لولي والفراكسل خطوة بخطوة

[shojoon]

ا الله يوفقج لولي و انشاءالله تشوفين نتيجه عندهم انا سويت الخمس جلسات برويال حياه اخر جلسه سويتها الاربعاء بس ما سويتها عند باميلا الخايسه سويتها عند لبنانيه اسمها سلام قالتلي تاثير فراكسل يختلف من بشره لي بشره بس احس هدي اللبنانيه شغلها وايد احسن من باميلو ! سلام طولت شوي معاي و ركزتلي على الخدود الامكان الي فيهم اثار حبوب و زودتلي على الاحراره 12 و ربع حطتلي و ويهي للحين احمر و مقشر فمادري عن النتيجه ادا اوكي او لا و عطتني موعد بعد ثلاث اسابيع عشان يصوروني و يروني الفرق و قالتلي مستحيل ماكو نتيجه لانه هل جهاز يزيد نسبة الكولاجين بالوجه و قالتلي في ناس تبين نتايجه بعد ستة اشهر و انشاءالله اشوف نتيجه و سلامتكم :gathering:

 

[حبنا الله عليه]

مشكوره لولي وان شاء الله النتائج تعجبج

هم رفيجتي تراجع هناك تقول شكثر يعالجون بشره عندهم ويمدحونهم

انا فيني شوية مسام شويه بس مضايقتني وما اتوقع تستاهل سوالف جايده كرستال وماتحملت ومارحت اكمل العلاج ما ادري شالحل .......؟؟؟

 

[زرافه]

مشكووره لوولي

وعسى الله يرزقك بالبشره الصافيه اللي تحلمين فيهاا

 

[june_m00n]

لولي حبيبة البيييييييييييييييييي


انشالله ويهج يصير منظره

مرمر

ماعوووووون صييييييين

ابيض ويلمع ومتلألأ

وانشالله الله ما يخيب التعب يارب العالمين



متابعتج يا حلوه

 

[أحاسيس دافئه]

شلونكم يا كل متابعين لولي
اليوم لي خامس صحيت الصبح طبعا الوجه مبقع وبعض الاماكن سوووووووووووده اتلوع الجبد لأن هدي المناطق بعدها ما قشرت
ولكن
ولكن
ولكن انتبهي يا رهوووووف وياشجون ويا ريمة الكويت ويا فوز كيو أيت
انتبهوا يا كل متابعين لولي
طالعت بالمرايا والا أشوف منطقه بخدودي كانت سابقا وركزوا على كلمة سابقا كانت المنطقه هدي فيها مسام خفيفه وخطوط صغيره
شنو صار فيها؟؟؟؟ناعمممممممممه والخطوط راحت ولا يوجد أثر للمسام والله ما كنت امصدقه عيني استانست حيييييييل
وهدي تعتبر أول جلسه لي طبعا في مركز الزهير الطبي لأن اللي صار في رويال حياة ما اعتبره شي

يعني من أول جلسه فيه فرق أشلون الجلسات القادمه؟؟؟؟
ان شاء الل خير يا رب
وطبعا اليوم موعدي عن الدكتور تابعوني

 

[أحاسيس دافئه]

ويلكم باك
مساء الورد لكل المهتمين بموضوع الفراكسل:33_1185028183:

بنات بعا مثل ما قلت لكم اليوم السبت كانت مراجعتي عند
:eh_s(7):الدكتور محمد فتحي في مركز الزهير الطبي :eh_s(7):علشان يشوف شنو صار بالبشره بعد الفراكسيل
طبعا دخلت على الدكتور اللي ما شاء الله عليه الابتسامه ما تفارق وجهه وشاف بشرتي وقال لي ممتاز من أول جلسه البشره استجابت

