لولي والفراكسل خطوة بخطوة

[أحاسيس دافئه]

بالتوفيق حبيبتي وطمنينا عليج يالغاليه

 

[kookies]

سلام :eh_s(8):
لولي انا من متابعي موضوعج العجيب و مشكورة على الافادة
بس ابي سؤال عن ندب مكسار الثلج تعرفينها ؟ اهي صغيرة و تكون مثل الجرح الصغير المهم انشااله تكونين فاهمة علي
ابس اسئلج اذا عندج منها في بشرتج و راحوا بالليزر لاني قريت ما يروحون لازم جراحة << لا يحوشك اسوي جراحة حق ويهي
و انا الحين ابي اتعالج بالرواكتان و اخاف يزيدون علي ​

 

[غلاو94وي]

انا توني ادري عن الموضوع

الله يعطيها العافيه صاحبة الموضوع بس وينها ليش ماكملت

على العموم انا بكمل لكم تجربتي بس ابي تفاعل

 

[طوق الطهاره]

السلام عليكم ورحمة الله وبركاته
حابه أنقل لكم تجربتي مع الفراكشن عشان الكل يستفيد أنا سويت الفراكشن بتاريخ 20\7\2010 والحين صار لي رابع يوم
وطبعا وجهي متفوخ ومتزلغ بس الحمدالله بدأ التزلغ يخف ويتقشر بس للحين مو مبينه أي نتيجة وللعلم هذي اول جلسة لي وعطاني كريم ميبو أحطه ثلاث مرات باليوم لمدة خمس ايام وبعدها استخدم كريم ريتي كيو اللي عطانياه الدكتور قبل لا أسوي الجلسة وسويت الفراكشن عند دكتور محمد فتحي بمستشفى المواساه وموعدي مع الدكتور 2\8 لأن الدكتور الحين مسافر وان شاءالله اقولكم على النتايج
:33_1185028183::33_1185028183::33_1185028183:

 

[MoonDiamond]

اشلونكم بنات وشاخباركم طبعا الحين صار لي 8 شهور بعد جلسة الفراكسل وطبعا انا قايله لكم اني راح اكتب لكم اول بأول شنو التغييرات اللي تطرأ على البشره
طبعا النتايج أحسها خلاص اثبتت وما فيه اي تغيير غير اللي قلته قبل وراح اكتب لكم الحين التغييرات الحاليه واللي احس بشرتي اثبتت عليها واهيا كالتالي
1- البشره لونها شبه توحد والحمد لله
2- السواد حول العينين لم يطرأ عليه أي تغيير
3- الخطوط الدقيقه والمسامات الصغيره شبه اختفت
4- البشره شبه مشدوده
5- الكلف ما زال فيه منه موجود يعني خف بنسبة 80 بالأميه
6- المسام الكبيره بصراحه اللي خففها لي حيل الكريم اللي كتبت عنه في موضوعي لولي وعنايتها ببشرتها بعد الفراكسل خطوه بخطوه اللي من ماركة سيليكس سي وخفف لي الدهون بعد
7- الدهون انسو اتخف مع الفراكسل لأنه ماله شغل بالموضوع نهائيا
8- الحفر الخفيفه لما اتدققون بالبشره اتشوفونها
9- الحفر العميقه والكبيره ما زالت موجوده وتنشاف من بعد ولكن اقدر اقول انها كانت خافه بنسبة اربعين بالأميه الحين اقدر اقول 55 بالأميه
10- البشره اول ما اتسوين الفراكسل اتحسين فيها نضاره بعدين عادي يعني انا الحين لو ما استخدم منتجات سيلكس سي لبشرتي وامتابعه مع ماسكات الماجيكال باودر جان اعلوووووووووووم جان شحوب البشره يبين من بعد مليون كيلو
11- خطين الضحك اللي يكونون على جوانب الحلج اللي من كثر ما انكركرررررر يطلعون لنا انسوا لازم فبلرز ما يرحون مع الفراكسل
12- الخطين العراض اللي يكونون بالجبهه ما يروحون مع الفراكسل لازم بوتكس لأن رفيجتي عندها هالخطين بالجبهه وعندها الخط اللي بين الحاجبين من كثر ما اتعصب اطلعولها انسوا سوت افراكسل وما راحوا فسوت بوتكس وراحو
13- المسام الخفيفه اللي اتكون على الخشم راحت
14- التجاعيد الخفيفه اللي حوالي العينين انسوا ما اتروح مع الفراكسل لأن رفيجتي ما راحوا من عندها


