لو الله يفكنا منها بالعرس جان احنا بخير

[lovely jojo]

انا اخالفج الراي ..
عرس اخواني قبل فترة واتحسفنا ان ما حطينا 2 كاميرا فيديو لأن كنا حاطين وحدة بس
وهذي فرحتنا وعرس اكبر اخواني فطبيعي نبي نستانس ونبي نشوف بعد العرس الفيديو ..
اتصدقين محد اعترض من المعازيم على الفيديو والحمدلله وطبيعي العرس يكون فيه فيديو ...
واللي ماتبي ترقص فمكانها

 

[خضيرة]

انا معاج

 

[الدكتورة الريم]

رد : لو الله يفكنا منها بالعرس جان احنا بخير

@

والله كاميرة الفيديو او اشرطة العروووس هم على القلب

شنو تسوى علينا لو ينسرق الشريط من بيوتنا

لو حاولنا نحطه بتجوري ونخشه ونقفل عليه والله الدنيا مالها امان

الحين احاول بامي اقنعها تقطع افلام العروس بس مو راضية

كافي الغزو شنو صار فينا الكل يحاول يتخلص من افلام الي فيها تصوير خاص باهله مثل العروس وغيرها

لكن نصيحة لكل خواتي بالمنتدى

حاولي قد ماتقدرين انك بالعروس ماتصورين وخصوصا اذا رحتي لعرس صديقاتك او ناس غرب

والله ان في ناس ماتخاف الله يحطون الفيلم وشغلونه قدام اعيالهم الشباب

وبنات خلق الله مايدرون يرقصون وبعرس وملابس العرس فضايح .. على انه موجبين

لكن ياغافلين لكم الله

يعني بالاخير نصيحتي للجميع لاتصورون بالعروس وطول ما انتي بالعرس راقبي المصورة

ولاتستحين قولي لها لاتصوريني .. والله سويتها اكثر من مرة طلبت يصكرون الكاميرا

او اكلم المصورة اقولها صوري الجهة الثانية لا تصوريني

والحافظ الله

@​

 

[جوري الكويت]

رد : رد: لو الله يفكنا منها بالعرس جان احنا بخير

حلوة تصوير فيديو للذكرى .. بس عن نفسي اذا رحت عروس الجماعة وفيه كاميرا فيديو مارقص ولما تلف علي الكاميرا اتغطى لانه ماثق باحد بعد سالفة جارتنا .. وهي مره بنت حلال مو دينه بس ماتتوقعين يطلع منها هالسوالف تقولي بعد عرس ولدها انه جمعت عيالها اثنين مو متزوجين خلتهم يشوفون شريط الفيديو عشان يدورون لهم مرا يمكن يعجبهم احد انا انصدمت يعني بنات بعرس اكيد مكياج ولبسنا بالعروس غالبا عاري ومو اي عاري الصدر طالع والمشكوف اكثر من المغطينه واغلب البنات متحجبات اذا مو منقبات .. شلون تخلي عيالها يطالعون

من بعد سالفتها ماقمت اثق باحد كلش بسالفة الكاميرات والتصوير .. وحتى لو تثقين بناس ماتدرين يتسرب الفيديو وهم مايدرون يطيح بيد ناس ماتخاف ربها ..

انا اذا رحت عروس فيها تصوير فيديو وبارقص اطلب يسكرون الكاميرا وكل العروس اللي رحت لها جذي ابلغهم من قبل ومايصوروني ..

رفيجتي بدويه تقول ما شافت ريلها قبل العرس ولا هو شافها

استغربت .. قلت لها على الاقل شوفه وحده و تكون شرعيه

جان تقول هو شايف شريط عرس اخته و انا ارقص فيه

و انا شفت صورته عند اخته

انا اشوف انه حرام هالشي و هذي تعتبر شوفه مو شرعيه

لأن البنات اللي بالشريط نصهم متزوجات و على ذمه رياييل

يعني ممكن تعجبه وحده من اللي يرقصون و تطلع متزوجه و يتمنى انها تكون زوجته

و هي على ذمه ريال

 

[tmtmt]

لا والله ما اتخيل عرس من غير كاميرا !
وشلون تشوف بعدين عرسها ودخلتها وتشوف دخلة ريلها
وتوري عيالها اذا كبروا ...

