لولي والفراكسل خطوة بخطوة

[جوري الكويت]

لوللي ,, شنو تنصحيني

دقيت على مركز الزهير ,, طلع محمد فتحي من عندهم .. صار مكانه محمد تهامي ,, كلمته بالتلفون

ماشالله عليه ,, ما قصر,, قعد ساعم يشرح بالتلفون ,, راسي صدع ,, جني مشغله ستيريو

قال لي في نوعين من الفراكسل

النوع الأول .. الجلسه ب 220 و تحتاجين من 4 - 6 جلسات حسب نوع البشره ,, و تكون جلسه كل شهر

النوع الثاني .. الجلسه ب 400 و تحتاجين 3 فقط كحد اقصى ,, و تكون الجلسه كل 3 أشهر ..و مناسبه للي ما تقدر تاخذ اجازه كل شهر .. لأنها راح تاخذ اجازه 3 ايام كل ثلاث شهور

خذت موعد اليوم انشالله .. بس حدي خايفه .. لأني تشجعت من كلامج على د . محمد فتحي .. خصوصا ان وحده تصير لي حرقوها بالليزر اللي عندهم , و عقب رجعوا لها فلوسها

و د . محمد تهامي ,, الصراحه نصحني و قال لي ,, تعالي و نحدد اذا تحتاجين فراكسل ولا لأ ,, ما اقدر بالتلفون احدد اذا تحتاجين ولا لأ
لأن يمكن بشرتج بس تحتاج كريمات فليش تسوين فراكسل

انا خذت موعد اليوم ,, و حدي خايفه ,,

 

[moony77]

شوفي حبوبة انا ماخذه عند الزهير موعد حق ليزر الشعر وابي اسوي النوع الثاني اهو قالي ينفع لبشرتي واحتاج من جلسة لجلستين تقريبا يله انطرج عقب ما تسوينه عنده اهو امبين عليه مريح انتي بتسوين اي وحده الفراكسل اللي 250 ولا الفراكشنل اللي ب 400

 

[جوري الكويت]

انا للحين مارحت الموعد و حدي متردده ,, لوللي شجعتني على محمد فتحي

بس طلع من عندهم و مادري عن تهامي , اذا فيه وحده مسويه عنده

ما ادري اي نوع بسوي قال لي تعالي اشوف بشرتج و أحدد

 

[هيونه الكويت]

سمعتى بالليزر اليديدactive fx
يقولج احسن من الفراكسل
انا سمعت عنه عند مركز الزهير
يقولج افضل من الفراكسل
والفركسل نتايجه ضعيفه
الى عدها اى معلومه او ابحثت بالنت تفيدنا

 

[هيونه الكويت]

اب اب

 

[As-chocolate]

شكرااااااااااااااااااااا

 

[أحاسيس دافئه]

مساء الخير على الحلوات
اشتقت لكم والله وولهت عليكم حيييييييييييييييييييييييييييييييييييييييل
بالنسبه حق دكتور محمد فتحي حبيبتي جوري الكويت اهوا يشتغل الحين بمستشفى المواساة وما شاء الله عليه سمعتها مثل ما اهيا ما تغيرت
بالنسبه حق الفراكسل النوع الاول اللي آنا سويته طبعا تتذكرون آنا قلت لكم انه فرق وجهي بنسبة اربعين بالمئه وكل سنتين اتعيدين الجلسات
وبالفعل يالغاليات مثل الوجه رجع مثل اول مسام وحفر اهبطت وخطوط دقيقه يعني لازم اعيد الجلسات
لا طبنا ولا غدى الشر
واللي يقول لكم انه الحفر ما ترجع كذااااااااااااااااااااااااااااااااااااااااااااااااااااااااااااب ويسوي دعايه للمركز اللي يتعالج عنده علشان اكيد اهوا ما زال عندهم وامباشرينه بالخصومات

هذا الجهاز الاول
اما الجهاز الثاني (( الجيل الثاني )) من الفراكسل فاهوا نفس الاول وما يفرق شي
اللهم بس عندكم الفرق ان الاول بصبغه زرقا
والثاني بدون صبغه
والنتايج اهيا اهيا