واعتقد الحين اقدر اختم موضوعي بهدي النتايج اللي توصلت لها بعد 8 شهور من انتهائي من الفراكسل وطبعا علشان احافظ على النتيجه ما زلت استخدم مستحضرات سيلكس سي اللي كتبت عنها في موضوعي
واتمنى اسألتكم اتكون اهنيه على العام مو عالخاص علشان الكل يستفيد
واتمنى اتكونون استفدتوا من الموضوع
وما بي وحده منكم اتقول الدكتور الفلاني قص علي لأنه اعتقد بعد موضوعي وموضوع رهووف صارت عندكم خبره واسعه بالفراكسل ولما اتقطين فلوسج ما تتحسفين
وشفتوا نتايج الفراكسل على رهووف اللي بشرتها بيضا وشفتو نتايج الفراكسل علي لأن بشرتي سمرا
وايد بنات اسألوني عالخاص اشمعنى رهووف بينت عليها النتايج بسرعه مو مثلج
رهوف بشره بيضا ومو حساسه ومشاكلها بسيطة ما عندها حفر عميقه مثلي
وانا بشرتي سمرا وحساسه حيل ودهنيه حيل ومشاكلها وايده وحفر عميقه حيل حيل والنتايج على البشره السمرا ابطأ
طبيعي اتكون النتايج على البشره اللي مشاكلها بسيطة أسرع
من جديه اللي عندها مشاكل حيل بالبشره لا تتوقع نتايج عظيمة من الفراكسل ترضى بالنتايج اللي انا دكرتها لكم
وبعدين حطوا ببالكم يا بنات بشره عن بشره تفرق لتقبلها للفراكسل
اتمنى اكون افدناكم وما اطلب منكم الا الدعوات لي ولعائلتي
واي استفسار انا حاضره واي تغيير راح يطرأ على بشرتي لا اتخافون راح اكتب لكم ادا الله عطانا عمر ان شاء الله بعد رمضان

يعني التغير ما يستاهل هالمعاناه والفلوس
الله يزين بشرتج ويوفقج على هالتقرير

 

[أم الطيب]

رد : لولي والفراكسل خطوة بخطوة

انا سويتها من سنة
وعند نفس الدكتور ونفس المستشفى

وماحسيت بفرق وايد

وحصلت زف من ريلي واهلي وخواتي

وقلت مايخالف في سبيل الجمال

مع العلم باني بيضه ثلجه ولله الحمد ولكن عندي حفرتين بخدي من صغري من الشطانه

وما راحو ولا خفو حتى

يعني خذو مني 300 وشي وجني مسويه تقشير بحدى هالصالونات

انا ما انصحكم فيه ، كلا كلااااااااااااااااااااااام فاضي ومقصه ونصابين


وسامحيني لولي بس هذي تجربتي
ولازم اكون صادقه فيها

 

[روح مغليهآ]

رد: رد : لولي والفراكسل خطوة بخطوة

انا سويتها من سنة
وعند نفس الدكتور ونفس المستشفى

وماحسيت بفرق وايد

وحصلت زف من ريلي واهلي وخواتي

وقلت مايخالف في سبيل الجمال

مع العلم باني بيضه ثلجه ولله الحمد ولكن عندي حفرتين بخدي من صغري من الشطانه

وما راحو ولا خفو حتى

يعني خذو مني 300 وشي وجني مسويه تقشير بحدى هالصالونات

انا ما انصحكم فيه ، كلا كلااااااااااااااااااااااام فاضي ومقصه ونصابين


وسامحيني لولي بس هذي تجربتي
ولازم اكون صادقه فيها

عند منو سويتيها ؟؟؟

وماستفدتي نهائي ؟؟؟

وشسم الجلسه ؟؟؟

انا ناويه اسوي ناطلره الشتااا واحاتي

 

