ليش التشاؤم ليش؟!؟ تفائلوا بالخير تجدوه

[MiSs SaLsA]

سلام و رحمة الله وبركاته يا أحلى بنات أحلى منتدى

شلونكم ؟
شخباركم ؟
إن شاء الله كل شي تمام
موضوعي موضوع حابه أطرحه من زمان لأنه شفته و بصراحة منتشر بشكل واسع و كبير و ع فكرة مو بس في منتدانا إلي لاحتة إنه هالشي في كل المنتديات و لكن أنا ما يخصني إلا منتدانا
شنو هو الشي إلي منتشر ؟

أنا أشوف البنا يسمون نفسهم بالنكات تشاؤمية جدا تحضرني بعض النكات و أخاف أكتبها تطلع اسم عضوة عندنا في المنتدى
يعني بشكل عام هالنكات تشاؤمية تعبر عن حالة الحزن الدائمة عند البنية أو حالة التشاؤم أو مثلا الظلم بالنسبة للبنية و من هالنك تعرفين إن البنية حياتها أحزان في أحزان أو مشاكل في مشاكل
يا بنات يا حبيباتي تفائلوا بالحياة صدقوني الحياة الحلوة و بس يحتاج أحد يفهمها

نكات بديلة عن هذه النكات
1. تعبر عن حياتج الحلوة <<<< أي مجال من مجالات الحياة <<< حتى اسم الدلع ترا يعبر عن حياتج الحلوة
2. يعبر عن حياتج المهنية الحلوة <<<< سواء كنتي طالبة أو موظفة
3. يعبر عن حياتج المستقبلية إلي انتي تتمنيها <<<< مثلا يعني طالبة تريد تصير دكتورة في المستقبل يكون نكها مثلا الدكتورة فلانه أو الدكتورة المستقبلية
و هكذا
إذا يلا معاي نحمل شعار نحن ضد النكات التشاؤمية ​

يلا منو معاي ؟؟​

 

[فزهةّ خٌفوق]

يعطيج العافيه

دلولعة ماما على طرحج لهلمشكله


كثير من الأحيان نجد التشاؤم لون من الوان حياتنا مما يؤثر سلبا على مستقبلنا وسعادتنا ولو يفكر المتشاؤم ان هذه الدنيا لا

تساوي حزنه فالدنيا زائلة ولا يبقى من العبد غير عمله الصالح فلذا يجب على المسلم ان يوكل امره الى الله ويضع في قلبه

اليقين بالله والإيمان بالقدر خيره وشره .. وان الأرزاق بيد الله عز وجل ويقول الشاعر ..

لا تخضعن لمخلوق على طمع .. فإن ذلك مضر منك بالدين

واسترزق الله مما في خزائنه .. فإنما هي بين الكاف والنون


واخيرا نقول للمتشائمين


لا يأس مع الحياه ولا حياه مع اليأس

 

[CUTE ENGINEER]

هاي حبيبتي دلوووووعة ماما

صاجة فكلامج مرات تمر علي نكااات تضيق الخلق
في نك بالمنتدى عن الموت وواحد عن القبر والفراق وغيره بس أقراها ينقمت قلبي (يعني يضيق ) قلبي
لاحقتج بالمعجم لي هني هههههه
بس آنا وااايد أحب النك والتوقيع والصورة الرمزي تكون مرحة وكلها تفاؤل
اخترت نكي لأني فخورة بإنجازي أني صرت مهندسة ولأني نعومة ودمي خفيف وأحب
كل شي كيوت وحلو والألوان الفاتحة والأشياء التي تشرح القلب

 

[فداك ياخلي]

عدل كلااامج ..