يعني الفراكسل اخرطي وحل مؤقت

نجي للجهاز تراي اكتف ليزر اللي سوته الاخت ام جراح عند الدكتور النصاب عماد النجاده ابو نفس خايسه
شفتوا اشلون درجة التقشير اللي صار لها
انا كانت جذيه درجة التقشير على بشرتي (( يعني بالفعل الدكتور اشتغل بذمه على بشرتي ))
من جذيه انا مدحت الدكتور محمد فتحي لأنه شغل بذمه ونفس حلوه وبدون حروق وبهذله كما انه لما قلت له ابي اسوي الجلسه الرابعه قال لي لأ ززز لا اتسوينها خلاص لان وجهك اكتفى جلسات
فاهوا لو واحد نصاب كان اخذ فلوس الجلسه وسكت عنها بس ريال صج عنده ذمه وقال لي خلاص لا اتسوين الجلسه

اتصلت فيه وسألته عن جهاز التراي اكتيف ... قال لي لا ما يناسب بشرتج ... انتظري شهر وراحيوصلني جهاز رائع في مستشفى المواساة للحفر ممتاز
وهذا انا قاعده انتظر وابلغكم ان شاء الله بالاخبار اول باول


فلكل وحده دزتلي عالخاص تسأل عن الدكتور محمد فتحي وين راح
ابلغكم انه في مستشفى المواساة صار له 20 يوم من اشتغل اهناك
ادعوا له طبعا بالتوفيق والله يبارك له بشغله وبانتظار الجهاز الجديد
والحمد لله اني ما تلقفت ورحت سويت بالاكتف ليزر

وان شاء الله اول ما يوصل الجهاز راح ابلغكم عنه

 

[الراسيـ؟ـه]

اختي لولي الله يشافي بنتج يارب و الله كل ما اقرا شصار مع بنتج ادعيلها من كل قلبي و الدعوه بظهر الغيبه مستجابه ان شاءالله

و مبروووك البيت الجديد ان شاءالله يكون فاتحه خير لكم

اختي حبيت اسالج الحين وين تنصحيني اسوي الليزر انا ما اشتغل و الفراكسل غالي حيل بالنسبة لي بس بشرتي دهنيه مايحتاح اقولج شفيها و الله الحبوب بوجهي من كثرها تقولين شمخااااااات و الله مستحيل اطلع من البيت بدون كريم اساس و بودر بعد و يالله انها تختفي الحبوب بس الحفر مالج امل تختفي لو شنو ماركه الكونسلر مستحيل تختفي لاااايعه جبدي من بشرتي و الله و انا على وجه زواج لازم اسويها هالصيف تكفين انصحييني ماعندي خوات تنصحوني ماعندي الا انتي و اعتبريني اختج وين ماتقولين لي اروح بروح بس تكفين فكيني من هالشمخااات


ملاحظة انا رفيجه صاحبه هالنك و ماعندي نك بالمنتدى بس موضوعج شجعني ارد غصب

 

[أحاسيس دافئه]

اختي لولي الله يشافي بنتج يارب و الله كل ما اقرا شصار مع بنتج ادعيلها من كل قلبي و الدعوه بظهر الغيبه مستجابه ان شاءالله

و مبروووك البيت الجديد ان شاءالله يكون فاتحه خير لكم

اختي حبيت اسالج الحين وين تنصحيني اسوي الليزر انا ما اشتغل و الفراكسل غالي حيل بالنسبة لي بس بشرتي دهنيه مايحتاح اقولج شفيها و الله الحبوب بوجهي من كثرها تقولين شمخااااااات و الله مستحيل اطلع من البيت بدون كريم اساس و بودر بعد و يالله انها تختفي الحبوب بس الحفر مالج امل تختفي لو شنو ماركه الكونسلر مستحيل تختفي لاااايعه جبدي من بشرتي و الله و انا على وجه زواج لازم اسويها هالصيف تكفين انصحييني ماعندي خوات تنصحوني ماعندي الا انتي و اعتبريني اختج وين ماتقولين لي اروح بروح بس تكفين فكيني من هالشمخااات


ملاحظة انا رفيجه صاحبه هالنك و ماعندي نك بالمنتدى بس موضوعج شجعني ارد غصب

هلا بحبيبتي ومشكوره على هالدعوات ... والله هذا اللي ابيه منكم انكم تدعونلي انه ربي يشافي بنتي ويبعد عن اهل بيتي العين والحسد

