لو لقيت تاجره تبيع شغله ب 30 ؟؟ و أنا بره شايفتها ب 5 ؟؟ اتكلم و إلا أسكت ؟

[ام آمنه]

اختي ممكن تكلميها بالاول واتنصحيها وبعدها هي وضميرها اذا استمرت على رفع السعر انا صارت معاي مرة وشفت واحده عاملة مثل هذي الشغلة راسلتها على الخاص وقلت خليها هي تتحمل الذنب انا نصحتها وماعلي لوم وصدقيني اللي تغالي بالاسعار كثير ربي مابيبارك لها برزقها فترة معينه بتستمر بتجارتها وبعدها فنش

 

[78MariMar78]

تسلمين حبوبة على التنبيه

وعن نفسي مستحيل اشتري شي الا لما أتأكد من سعره أكثر من مرة....

 

[((الزين))]

حبيبتى صح كلامج اذا الشى طالع عليها رخيص وتبيعه بعشر اضعافه
حرام وما يجوز بس انتى ما تدرين شنو ظروفها يمكن شاريته غالى او يمكن اهى اللى باعها نصب عليها
ترى التاجره انسانه ومعرضه ان ينضحك عليها او ممكن مكلفها الشحن او او
التمسى لها سبعين عذر واهى وضميرها عاد الناس بالكويت مو مغفلين الحمدلله كل شى يعرفون
يعنى اذا متعمده راح ايي يوم وتنكشف وفوق هذا ربج بيحاسبها
الحمدلله الوحده تقنع بالقليل والفلوس مو اهم من سمعتى كتاجره عند الناس
ولا تسوى ان وحده تتحسب على
وقبل لا تتحسب انا انسانه وعندى ضمير يعنى لازم الوحده تراعى ضميرها بكل شى
سواء كانت تاجره او زبونه
حبايبى الناس تختلف مو كل الزباين نفس الشى ولا التاجرات نفس الشى
الله يوفق الجميع

 

[Gears]

اممم لا تقولين

بس انا يضحكوني الي تحط على بدلة حفلة 300 ولا شغله وتطلع خياط بو طقه ،، وماكو الا قطعتين شوارفسكي


لووول

وللامانه عمري ماشريت من المنتدى بس كذا اشوف شغلات حيل تضحكني ،،

بالذات الي يبيعون كريمات من بره ،، ماني قايلة اي ديره

انا اشتريهم من الديرة اغلى واحد ب10 واهيا تبيعهم ب40 وشوي " واهني لاتقولون سعر الشحن ومادري شنو لأن اساسا ماعتقد في احد يطلب من النت من هالديرة

لووول وايد اشياء تضحكني


بس صج موضوعج حلوووو بس انا اقول لاتقولين كيفها بس دزيلها رسالة خاصة =)

 

[Lemon Juice]

اسوقتنا كل شي فيها

واغلب هاللي قاعد ينباع موجود عندنا

بعد اشماله تبيعين شي ترس الديره واطقينه بالعالي !

وان تحجيتي قالوا تقطعين رزقنا !

 

[أم غمااازه]

صج وووقاحه احسن انج تكلمتي وعادي لازم نتكلم عن النصب

 

[أوركيد]

بنات لا تقارنون وحدة تجارتها بسيطة وتكلفها بمحل مكود بضاعته ويطلع اضعافها...

التاجرة تعرض البضاعة وسعرها ,,,عاجبج اشتري ...مو عاجبج لا تشترين..

بس لا تقطعين رزق احد....

بعدين ترى حتى السلعة يختلف سعرها من مكان لمكان ومن ديرة لديرة...مثلاً نفس الشغلة سعرها بالكويت غير دبي غير الصين...

اهي تشتري وتبيع وماعندها فكرة ان السلعة موجودة بالكويت...ولا جان ما تعبت روحها وتاجرت فيها ...

اذا التوصيل ...هذا مفروغ منه ...مندوب اهو اللي يوصل وياخذ الفلوس حقه مو للتاجرة ...وفقارا التاجرات شكثر كتبوا مواضيع بهالشي بالمول ....

الله يوفق الجميع ...ويرزق الكل من اوسع ابوابه ..

 

[بتبوتااا]

انا وحده اشتري الفناتق وعارفه شنو بالسووق

يعني اشتري شغلات البنات يسوونهاا او لانجريات ادري من بره ,,

وترى هم في تاجرات عندهم نفس البضاعه بس هذي ازيد بالسعر !!

وكل وحده وضميرهاا والله يوفق الجميع

 

[اميرة-الاحجار]

اي والله صج شي يقهر ويحز بالخاطر
وخصوصا سالفة الماركات لما ندخل الموقع الرسمي تبع الماركه نشوفها ارخص ب 5 او 6 مرات عن اسعار التاجرات
والله بنات اذا تبون تشترون اي شغله نصيحه دشو عالموقع الرسمي اول وقارنو بالاسعار ..
في وايد بنات للاسف لا ذمه ولا ضمير يعني الواحد يزيد عالشغله ربح بسيط 5 ولا 10 دنانير والشحن كله 6 دنانير ..
شحقه البعض يدبلون الاسعار 30 دينار زياده ..؟؟
مره شفة جنطه بدون ماذكر ماركتها لان اللي باعتها تاجره وحده والكل راح يعرفها وكان سعرها 50 دينار
بنات تخيلو بالموقع الرسمي جم ..؟؟
23 دينار ..!!
وهم مره وحده عارضه بجايم على سبونج بوب و لولي كاتي .. من حوش السالميه ب 2 ونص شايفتهم ورب الكعبه والحبيبه تبيعهم على 10
:|
شالنصب ..؟؟
والله زين تسوين انج ماسكتي والصراحه احنا المفروض مانسكت عن الغلط وانبه البنات المساكين الي على نياتهم قاعدين يشترون من بعض النصابات

 

[ليلى]

انا بغيت اشترى من وحده بالمنتدى دراعه حطت صورها وقالت سعرها بخمسين بصراحه اعجبتنى وسعرها همن حلو بغيتها لرمضان وكنت ناويه ادق عليها واخذ عنوانها عشان افصلها ..من حسن حظى اليوم رايحه مع امى السوق ولا الاقيها اهى نفسها ب12 وشريتها .. وهمن ما ابي اظلمها يمكن خامتها غير ....

