ليش آنا بنت العبده؟؟؟؟؟؟؟؟؟؟؟

[عقــد منثور]

شنو بنت العبدة صج ماعندها سالفة !!!.. فى بنات جذى يقطوون الحجى ولا يثمنونة
اللى نعرفة تنقال بنت البطة السودة

 

[FOZQ8]

لا لا اهيا تقصد بنت العبده يعني العبيد مالوت أول اللي يشترونهم فهمتي؟
مو قصدها عبده سوده شكوووو ؟ اصلا حرام نربط كلمة العبيد بالسود
مع اني ماقولها بس أسمعها والقصد فيها نفس بنت الخدامه او البطه السوده

 

[m2q8e]

يمكن تقصد الرقيق ...ماتقصد الخوال مثل ماانتي فهمتي..
جان ساْلتيها شنو قصدها بدال ماتحطين موضوع عنها !!!! وتظنين ظن السوء فيها!!!!!
شفيها مواضيع هالايام
مره عن السنه والشيعه
والحين عن السمر والبيض!!
مابقى الاتتكلمون عن الحضر والبدو..عشان تشبونها حريجه مره وحده
ترى مالها داعي هالمواضيع اللي تثير الفتن
اهل الكويت ولله الحمد معروفين انهم على قلب واحد ماعندنا تفرقه فلا تخلقون المشاكل .. الله يرضى عليكم

الله يبعدنا شر الفتن والله انتي فاهمتني غلط انا مو قصدي التفرقه بالعكس جان ماتضايقت وقلت احترموا بعض ولاتسببون بجرح بعض يمكن هالسمرا مااهتمت ويمكن اللي قالتها موقصدها بس مو عيب اذا نبهتج وقلتلج ان هالكلمه عيييييييييييييب تنقال لان بمحيطنا اذا بيوصفون يقولون كمثال \ تعرفين البنت العبده او السمرا او السوده مثل ماذكرت وحده من الخوات صار معاي الموقف الفلاني جيت عندها وخلصت معاملتي جزاها الله خير \ انا قعد ابسط الفكره عشان اقولج ان هالكلمه اسمعها وااااااااااايد فحرام تسمعها وحده عارفه انها المقصوده عشان جذيه قاعد اقول لا تسببون بجرح بعض كلنا خوات وكلنا عبيد لله والله ماحلفتيني ان عشرت وصداقه هالبنات وخفة دمهم تسوى مليون وحده جميله ورفيجاتي كلهم سمر واتشرف واعتز بصداقتهم وما ارضى عليهم اتمنى اكون وضحت وجهة نظري وهذي لج :tek:

 

[gaiety girl]

بارك الله فيك أختي على اهتمامك بإخوانك المسلمين وطرحك لهذا الموضوع

أما بالنسبة لهذه التسميات أي (عبدة) فهي من العادات الجاهلية التي أكل عليها الدهر وشرب
ونحن الآن مسلمون ولا فرق بيننا بل الفارق الوحيد هو العمل الصالح وما أدراك لعل هؤلاء الناس الذين
ترينهم أقل منك قدرا لعلهم أفضل منك منزلة عند الله فكلنا عبيد لله ولا فرق بيننا إلا بالعمل الصالح كما أسلفت
وهذا من الكبر والمتكبر تطأه أقدام الناس يوم القيامة ، فالأبيض يسود وجهه يوم القيامة إن كان من أصحاب النار
فلن ينفعه بياض وجهه في الدنيا
أما إن كان من أصحاب الجنة فسيبيض وجهه وكذلك بالنسبة للشخص الأسمر إذن فالمقياس هو العمل الصالح وإنما هذه الحياة الدنيا فترة إختبار وليست دارا للقرار
والبقاء
قال تعالى:
{إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ }الحجرات13

 

[gaiety girl]

لا لا اهيا تقصد بنت العبده يعني العبيد مالوت أول اللي يشترونهم فهمتي؟
مو قصدها عبده سوده شكوووو ؟ اصلا حرام نربط كلمة العبيد بالسود
مع اني ماقولها بس أسمعها والقصد فيها نفس بنت الخدامه او البطه السوده

حتى ولو افترضنا أن قصدها كذلك فقد جاء الإسلام ليطمس هذه العادات السيئة
ويساوي بين البشر فلا يُنظر إليهم من خلال أشكالهم بل من خلال أعمالهم الصالحة

 

[m2q8e]

