرحبااا يا بنات :eh_s(7):​

إليوم يايبه لوك يديد إهداء لى حبايبي إلي إطلبو مني لوك -- أحبكم :hjy5jewf:
ولي كل البنات المتابعين بعد :ggdw:
وأن شاء الله يعجبكم -- أحس إنه بسيط بس يحلي العين-- انتو قولولي رايكم حتا لو مو عاجبكم وإذا في أي سؤال أنا حاظر ​

بسم الله ما شاء الله ​

هني الأدوات أنا حطيت على الشدو أرقام إلي استخدمتهم من yaby و-makeup forever و-wet and wild
1 على الجفن الثابت 2 و-4 على ألقوس أو كسره العين وتحت العين 3 دمجته ورا الكسرة
البلش من ben nye واللمعة من مكياج هنود إسمه cover up (مادري ليش إسمه cover up ؟؟؟ لووول) حطيت عليهم سهم
والباقي ما أظن يبيله شرح كحل ومسكرة لوريال، قلم حواجب من ماك وشدو الحواجب المشهور
رموش تركيب من red cherry رقم واحد، صمغ duo ​

العدسات من فرش لوك إسمهم sterling grey (فاتحين من الفلاش ولا اهم إيلوعون الكبد مو حلوين وما حبيتهم) ​

وبس ​

عطونا رايكم يا حلوات :ggdw:

:hjy5jewf:
​

 

[zenxena]

رد: لوكات Q8yat ( موضوع متجدد ) ...

هذي صورة من النت للحمرة من ماك اسمها chatterbox بس أنا أحط شوي أساس عل شفايف او أخلطها مع حمرة ثانية اسمها myth عشان اتكون nude أكثر

 

[noty]

رد: لوكات Q8yat ( موضوع متجدد ) ...

يعطييييكم العافيه خواتي على المشاركات الحلوة و المفيدة

ما ننحرم منكم

اليوم خلصت تجميع الردود ما شاء الله الموضوع وايد طوييييييييل


بس عندي طلب الرجاء عدم اقتباس الردود اللي فيها صووور دار راسي والله بناات

لما ييت ارتب اشووف الف صوورة متكررة


و اذا في اي مشاركة ما اندرجت بليز بلغوني


و حطيت بأول الموضوع لينك الموضوع الأساسي


و شكرا

 

[ضايعة بدنيتي]

ما شاء الله

مبرررررررررررررروووووك عالجزء الجديد


نوتي يعطيج الف عافيه

اي والله الاقتباسات مع الصور حتى احنا بالمتابعين يصير صعب علينا التصفح خاصة للي النت عندهم ما يسوى


يعطيكم العافية بنات

 

[..~Goolz]

بليزز حابه اعرف الوان الي استخدمتيهم عندي عرررس وابي اطبق هالوووووك بالضببببببببببببببببببببط

 

[ضايعة بدنيتي]

zenxena

ما شاء الله مبدعة

والعدسات ما شاء الله تهبل وانا عندي منها واستخدمها وبالعكس روعة بس لاني انا ما احب العدسات الي لونها فااااااااقع احبه يكون هادئ شوي ف عشان جذي مت عليها . بس هي مايلة عالازرق اكثر من الرمادي وروعة العدسة .

 

[وافرر]

مبروووك علينا الجزء الثانى