 

[happy&single]

اكو مثل يقول ..

ان قلت لا تخاف .. وان خفت لا تقول​

عاد انتي حسبيها ولا انج بتسكتين عشان خايفة من رده الفعل ولا بتقولين لها وتكونين سويتي اللي عليج

 

[الغاليه نونو]

خلصتووووا قرقتكم بردتوا جبودكم يمه


الحين ماتقولولي انتي وياها شنو الهدف من هالموضوع ياقلبي <<<< يازينها لي صارت راكده

ترا مايجوز هاللي قاعدين تقولونه ولاتظلمون بختكم انتي وياها وتحطون بذمتكم انا مثلكم اقول السوق عارض نفسه بس حتي بالسوق تلاقين نفس البضاعه واسعارها تختلف من محل للثاني يمه


كلنا عندنا عيون نشوف فيها وعندنا عقل نميز فيه بين الصح والغلط ياقلبي
اللي تبيع الشغله وتدوبل سعرها اضعاف مضااعفه واهيا ماعندها خبر بالسعر الصجي للسلعه ولاتدري وين الله قاطها المفروض انج تدخلين عليها بالخاص من باب النصيحه وتعلمينها اللي قاعده تسويه غلط وتنبهينها وقوليلها ترا البنات باجر يفقدون الثقه فيج ولا يحبونج اانتي وبضاعتج
بهالطريقه كسبتيها كصديقه بالمنتدي وكسبتي الاجر

واللي تسوي هالشغله ومتعمده وعلبالها البنات ماايعرفون شي بالسوق وهدفها بس اتيمع البيزات بالحرام وتقص علي الناس بحرقهم بالاسعار حق اي شغله ماتسوا هذى لها رب يمحق بركة رزقها كله ويعاقبها يمه


احتمال انها ماقرت رسالتج بالخاص حاولي اتكلمينها مره ثانيه وثالثه ورابعه ونيتج تبين لها الخير مو تحرجينها وتفشلينها قوليلها ان مايزتي من هالطبع الاقشر ترا بقول اسمج جدام البنات

هدديها وخوفيها من باب الاخوه بالله والحرص علي الخير

 

[ألماس وردي]

تكلمي ولاعليج من أحد ياقلبووووووووووووو
الساكت عن الحق شيطاااااااااااان أخرس
والله يهدي اللي تدري وغاشه الناااااااس مو كلهم بس اللي تعرف نفسها

 

[الشرقية]

طبعاااااااااااااااا قولي ولا بعد بصوت عااااااااااااااالي

لاااااااااااااااا للاستغلال والاستغفال...................

 

[بطاط مهروس]

مشكورة على الموضوع ...... كلامج عدل ذبحونا باسعارهم خيالية ..... يبون يطلعون قيمة الفندق والتذكرة على حسابنا اشدعوة ليش
ازيد على سعر الشغلة دينار او اكثر مو زليوووووووووووووووووون هههههههههههههههههههههههههههههههههههههه
والله صارت معاى مرة وحدة يايبة بظاعة وانا الغبية شريت منها 15 دينار الجنطة مالت الساعات ...... وبعد جم يوم لقتية بالسوق 4 دنانير والله انى انصدمت اشدعوة بوق اشكرة

 

[لوكي 22]

خل فايدتها 5 زياده مو 15 ومادري جم
وزين نبهتي ...

 

[(كويتيه عسل)]

اللي يقولون حرام التاجره محتاجه

هم النصب حرام

ب5 تبيعه ب30

لا حبيبتي انا اشجعج قولي

وياريت ماعليج امر طرشيلي اسم هالتاجره عالخاص علشان مااشتري منها

 

[غنوة ستايل]

شوفي ياقلبي ... انا نفسج اشوف .. واتعجب واضحك بس بيني وبين نفسي ..
ما اتكلم لاني اعذر التاجره وما ادري اذا هي تدري او ما تدري .. عشان جذي .. الزم السكوووت

 

[عمة فاتو]

حبيبتي علبالج ان التاجره في فلس من التوصيل يدخل بجيبها ؟
انتوا مو عارفين الاليه

انا ما اطلع اودي الطلبات للبيوت
و ما عندي سايق

ما امانع انج اتيين تاخذين غريضاتج او تطرشين السايق
بس ما تقدرين ولا اقدر شنو الحل ؟


تتعاملين مع تاكسي او مناديب
مو انتي الي تحددين السعر بالعكس انتي تحت رحمتهم !!
يقدرون يوصلون ولا لا
و تترجينهم بعد
و المناديب الحريم توصيلتهم وحده 3 دنانير
شنو الحل ؟

انتي قولي لي حبيبتي

انا معاج بالموصوع... عندي نفس المشكلة... الكل يكاسر في التوصيل... جنا التوصيل لي

 

[كويتية و لكن]

صح يمكن البضاعة اللي بره تقليد وهي تبيع الاصليه جذي يفرق السعر ولاتنسين ربحها هي بعد لازم تربح
تلكدي بارك الله فيك
وشكرا للتنبيه