لو احد سفط ورا سيارتج و طلع.... شتسوين

[درابيل وحليب]

شتسوين

اذا انتي طالعة من الدوام في عز الحر

تفكرين بالغدا و اليهال و قلاص ماي مثلج

ولااااا

سيارة سافطة و راج مسكرة عليج و مافي مجال للطلعة لا يمين و لا يسار


و بعد نص ساعة


الاخ ياي يتمخطر و يقولج اسف بكل برود

شنو تكون ردة فعلج:gr4uu:

 

[كويتيه78]

واي مو شي اكيد بعصب
عاد اليوم انا شفت هالموقف مصافط الدوام واحد مسكر على ريال 3 ساعات تخيلي ولما يا الثاني بكل برود قاله اسف وهذاك عصب قاله شسوي باسفك انا خالص من 3 ساعات ناطرك بالحر مسكين كسر خاطري
وفي وحده ثانيه هم صار فيها هالموقف بس اللي صاكه عليها بنيه بس كلت طق لما اشبعت​

 

[tmtmt]

عيل تعالوا سمعوا ريلي شسوا

كنت حامل وموديني مراجعتي بعيادات السلام
عاد سافطين بالبراحه ودشينه وتهاوش ريلي مع السكرتيره الشقول ما بقى احد ما دخلته قبلنا على بو من جماعتهم

ويوم طلعنا ولا واحد مسكر علينا وفي مجال اذا عابل ريلي يقدر يطلع
بس ما قدر لازم يطلع حرته

تخيلوا !!!!!

كسر الاريل مال السياره ( عاد السياره قديمه وتلوع الجبد )
وكب عليها بيبسي ماكدونلز <<<< مادري شمو البيبسي

حزتها من الخوف منه والله اول مره يسويها
بس بنفس الوقت قلت قلعته ليشس ما يفتهم

 

[عــاشــقــه]

مآفي كلمه تؤصف شعؤري

 

[جـــواهر]

يمه اتقهر والله,,, واحتمال ابجي خو انا ع اي شي ابجي :0bee2e8d89:​

 

[vogue grl]

صراحه ردة فعلي انه راح اكون معصبه واقوله ممكن توخر سيارتك الحين! وبس

 

[اللوحة الناقصة]

عاد سبحان الله اليوم وحده قالتلي نفس السالفه صايره بوحده معانا بالدوام

اهي المصافط اساسا لنا ،،، بس في ناس من جهات ثانية ايون يصفطون

فاهي مسكينه طالعه من الساعه 1 ونص والاخ الي مسكر عليها ما شرف الا 2 وربع

الله لا يقول انحط بمكانها بس لو صار يمكن تخنقني العبره بس راح امسك نفسي

وانزل اسال سيارة منو هذه ؟؟؟ عل وعسى صاحبها يكون موجود قريب

او ادق على احد من اهلي ايي ياخذني اذا مستعيله​

 

[حقوقيه زوغه]

عادي ماراح اسوي شي ..انطره لما يشرف بعدين اشخله شخااااااااااااااااااال واطلع حرتي ..بعدين اعدل ملفعي واصعد سيارتي واعدل حمرتي واحط عطر واعلي الرادو واسووووق عااااااادي ولا جنه صار شي (

لووووووول ..ماله داعي اعور قلبي ..الدنيا ماااتسوى ..

 

[يمة يادلبي]

آآخ لو بإيدي جان زلقت سيارته
بس ماقدر
الحديد يعور ضروسي

فـ بس بكتفي انتي بطالعة بنظرة احتقار >> احلى يام نظرات خخخخخ

 

[irresistible]

شي اكييييد راااح ياكل زفة تضيق خلقة اسبوع انا مرة صارت لي بالدوام و كنت مستادنة بطلع و متاخرة و ادق علي ريلي و ابببجي عندي موعد طبيب بالغصب محصلتة و كان عندي جيب تدرون ريلي شنو قالي دعمي قلت لااااا اخاف المهم راح علي الموعد و رديت الدوام وانتهي الدوام و اطق كرتي علي ايام الكروت و لا السيارة لي الحين وراي ماكو مجال اطلع لان مظلات يا ريلي وركب سيارتي و يرجع قري بخخخخخخخ و يدعم السيارة الباب انخفس لي داخل و انا تحت تاثير الصدمة و يوم ية الريال قال بشتكي عليك كسرت سيارتي قالة من الساعة 10 و صاك عليها و لك عين ترادد قال روح باللي ما يحفظك بس الريال اخترع من ريلي و انحاش

 

[FOZQ8]

وااي شي يحر
شفت وحده امس بجميعة القادسيه والله كسرت خاطري واقفه بالشمس ناطره الدثوي او الدثويه اللي صافطين عليها
ترى بنات يصير ادقون على 3 سبعات بس مادري شيسوون فيهم حلاته ونش ويقطونها بعيد اخخخخخخ

 

[الكــادى..]