[أم الطيب]

رد : رد: رد : لولي والفراكسل خطوة بخطوة

عند منو سويتيها ؟؟؟

وماستفدتي نهائي ؟؟؟

وشسم الجلسه ؟؟؟

انا ناويه اسوي ناطلره الشتااا واحاتي

د. محمد فتحي المصري بمستشفى المواساة
والاستفاده = 0000000000000000000000000
والجلسة اسمها فراكشنل وهي احسن شي بهالوقت واغلى شي وماتحتاجين اكثر من جلسة

كل نصب بنصب

والله على ما اقول شهيد

 

[nawarii]

حبيبتي لولي

أنا افكر اسوي فراكسال عشان المسام وحفر بسيطه

بس انا استخدم كوزميلان 2 لي فتره عشان الاثار عادي اسوي الفراكسال وانا استخدمه

أهو في نسبة تقشير بسيطه

 

[خبيرة لبنانية]

رد : رد: لولي والفراكسل خطوة بخطوة

لولي وينك سويتي الفراكشنال و لا شو ناطرين تجربتك حبوبة

 

[خبيرة لبنانية]

رد : رد: لولي والفراكسل خطوة بخطوة

لووووولي وينك عسى ماشر

 

[أحاسيس دافئه]

رد: رد : رد: لولي والفراكسل خطوة بخطوة

لووووولي وينك عسى ماشر


ما شر يالغاليه وعساج ما تفقدين غالي حبيبتي
والله مشغوله شوي

تدرين رمضان وعيد وتجهيز مدارس


حبيباتي وكل اللي سألوا عني ما قصرتوا يالغاليات وتسلمون على السؤال


حبيبة قلبي بإذن واحد أحد الفراكشنال آخر 12 راح أسويه
وأول ما أسويه راح افتح موضوع فيه
لا تخافون وأول بأول راح أعطيكم النتايج
وراح أحط لكم صور بعد

 

[أحاسيس دافئه]

هايوووووووووووووووو يالغاليات
ولهت عليكم بالحيييييييييييييييييييييييييييييييييل


بنات نزلت موضوع جديد وان شاء الله فيه كثير من الإجابات على تساؤلاتكم

بخصوص الفراكشنال والثيرماج والفيلرز

دخلوا عالرابط
وحياكم الله من جديد مع

لولي وعنايتها ببشرتها في مركز الصفاة الأمريكي خطوه بخطوه
http://www.q8yat.net/showthread.php?t=706637

راح اتنوروني يالغاليات​

 

[الحبيبه الدبيبه]

رد: رد : لولي والفراكسل خطوة بخطوة

انا سويتها من سنة
وعند نفس الدكتور ونفس المستشفى

وماحسيت بفرق وايد

وحصلت زف من ريلي واهلي وخواتي

وقلت مايخالف في سبيل الجمال

مع العلم باني بيضه ثلجه ولله الحمد ولكن عندي حفرتين بخدي من صغري من الشطانه

وما راحو ولا خفو حتى

يعني خذو مني 300 وشي وجني مسويه تقشير بحدى هالصالونات

سامحيني لولي بس هذي تجربتي
ولازم اكون صادقه فيها

مشكووووووووووووره اختي ام الطيب
بس انتي سويتي الفراكسل اللي سوته لولي
وشنو الفرق بين الفراكسل الجيل الاول والفراكسل الجيل الثاني والفركشنال؟ والله حاله شكلي بتفركش واقعد
كنت ناويه اسويه بس الحين ترددت
جزاكن الله خيرا لكل من شارك بهالموضوع صار مده وانا اسأل عن هالفراكسل
كنت ناويه اسوي بعيادة ال\كتور طلال العلي واسم جهاز الفراكسل ( فراكسل بي ) 3×

