لو زوجج صفقج بالنعال (نكرمون) على ويهج .. شتسوين ؟؟

[girl k.s.a]

حراااااااااام حتى لو متزوجه ع كبر طز فيه

 

[ملح و سكر]

ابى افهم شى واحد شنو ماعنده مفتاح لشقته ولاشنو .....ومهما يصير المفروض مايمد ايده ويكفخها ....وين قاعدين بالعسكريه ؟؟؟


..اهى صج اغلطت المفروض ..تدق عليه ومارد عليها ...تطرش له مسج انها بتنام علشان لايحاتيها ....ومع هذا مايعطيه العذر انه يكفخها ....اهو صاحى ولا مينون شسالفه ...لا وتقولج لاتخربين بيتها ....اذا اهو بيستمر جذى بيخرب بيتها بيخرب ...ولا اذا بتسكت بصراحه تصير مو ادميه كلش ...سورى على الكلمه ..بس اللى تسمح لنفسها انها تنهان وتنطق بالنعال وتسكت ....ماعندها ذرة كرامه ..باجر بيدوس ببطنها لا بيتزوج عليها بعد ..لان الريال مهما يكون مايحب المره الضعيفه اللى تنطق حتى لو على ايده ...

 

[شمس 20]

طيب بسال ما معاه مفتاح الشقه ترى بال 2010 تطورنا وكل واحد فيهم عنده مفتاااح

 

[monmon12]

حبوبه ملح وسكر ما يحب الضعيفه والا الي تسترجل على راسه البنت غلطت وايهو غلط
وفي حل للموضوع وودي وبسيط انها تزعل ممنه ما تكلمه تتدلع عليه عشان ياخذ بخاطرها
موو تصير عليه ريال وتثبت رجولتها
تعلموووووو من المسلسلاات ههههههههههههههههه

 

[brettey]

رد : لو زوجج صفقج بالنعال (نكرمون) على ويهج .. شتسوين ؟؟

واااااااي اتخيل روحي زوجي يصفقني بالنعال والله احذف عليه كل النعل والجواتي الي بالبيت والي بالفريج بكبره كلش ولا الطق لا امبيه ويصفق بالنعال واسكت له حتى لو اعشقه لو اموت بالتراب الي يمشي عليه كرامتي فوق كل شي
مو انا الي انذل بهالطريقه المهينه
واي والله يمكن ارتكب فيه جريمه
واي هذه حدها ماكو احساس ماكو كرامه بتعيش طول عمرها مثل الجاريه عنده بذلها ويطقها ويدوس ببطنها واهي ذليله وساكته

 

[oOo.curly.oOo]

بصراحه الكرامه مالها عمر معين الواحد اذا راحت كرامته ليش يعيش واللي يلمس كرامتي ادووووسه

,,,,عند الكرامة ابيعك وانت خابرني,,,,

المفروض ترد كرامتها لا يتمادى اكثر توها عروس ويسوي جذي بعد 10 سنين شنو بيسوي

من البدايه تعلمه انه كرامتها فوق راسه ولا يلمسها
غلط تسكت له

 

[monmon12]

رد: رد : رد: لو زوجج صفقج بالنعال (نكرمون) على ويهج .. شتسوين ؟؟

صحيح انا معاكي و تعجبني ردودك و دايم احس ردودك عقلانيه وتناسب ظروف صاحبة المشكله استغرب علا ردود البعض> طقيه ,شوتيه ,ادبيه هاجري, ارحلي, اطلقي؟؟
احس الوحده داخله حرب .بس احس الي يردون كذا صغار ماينلامون تنقصهم الخبره. ادنيا لسا ما لطشتهم لاحقين عتلطش لوووول

