لو تقدم لك شخص وشرط عليكِ هالشرط .. توافقين .!!

[رحيل المرافيء]

رد : لو تقدم لك شخص وشرط عليكِ هالشرط .. توافقين .!!

البنات اللي يقولون الوظيفة ضمان
اغلب البنات الحين يدورون الزواج وهم موظفات وشهادات
الوظيفة اي وقت اتوظف بس الزواج لااااااااااااا
شهادتي عندي ومتى ما ابي اتوظف
واللي تقول ما اتنزل اطلب منه واللي تقول يخسي شي عجيب
وتالي تلومون الرياييل
ماينلامون كل وحدة عندها راتب ووظيفة وشايفة نفسهاااا عليه وليش يخونونه وليش يتزوجون علينا

 

[ســــــــــما]

انتي تثقين فيه ؟

شغله ثانيه .. انتي عارفه نفسج اكثر من اي احد ثاني

انتي عادي عندج تقعدين من غير شغل ؟

انتي ادرى بنفسج

في ناس ما يعرفون يعيشون من غير شغل

واعرف حريم قعدوا في بيوتهم فتره بس ملوا وطقت جبودهم ومردهم اشتغلوا

حبيبتي هالشي يعتمد عليج انتي اذا انتي تحبين الشغل والا عادي عندج تقعدين في البيت
وبعدين هم بعد يعتمد على حالته الماديه
ترى الدنيا صعبه
وتحتاج فلوس
اذا اهوا راهي والله مغنيه ممكن اتوافقين لكن اذا معاشه على قده ترا صعب حيل

واخيرا احب انبهج على شغله مهمه

لا تسمحين حق احد ان يلغيييج
ولا يلغي كيانج

هذا شي يخصج انتي اهوا قرارج اولا واخيرا مو قراره اهوا
لكن اذا ما عندج مانع تقعدين في البيت فهذا رايج وهذي حياتج

وفي شي ثاني احب انبهج عليه

انتي ضامنه حياتج معاه ؟؟؟؟؟؟؟؟؟؟؟؟؟؟؟؟؟؟؟
ضامنه انتي بتعيشين معاه من غير مشاكل ؟؟؟؟؟
ضامنه ان ما راح تتطلقون لا سمح الله ؟؟؟؟؟
ضامنه ان الله بطول بعمره وبعيشلج ؟؟؟

الدنيا مو مضمونه بشي
فالواحد يضمن حق روحه ويامن نفسه بكل شي ممكن يلاقيه جدامه مثل الشغل
ترا حلو الوحده يكون عندها راتبها الخاص فيها .. تكونين مستقله بنفسج ومو بحاجة احد
يمكن اهوا ريال والنعم فيه بس هل انتي ضامنه هالشي

 

[رحيق الورد]

إذا راح يوفـر كل شيء ..

و يمشي لي راتب شهري .. معقول ..

اقعد و أريح عمري ..

و الله يووفقج و يكتب لج الخير ..

 

[فيلجـ كول ـاويه]

اي اوافق اذا بيوفرلي كل شي اوافق


يسلمو

 

[واثقه خطاي]

اذا الوحده دارسه وتعبانه وفي شي تبي تحققه بحياتها ,ماراح توافق
من ناحيه في بنات ماكملو وقاعدين في البيت يخطب منهم

 

[كراميلا مرة]

انا مراح اوافق لانه ابقي يصير مدخول خاص لي بلا منة احد
الا اذا كان جاد بكل كلمه وبيعطيني مصروف كبير كل شهر
وثانيا صج الشغل يحرك العقل مو بس بيت وعيال
بس اهو خله يجي الزوج وخله تجي الوظيفه ويصير خير

 

[عطورات المطيري]

رد : لو تقدم لك شخص وشرط عليكِ هالشرط .. توافقين .!!

اذا اخلاقه زينه ومرتاح ماديا
ليش ماوفر وقتي وطاقتي لبيتي وعيالي
والله فيه الخير الله يجيبه بببببببس اااهم شي اااخلاقه مو فلووسه

 

[مسس. فيووونكـآآ]

رد : لو تقدم لك شخص وشرط عليكِ هالشرط .. توافقين .!!

