لولي والفراكسل خطوة بخطوة

[أحاسيس دافئه]

السلام عليكم اشلونكم بنات وشاخباركم
طبعا انا غيرت اسم الموضوع علشان الكل يدخل ويستفيد ويعرفون تجربتي مع الفراكسل علشان يستفيدون
طبعا أبعطي الكل نبده قصيره عن الموضوع
أولا تمت جلسة الفراكسيل الأولى في مركز كوزمسيرج في مستشفى رويال حياة بسعر 225 دينار وكانت أفشل جلسه مدتها عشر دقائق فقط وأغلب المراكز نصف ساعه الى ساعه الا ربع
وطبعا ما استفدت من الجلسه ولا شي لأن مدتها قصيرة والجول المستخدم في الجهاز درجة 8
يعني بشهادتي وشهادة بعض البنات المركز فاشل وما انصح أحد يروحله
فقمت وحجزت عند مركز الزهير الطبي

 

[أحاسيس دافئه]

طبعا أمس كانت جلستي بنات في مركز الزهير الطبي عند دكتور محمد واهوا ماخد دكتوراه في جهاز الفراكسل ولقيت عنده جم بنت تمدح الشغل وانه المسامات والكلف اختفت من وجوههم
المهم بنات دخلت وحطلي الكريم المخدر ونسبته ثلاثين بالمئه وبعد ساعه وبناء على طلبي جاني المتخصص بالتخدير وحط في أيدي لأبره مالت المغدي وبعدين خدوني لغرفة الليزر
وكانت هناك وحده لبنانيه اسمها منال حبوبه نظفت ويهي وحطت لي المادة الزرقاء لكامل البشره
وبعدين دخل دكتور محمد لأنه اهوا اللي يسوي الوجه بالفراكسل ودخل بعده دكتور التخدير وعطاني أبرة التخدير وطبعا نمت وما حسيت بأي شي نهائيا لمدة نصف ساعه
بعدها صحوني الله لا يوريكم الوجه منتفخ واححححححححححمر ونار شابه وامسكوني لاني حدي دايخه وغسلت منال وجهي وودوتني غرفة الدكتور ليما صحصحت وكتب لي كريم نيبو للحروق استخدمه مرتين باليوم والدوكوين مره بالليل وعطاني كريم حماية ومرطب وغسول
رجعت البيت ونمت وما صحيت الا اليوم الصبح
طبعا اليوم البشره مازالت اتحرني ومنتفخه وحمممممممممرا وعندي مراجعه يوم السبت واقول لكم النتايج اول باول
تابعوني وادعولي
بس والله يا بنات اللي ما تاخد ابرة التخدير ما عندها سالفه نايمه ومرتاحه
وعقب ما شفت وجهي اليوم قلت الله لا يوفجكم يا رويال حياة عسى هالفلوس زقوم بجبودكم النصابين

 

[rzaan77]

حبيبتى يعطيج العافيه وانا بانتضارج
وانشالله ربي يوفقج توصلين حق الى تبينه

 

[FOZQ8]

هلا لووولي بصراحه ماقصرتي والله يوفقج
انا سويت جلسه وجني مسويه تنظيف بشره ما عبجني بالشعب التخصصي
والحين محتاره اغيره والا اكمل معاه ؟؟
لأنه قال لأخو نسيبي ات بشرتي غير عن بشرته
طبعا اخو نسيبي بشرته تخررررررررررررع بس صارت شحلاتها
ومادري ليش انا ماصار معاي شي
ولااا تغيير

على طاري التخدير جم خذوا منج على التخدير؟؟

 

[أحاسيس دافئه]

التخدير مجانا والجلسه ب 180 وأربع جلسات والخامسه مجانا
وانا للحين ما بين خيرهم من شرهم اللهم انه انه ويهي برويال حياة ما صار احمر ولا ورررم مثل مركز زهير الطبي
مركز الزهير وررررررم حيل واحممممممر وايد وحيل مشدود
ولا تخافون راح اقولكم النتايج اول باول والله يوفقني ويوفقكم
ادعولي

 

[أحاسيس دافئه]

التخدير العام مجانا حبوبه مع الجلسه لا زيادة فلوس ولا شي الجلسه اهيا اهيا ب 180
ولا تحطين ببالج مثل ما اخترعت حبوبتي رهوف من التخدير لالالا ترى مو مثل تخدير العمليات والولادات لا طبعا لما يصحونج من النوم خلال ربع ساعه تكونين واعيه وامصحصحه
وانا سالت دكتور التخدير فيه تأثيؤ علي منه قال لأ عادي هدا التخدير ولا شي لا اتخافين
وكانت قبلي وحده اهيا انصحتني وقالت اخدي الأبره احسن اهيا ثالث جلسه ومستانسه ومرتاحه
بس ها نطرو اشوي خلوني اشوف النتايج على بشرتي هالايام واقول لكم شنو فرقت ما ابي اقولكم روحو اهناك وانا للين ما شفت نتيجه

 

[زرافه]

