لو تقدم لك شخص وشرط عليكِ هالشرط .. توافقين .!!

[غـــرام 92]

رد : لو تقدم لك شخص وشرط عليكِ هالشرط .. توافقين .!!

يعجبني ان اوهو بوفر لها كل شي
بس بالنسبة لي ما احب اتم من غير شغل احب
الحركة والبركة لوول
مع الاسف ما راح اوافق عليه لاني احب اشتغل

 

[دلوعة أبوهآ]

لا ما اوافق

انا مرة شرط علي واحد اغير دوامي لانه عصر ورفضت

فما بالج اترك الوظيفة مرة وحدة

مشكوره ع ردك ..

 

[دلوعة أبوهآ]

والله صعبه حيل..........




انا اموت لو ما داومت...واذا الدوام كان خفيف ما فيه شغل لاعت جبدي....





بس ترا يمكن بيفرق الموضوع لو ان عندي عيال...واهملتهم على حساب الشغل.....






انا كل شي ولا أحد يقط عياله مني ومناك ولا على الخدم ويييييييييييييييييييييييع.....أموت على اليهال لمن يكونون لازقين بأمهم ويحبونها اكثر من أي شي ثاني ومن يشوفونها يقعدون يتناقزون....غير يختج احساس غير.....





الله يرزقنا الأزواج الصالحين اللي يهنونا ويرزقنا منهم الذرية الصالحة...قولوا آمييييييين...

الله يرزقك يارب الزوج الصالح والذريه الصالحه ..
:eh_s(17):

 

[دلوعة أبوهآ]

.

إذآ بيعطيني معآش كل شهر نفس معآش آلوـوظيفه

آكيد بوـوآفق

.

طيب اذا الوحده ماكانت موظفه شلون يعطيها نفس راتب الوظيفه ؟؟

ومشكوره ع ردك

 

[دلوعة أبوهآ]

رد: رد : لو تقدم لك شخص وشرط عليكِ هالشرط .. توافقين .!!

لا طبعا لان ما ندري عن القدر شنو مخبيلنا
يمكن الله ياخذ امانته او يطلقني او يسير شي منو راح يصرف علي
وبعدين اعيش بكرامتي
مو كل ما بغيت شي طلبت منه احسها مو حلوه

لبى قلبتس طرح مميز

مشكوره ع الرد ..
فديت عمرك

 

[شمـــــآيل]

رد : لو تقدم لك شخص وشرط عليكِ هالشرط .. توافقين .!!

اوافق
شرط يعيشني عيشة ملوك الانلس والا فاخلعه على طول

 

[شمـــــآيل]

رد : لو تقدم لك شخص وشرط عليكِ هالشرط .. توافقين .!!

اوافق
شرط يعيشني عيشة ملوك الاندلس وصقلية والا فاخلعه على طول

 

[دلوعة أبوهآ]

رد: رد : لو تقدم لك شخص وشرط عليكِ هالشرط .. توافقين .!!

اوافق عالاقل
اجابل بيتي وعيالي

يسلمو ع الرد ..,

 

[دلوعة أبوهآ]

يخليني اكمل دراستي واخذ شهادتي ,, ومايبيني اتوظف

اي اوفق

دام اني كملت دراستي واخذت شهادتي

عادي اقعد بالبيت واهو بيوفرلي كل شي

اي الدراسه شي مهم واساسي ..,
ومشكوره ع مرورك

 

[دلوعة أبوهآ]

ما اوافق لأن ابي اشتغل واأمن مستقبلي ... اقعد طول عمري اعتمد عليه ليش ؟؟

مشكوره ع ردك وتواجدك

 

[دلوعة أبوهآ]

تم التصويت

ووبحالتي النفسية اللي الحين بوافق ونص

مالت على وزارة التربيه اللي بستغني عن الزواج علشانها

فديت قلبك
والله ضحكني ردك ..,
هدي اعصابك ومافي شي يسوى
تتسهل ان شاءالله وبتلقي احسن وظيفه

 

[catwiti]

