ليته ماراح وخلانـــي او وســـعَّ لي بالقبر ويااه والله اشتقتـــــلك

[شذى2007]

يبه .. يبه .. يا يبه لمن بأطرِّيها :..:
هني من له أبو حي(ن) وينشافي
فضايلك يا يبه عجزان أوَفِّيها :..:
لو وصلت بالشعر بيت الألف من قافي

الله يرحمك يالغالي اسئل ربي يجمعني معاك عاجلا غير اجلا

11/10/2011
13/11/1432

10.13 م

الثلاثاء
​

 

[شذى2007]

تمضي رحلة الدنيا بدون طلة من كان نور دربي عجز قلبي ان يتقبل طاري الفرقى المريره اصبت

من ذاك اليوم الاسود بطعنه قطعت عروق قلبي ولبس جسدي ثوب الهم والغم ونادت الذكريات

باسترجاع المااضي ليخفف مصابي الاليم ويزيد الشوق القاتل معقوله ما اعيشه الان ام انا في حلم

او خيال معقوله ساعيش باقي العمر ان اعطاني إلهي حياة بدونه ابي طالت ضيقتي وغربتي بين

اهلي لازلت انظر لمداخل الابواب عسى ان ارى لو خيالك قادم لي ابي عجزت حروفي والله اناعبر

عما بداخلي من الحزن واالم والشوق والهم عجزت نفسي عن تقبل رحيلك من دنياي ابي رؤيتك

بحلم من احلامي يعيد الحياة والامل لي بعد الياس من حياتي


يبه ارجع لو باحلامي



مذكرات شذى 2007.....​

 

[شذى2007]

تعبت من بعدك وكثر اشتياقي ~ وطيفك معي يا يبه وين ما سير
الشوق يقتلني وزاد احتراقي ~ وكل ما تذكرتك غدى حالي خطير
يايبه ما اشتقت لحظت عناقي ~ والله حضنك يالغلا غير ثم غير
يا سقم حالي يوم حان الفراقي ~ من يومها وانا احسب المخاسير
ما غير حبك بقلبي يالغلا لاقي ~ وفراقك بقلبي تارك دهور تاثير
والله مكانك عالين وانت راقي ~ راقي ومالك بالكون نظير
الله يعين القلب زود اشتياقي

الله يرحمك يالغالي​

 

[شذى2007]

احاول اصبر نفسي لكن الضيقه معاي ماتروح
واحاول اعيش ايامي لكن حلاها مفقود
واحاول اجمع حروفي لكن تاهت كل الحروف
واحاول ارحل عن الدنيا لكن كل شي قدر مكتوب
من بعد تاج راسي وحبيبي ضاق بي كل الكون
مشتاقه له الا ياكيف اطفي نار الشوووق
يبه وينك الحين وويني انا ووين كل السنين
يبه ويني انا ومن انا بعدك نسيت من اكــــــون

مذكرات شذى2007.....




12/10/2011
14/11/1432
10.15 م

الاربعاء​

 

[شذى2007]

غاب الفرح في دنيتي
بعدك يبه من صغرتي
اصحب شقا مع لوعتي
موتك جنى دمع العيون
..​

 

[شذى2007]

هذا .. هذا .. هذا ابوي اللي رحــــل
تعبانه في بعــــدك انا ياربي الهمـني الصبر

حياتي في بعدك يبه غريبه وتوحي بالملل
تركتني بعدك يبه حزينه ودمعــــي منهمر

كنت في حياتي كل شي كنت السعادة والأمل
سمعتني احلى الكلام نظمت لي احلى الشعر
لكن انا مهما حكيت ومهما اقول من الجمل
لو احكي في وصفك سنين كلامي نقطة في بحر
ويمه ابد لاتحزني انا معك لين الأجـل
ربي يخليكي لنا حفظ العــزيـز المقتدر