المهم حبيبتي بما ان ويهج كله حبوب حاليا فانسي يالغاليه انهم يسوون لج ليزر ... لازم يعالجون الحبوب بعدين اتسوين الليزر ... والدكتور اللي يقول لج غير هالكلام دكتور نصااااااااااااااااااااااااااااب
شوفي انا اللي انصحج فيه حاليا وما راح تخسرين شي ولو تبيني أروح معاج مريني البيت واروح ما عندي مانع والله اخدمج بعيوني
اتروحين حق دكتور محمد فتحي بمستشفى المواساة وخليه يشوف بشرتج (( صدقيني والله انه دكتور عنده ذمه وراح ينصحج بالصح والله وقوليله انا من طرف لولي وراح يهتم فيج اكثر واكثر ))
واذا الليزر ما راح ينفعج هم راح يقول لج
انا الحين قال لي ما اسوي اكتيف ليزر لانه في جهاز جديد احسن منه راح ينزل وناطره بشوف

لا تستخدمين اي شي حق بشرتج واذا تبين اي شي اروح معاج له ما عندي مانع دزيلي رقمج عالخاص ومن عيوني الثنتين اتصل انا فيج ونتفاهم

غير جذيه اغلب الدكاتره نصابين كلهم بيقولون لالالا انتي تحتاجين تقشير كريستال ومن بعده فراكسل ومن بعده ما ادري شنو

حاسه فيج وعارفه لاني عانيت من نفس المشكله ...

وبما انه بشرتج فيها مشوخ وحبوب ملتهبه فابتعدي عن اي شي فيه فيتامين سي
وابتعدي عن الريتين ايه (( كريم التقشير ))

عندج بعد دكتوره منى الفارس يمدحونها حيل بالجابريه
غير جذيه كلهم خرطي وما عندهم سالفه
واللي تبينه انا حاضره لج

 

[ساندريلا]

اختي لولو متأكده ان الدكتور محمد فتحي راح المواساه..؟؟؟؟
لان انا اراجع عنده بس من زمان مارحت واهو قالي انه اذا انتقل راح يقولي
امبيه لاتقولين منو مكانه صار الحين بالمركز
وشلون اسعاره مناك اكيد غيرهم

 

[ريمه الكويت]

شلونج وشخبارج شلون بنيتج @@ وقولي شنو الجهاز اليديد واذا تعرفين بجم الجلسه يبلي افتح ملف عنده عاد فكرت اروحله بمركز الزهير اثاريه طلع

 

[أحاسيس دافئه]

هلا ساندريلا حبيبتي (( افا عليج وعند لولي الخبر اليقين )) الدكتور محمد فتحي بالمواساة الحين وتقدرين تتصلين وتتاكدين بعد

هلا ريمة الكويت الغاليه اشلونج حبيبتي والله اشتقت لكم من زمان ما دخلت النت
انشغلت مع بنتي واشوية ظروف الحمد لله على كل حال
محمد فتحي بالمواساة
والجهاز ما ادري شنو اسمه بس ان شاء الله باجر اتصل فيه واسأله وابلغكم ولا يهمج حبيبتي
واي استفسار انا حاضره

 

[ريمه الكويت]

ماتقصرين لولي اي والله الله يعينج انا بعد جذي مع بنتي هذا ثالث دكتور وموعارفين بالظبط شفيها سارلها سنه على هالحال الله يشافي بنتج وبنتي ويشفي كل مريض يارب

 

[الراسيـ؟ـه]

لولي بس انتي تقولين انه رجع وجهج نفس اول يعني مامنه فايده

تنصحيني انطر الجهاز اليديد و لا اسوي الفراكسل ؟؟؟؟؟؟؟؟؟

 

[أحاسيس دافئه]

لولي بس انتي تقولين انه رجع وجهج نفس اول يعني مامنه فايده

تنصحيني انطر الجهاز اليديد و لا اسوي الفراكسل ؟؟؟؟؟؟؟؟؟

حبيبتي الفراكسل اثبت فشله انسيييييييييه وهذا انا عندج وقلبي النت فوق تحت وكلهم نفس كلامي اللي يقول غير هالكلام كذاااااااااااااب
حل مؤقت ولازم اتكررين الجلسات نفسها كل سنتين