أخجلتيني واللله مشكووورة
بس انا عندي عقل وعندي قلب
القل فيه الرزانه والسلامه
والقلب فيه الشهوه وهوى النفس
وشي طبيعي اذا خليت هوى نفسي يطغى على عقلي راح يكون حلي غلط حتى لو كنت على حق
انا ما قلت البنت تستلمله ةتخليه يكفخها بس انا اقول في حل غير العنف
ياخي
الي عندها عيال ما تخاف على عياليها لما يشوفنها ايهي ورييلها يطاقوقون
يستحون من الناس وعيااالكم ؟؟
مو حرااام

 

[* بنت المطر *]

واللله حبيبتي
مادري شقولج ريلها يعني كان مخترع عليها
بس غلطان انه مد ايده عليها
لازم تزعل منه وما تكلمه وتقوله انه ميخالف حتى لو خايف علي ما توصل طق
بس والله العظيم لو ان طاقها على شي ثاني اقولها تطلقي لأن الريال من يمد على المره خلاص بس ماراح يوقف
وبعدين لما تييب عيال راح يتعقدون
بي اشوي حالت ريفيجت غير يمكن ميخالف كان حيل خايف خل تعذره بس لازم تزعل عليه اشوي

نفس كلامي شاكرتلج حبيبتي

ويه فقيرة

من الحب ما قتل

عادي عادي هذا حب العسكريين ايي ابهالدفاشة لوووول ،،

انا زوجي اذا مسكني بس اصارخ آي وآي ،، يقولي شفيج ما عورتج لوووول

لووووول مي شكو القتل خخخ الله يكافينه شره

الله يعينها

 

[* بنت المطر *]

:eh_s(12):

يعني اللي تتزوج بعمر متأخر تسكت ويكوون ماعندهاا كراامه؟؟؟

اعووذ بالله

انا لو مكاانها ويطقني

طراقات وبالنعاال

ومخرعني ومفززني من نوومي :eh_s(12):

وربي لاسووي كارثه


ليش شفيني تخااف علي

مو قلتلك بناام

والله يالنعل اللي صفعني فيها لترد بوجهه




والله مااسكت لاخلي يندم على طلعته من دواامه :flower:​

عفيه عليج والله صاجه شكرا حبيبتي ع المشاركه

 

[* بنت المطر *]

رد: رد : لو زوجج صفقج بالنعال (نكرمون) على ويهج .. شتسوين ؟؟

يمكن تحذف عشوائي ويا على ويهها لوووووووووووووول
الحين مافهمت اهي طقه وهوشه صجيه والا مكافخ قهر!

عالعموم المره راضيه سكتي عنها

لوووول لا مو عشوائي حبيبتي _ جياج الله

غريبه كل هذا عشان ماردت عليه
مادري والله بس عن نفسي ما اسكت
و راح اقوله ما عاش اللي يطقني او يذلني
بس هم مو اكيد اقوله جذي

شلون مواكيد خيتي مافهمت عليج ؟؟؟

 

[* بنت المطر *]

رد: رد : لو زوجج صفقج بالنعال (نكرمون) على ويهج .. شتسوين ؟؟

اححححح قاعد اتخيل

شوفي حبيبتي اهم شي الاحترام ثم الاحترام ثم الاحترام

انا منها ما اقعدله بالبيت دقيقه وحده .. حتى معاملة الحيوانات احسن

اي والله صاجه الله يعينها بس

اهي عارفه روحها غلطااااااااااانه وهو من خوفه عليها لانها حامل
بس مايعرف يتصررررررررف قام طقهااااا

ممكن هو طقها بلحظه زعل بس اهي ادرى منج بزوجها ومو من موقف ينحكم عليه
اهو لو موزين جان ماقالت عادي ورضت

اممممممممممم يخاف عليها يطقها !!!! مادري ؟؟

 

[* بنت المطر *]

رد: رد : لو زوجج صفقج بالنعال (نكرمون) على ويهج .. شتسوين ؟؟

والله حبيبتي كلش ولا الاهانه شنو كل هذا خايف اذا خايف مايمد ايده يطمن انها بخير لا وحامل ويطقهاوالله لو بدالها ماعدي الموقف على خير

شكرا حبيبتي عاد انتي نكج بروحه يبيله هوشه لووول اتغشمر خيتو وحياج الله

مسكين ترا صج كان خايف عليها امبين وموعارف يعبر

اي والله قمة الدفاشه مسكين

 

[o-2ansa candy-o]

الحمدلله والشكر

مافي اسلووووب!!!

