لون الطفل لمين بيكون

[just--me]

مراحب بنات انا عندي سؤال تحملوني انا زوجي لونه اسمر مره وانا سمرا بس فاتحه بالرغم من ان اهالينا بيض بس مادري لمين طالعين عاد اهو طبعا يقول ان شاءالله ولدي يكون ابيض علشان مايتعقد زي لماكنت صغير لان اهو الوحيد الاسمر عاد قلت بنفسي انا نفس الشي بس يقولون ليش جايه سمرا لمين مره تعقدت صراحه مجتمعنا همه اللون استغفر الله وبس تريقه عاد وربي بنات افكر باطفالي بكره ماودي يحسون بالنقص بنات تتوقعون لازم لي انا وابوهم والا موشرط بنات ادري ان سوالي جدا سخيف بس يمكن لان ماحد جرب المعناه لما يكون شخص فقط من العايله اسمر والباقين بيض تكفون بنات جاوبوني احد زييي واطفالهم كيف الوانهم انا مايهمني البياض ابي الوانهم عاديه بس وربي مايهمني والحمدلله ربي خلقني لحكمه هو يعلمها

 

[just--me]

بنات وينكم

 

[أشبـاهـ المطـر]

يـا عزيزتي لا تسألين عن اللون !
اسألي نفسج انتي وزوجج الموضوع يستاهل تفكرون فيه ولا لا !

الله يرزقكم بالاطفال الواثقين جداً بأنفسهم ولا يهمهم كلام الناس ​

 

[طيف الغربة]

فديتك قولي يارب يجيني طفل كامل الخلقة وبعافيته اهم من اللون ومن كل شيء

اسمر ابيض شعره حرير ولا كجعد والله مو مهم يظل قمر الدنيا بنظر كل الي يحبونه اهم شيء عافيته وسلامته

 

[كتالونيه]

امم اتوقع اسمر
اكيد بيطلع عليج او ع ابووه
بس عاد انتم لاتعقدونه الله يرزقج
حبيبتي بالي تمنينه

 

[روعة خيال]

انا بيضا و زوجي ابيض بنتي العوده سمرا على جدها ابو ابوها

 

[el lulu]

يقــولج الطفل ممكن ياخذ من سابع جد - يعني مو شرط عليج او على ابوه
وان شاء الله الله يرزقج بالطفل السليم المعافى

 

[مشتطـه]

ماراح يروح بعيد يعني راح يطلع اسمر لان محد فيكم ابيض

ف احتمال 85% اسمرررر

 

[حبيبي مالكني]

شوفي لون الطفل مو شرط يطل على الام او الابو
معاي وحده بدوام اهي سمرة وريلها اسمر بنتهم طلعت بيضة
وترى اختي اللون مو مهم سبحان الله الملامح اهي الي تحلي والواحد
يامه في سمر احلى من البيض
وترى الي صار معاج عادي في كل بيت يكون هناك واحد يسمونه البطه السوده
مو شرط الاسمر يمكن الضعيف كلش او المتين
يعني الي مريتي فيه طفولة عادية

 

[حروف من ذهب*]

إذ انتم الاثنين سمر فحتمال كبير يطلع اسمر والله يجعله من الصالحين البارين

 

[منال $]

اهم شي الصحة والخلقة التامة
لاتشغلي نفسك بهالموضوع

 

[DeSeRt RoZe]

اهم شي الخلقة الزينة

وليش يتعقد يعني ؟؟ السمار شي حلو مو شي مو زين اشدعوا يعني

 

[حشمه]

ان شاء الله يطلع سليم معافى وانسي هالموضوع

لو طلع مريض بتقولين شنو يكون لونه ابيه بس مهم عافيته وصحته

قولي يارب ارزقني الطفل المعافى السليم اللي يبر فيكم

 

[خاشعة للرحمن]

اهم شي يااختي السلامه واللا اللون مايفرق ادعي الله يهونها ويرزقج بطفل سليم تام الخلقه

 

[last piece]

اسمر ابيض المهم الخلقه الكامله حبيبتي

ولون الاسمر يسود على الابيض

 

[رووح ابووها]

انا سمعت ان العيال ياخذون اللون من امهم يعني اذا اهي سمرا اغلب عيالها مثلها