في بنات يكبرون السوالف ويسون من لاشي شيات

ومن موقف مر بحياتها تحط نك يذكرها بالجرح كل يوم جذي عمرج ماراح تنسين وتكونين انتى اللى تضررتي لنفسج

انا معاج كلامج عدل

ويالله هالله هالله انا معاج

 

[happy&single]

ايي والله انا معاكم بعد
تعبت من نكات البنات ومن الصور اللي بالتوقيع ضيم
ومن طرحهم المتشائــــــــــم دايمـــــا :tomato2:
تلقين الوحده بمشكلة حاطة موضوعها وزياده تزيدها اهي بتشاؤمها ،،

رب العالمين يقول انا عند ظن عبدي بي ،، فتخيلوا افكاركم ومشاعركم تقودكم الى مصيركم؟
هذا شي واايد خطيـــــــــــر ،، ديروا بالكم
الله يسعد الكل ويزيدهم ايجابية وتفاؤل والله يعافيج على الموضوع ونستيني وحسستيني ان مو بروحي اعاني​

 

[النهج الاسمى]

شكرا حبيبتي على هالموضوع الحلو

اتحدى اي وحده نكها تشلؤمي ترد عليج !!!!!!!!!

المهم انا نكي لاهو تشاؤمي ولا تفاؤلي>>>>>والله مفكره ارشح نفسي بالانتخابات اليايه

-----------------------------------------------------

نكي يعبر عن قصيدة علي ابن زين العابدين>>>>>لاني احب هالقصيده

ليس الغريب غريب الشام واليمن ان الغريب غريب اللحد والكفن

 

[MiSs SaLsA]

الله يجزاكم كل خييييييير
ردودكم حلللللللوة
و كل كلمة قلتوها صح

 

[MiSs SaLsA]

صح و نسيت أقولكم
نكاتكم عجبتني
يعني فيها تفاؤل
أو بمعنى آخر أبد ما فيها تشاؤم

 

[ياعشيري جعلك السلال]

<< تحس الكلام عليها خخخخخخ


اول شي انا ماعندي عشير لاني متزوجه ولا احب واحد خخخخ


بس جذي مافيها شي


بس الصورة الرمزيه حلوة وتذكرني بشكلي يوم كنت صغيره وامي ماتناديني الا مي الشريره وتسويلي عنقوووص صغييييير وطاير

وكنت شيطانه

بس

 

[زهرااا]

عاد تصدقين قريت نك المقروده
و نك ثاني الراحله
!

 

[MiSs SaLsA]

هههههههه
حياتي يا عشيري جعلك السلال :. ترا انا ما فاهمه نكج <<<<<<<< لووووووول و مو انتي المقصودة

زهراا : حياتي شكرا ع مرورج
بس يكون أحسن لو ما ذكرتي الأسماء
شاكرة مرورج يا قلبي

 

[هيوونه@]

انا معاج بكل كلمه
في بنات مراهقات تبي تعيش حياة الغذاب اللي بالاغاني


لكن في حريم يموتون على النكد لو تقنعينها من اليوم لي باجر : ان شالله ماكو الا العافيه وتفائلي وموضوعج سهل راح ينحل
تقولج لا لا لا انا عارفه نفسي مقروده :23_asmilies-com: .. يابت حق نفسها القراده ... شالحل معاها
مو يقولج مثل مصري (( تحب النكد زي عنيها ))

 

[MiSs SaLsA]

انا معاج بكل كلمه
في بنات مراهقات تبي تعيش حياة الغذاب اللي بالاغاني


لكن في حريم يموتون على النكد لو تقنعينها من اليوم لي باجر : ان شالله ماكو الا العافيه وتفائلي وموضوعج سهل راح ينحل
تقولج لا لا لا انا عارفه نفسي مقروده :23_asmilies-com: .. يابت حق نفسها القراده ... شالحل معاها
مو يقولج مثل مصري (( تحب النكد زي عنيها ))

فعلا من جد كلامج صح ميه بالميه
و الله في ناس نكدية و مقتنعة أتم الاقتناع انه حياها نكدية و مستحيل تتعدل
شاكرة لج مرورج يا قلبي

 

[MiSs SaLsA]

بنات ويييييينكم اشدعوة
بس هالكم بنية هما المتفائلين بالحياة
لأ لأ مو معقولة أكيد في أكثر
بس وينهم

 

[علولي]

انا معاكم
لاني ما حب التشاؤم ابدا
لان الواحد ايش ماخذ من هذي الحياة
خليكي دايما متفائلة وربي راح يديكي على قد نيتك
بصراحة دلوعة مواضيعك حلوة ومشكورة