ما اايد وبقوه

بس بعروسنا غير كاميرة المصوره ماااااكو
حتى التلفونات مايدخلونهم

 

[رآء يآء ميم]

رد : لو الله يفكنا منها بالعرس جان احنا بخير

حنا بعروسنا بس كاميرتين اهل المعرس والعروس

وانا اشوف ان الكاميرا الفيديو ذكرى حلوووه

بس اول مره اسمع ان في اغنيه بدون فيديو معني بدويه ...! غريبه

 

[SOKAR MALE7♥]

رد : لو الله يفكنا منها بالعرس جان احنا بخير

كنت كاتبه رد
بس طار
شاكره لكل من شارك سواء مؤيد او معارض
انا احب العروس بس صج لو يخلون الكاميرا حق اهل العرس وبس جان زين والله لان بعض البنات يقولون جذيه واللي انا اشوفه غير والله

 

[om deaj]

انا بعرش اخوي وهو اخوي ووحيدنا بعد مافصخت حجابي عشان تصوير الفيديو>> مو بدو

 

[سرقت النوم]

انا اطلب من المصوره ما تصورني

و سلامتج

 

[DALA3.RA8EY]

رد : لو الله يفكنا منها بالعرس جان احنا بخير

صح لسسانج ..

والله انا مآيدتج .. ششلكم بعوار الراسس والاذيه

 

[T R F]

رد : لو الله يفكنا منها بالعرس جان احنا بخير

اختي " خاب ظني "

صح لسانك ... موضوعك حلو ... وأنا أأيدك ميه بالميه

وأكيد مثل مافيه وجهات نظر مؤيده اكيد فيه معارضه ... وجهات نظر ولازم نقدرها

مضار تصوير الأعراس كثيييييره وفيها هدم للبيوت (المها بالدقيقه )

اما الذكرى ( فممكن تجي مره بالسنه او متى ماجا على البال )

ياليت فيه وعي لمساؤها

 

[إستبرق]

صاجه اذكر رحت عرس لاعت جبدي من الكاميرات احنا بس دخله العروس تييب فيديو وما يحطون عالناس بس عليها
والله مره عرس رفيج اخوي وحاطين كامره تخيلي ويمر فتره ورى العرس ولا الام تقول اي بطلنا شريط العرس وشوفت ولدي مو المعرس الثاني جم وحده عشان اذا عجبته وحده اخطب له شكوووو والله هذي امانه عندج شكو يشوف

 

[DaShTeYa_Q8]

أنا صراحة ولا مرة رحت عرس بدوو
كله عرووس عيم " حضر "
أشووف في تصوير بس كامرة فيديو وحده بس حق العرووسة
المعرس لا .. والشريط ينخش بدار العروسة ببيت أبوها مو عند ريلها وإتييبه مرة وحده حقنا نشوفه وترده ..
وفي عروس ما أشوف فيه تصوير فيديوو بس فوتوو العروس وأهلها وجذي ..
بس تره ماتقدرين تمنعين تصوير الفيديوو حرام كلها ليلة وحده بالعمر أكيد بخاطر كل بنت تسجل هاللحظات
وايد حلو لمن تقعد تشووف بس الي ماله داعي إنه تصور الأكو والماكو يعني تصور عالأقل جم أغنية البنات يرقصون عليها
ودخله العروس والمعرس أحس كافي وبس ..

 

[الجادل الطرقا]

والله هالموضوع حيييييييييل مضايقني

يعني أهل المعرس بأي حق يصورون المعازيم ؟! لأنه وجبوهم خلاص صار تصويرهم حلال ؟!

جد شي يبط الجبد لما كاميرتين بوجهج يستقبلونج عند الباب وحتى لو ما رقصتي وقعدتي على آخر مدرج

تشوفين الكاميرا صوبج تمشي على وحده وحده من اللي قاعدين وتصور !! جنج قاعده بمكان مراقب مو عرس !!

وإذا دشت العروس راحوا يداحرون مصورتها ويصورونها معاها !!!! امبيه شكوووو شاللقافه !!

العروس براحتها تصور فيديو لانه محد راح يطلع فيه إلا اهي واهلها واهم بكيفهم يتحملون مسؤوليته

أما أهل المعرس كلش ماله داعي يصورون العرس كله وحق الذكرى كافي الصور الفوتوغرافية وأحلى أصلا

مو على بالهم بيشوفون فيديو كليب إذا صوروا البنات والرقص !!

حرام ترى صور البنات واهم قاطين العبي أمانة وأصلا شي شخصي مالهم حق يعيدون التصوير ويتفرجون ألف مره !!

وحتى لو كانوا ثقة وما يورونه الشباب شيضمنهم إنه بيظل عندهم طول العمر بالحفظ والصون ؟!!!!