انا قصدي روحي للدكتور محمد فتحي او منى الفارس اتعالج بشرتج عن هالحبوب علشان البشره ما تتحفر زياده
ونطري خليني اشوف الجهاز شنو اسمه
احنا انعاني من حفر عميقه حبيبتي ... يعني مو اي وحده تمدح بالجهاز نصدقها (( عندج ام جراح ويها ما فيه حفر وسوت الاكتف ليزر وشوفي شنو صار معاها )) الحفر العميقه ما تروح
الجهاز يحفز افراز الكولاجين
سنه سنتين
يبدا الكولاجين يقل
وترجع الحفر اتهبط
هذا القصد من الاجهزه
من جذيه ابيج بس اتعالجين بشرتج الحين
ونطري خاينا نشوف الجهاز


لا والله مشتهيه اتسوين فراكسل ؟؟؟ انسي يسون لج لانه بشرتج كلها حبوب ملتهبه وويهج امجرح ما راح يسوون لج واللي يقول عادي نصااااااااااااااااااااااااااب


الله خيرج بين 2 منى الفارس والا محمد فتحي والا تهامي بمركز الزهير الطبي على كلام البنات خوش دكتور وينصح


نصيحتي لج
عالجي الحبوب لا تزيد الحفر بالويه
واي استفسار حبيبتي من عيوني
بس الفراكسل اثبت فشله (( سنه ونص والبشره ترجع مثل ما كانت ))
الاكتف ليزر (( 4 سنين والبشره ترجع مثل ما كانت ))
وراح اقول لكم عن الجهاز الجديد ان شاء الله بس نطروني هاليومين


لا تقعدون اتصدقون كلام ناس قاعدين ببيوتهم ويكتبون خرابيط بالنت علشان دعايات للدكاتره علشان يسوون خصومات لهم
وانا ترى وايد بنات جوني البيت وشافوا بشرتي يعني تبين تجين حياج الله (( لا كذب ولا نفاق ))
وما عليج بخرابيط النت واللي يكتبونه
انا عندي بنت مريضه واخاف الله فيها
كتبتلج الصج


اهم شي حبيبتي عالجي بشرتج
وابتعدي وانسي التقشير الكيميائي وتنظيف البشره
انسيهم من حياتج

 

[abla^nono]

حبيبتي انا عندي استفسار اتمنى تردين علي

انا بشرتي دهنية حيل في منطقة ال T zone يعني الخشم واليبهة ومساماتي واسعة لمااحط كريم الاساس الله لا يوريج تلوع جبدي وطبعا على طول يدهن ويهي ويخترب الكريم يعني كلش مو حلو شكلي وانا حاطة مكياج و ويهي يلمع من الدهن

فشنو الحل ؟ انا رحت كاليفورنيا وبصراحة نصابين كل ما اروحلهم بالاسبوع مرة كريم يديد وماسك يديد تعبت منهم صج ان البشرة تعدلت شوي بس ردت الحين نفس ما كانت

بصراحة لاعت جبدي من المسامات والدهون شسوي شنو الحل ؟ بلييز ردي علي عندي عرس حماي وملجة حماتي ماشالله ورا بعض بقى شهر

 

[abla^nono]

اب اب

 

[abla^nono]

اب يا لولي اب

 

[miss abrar]

مشكوووووووره لولي وااااايد فدتينا بتجربتج وماشاء الله عليج ماقصرتي كفيتي ووفيتي واعتقد نادر ان في وحده تشرح تجربتها بهالشرح الوافي وهاذا يدل على ذوقج ونفسج الحلووووه وانا من كلمج تشجعت وبروح مركز الزهير

 

[بـولقـري]

حبيبتي لولي كأنج طايحه علي من السما كنت بحاجه الفراكسل بس انتي ماقلتي شنو تعانين من بشرتج هل مسام او كلف او اثر حبوب وهل له نتيجه مع المسامات أناعمري 27 أخاف مايسوي لي وتكفين عطينا اخبارج أول بأول وعسى ربي مايخيب تعبج