بارك الله فيك أختي على اهتمامك بإخوانك المسلمين وطرحك لهذا الموضوع

أما بالنسبة لهذه التسميات أي (عبدة) فهي من العادات الجاهلية التي أكل عليها الدهر وشرب
ونحن الآن مسلمون ولا فرق بيننا بل الفارق الوحيد هو العمل الصالح وما أدراك لعل هؤلاء الناس الذين
ترينهم أقل منك قدرا لعلهم أفضل منك منزلة عند الله فكلنا عبيد لله ولا فرق بيننا إلا بالعمل الصالح كما أسلفت
وهذا من الكبر والمتكبر تطأه أقدام الناس يوم القيامة ، فالأبيض يسود وجهه يوم القيامة إن كان من أصحاب النار
فلن ينفعه بياض وجهه في الدنيا
أما إن كان من أصحاب الجنة فسيبيض وجهه وكذلك بالنسبة للشخص الأسمر إذن فالمقياس هو العمل الصالح وإنما هذه الحياة الدنيا فترة إختبار وليست دارا للقرار
والبقاء
قال تعالى:
{إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ }الحجرات13

اله يجزاج خير حبيبتي هذا اللي اقصده بالضبط

 

[ذليته بعيوني]

بصرااااااااااااحه تبين صج ناس ماتستحي اي شي ماكو احترام حق ناس ثانيه

 

[*عيون مغليها*]

الصراحه مو حلوه الكلمه

 

[pretty sarona]

عادي تنقال وايد ,, مو المقصود العبد الاسود مثل ما متعارف عليه عندنا , العبد يعني اللي ينشرى بالفلوس

 

[mimi fawzi]

كلنا عبيد الله

 

[المكسيكيه]

الله يهديهم

 

[إستبرق*]

تقول اللي تقوله مالج شغل فيها طنشيها
اهم شي الصحه والعافيه وشفيهم السمر ياحلاتهم وربي يهبلون
وقلوبهم بيضه وعسسل ودمهم خفيف وروحهم حلوووه

 

[شريفة خانوم]

تربيتها ناقصة !!
اللي يابتها مالتتها كف على ويهها وعلمتها الصح من الغلط
ماعليه قلبي مسحيها بويهي

والا السمر ما علامهم شي حالنا من حالهم واذا مو احسن
خوش ناس فديتهم خفة طينة واخلاق دمثة تبارك الرحمن


قفال تعالى
لا يسخر قوم من قوم عسى ان يكونو خير منهم !!
صدق الله العظيم

 

[أحبه موت]

اشددعوه ترى حدكم مكبرين الموضوع ترى اهيه كلمه مثل المثل تقريبا تنقال يعني قصدها اشمعنى انا ؟
اهيه ماقصدت البنت ابعينها مثل مانقول شنو انا بنت البطة السوده ترى نفس الشي يعني الكلمه تنقاس على موضوع معين اهيه ماقصدت احد بهالكلمة الله يهديكم من كل شي اتسوون الحبه قبة

 

[amani]

أنا بدوامي سمعتها من رجال عمره خمسين سنة والله مشكله إذا الكبار يقولونها اشلون الصغار

 

[Ibtisama]

اشدراكم انها عبده ؟

كا الشيخ سعد العبد الله الصباح الله يرحمه و يغمد روحه الجنه اسمر بس مو عبد شيخ و غصب عن اللي مو عاجبه

مادري يمكن البنت مو قاصده تجرح وطلعت منها عفويه.. على العموم الله يعطيها على قد نيتها

 

[ملآمح يوسفية]

صح إن بالدنيـا عبيدٍ وَ سادهـ .. ؟
لكن عند الله مابينهم فرق..

خلك بسيطْ .. / الكبر ماهوبْ عادهـ ..
لاتسرقك دنياك عن خلقتكْ سرقْ



.

.

 

[!! شوق !!]

وقحه صراحه اذا كانت متعمده تقولها والبنت موجوده

وسخيفه لو كانت ماتدري لان الكلمه ماله داعي تنقال

 

[جـــواهر]

انتي ليش حساسه حبيبتي كلمة عبده هذي تنقال للرقيق ع عصر الجاهليه
المملوكين للغير اللي مالهم حقوق ..!!!

وشكو السمره بالعبده ؟؟؟

اسمحيلي انتي اللي تفكيرج جاهلي ...

السمر عمرنا ماسميناهم عبيد السمر ينقالهم سمر وبس

 

[m2q8e]

انتي ليش حساسه حبيبتي كلمة عبده هذي تنقال للرقيق ع عصر الجاهليه
المملوكين للغير اللي مالهم حقوق ..!!!

وشكو السمره بالعبده ؟؟؟

اسمحيلي انتي اللي تفكيرج جاهلي ...

السمر عمرنا ماسميناهم عبيد السمر ينقالهم سمر وبس

جزاج الله خير