ذكرتينى باللى مضى
صارت معاى
تخيلوا طالعه الظهر وبالحر عقب الدوام بروح البيت , والا السياره اللى سافطه وراى
انطر وانطر ... ولاحياة لمن تنادى
وادق على 777 وقلت لهم السالفه .. قالوا شوى وبنكون عندك
لما سكرته منهم ... والا طلع سواق المطعم
صراحه زفيته وبغيت اكمل الزفه ... بس تأسف وهديت
واتصلت على 777 اقولهم خلاص انتهى الموضوع
وسلامتكمـ

 

[vogue grl]

شي اكييييد راااح ياكل زفة تضيق خلقة اسبوع انا مرة صارت لي بالدوام و كنت مستادنة بطلع و متاخرة و ادق علي ريلي و ابببجي عندي موعد طبيب بالغصب محصلتة و كان عندي جيب تدرون ريلي شنو قالي دعمي قلت لااااا اخاف المهم راح علي الموعد و رديت الدوام وانتهي الدوام و اطق كرتي علي ايام الكروت و لا السيارة لي الحين وراي ماكو مجال اطلع لان مظلات يا ريلي وركب سيارتي و يرجع قري بخخخخخخخ و يدعم السيارة الباب انخفس لي داخل و انا تحت تاثير الصدمة و يوم ية الريال قال بشتكي عليك كسرت سيارتي قالة من الساعة 10 و صاك عليها و لك عين ترادد قال روح باللي ما يحفظك بس الريال اخترع من ريلي و انحاش

واي امبيه هههههههههههههه ريلج يضحك بس صراحه شي يحر ماخلاج تروحين موعدج وطوفه عليج يستاهل!

 

[SupeR-GirL]

واااي صارت فيني مره
طالعه من الصالون مسويه الشعر وحالتي حاله طلعت ولا سياره صاكه علي!!! :eh_s(14):
اتلفت يمين يسار انطر احد ايي مااكو دخلت الصالون اسال اذا كانت سياره احد مافي محد يدري
وادور حارس العماره مو موجوود
وييع لاعت جبدي اخترب شعري من الهوى وانا ليلحين مالقيت الملييق اللي صاك علي
جان ادق على امي واقولها السالفه وطرشت لي السايق ورديت البيت وانا معصصصصبه
بعدين عاد رديت البيت بدلت وحطيت ميك اب ورحت الحفله واستانست ونسيت السالفه :eh_s(6):

 

[صمت وسكون الليل]

الله يعينج

الصراحه من الحر وخصوصا الضهر راح ابجي من القهر الي فيني

 

[om al ghaleen]

وااي قهر انتظر نص ساعه بس اذا طوول اكثر الله يخلي 777

 

[إنسانه بكل حالاتي]

ضيقة خلق صارت لي مره بس مهما كان فشله ماتقدرين تزفين ريال

 

[ام تولي]

ذاك اليوم كنت بالتأمينات عندي شغل المهم خلصت وطلعت ولآواحد صافط وراي وماكو مجال اطلع رديت كلمت موظف الاستقبال قالي روحي
للموظفه اللي ماسكه المكرفون وخليها تنادي على صاحب السياره المهم رحت لها وكلمتها جان تقولي آسفه موشغلتي!!!
قلت اشدعوه موشغلتج تنادين على الاسامي؟؟ يعني اشفرق اعتبريها خدمه انسانيه. ولا واحد الله يجزاه خير سمعني اكلمها جان ينادي بصوته
وقام صاحب السياره صراحه مانغثيت كثر مانغثيت من الموظفه دايما تعامل المره للمره موكلش والعكس صحيح.

 

[سفيرة السعودية]

شي اكييييد راااح ياكل زفة تضيق خلقة اسبوع انا مرة صارت لي بالدوام و كنت مستادنة بطلع و متاخرة و ادق علي ريلي و ابببجي عندي موعد طبيب بالغصب محصلتة و كان عندي جيب تدرون ريلي شنو قالي دعمي قلت لااااا اخاف المهم راح علي الموعد و رديت الدوام وانتهي الدوام و اطق كرتي علي ايام الكروت و لا السيارة لي الحين وراي ماكو مجال اطلع لان مظلات يا ريلي وركب سيارتي و يرجع قري بخخخخخخخ و يدعم السيارة الباب انخفس لي داخل و انا تحت تاثير الصدمة و يوم ية الريال قال بشتكي عليك كسرت سيارتي قالة من الساعة 10 و صاك عليها و لك عين ترادد قال روح باللي ما يحفظك بس الريال اخترع من ريلي و انحاش

والله كفو ريلج صج ريال انا لو مكان ريلج كسرت له بعد الجامات كلها
يستااااااهل

 

[كندية]

والله لي الحين مااحااشني اخذ باااص هههههههههه .....بس والله اخاااف افصل واسوي جريمه..اتخيل حر الكويت وااااااااااااااااااااي والله لين يطلع صااحب السيااره اللي اناا دمي غلى وخلص......

ان شااءالله ماانحط في المووقف.....

لازم يعطووونهم مخااالفه محترمه تخليهم يحرموووووون ....