قمت آنا عاد واشتغلت عليه بالأسئله
دكتور كم المعيار اللي حطيت عليه الجهاز وخليت بشرتي تتقشر بالطريقه هدي؟؟؟؟؟
طبعا الدكتور جاوب وما قصر وقال وشرح وقال وقال والدكتور يا حرام منفعل بلشرح ولولي المسكينه:ch12:
ما فهمت أييييييييييييييييييييييش قال وقلت في قلبي يا عمي كبري دماغك وانا مالي بالكلام ده كلو على قولت أخوانا المصريين المهم شفت النتيجه والحمد لله
المهم يا بنات نكمل
سألت الدكتور عن كريم ميبو للحروق قال لي استخدمه من بعد كل جلسه لمدة اسبوع فقط
سألته عن الدوكوين فورتي طبعا قال يوميا مساء قبل النوم استخدمه طوال فترة الجلسات
وطبعا ادا تدكرون اني قلت لكم انه كان عندهم وحده لبنانيه طيوبه اسمها منال:eh_s(7): هيا اللي حضرت بشرتي للفراكسل وغسلتها ونظفتها وكانت معتنيه فيني الى أن سلمتني لزوجي واصرفت لي غسول وكريم مرطب جدا رائع للبشره تبين ان منال اخصائية بشره في مركز الزهير الطبي حتى اعطتني رقم موبايلها وقالت لي أي استفسار في أي وقت آنا بالخدمه سألت الدكتور عن الغسول والمرطب قال استمري عليهم
الجلسه الثانيه حطيتها بتاريخ 4/12

 

[أحاسيس دافئه]

طبعا بنات العشر أيام هدي تابعوني وراح اكتب لكم كل شي يصير معاي بالحرف لغاية ما تتقشر البشره بالكامل لأن اللي تبين لي الحين وعن تجربه انه الفراكسل يشيل المسام الخفيفه والخطوط الخفيفه وشفت هدا الشي على بشرتي لأنه بشرتي فيها مسام خفيفه ومسام كبيره وفيها خطوط خفيفه ومثل ما قلت لكم المسام الخفيفه في المنطقه اللي تم تقشيرها اتهبببببببببل ناعمه راحت وراحت الخطوط الخفيفه بعد
بس عن الشكه انتظروا الى أن تتقشر البشره بالكامل علشان أجزم لكم انها تشل المسام والخطوط الخفيفه
أما المسام الكبيره والحفر ورانا جلسات جايه وانشوف يعني تابعوني وادعولي

 

[أحاسيس دافئه]

هلا لووولي بصراحه ماقصرتي والله يوفقج
انا سويت جلسه وجني مسويه تنظيف بشره ما عبجني بالشعب التخصصي
والحين محتاره اغيره والا اكمل معاه ؟؟
لأنه قال لأخو نسيبي ات بشرتي غير عن بشرته
طبعا اخو نسيبي بشرته تخررررررررررررع بس صارت شحلاتها
ومادري ليش انا ماصار معاي شي
ولااا تغيير

FOZQ8 أتمنىمنج تقولين لنا وتشرحين اشلون كانت الجلسه في مكز السعر التخصصي ومنو الدكتور وشن صرف لج من أدويه علشان كلنا انعرف الفرق بين مركز والثاني
احنا طبعا الحين أجزمنا انه رويال حياة خررررررررررطي انسيه

وأجزمنا على كلام رهووووووف انه أوباجي عند دكتور محمد ممتاز شغله بسنسبة التخدير خمسه بالأميه يعني مستحيييييل أراجع خاصة بعد اللي قالته رهوووف عن الألم اللي حست فيه و بناء على كلام بعض من الخوات جهازهم يخرب بين وقت وقت يعني مواعيدج راح اتكون خرطي وبناء على كلامي انا اسلوب تعامل بنات الاستعلامات فاشله مع الزباين ما عندهم اسلوب عكس اسلوب السكرتيرات في مركز الزهير الطبي ما شا الله روعه محترمين ودوق وخاصةالسكرتيره ولاء ما شا الله عليها أول مره لما شرحت لها شنو صار معاي برويال حياةبالتلفون اقعدت تسمعني وما تمللت بالعكس قالت تعالي لي بأي وقت وانا ادخلج على الدكتور وما قصرت وراجعت ودخلتني على طول والحمد لله شفت النتيجه المرضيه

الدكتور عبد الرضا لاري عنده جهاز الفراكسل سمعت بس أملج أروحله لأني رحت قبل حقه وسويت تقشير كيميائي خمس جلسات وما كملت والسبب؟؟؟؟؟؟؟؟؟:nocommint:

وطبعا عندج الحين مركز الشعب التخصصي نبي انعرف اشلون اجراء الجلسه كان وكم جلسه سويتي علشان انعرف وانحدد وكل الخوات يحددون وين يبون يروحون بناء على كلامنا
والله على ما نقول شهيد:bye22:


فناطرين ردج يالحلوه

 

[FOZQ8]

لولي لولي
احس بحماس لما ادش هالصفحه ههههههههههههه

اقول قصتي اللي اظن انها مالها معنى وتعيسه


اخو نسيبي ويهه يخرع حفريات ومطبات ومن كثر ما ويهه في آثر وحبوب كان يستعمل اساس كفر ديرم القامج عشان يطلع لانه كان ويهه موطبيعي

راح الشعب التخصصي عند الدكتور خالد مصطفى كامل
والحين سوا عنده 6 جلسات او خمسه ويهه يقولون شي ثاني
بشهادة اختي واخته مستغربين من النتيجه يقولون ويهه صار يهبل السكين توه يصير حلوو
وانا بقول لأخته اللي اهيا ايضا مرت اخوي ونكها العلياء تد هالموضوع عشان تقول سالفته لكم

انا سمعت جذي قلت مايبيله
ويهي الله يسلمكم فيه مسام صغنونه وجم حفره
انا كنت واثقه ان ويهي بسرعه بيتعالج او عبالي جذي
رحت للدكتور
وللشهاده هو محترم

اخذت موعد
وسوت عنده ب 28/10 اللي فات
اخذ 150 دينار
وعطاني 3 كريمات
واحد استعمله بعد كل جلسه لمدة يومين
وواحد مرطب استعمله باليوم الثالث احطه للترطيب كثر ما ابي
وكريم مرطب ايضا بالليل مره وحده

خطوات الجلسه
حطولي مخدر لمده ساعه الا ربع بعدها ماده زرقه
وياااا الدكتور واشتغل على ويهي
وبصراحه ماعورني كلللللللش يعني نقزات خفيفه جدا
لمدة 20 دقيقه
نظفوا ويهي
وقمت ووصفلي الادويه ومشيت
ويهي كان شويه منتفخ
واحمرار بسيط كأني مسويه تنظيف بشره لان ويهي اصلا يحمر من أي شي
بالليل تقولين جذابه مافيني شي
والدكتور قالي ان الاحمرار بالليل يختفي ومن باجر الصبح تقدرين تطلعين وتحطين ميك اب !!
انا تذكرت تجربة ريووووف المسكينه ووصفها انها ما تقدر تطلع اول فتره استغربت
بس انجعمت وقلت يمكن بشتري غير


النتيجه
مثل ماذكرت مسويه تنظيف بشره وقشر ويهي شوي بعد اربع ايام يعني تقشير يخرب اي اساس تحطينه
والحين ويهي مثل ماكااان ولا شي تغير

أفففففففففففف
قهر

وبس

واخو نسيبي بآخر جلسه له سأله الدكتور قاله انته مطرش احد من اهلك؟
رد عليه قاله اي بس مو عاجبتها النتيجه
لأن ماصار اي تغيير
رد عليه الدكتور لأن بشرتها غير عنك ما قدرت ازيد العيار مال الليزر
انا بس بعرف شعرفه بشرتي ما تتحمل ؟؟ اصلا ما فحصها بجهاز ولا شي
الزبده
يبون فلوووس لأن بشرتي ما يبيلها شغل
بالكثير جلستين

بس الدكتو سبق وقالي 4 جلسات الى أكثر
شي يضحك
اذا الريال ويهه مشوه وتعدل بعد اربع جلسات وصار حلووو واستمر عشان يبي نتيجه احلا
وانا اصير نفسه ؟

 

[العلياء]

مرحبا بنات
ويا احلى بنات
انا اخوي اللي اهو نسيب فوز واللي فوز قاعده حش وقرض باخوي من الحره هااااااااااااااااااااااااااااااااااا
صار حلو شفتو شلون ههههههههههههههه