اعتبر الوضيفه شي مهم فحياتي انا اعرف نفسي ما احب المللل ولا احب القعده في البييت وهاذي اهي الحياه حته لو بوفرلي كل شيي بس تضل الفلوس الي انا اتعب عشانها لها قيمه والوظييفه ما اقدر استغني عنهاا وغير جذي لما اتوضف احس لي اهميه عكس لما اكون بطاليه وفي البيت وهم لما اكون بطاليه راح ادور احد يسليني والاقي الكل مشغول بوضيفته الصبح ومشغول ببيته العصر يعني راح احس بفرق وايضا الوضيفه تشبع رغبتي في الاعتماد على النفس لان ما احب اتكل على احد على طوول مهما كاان لازم اعتمد على نفسيي

 

[دلوعة أبوهآ]

حبيبتي اهم شي اخلاااق الرجااال وسمعته وسمعه اهله

اذا كل هالاشياء متوفره واستخرت وحسيت بالراحه

اكييييييد بوااااااافق


لانها وظيفه مو شهاااده

يعني لو كنت ادرررس حزتها وما خلصت دراسه وخطيبي يبيني اوقف دراسه هني صح برفض

بس انتي وضعج مختلف شهادنج وعندج ..

وترا خييييره لج خلي الرجال هو المسؤول الاول والاخير عليج

بلا دوام وهمه ..

وعسى الله يوفقج و يسعدج ويكتب الي فيه الخييييير ياااااااارب

حياتي فديت قلبك ع الرد اللي يبرد القلب ..,
مشكوره ماقصرتي عسى عمرك طويل يـارب :eh_s(7):

 

[الغاليه ام احمد]

بيبتي دلوعه ابوها واااااافقي اذا الريال زين لا تطوفينه ترى انا من جيل الستينات وعندي احفاد لما تخرجت من الثانويه وسجلت بالجامعه انخطبت وقالي انه ما يبيني اكمل لانه لو تخرجت ما راح اشتغل لانه اهو شغله زين وما عليه قاصر وطبعا وافقت وبعد التحرير بكم سنه دخلت تربيه اساسيه رياض اطفال لكن ما كملت شهرين لاني كنت حامل واهو ما قصر بالعكس كان يشجعني عشان اكمل بس انا ما ابي ووالله اني ما ندمت الى الان والله يخليه لي ولاولادي صدقين

 

[الغاليه ام احمد]

صدقيني حبيبتي اذا اليال زين وافقي ومع الوقت اهو راح يخليج تشتغلين وايد صديقاتي نفسج بعدالزواج بسنين اشتغلوا دلوعه صلي صلاة استخارة والله يوفقك ويسعدك

 

[الغاليه ام احمد]

اسفه حبيبتي قصدي قبل الغزو سجلت بالتربيه الاساسيه وما كملت لان التربيه الاساسيه كان اسمها معهد المعلمات ومدة الدراسة سنتين لكن على حظي السنه اللي دخلت فيها بلغونا انها راح تصير اربع سنوات حتى على اللي خلصوا سنه اولى معهد يكملون اربع سنوات عشان جذي ما كملت ومره ثانيه كنصيحة ام اذا الريال زين واخلاقه زينه لا ترفضينه

 

[blue ocean]

والله احتمال كبير اذا كنت بهالموقف اوافق ليش لأ ..

بس بالمقابل اشرط عليه بس شغل مو يحرمني من امور ثانيه مثل نادي وانشطه ..

يعني مانحكر وماشوف الناس ..

مشكوره عالطرح خيتي ..

 

[blue ocean]

^^

اي صج بس تذكرت مايصير عندي معاش تقاعدي عقب ..

لا ما اوافق

 

[Q8.Bee]

انا صوت اني ماراح اوافق

لان بصراحه بوقتنا الحالي ماينفع تتزوجين و انتي مو دارسه و بوظيفتج

 

[DoOoRar]

لا طبعااااا انا ادرس 12 سنه واخر شي اقعد شنووووووووو ماكوووووووووو غيره

اناااااااااااا انساااااااااااااانه طموووووووووووحه واااااااايد

ورفيجتي اللي يمي موووووووووافقه بشده