ارجوك ياربي تجيب دعوة عبد مبتهل
ادعوك يــارب العباد ترحم لنا الغالي جبر

يالله ياربي ترحمه بعد المرض وبعد العلل
اطلبك ربي ترحمه وقت الضحى ووقت الفجر

واجمعه يارب السماء مع الصحابه والرسل
وتسكنه جنات النعيم والنور حوله في القبر

وجنات عدن تسكنه لاتعب فيها ولا كلل
واجعـله ربـــي مطمـــئن يوم الميـعاد المنتظر

هذا ابوي هذا العالم هذا هو الرجل
هذا ابوي اللي رحـل هذا جبر وفيــه افتخر

يالله يارحمن لاترد عبد لك ســـــأل
المـوت حق وكلنـ لابـــد يـوم بـــه نمــــر

الحمد لله في كل حال وعلى كل ماحصل
راضين في حكمك يارب هذا قضاك والقدر ​

 

[شذى2007]

رحل وماتودعنا ابوي ماودعته قبل يرحل ويتركني
رحل والدمع متجمد في محاجرنا واخر صوره في عيني تعذبني
رحل وتكسرت خواطرنا ابوي معاد معاي اليوم يراضيني ويدلعني​

خلاص انتهى كل شي ولو اصرخ بعالي الصوت سامحني ماعاد اليوم يسمعني
ابوي مات وانا ابكيه كل ليله دموع الخد ماتكفي تطفي ناري وحزني
اخاف اضيع في بحر الهواجس وانسى كل من حولي ولا الاقي احد يمد اليد ينقذني
احس اني بدون حسه وحيده بدنيتي واحس اني فقدت انسان يسندني
نسيت النوم ياالغالي اداري دمعتي بالليل وهالذكرى تجمعني وتنثرني
ابوي الي يقول انتي ريحانة قلبي وعمري وروحي فيك ويحضني
رحل وانا انتظر جيته عالباب ولا جاني ولا شفته سوى محمول عالاكتاف وصورة قبره الي ماتفارقني
رحل بس عايش فيني اشوفه في عيوني وقدره في فؤادي فوق كل الناس متعلي​

الله يرحمك يالغالي يارب اغفر لابوووي كما ربانا ​

 

[شذى2007]

يتمني الليل ومالقيت من يداوي جروحي

وتذكرتك وضليت أبكي على روحي

ليش رحت وخلتني أبروحي

ريت الموت اخذني لك ياروح روحي

من أذكرك تسيل دمعاتي وأضل بنوحي

مشتاقة لك يا يبه وحاسة بتطلع روحي

ودي ألمك وأشكيلك تروحي

ليش الموت أخذك مني وما رحمني يابعد روحي

تعال أخذني وياك عساها تهدأ روحي

الله يجمعني معاك يايبه

21/10/2011
23/11/1432

6.5 م
الجمعه


من دعا لأخيه بظهر الغيب قال الملك الموكَّل به:آمين ولك بمثله.
​

 

[شذى2007]

لاجيت بضحك اكتسى وجهي الحزن

لاجيت بنسى اشتعل قلبي اشواق

تعبت ياربي من حزنا سكن وسط قلبي وضيقه عيت تفارقني

يبه يبه يبه كل ثانيه طيفك زايرني كل ثانيه افز وانسى اني انا اللي اتخيلك


مذكراتي ......شذى2007​

 

[شذى2007]

((فقدان الأب وبكل المقاييس ليس بسيطا))

أن تفقد ( أباك ) معناه أنك تخسر الجدار الذي تستند إليه ويجعلك في مهب ريح قد لا ترحم من هم أمثالك..

أن تفقد ( أباك ) معناه أن تفقد السماء التي تجود بنبع الحب والحنان ..

أن تفقد ( أباك ) معناه أن تفقد المظلة التي تحميك من الشرور وتجعلك وحيداً في مواجهة العالم..

أن تفقد ( أباك ) ليس معناه اليتم فقط ، بل يعرف من يتعامل معك أنك وحيداً أمامه وربما أمام طموحه

ومطامعه..

أن تفقد ( أباك ) معناه أن تحس بمعنى الوحدة ، فقد فقدت من يمد يده ليساعدك ، ولو مدت لك ألف يدٍ

فإنها لا تغنى عن يد والدك المليئة بدفء وحنان الأبوة ..