الله يهديلها اياه ويسخره لها

:/

 

[* بنت المطر *]

اول شي بقوووووووولج انه دخلت لما قريت نكج لأني صج صج احب مواضيعج وردودج ما شالله عفويه

ثانيا رفيجتج لما تزوجت تقريبا عمرها 29 او 28 وبهالوقت صار سن الزواج من 25 وفوق واغلب اللي اسمعهم يتزوجون 27_29

وحتى لو تزوجت عمرها ان شا الله 60 سنه هذا مو عذر اهو اللي يبيها ومحد غصبه واهي زوجته لازم يحترمها ويكرمها

رفيجتج غلطت بشغله وحده ان لما دق عليها ولقى عندها ويتينق ودقت وشافته ما يرد المفروض تدزله مسج تبرر موقفها وتقوله انها

بتحط التلفون سيلنت مع كلمتين حلوين..لأن واضح ان شخصيته حيل عصبيه وبدليل ان بسرعه طنقر عليها وحقرها

والمفروض تجتهد عشان توخر عنه اي شي ينرفزه او يثير الشك فيه

ومو معناه ان مو غلطان باللي سواه معاها ا غلطان و60 غلطان وهذي مو لغه يتعامل فيها مع زوجته يا عل ايده الكسر

حتى البهايم والحيوانات ما تتعامل بهالطريقه خاصه وانها حامل

والله زم تروح بيت اهلها وتدخل ااخوها او ابوها عشان يعرف ان وراها ظهر لو سبب ثاني جان قتلج تصبر الا الطق

ما تسكت عنه والا باجر بيخليها مداس طالع نازل طق فيها وبعد طق مهين بانعال وعلى الراس والويه حسبي الله عليه

هيلو كيتي حبيبتي شلونج ؟؟ مشكوره حبيبتي كلج ذوق والله وانتي همن من الناس اللي احب اتابع ردردج

وصاجه كلامج عين العقل يالغلا منوره

 

[* بنت المطر *]

طيب بسال ما معاه مفتاح الشقه ترى بال 2010 تطورنا وكل واحد فيهم عنده مفتاااح

حبيبتي ماله داع الطنازه !! المفتاح كان بالباب ف ماقدر الريال يبطل وهذي همن من الشغلات اللي عصبته

لان موصيها اذا نامت تشيل المفتاح عشان يقدر يبطل

 

[* بنت المطر *]

خوات وعزيزات كل من شاركتني بهالموضوع ماقدر اسوي اقتباسات للكل ووايد ماشالله

شكرا لكم كلكم ع المرور والمشاركه

 

[* بنت المطر *]

ان شالله باجر صاحبة المشكله راح تقرا كل الصفحات والردرد ومشكورين للكل

 

[Dm3t_shoG]

رد : لو زوجج صفقج بالنعال (نكرمون) على ويهج .. شتسوين ؟؟

أنا اللي أقدر أقوله إني أدعي لها
يارب توفقها وتهدي لها زوجها
ماني عارفة يمكن خوفه عليها سوى جذي أو إنه شك فيها
بس ماتوصل درجة طق بالنعال تكرمون ...
الله يعينها ويسخر لها زوجها ويهديه لها ياااااااااااارب

 

[* بنت المطر *]

رد: رد : لو زوجج صفقج بالنعال (نكرمون) على ويهج .. شتسوين ؟؟

اذا ريلي طقني بنعال على ويهي تعرفين شنو راح اسوي عشان ابط جبده؟
بحطه في بوز امه اللي يموت عليها

ردج كلش ماعجبني الله يهديج بس في احد مايموت ع امه !!!

 

[ام زاكي]

مسكينه خايف عليها بعنف