اخوي كان يعاني من الحفر والاثار والدمامل بعد ها وكان يحط كفر ديرم اسمر مثل ماقالت وكان يسوي تان عشان يطلع ويستانس بس ماكو فايده
راح عند الشعب الدكتور خالد من ثاني جلسه بين عليه والله ولا ازيدكم من الشعر بيت كان فيه جيس دهن بنص خده وسوا عمليه
والله اثر العمليه راح بنسبه 90 بالميه
وصراحه مثل ماقلتو بشرته تحرقه عقب الفراكسل ومورمه وحمره حدها
وبساله اكثر يوم الخميس وبحاول ارد عليكم عن ادويته واللي صرفوها له

 

[حبنا الله عليه]

شكراً لولي وشكراً العلياء على هالمعلومات

وما ادري اتخوف لما اسمع جذي

وودي اسوي لي دبره بمساماتي شوروا علي !!! بس ترى كلش خفاف

 

[أحاسيس دافئه]

مشكورين فوز والعلياء على الرد
فوز حبوبتي بالنسبه لموضوع من اربع جلسات الى خمس جلسات هدا الشي ما لنا منه مفر والا المستشفيات والعيادات الخاصه اشلون يربحون؟؟؟؟؟؟
احنا راضين الحين بالخمس جلسات بس نبي النتيجه والدكتور الصح
انا طبعا في موضوع رهووووووف واللي اهوا بشرتي صارت مرمر من الفراكسل كنت كاتبه شنو نوع بشرتي الله وكيلج خطوط صغيره ومسام صغيره وكبيره وحفر صغيره وكبيره
وسويت برويال حياة والنتيجه نفس نتيجتج في مركز الشعب لا تقشير ولا عوار واحمرار يوم وبس
بس يشهد الله في مركز الزهير الطبي الويه يخرع امورم ثلاث ايام وحراره وحكه وبعدها بدا يسود كأني تقشير كيميائي امسويه ولحد الآن ترى مو قادره أروح حتى للسوق الويه يفشل
بس النتيجه ويشهد علي ربي ان الأماكن اللي تقشرت وكانت تحتوي على المسام الخفيفه والخطوط الخفيفه اختفت وهدي ابشهادة بعد زوجي بس طبعا الحفر لحد الآن ما زالت والمسام الكبيره ما زالت بس ان شا الله خير

آنا ابنصيحتي أقولج ادا راح اتسوين الجلسه الثانيه روحي مركز الزهير الطبي تخدير كامل نايمه مرتاحه ودكتور ما شا الله عليه شغله مضبوط وسعرهم 180 بس يعني فرق 30 دينار بينهم وبين الشعب التحصصي بس وصدقيني راح اتشوفين الفرق بس ها ادا بشرتج مثل ما قلتي مسام بسيطه
لأنه آنا لحد الآن ما اقدر أقول شي عن الحفر والمسام الكبيره

وبعدين ليش اقولج مركز الزهير الطبي لأنه مديره عادل زهير ولا تنسين انه كان رئيس مستشفى السلام وشوفي اشلون كانت دكاترة مستشفى السلام أول وشوفي يوم اتركه عادل زهير شنو صار يلوع الجبد
والحين هدا المركز له اهوا فمليون بالأميه اختياره للدكاتره راح يكون صح
بس للأسف ما دريت انه عندهم جهاز الفراكسيل الا بعد ما رحت رويال حياة وبعدها بيوم اتصفح الجريده واقرا انه مركز الزهير عندهم الجهاز
يالله الحمد لله على كل حال

 

[مهاا]

زين انتي بشرتج بس اثار ولا احمرار بعد

انا بشرتي فيها اثار ومحمره بعد ما ادري يصير لحالتي؟

وبشتري لي الحين تطلع فيها احبوب وتروووح يعني مو صافيه ميه بالميه ليش لانه عندي هرمونات وتكيسات والحين اكل حبوب مانع عشان اصيطر على الهرمون مع اني مو متزوجه


عفيه لولي ما عليج امر اذا رحتي لدكتور اساليه عن حالتي


وبعدين تخديرج شلون كمام ولا شنووو


وانشاء الله يرزقج بالبشررره الصافيه


متابعين رحلتج

 

[login]