 

[لوكي 22]

صاااجه بس يمكن يوم سجلوا كانوا بيوم متشائم لول
صح حتى انا اتضايق لاشفت صوره سوده ولا دمعه ودم
وهالنكات اللي تخرع لوول الله يسعدهم ويسعدنا ان شاءالله
مشكوووووووووره

 

[HeR HiGHNeSs 90]

ايي صح انا ماحب الناس السلبيين بالحياة

يعني كل الناس عندهم مشاكل ماله داعي الواحد يزيد وتلاقين اغلب مواضيعها وردودها تعبر عن حزنهاا ليش جذيي؟
اضحك للدنيا تضحكلك

 

[بطاط مهروس]

مشكورة على الموضوع ..... وكلامج صح ما تدرين ليش النك حزين
كلناااااااااااااااااااااااااااااااااااااااااااااااااااااااااااااا معاج ضد النكات

 

[brettey]

يا حبيبتي انتي تقولين الحياه حلوه بس وين هالحياه الحلوه ؟ما شفناها ماشفنا الا ضيم وقهر ومشاكل وكل ما تفاءلنا طلعت لنا مصايب يديده
شرايج ان انا بنهايه سنه 2007 كنت متفاءله ان سنه 2008 راح احقق احلامي واشوف الخير فيها كنت متفاءله لاقصى درجه ومتكله على الله وادعي ان ربي ينولني كل الي في بالي وحاطه ببطني بطيخه صيفي وشنو طلعت النتيجه سنه من اول يوم فيها مشاكل وهموم ومصايب انهايارات وانتكاسات لدرجه اني تمنيت الموت من الي شفته وما زالت مستمره الى بدايات 2009 والله من بدايه 2008 الى منصف هالسنه تقريبا ماشفت فيها يوم حلو غير الصحه والعافيه الحمدلله والشكر والله ما ابالغ اذا قلت ما شفت يوم حلو او حدث حلو خلال الفتره المذكوره وحاشني انهيار عصبي الناس تتقدم وتحقق احلامها وانا محلك سر وزياده على هالشي هموم ومصايب توه بدت تستقر اموري بنسبه بسيطه والله يستر من المستقبل
خليها على الله
الله يعوضنا

 

[MiSs SaLsA]

يا حبيبتي انتي تقولين الحياه حلوه بس وين هالحياه الحلوه ؟ما شفناها ماشفنا الا ضيم وقهر ومشاكل وكل ما تفاءلنا طلعت لنا مصايب يديده
شرايج ان انا بنهايه سنه 2007 كنت متفاءله ان سنه 2008 راح احقق احلامي واشوف الخير فيها كنت متفاءله لاقصى درجه ومتكله على الله وادعي ان ربي ينولني كل الي في بالي وحاطه ببطني بطيخه صيفي وشنو طلعت النتيجه سنه من اول يوم فيها مشاكل وهموم ومصايب انهايارات وانتكاسات لدرجه اني تمنيت الموت من الي شفته وما زالت مستمره الى بدايات 2009 والله من بدايه 2008 الى منصف هالسنه تقريبا ماشفت فيها يوم حلو غير الصحه والعافيه الحمدلله والشكر والله ما ابالغ اذا قلت ما شفت يوم حلو او حدث حلو خلال الفتره المذكوره وحاشني انهيار عصبي الناس تتقدم وتحقق احلامها وانا محلك سر وزياده على هالشي هموم ومصايب توه بدت تستقر اموري بنسبه بسيطه والله يستر من المستقبل
خليها على الله
الله يعوضنا

يا حياتي أظل أقولج تفائلي بالحياة
يا حبيبتي انتي ما تؤمني بالقول تفائلوا بالخير تجدوه
و اضحك تضحك لك الدنيا

و بعدين انتي بروحج قلتيها الصح و العافية موجودة
و هذا أهم شي و لله الحمد
حياتي غيرج هالصحة و العافية إلي عندج في ناس ما عندهم و لا حتى ذاقوا هالصحة و العفية

تفاااااااائلي
صدقيني و أنلا وخيتج