مشكوره أختي عالموضوع وجزاج الله خير

وإن شاء الله يمنعون التصوير بعروس قبيلتنا وما نشوف كاميرا الفيديو إلا مع العروس بس

والله يهدي الجميع

 

[عجايب1]

رد : لو الله يفكنا منها بالعرس جان احنا بخير

طيب ليه تفتيح العيون ليـــــــــــــــه العرس كله تدور فيه الكاميرات وفئة البنات ممن تحب تجذب الانضار تاخذ راحتها بالرقص والهز والتغنج لعيون الكاميرا :33_1185028183:اذا لازم تصور العروس فديو وفوتو هذى حريتحتها الشخصيه تكون مركزه عليها الكاميرا والى يسلم عليها يطلع بالتصوير برضاه والضيوف الحضور لهم

حريتهم بالحركه والرقص مندون كاميرات تدور حواليهم اذا يبون يصورن الصاله كامله كان خلوه عرس خاص بالاهل

ماله داعى يعزمون البعيد والقريب

بعدين ماتخافون احد من محارمكم يشوف من يفز له قلبه وعينه فى بنت عمه بنت خاله بابهى زينتها وجمالها ولا

وترقص بعد الله يالبنك المركزى هالبيت الى بيحفظ هالشريط من ان احد يشوفه لاتستغرب وحده لوهى عروس ان زوجها بسئل عن الى لابسه احمرمنو :O_SHH_: لاتنسون الشيطان مامات وبنات ابليس وايد
مجردناصحه لاغير :yaaaaaarb:​

 

[اطياف الكويت]

رد : لو الله يفكنا منها بالعرس جان احنا بخير

انا معاج صراحة الكاميرا بالعرس مصخره وفعلا جنج قاعده بمؤتمر صحافي
والمشكله لا غطيتي وجهج عن الكاميرا ترد تستفزج المصورة يعني غصب عنج اصورج
عمة ان شاء الله ودي انزل وامردغها تمردغ بنص الصاله لوووول
يقهروني

 

[ORKDI]

رد : لو الله يفكنا منها بالعرس جان احنا بخير

عادي التصوير من بداية العصر يعني تصوير الكواشه قبل العفسه وشكل الصاله وطبعا شكلي بدالتي جذي


وبعدين شكو العم والخاله والله لا عمتي وله خالتي قول نبي نحط لنا كاميرا


وتصوير حلو لذكرى


يسلمو ع الموضوع

 

[وآحشنــي زمآنـك]

رد : لو الله يفكنا منها بالعرس جان احنا بخير




بالعكس أناا مع التصوير الفيديوو بس ماا يكوون بالإستقبآل دااش بخشمج ..



كاميراا وحده فقط لأهل المعرس وكاميراا للعرووس لدخلتهاا لين طلعتهاا فقط ..

 

[رايدة وقايدة]

احسسسسسسسسسسسسسج بالغتي بالموضوع شوي

شنو 60الف كاميرا ومؤتمر صحفي ؟؟؟؟؟؟

انا بدوية واروح عروس اهلنا واروح عروس رفيجاتي من قبايل ثانية

بصرااااااحة ماشفت اللي تتحجين عنه؟؟؟؟

اغلب العروس كاميرا لاهل المعرس وكاميرا لاهل العروس وكاميرا للعروس بروحها

واذا كلش كلش اخت المعرس تجيب لها كاميرا لها اذا كانت كبية ولها بنات واقفات بالعرس

يعني والله اكثر من 4 كاميرات خاصة بالطرفين ما شفت

وصح في شكثر بنات يسووون مشااكل مع المصورااات واهل العرس؟؟؟تطب ترقص وبعدين تصارخ عالمصورة ليش صورتها؟؟؟

تصرررف غريب صراااحة

صحيح سمعنا سوالف شكثر عن الاشرطة وسوق الجمعة

بس الله يسترنا انشاالله فوق الارض وتحت الارض ويوم العرض

ولكن هذي رغبة اهل العرس وقاطين وكاشخين ومسوووين شغل يبوووون يوثقون فرحتهم

ما نقدر نمنع الناس مايجيبون كاميرا لعرسهم والله عشان مابي احد يصورني؟؟؟؟؟

ما اوافقج الرااااااااااي بصراااحة لانج تبين تمنعينهم بالمره؟؟؟؟ مع انج قلتي ان بعروسكم في اغنية بدون تصوير؟؟؟

شكلج تتبعين سياااااااااااسة القمع الدارجة هالأياااااااام
_shh_:
عالعموووم تقبلي وجهة نظري وانا اشوف ان احلى مابالعرس شوفة شريط الفيديو عقب.....:33_1185028183:

 

[باربية الكوووويت]

انا ضدج بالكلام استغرب من الي مايبون كاميرا فيديو طيب وزالعروس شعليها فيكم الي ماتبي تصور وبتعفس العرس لا تصوريني وتهاوش مع المصوزره ولا تغطي ويها احسن لها لا تيه وبعدين حبيبتي فرضي حسن النيه يعني انا ماروح الا العروس القراب مني معقوله اهلي بيفضحوني؟؟ ولا معقوله الي مناسبينهم بيفضحونا اظن صاروا اهلنا واحنا اهلهم وسمعتنا وحده لاننا ناسبناهم واذا بتفضح يعني مو انتي بتنيشن عليج بروحج في حتى خواتها وبنات خالاتها وعماتها العرس كلا بكامل اناقته وحلاته مو بس انتي ولا تعقدون الامور شدعوه