 

[أم الطيب]

رد : رد: رد : لولي والفراكسل خطوة بخطوة

مشكووووووووووووره اختي ام الطيب
بس انتي سويتي الفراكسل اللي سوته لولي
وشنو الفرق بين الفراكسل الجيل الاول والفراكسل الجيل الثاني والفركشنال؟ والله حاله شكلي بتفركش واقعد
كنت ناويه اسويه بس الحين ترددت
جزاكن الله خيرا لكل من شارك بهالموضوع صار مده وانا اسأل عن هالفراكسل
كنت ناويه اسوي بعيادة ال\كتور طلال العلي واسم جهاز الفراكسل ( فراكسل بي ) 3×

انا سويت فراكشنل يلي اهو متطور اكثر من الفراكسل

وما سوا ولاااااااااااااااااااااا شي ، الحفر يلي بوجهي ينعدون عالاصابع ومو وااااااضحين كلش ، بس احنا طماعين نبي زين على زين

نصيحة لالالالا تسوين فراكشنل ، وانتي كيفج

مقصه بمقصه

 

[om janoona]

السلام عليكم
بنااااااااااااااااات ابي صاحبة الموضووووووووووووع بجم سؤااااااااااااااااال
لوووووووووووولي وينج ..؟؟

 

[om janoona]

لووووووووووووووووووووولي حبيبتي ويننننننننننج
ابيييييييييييييييج ضروووووووووووووووووووووري

 

[غاليه على ابوها]

السلام عليكم


باركولي يا بنات أخيرا وصلت لأخر صفحه


لولى انا حبيت تجربتج وصراحتج حييل وكنت اتابع خطوه بخطوه

وانا لى تجربه مع مركز زهير الطبي حاليا وما زلت مستمره مع طبيبي

راح احاول أوضح عده أمور بس اتمنى الكل يعرف انه كلامى بناء على تجربه شخصيه بعد ما مريت بتجارب سوده بعيد عنكم

بالاول اشرح لكم بشرتى أنا سمره مو حيل تقدرون تقولون برونزيه شوى يعني لونى حلو فديتينى

وكنت اعانى مثلج لولى ندب وأثار حب الشباب باحجام مختلفه

المهم رحت من سنين لدكتور لطفى عبدالحميد مصرى بمستشفى السلام عشان الليزر

وطبعا تجربه رهيبه مريت فيها واحترق وجهى والظاهر برفسور اي كلام لانه ما صارحنى ان الليزر للبشره السمره

خطر ويغير اللون وطبعا ليزر زمان مو مثل الحين اتكلم عن عشر سنوات

خلال السنوات هذى ما خليت تقشير ما سويته وسافرت مصر سويت تقشير بماي الذهب و و و و

لين مليت عمرى وقعدت اعالج البقع السوده الى للحين ترا موجود اثار لها ونسيت الامر وتعايشت مع بشرتى

وبعدين سمعت عن جهاز الفركسل بمركز زهير

شفت كذا مو وضع وتشجعت بصراحه اسويه مع انى متردده بس قلت دام ان جتنى الجرائه لاعاده التجربه مو خسرانه شي

هى بشرتى خاربه خاربه يا تصيب يا تخيب

ورحت مركز زهير سالت عن الفركسل وفتحت ملف ودخلت على دكتور مصري اسمه هشام

لما شاف بشرتى وشرحت له قالى وانتى مصممه على الفركسل قلت له انا ابي من الاخر يعني افضل شي الحين بسويه وخلاص

تتوقعون شنو قالى وصارحنى فيه وهذا الى خلانى اثق فيه بصراحه الله يتممها معاي على خير

قالى انا اقدر اسويلج الفركسل بس بعد 7 او 8 شهور راح تردين لى وما راح تخلصين من الجلسات ورمي الفلوس