أن تفقد ( أباك ) معناه الألم الدائم..

والحزن العميق..

والشعور بالضياع والوحدة والفراغ والوحشة ..

إحساس لم يعرفه إلا من جربه و عاشه بمقتضى الحال والمآل ..

إحساس لم يعرفه إلا من ذاق طعم مرارته ..

​

 

[شذى2007]

عيد وخناجر تطعن وتكثر أحزان

كتبتها بالدمع بأول حروفي

من بعد فرقا من له الروح مسكان

تفداه روح ما عليها حسوفي

واطلبك ياللي ترزق الناس الإيمان

وأسألك يا ربي بعفوك تروفي

وترحم ابوي وترزقه كل الاحسان

ويصير منزاله بعدن معروفي

ويا بوي طيفك داخل القلب رنان

يا ليت في شوقي لشوفك تشوفي

وصلك على قلبي كما الغيث هتان

وفرقاك نار تشتعل وسط جوفي

ما للفرح عقبك مراسي وعنوان

وشوفتك تجلي من قسى البعد خوفي


ويا بوي بنتك هلت دموع الأعيان

تبكي على حضن كريم عطوفي​

 

[شذى2007]

حيرانة أنا ونار الشوق تكويني
لفراق أعز الناس تاهت حروفي
واختلت موازيني

هاجت بيا الذكري يايبة
وتدفقت حروفي شعر ونثر
وهامت بالحزن دواويني

يامن ملكت مني العقل والروح
يامن كنت من نهر الحب ترويني

وينك عني اليوم يالغالي صابني البرد
ودي تضمني بالحيل
وبصدرك الحاني تدفيني

بمثل هالأيام فارقتني بالجسد
وخليت الدموع تهل
وبقت روحك وذكراك تسليني

وينك يامن سكنت بين ثنايا الروح
ويامن سري حبك
مع دمي وشراييني

وينك يامخلص لي بالحب
ويأصفي قلب
يامن أحيا المعاني بدنيتي وسنيني

معاك عشت أحلي أيامي وفرحتي
كنت انا زهرة حب
والحين مات زرعي وضاعت بساتيني

وينك تشوف حالتي عقب الغلا والعز
كيف صارت الناس
بسهام الغدر ترميني

والله يايبه من بعدك انا بجراح وقهر
وهذا حالي ذقت المر
وصارت العبرات تبكيني

ومهما قلت فيك يايبة بسطوري
قصيد وشعر
ماتقدر توفيك بالحق أو توصف وناتي وأنيني

ومهما رثيتك انا بكل المشاعر والعبر
يبقي حكم الله
ومالي غير الصبر والايمان افضل دوا يشافيني

عسي الله يجمعني فيك بدار الحشر
ياعسي الجنات تأويك
وياعساها برضا الرحمن تأويني

يبه يبه يبه عسى الله يرحمك ويغفر لك وينور قبرك ويوسع لك ​

ويجمعنــــــــــــــــــــــــــــــي معاك

24/10/2011​

​

​

26/11/1432​

3.7 م
الاثنين

​

 

[شذى2007]

لم يعد يبقى الا يوم وساكون باذن ربي في الحرم المكي
وساكون باذن ربي من الذين تفتح لهم ابواب السماء لتستجاب الدعوات وتنزل المغفره والرحمات
ابي ساكون بمكه ساتحظى ىدعواتي لك في كل اوقاتي
سادعو ربي يرحمك سادعوو ربي يوسع قبرك سادعو ربي يجمعك من النبي لانك كافل يتيم
وسادعو ربي باسمه الاعظم ان يجمعني معاك عاجلا غير اجلا ووو
ابي انا لم اعد اهتم بالحياه لاني والله محتاجه لك احس ناااقصني كثيييييييير
ابي اطلب من ربي يتقبل حجتي وياخذ.....​

فوالله شوووقي لايطااق ​

نعم اريدك انت لااريد حياتي ​

الله يرحمك يايبه يالغالي​

31/10/2011
4/12/1432​

الاثنين​

9.22 م​

 