وظــيفتج آآهــم .... :icon30:

انتي استخيري والله يكتب لج اللي فيه الخير ..

 

[أم أحلى البنات.]

أوافق ... تدرين ليش ؟؟

لأن مرده بغير رايه ..

 

[باب الحظ]

توافقين بشرط يوفر لج العيش الكريم

 

[شنكولة]

رد: رد : لو تقدم لك شخص وشرط عليكِ هالشرط .. توافقين .!!

تم التصويت
اكيد الوظيفة اهم بصراحه الحين ماينفعج الا معاشج
وعموما اغلب الرياجيل بهالوقت يشرطون ان الزوجة تكون موظفه عشان تساعده

 

[مملوحة_الوصايف]

رد : لو تقدم لك شخص وشرط عليكِ هالشرط .. توافقين .!!

اذا صج قادر يوفرلي كل شي اوافق ليش لأ احسن بعد ومتى ما شفت انه مو قادر خلاص ارد اتوظف شالمشكله شهادتي عندي واقووله انت الي ماقدرت توفرلي الي ابيه هذي مشكلتك او سبحان الله وايد اراء او شروط تتغير بعد الزواج

 

[CAT W0MAN]

رد : لو تقدم لك شخص وشرط عليكِ هالشرط .. توافقين .!!

طبعا ما وافق لانه شالضمان ومصاريف هالوقت ماترحم ومنو مستعد يوفر كل شي بيقول كل شي ماله داعي وبندثر وبنقطع من العالم بدال الريال ألف ريال بس وينتلاقين وضيفه مرموقه ومادرسنا الا عشان نشتغل وتكون لنا شخصيه ونختلط ويا العالم ونصرف على روحنا ونونس روحنا بمعاشاتنا

 

[*q8ya*]

رد : لو تقدم لك شخص وشرط عليكِ هالشرط .. توافقين .!!

طبعا ما اوافق

منو يضمن باجر و شراح يصير الوظيفه تغنيني وما تخليني امد ايدي لحد

 

[kuwait_queen82]

لا و الف لا
لانه الوظيفه تضمن لي استقلاليتي و مستقبلي و اكتسب خبره بالحياة و اتوقع الريال الي تفكيره جذي يا انه مريض بالشك او يبي المرا دايم تكون بحاجته و بجذي المرا تصير مثل الخروف عنده
الصراحه يصدمني الريايل الي عايشين للحين بعصر الحجري

 

[كرز حالي.]

اوااااااافق اذا بيوقر حقي كل شي؟؟
والله عييييييد وسعيييييييد

 

[brettey]

لا لا لا والف لا
حتى لو كان مليونير ما اوافق الوظيفه احقق فيها ذاتي وكياني عيل ليش درست وتعبت
ودوام الحال من المحال باجر هالمليونير يفلس الا عندي معاشي بيفيدني

 

[آخـر إْلـعنقود]

امممم انا في حيره .

اذا كان بيوفر كل شي كل شي وعلى قد كلمته

اخ يا بخ

بس ما احب اقعد طول عمري وانا ما حققت لي ذاتي واشتغلت ..

مدري شلون ؟!

للحين انا في حيره

 

[احساس الوفآ]

واااااااو وااااااو ما اعطيه اي فرصه يتشرط علي لان بعد موافقتي هالشرط تجي شروووووووط
اهم شي الوظييييييفه مو شرط تكون كبييييره او منصب .... بس حلو التعارف وتلاقي مع الصديقات احسن من
((( اكل ومرعى وقلت صنعه ))))
تقبلي مروووري وشكرا ع الموضوع الحلو 

 

[شبيهه القمر]

هههههه موضوع حلو وبالذات اني فعلا زوجي في البدايه شرط لا اسوق ولا اشتغل والبس عبايه وبعد الزواج غير كل كلامه وسقت سياره اول ما كملت 18 وكملت دراستي للجامعه وقطيت العبايه وكل شي تمام ..