ياحياتي الله يوفقك فيما سعيتي فيه


يعني خلاص الزهير هو احسن مكان؟؟
انامدحولي الدكتور موسى سلامة جبر

انتي شرايك؟؟


انا مافيني كلف ولا حفر

انا مشكلتي الحبوب اللي ناطه لي كل يومين
وعندي اثار الحبوب لونها احمر شنها نمش

وودي افتك واشوف وجهي صافي


من بلغت وهذي حالتي

ماخليت مكان ماعالجت فيه صج كانت تروح الحبوب بس فتره وترد

لين خلاص صار مايفيد معاي العلاج

احط دوا جني مااحط شي


ومابقى شي على عرسي .. اتمنى القى رد شافي منك

 

[نورالدنيا***]

الحمدالله علي السلامه
النتايج بسرعه

 

[روزالكويت]

الله يتم عليج ولا يخسرج بالنتايج الطيبه اللي ترضيج..

 

[رضاب]

الله يوفقج ان شاء الله


متابعـــــــــــــــــة لج

 

[LoOoLoOo-23]

لوووووووووووووووولي انا بعد حددددددددي يتابعج اول شي ... و بعدين انتي قلتي خمس جلسات او اربعه على كل حال اهوا لازم هالعدد من الجلسات ولا على حسب الاثار و المسام اللي بالوجه ... و كل جلسه و جلسه جم الفترة الي بينهم ؟؟؟ و مشكورة يا بعد قلبي اللي يوفقج و يخليج احلى وحده

 

[bentanat]

قلبي وياج وان شالله النتايج تكون مثل ما تبين واكثر .........................وناطر اعرف شنو صار

 

[رهوف]

يه يه يه شهالموضوع الحلو

يعطيج العافية لولي وان شاء الله تلقين النتيجة اللي تتمنينها :blueSmCLR:

 

[دانتيل]

الله يوفقج


متااااااابعتج

 

[أحاسيس دافئه]

اشلونكم خواتي الغاليات ولكل متابعيني طبعا اليوم ثالث وويهي لحد الحين امورم والله يا بنات يعورني ويحرني وما اقدر أضغط عليه وكل ساع أحط من المرطب اللي اكتبه لي الدكتور غير الميبو اللي استخدمه مرتين باليوم
المهم هالحجي من صحيت من النوم والحين بالليل الويه بدا يبقع ويسود وقشور بسيطه مثل الرمل تنزل من البشره
طبعا ما اقدر اقولكم شنو البشره زينه والا مو زينه لأنها الحين حوسه قايمه
والله كل ما احس بهالحراره يا بنات واشوف هالقشور أقول مالت عليكم يا رويال حياة باطيييييييييييين جبدي
المهم كل شي اول باول راح تعرفونه

 

[أحاسيس دافئه]

زرافه بالنسبه حبوبتي حق سلامه جبر ما ادري عنه والله بس يقولون حيل غالي انتي نطري اسبوع خليني اشوف النتيجه على بشرتي واقولج ادا مركز زهير الطبي زين والا لأ بس للأمانه الجلسه تفرق اميه وثمانين درجه عن رويال حياة وعلى كلام البنات اللي شفتهم اهناك وايد مستانسين من الفراكسل شال لهم أثار الحبوب والمسام والكلف وحتى وحده تطلع لها ثأليل فوق الحاجب شالهم لها
وبعدين الخوات اللي يسألون اربع جلسات او خمسه لكل البشرات؟
حبوبتي انتي فكري فيها اشلون يطلعون منج فلوس ادا بشرتج فيها اشوي مسام وكلف أكيد وتوقعيها بيقول لج اربع جلسات لأنه بيخفف لج بالمعيار مال الليزر علشان توصلين للنتيجه بالجلسه الرابعه مو لازم ينهبونا والا ما يرتاحو
وادا البشره فيها حفر وبلاوي نفس الشي بيقول لالالالالالالا لازم اربع او خمس جلسات بشرتج تبيلها شغل ومره يخفف بالمعيار ومره يزيد ليما يوصل للرابعه او الخامسه وتلقين الفرق
شغلتهم مقهومه يعني بشره زينه والا متوسطه والا حوسه اربع جلسات اربع جلسات
راضين ينهبونا والله بس نلقى نتيجه ترضينا
انا هالمره قاعده لهم قعده لأن الفراكسل آخر امل لي

 

[*دبدوووبه*]

الله يوفقج ان شاءالله
وتوصلين للنتيجه الي تبينها

وانا متابعتج

 

[*دنــيـQ8 ــا الوله*]

الله يوفقج ...

 

[ريمه الكويت]

يالله لولي شوقتيني على مركز الزهير ويارب تشوفين نتيجه احلا من الي انتي متوقعتها يارب وانشالله تبشرينا بالنتايج الطيبه

 

[FOZQ8]

آآآآخ يالقهر
والله صاجه
بشرتي مافيها شيتقريبا يادوووب حفر بسيطه
يقولي اربع جلسات
واخو نسيبي ويهه يخرع اربع جلسات صار ويهه حلو
حسبي الله عليهم

موفقه حبوبه
متابعين معاج