[شذى2007]

يآرب آرحم آبوي وآجمعني به في جنتك ومستقر رحمتك
يآرب آوسسع لوآلدي في قبرهـ وآغسسله بالماء والثلج والبرد
يآرب آبلغه مني السسلآم وآجعل قبررهـ روضه من ريآض الجنه
وآموآت المسسلمين آميييييين ​

​

يآآرب​

 

[شذى2007]

ﺂﺳ̶̉ﺳ̶̉ﺳ̶̉ﻓ̯ہٌ

[لـّ]

كلّ منّ اغتبتہ ..
كلّ منْ لمً أراضيہ يوماً . .
كلّ منْ إحتقرتٌہ يوماً . .
كلّ منْ كذبتٌ عليہ يوماً..
كلّ منْ خذلتٌہ يوماً ،.
ﮪ̲ آنآ أكتّبِ وككْليّ ندِمّ ..
علىّ مّآبّدرً منِيّ ..
وﮪ̲ هِيّ الآيآمّ تمضيّ .،'
ونحنْ لآنّشعٌرّ بِهآ ..
ﮪ̲ذه السسٌنہ سوفّ تذهبْ .'
بجِميعّ ﻣأفعلتْ ..
ؤسسْوفّ تأتيّ ﮪ̲ذه السسنْہ ؛
ولاّ نعلمّ مآبھآ ..
ولاّ أدريّ ﻣتِىّﺂ حِينّ ممآتيّ ..
فّكُْل ﻣأريّدﮪ̲ ﮪ̲و مسسآمحتكمّ ليّ ..


فّـﮪ̲ذآ كُلّ مآطلّبہ ..
ﻣّسآمحتكمّ ليّ .
[♥]،​

 

[شذى2007]

يبه يبه يبه ~~~~~


~~~~~عهد علي اذا ربي عطاااني عمر السنه الجااايه

~~~~ عهد علي احج لك يالغالي

الله يسهل حجتنا السنه هذي انا واهلي ويتقبل منا والمسلميييين ​

 

[شذى2007]

اللهم لك الحمد حتى ترضى ولك الحمد بعد الرضى​

 

[شذى2007]

ياموت تكفى رجع اللي اخذته
الصاحب لي ضحكته تبري الروح
شف حالتي ياموت جسمي نحلته
خله معي ياموت لو يوم ويروح
وين الصبر ياناس ابوي فقدته
وش لي بدنيا مابها ضحك ومزوح
وين الصبر ياناس قلبي فقدته
راح الابو راح ابوي راحت الروح
يبوني انسى شخص مبطي سكنته
اهو سكني وصرنا اثنين في روح
مرحوم ياشخص عزيز فقدته
راح وتركني شايل الهم مجروح
وصيتي لي مت وقبري دخلته
حطوني جنبه وانا فاقد الروح
يهل الدمع لامن ذكرته
طيفه معي من وين ماجيت اروح
لاتذرفووون الدمع دامي وصلته
خلوني جنبه اسد جرح مفتوح​

الله يرحمك يايبه وربي اتمنى اشوفك عاجلا غير اجلا ​

21/11/2011​

25/12/1432​

الاثنين
11.10م​

 

[شذى2007]

يبه تعال او خذني او باحلامي فرحني

طال انتظاااااااري والشووق ذبحني لاجيت بابتسم تذكرت يوووم رحيلك من دنيتي
تذكرت لما انت الوحيد اللي كنت تفكر فيني وتسئل حتى عن ضيقتي وش متعبني وش انا احتاج
يالله يالله يالله ارحمه واغفر له واجمعني معاه وصبرني ​

 

[شذى2007]

ماهي بضيقه تجلى وتنزاح لاسترسلت مع صورة القبر دمعه وعدى شريط العمر افراح واتراح ذكرى على ذكرى​

الله يرحمك يايبه وللذكرى تبقى الى اخر لحظه دقة قلب فيني​

25/11/2011

29/12/1432​

االجمعه
1.00 ص​