وبشرتج تعبانه ويبيلها اعاده بناء

لما قلت له والحل ؟؟ قالى راح اسويلج شي بالكويت ما حد يسويه غير 4 دكاتره فقط وقاله بالانجليزي ما اذكر شنو

بس بأول موعد لى راح اسئل عن اسم العلاج الى يسويه لى واكتبه لكم وادخلوا النت واقروا عنه افضل

المهم الجلسه مو غاليه بحدود 100 وفى ناس قالو لى احنا دفعنا 130 يعني ما تزيد عن السعر هذا

قالى راح تحتاجين 3 او 4 جلسات

خذيت موعد وتوكلت على الله ورحت له

المهم يا بنات الجلسه ما استعمل فيها اجهزه عباره عن ابره باخرها مشرط صغير حيل مدرى اشلون صايره

طبعا حطلى بنج موضوعى بعدين حقنى ببنج بخدودى وبدى يشتغل

خلال شرحه قالى انا ادخل بالابره هذى لكل حفره واشيل الجزع الى طلعت منه الحبه ومضمور داخل خدك وخلال ايام راح تنبني

الانسجه الجديده بس اهم شي الوقت لا تساليني عليه يبيلج طوله بال معاي لانى بسويلج شي دائم

يعنى بعالج البشره من الداخل وهذا المهم عندى

طبعا بعد ما خلص تشريح فيني ههههههههههه لا تخافون ما حسيت باي عوار والحمدلله

شفت بالمرايا وجهى الله لا يوريكم متفوخ طبعا ومكان الحفر ازرق على احمر يعني شي ما ينشاف

وصف لى كريم الفسودين الاحمر 3 مرات يوميا وكريم كدمات لونه اخضر راح اشوف اسمه واكتبه لكم ومضاد حيوي لمده اسبوع

المهم خذيت موعد بعد اسبوع كان الانتفاخ خاف والحمدلله والالوان خفت وطبعا ممنوع تشيلين واكس او تحفين وجهج

تحت كل حفره حسيت بشي مثل الانتفاخ الصغير مثل الخرزه طبعا منهم فوق سطح البشره بشوى ومنهم احس فيه لما احرك صبعى مكان الحفر

وللأمانه وربي شاهد علي انا عندى عيال وبكلمكم بكل صدق والى تبي تشوفنى ما عندى مانع تكلمنى عالخاص

ولولى يا ريت ما تشوين بالجهاز الجديد وتعالجين البشره الداخليه الجلد اول الفركسل كان جايب نتيجه بالاول عشان الوجه بيتم منفوخ فتره طويله وبعدين مثل ما قلتى بعد كم جلسه حسيتى بتحسن 40 بالاميه

انا وربي الشاهد ما اقدر اقولكم 40 بالميه من اول جلسه راح اقولكم 30 بالمائه طبعا ملتزمه بالادويه الموصوفه

وكل اسبوعين اروح له لان بين كل جلسه والثانيه شهرين عشان يلتئم الجرح الداخلى وتنبني الخلايا الجديه وتكون البشره

ارتاحت من ضغط المره الاولى الحين انا تقريبا صارلى شهر مسويه الجلسه الاولى ويوم 25 مارس قالى راح اسويلج ليزر

بس حق البقع والندبات البسيطه بتروح

طبعا تبون تعرفون شنو النتيجه

راح اكون صريحه وراس عيالى مثل صراحه الحبوبه لولى واسفه لولى كتبت تجربتى بموضوعج بس والله ما ابي وحده تخسر فلوس ومبالغ وتتسرع بقرارها

طبعا فى حفر تقريبا لا وجود لها والحفر الكبيره صارت صغيره وباقى كم حفره مثل ما هم وانتم تدرون ما حد راح يعرف ودارس وجهه اكثر من الشخص نفسه

مشكلتى الحين بالبقع واللون لان بشرتى صعبه يعني بسرعه تبقع وبصعوبه تروح اثار البقع