اصلا رويال حياة توه مبطلينه مو من زمان واكيد بيسويلج بسعر غالي روحي حق دكاتره معروفه وتكون قديمه بالكويت احسنلج من هاللويه وقط الفلوس عالفاضي

 

[login]

روحي سلامه جبر مثل ماقالتلج الاخت حتى لوغالي بس دكتور شاطر وفاهم ويعرف كل بشره وشنو يناسبها واذا مايناسبج شي يقولج هالشي مايناسبج لاتسوينه وواايد زين هالدكتور للامانه انا مارحتله بس رفيجاتي راحوله ووايد يمدحونه

 

[QUMAR]

لولي متابعينج حبوبه
وإن شاء الله توصلين لنتيجه حلوه يارب
شوقتيني أسوي الفراكسل بس شلون علي الدوام احس فشله تطلعين و ويهج مورم وتجابلين العالم
عدل
والا شرايج !!!
موفقه حبيبتي وناطرين آخر التطورات

 

[Reeema_q8]

بالتوفيييييييييق


ومتابعيييييينج بقوووووهـ

 

[Violetta]

نمتي ؟؟؟؟؟؟؟؟؟؟؟؟ تخدير كامل ؟؟؟
ما يخرع و سالفه المغذي خوفتني لووول
انا انشاءلله بسويه

 

[أحاسيس دافئه]

زين انتي بشرتج بس اثار ولا احمرار بعد

انا بشرتي فيها اثار ومحمره بعد ما ادري يصير لحالتي؟

وبشتري لي الحين تطلع فيها احبوب وتروووح يعني مو صافيه ميه بالميه ليش لانه عندي هرمونات وتكيسات والحين اكل حبوب مانع عشان اصيطر على الهرمون مع اني مو متزوجه


عفيه لولي ما عليج امر اذا رحتي لدكتور اساليه عن حالتي


وبعدين تخديرج شلون كمام ولا شنووو


وانشاء الله يرزقج بالبشررره الصافيه


متابعين رحلتج

شوفي حبوبه انا بشرتي لونها حنطي وفيها بقع ومسام واسعه ومسام خفيفه وحفر عميقه وحفر سطحيه وخطوط دقيقه خفيفه
وان شا الله ادا رحت بأسأل الدكتور عنج
وبعدين ديري بالج تاكلين حبوب منع الحمل وانتي مو متزوجه فيها دكاتره اتعرف تتصرف مع حالتج لأنه الله يبعدج عن الامراض اتسبب عقم فيما بعد للي مو متزوجين منو اللي شار عليج هالشوره الخايسه وقال لج اكلي حبوب منع الحمل؟
ديري بالج
وبعدين بالنسبه للتخدير اهيا ابره تاخدينها مو كمام فتره الفراكسل بس نص ساعه ولما اتخلص الجلسه راح تصحين وعادي

 

[أحاسيس دافئه]

لولي متابعينج حبوبه
وإن شاء الله توصلين لنتيجه حلوه يارب
شوقتيني أسوي الفراكسل بس شلون علي الدوام احس فشله تطلعين و ويهج مورم وتجابلين العالم
عدل
والا شرايج !!!
موفقه حبيبتي وناطرين آخر التطورات

شوفي يالغاليه الجلسه لما سويتها عند رويال حياة صج عادي من ياجر تروحين الدوام ولا كأنج امسويه شب احمرار بسيط وبس ولا قشر ولا شي
بس للأمانه لما سويتها عند الدكتور محمد في مركز الزهير الطبي مالج امل تروحين للدوام الويه يخرع امورم واحمر ثلاثة ايام وكل يوم عن يوم يسود كأنج امسويه تقشير كيميائي
تدرين اليوم لي سابع ولحد الآن صوب الحنج اسسسسسسسسسود وما قشر مو قادره لا اطلع ولا شي بس المكان اللي قشر تعالي شوفي اشحلاته ما فيه مسام ولا خطوط دقيقه يعني ادا باتسوين فراكسل سويه يوم الاثنين واخدي مرضيه ثلاثا واربعا وخميس وعندج جمعه وسبت عطله بعدين عادي اتداومين الاحد ببشره روعه ومرتاحه
ادعلي بس اته هالمسام الكبيره والحفر اهيا اللي تروح