بس كل ما اكلمه يقولى لا تهتمين بلون بشرتج الحين لان ما زالت فى جلسات ثانيه وراح ترد بشرتج تزرق وتبقع وكل هذا مع الوقت بيروح ومع الكريمات النهائيه الى راح اوصفها لج بعد اخر جلسه وتلتزمين فيها

طبعا للحين ما ادرى الله وين قاضنى ولا ادرى الليزر هذا عباره عن شنو وراح يعالجنى شنو بالظبط بس شكله مشاء الله فاهم وحيل محترم وجدى لابعد الحدود يعني حتى لو تبين تستخفين دمج وتاخذين وتعطين ما تشوفين ضحكته هههههههههه

مجرد ابتسامه يجاملج وحمدى ربج لو شفتيه الله يستر عليه وعلينا

المهم يا بنات طلبت منه انى احط مكياج لان كانت عندى مناسبه ولازم اروح ووجهى بدون مكياج صعب جدا

وتفاجات لما حطيت المكياج كانت بشرتى روعه روعه وربي يعني الى بيدقق راح يشوف مثلا منطقه غامقه و كم حفره

بس لو الاضائه مو عاليه وعاديه والله يبين فرق السما عن الارض

استانست بصراحه وقبل بحياتى ما اطلع ببودر لازم كريم الاساس الحين عادى احط كريم واقى من الشمس وانتظر شوى بعدين

احط بودر ومشاء الله مرتاحه نفسيتى


انشاء الله بعد جلسه الليزر راح اقولكم شنو فايدتها بالظبط لان ما مدانى افهم منه شي تقدرون تقولون سلمت له نفسي ووثقت بشغله لان من اول جلسه مشاء الله نفسيتى ارتاحت

طبعا بدون مكياج مو شي الى مخرب بشرتى الوان قوس قزح

نسيت اقولكم الحفر الى كانت تحتها الورمه او الخرزه باخر مراجعه حقنى فيهم بكل وحده حقني وقالى عادى خلال يومين

راح تروح وفعلا خفت حييل منها الى راح والملمس صار عادي وفى الى ملمسها شوى تحسين فيه وقالى هذى نتيجه الضغط عالبشره ومع الايام تروح نهائي

واتمنى من رب العالمين تدعون لى لانى فعلا تبهذلت كثير مع اطباء البشره واتمنى من كل وحده تقرا عن الجلسات هذى لما اروح مراجعتى يو 25 راح اكتب لكم اسمها حتى قالى عن اسم دكتور مشهور يسويها بعد انا الزهايمر عندى الله يستر يعني سامحونى لو مو متذكره الاسامى والسوالف هذى راح اكتبها لكم المره القادمه باذن الله

واسفه جدا مره ثانيه يا لولوى بس انا حبيت افيدكم والى تبي تروح مركز زهير تسال عن دكتور هشام ياسين

وتقعد معاه وتفهم منه احسن وعلى فكره انا مصوره وجهى قبل ما اسويها واثناء البقع وما عندى غير كل يوم والثاني مصوره بالاي فون خلقتى ههههههههههههه بس والله النتيجه بالنسبه لى مرضيه والحمدلله واتمنى من ربي يتممها على ويريح نفسيتى

واشوفكم باذن الله المره الجايه ولو وحده فيكم تبى اي شي انا حاضره تراسلنى بالخاص عشان لا اتعدى حدودى اكثر على لولى العسل واسفه لو طولت بس من الحره لانى قريت من صفحه 1 للاخر وجايه ركض ما صدقت اوصل واقولكم الى ببالها شي تأجله شوى لين اجمع لها المعلومات الى تبيها


اتمنى ربي يريح قلوبكم وكل وحده توصل لمناها واتمنى الشفاء العاجل لبنيتج الحبوبه يا لولى والله يبعد عنكم العين والحسد

ويكفينا واياكم شرور الانفس

وبااااي حبيباتى​

 

[ya al3rosa]

مشكوورة

 

[الزهرة الخضراء]

كل دكاترت التجميل كذب فى كذب ..................ز ونصب فى نصب ​