ليش العنف زااد عندنا ؟؟.......والقتل صااار عاادى:(

[sondos]

مصدر الخبر :جريده الوطن .....الخميس 14-5-2009........الصفحه الاولى

مشاجره تنقل قاضيا الى المستشفى وتفتح الملف الامنى فى المحاكم

وبالفقره الثانيه من الخبر :

لفظ مواطن انفاسه الاخيره داخل مستشفى مبارك متاثرا بطعنه ناافذة تلقاها عندما توجه الى المحكمه للادلاء بشهادته فى قضيه جنائيه

من معاارف المرحوم:

(الله يرحمه كان شاهد بقضيه خلاف بين زوجين ....والزووج حقد عليه ليش انه شهد ضده قاام راح بيتهم وطعنه طعنه نافذه ادت لوفاته بعد اسبوعين من محاولات انقاذه )>>>>>الله موكاتبله عمر الله يرحمه ويغفرله
...علما بان الرجاال متزوج وبنته صغيروووونه عمرها سنه تقريبا .....شنو ذنبها عشان تتربى يتيمه ؟؟

شنو هالجرأه اللى وصلت فى القاتل انه يدخل بيت الرجال عشان يذبحه؟؟؟

من وين جتنا قسوة هالقلوب؟؟

متى وصلنا هالمرحله من العنف بديرتنا؟؟

لاحظوا بنات الافلام العنيه والكارتون اللى يتابعونها عيالنا .....شوفو هواشهم بالبيت شلون صار؟؟

تشششوت وطق باماكن مختلفه ودووس بالبطن ....هذا كله من ويين ؟؟؟

والله قبل لى كثروا الطق .......مشعوا شعر بعض وزعلو يوم والثانى يتصالحون
الله يستر على عيالنا ويحفظهم ......ونصيحه قعدوا مع عيالكم لما يشوفون التلفزيوون ونبهووهم من مشاهد العنيفه

 

[@hawazen najed@]

مشكورة على الطرح الحلو

ومن رايي اشوف ان اسباب هالجرائم

غياب الوازع الديني

التربية الغلط والفضائيات

وانها من علامات يوم القيامة ان القتل يكثر ومن غير سبب ولو تشوفين حولج كل علامات الساعه الصغرى طلعت

 

[كريستال ليدي]

يقولج اخر الزمان يزداد الهرج و المرج و يزداد القتل في الدنيا

الله يكافينا الشر ... صار الموت مثل اللعبة

من كثر ما نسمع عن حالات الانتحار و القتل والحوادث و الموت صرنا ما نتأثر

لا حول ولا قوة الا بالله

 

[قوطي نيدو]

لا حول ولا قوة الا بالله العلي العظيم

 

[sondos]

مشكورة على الطرح الحلو

ومن رايي اشوف ان اسباب هالجرائم

غياب الوازع الديني

التربية الغلط والفضائيات

وانها من علامات يوم القيامة ان القتل يكثر ومن غير سبب ولو تشوفين حولج كل علامات الساعه الصغرى طلعت

صدقتى ......الله يحفظنا وعيالنا ويكافينا وياهم الشر

مشككورة على مشاركتج:tek:

 

[sondos]

يقولج اخر الزمان يزداد الهرج و المرج و يزداد القتل في الدنيا

الله يكافينا الشر ... صار الموت مثل اللعبة

من كثر ما نسمع عن حالات الانتحار و القتل والحوادث و الموت صرنا ما نتأثر

لا حول ولا قوة الا بالله

اى والله لعبه ......كل واحد عصب ولا انغاظ من واحد راح ذبحه

لا فى رادع ولا كنترول

 

[بدويـــة مودرن]

مشكوره عالموضوع وانا من رايي ان الاسباب في زياده العنف وارتكاب الجرائم هي:
*ما فيه احكام مشدده تمنعهم من ممارسه هالاعمال الوحشية
* ضعف الوازع الديني
الله يحفظنا وياكم من كل شر ياارب

 

[خذاك الموت]

نفس ردت فعلي يوم قريت الخبر بجريدة اليوم لا حول ولا قوة الا بالله العلي العظيم

 

[ألماس الغلا]

مشكووره ياقلبي ع الموووضوع..


وأنا بحكم تخصصي في هالأشياء أقووول وماخفي أعظم يوم أروح لمراكز الاتجار بالبشر (دار الايواء) أشوف المصايب بالفعل تزداد وكل سنة تزيد الآرقام بشكل مخيف ولكن ناتج من أولاً الإعلام والإعلام هالفترة ومن كم فترة سابقة بدت أعماله تتكلم لو لاحظتوها وأنتبهتوا وحللتو مضمونها أنها عنيفه بشكل وأول شيء ومثال وااااضح على العنف هو توم وجيري هو السبب الأول والأخير يوم جلسنا مع دكاتره باحثين حللو لنا توم وجيري وبانت بالفعل الوحشيه اللي تعلم الصغار وتعلمنا بشكل فضيع العنف والأطفال مالهم إلا التقليد وانتوا لاحظوا حركات بعضهم صاروا يقلدونه اول ماينتهي عرضه شيء للأسف كنا غافلين عنه والأشياء المعروضه وااااجد لكن ما أبغى اطول في الكلام...

 

[sondos]

مشكوره عالموضوع وانا من رايي ان الاسباب في زياده العنف وارتكاب الجرائم هي:
*ما فيه احكام مشدده تمنعهم من ممارسه هالاعمال الوحشية
* ضعف الوازع الديني
الله يحفظنا وياكم من كل شر ياارب

فعلا الاحكام والتشريعات لها دوور .........ولو كل شخص فكر ان محد راح يقدر يتوسط له ويطلعه من اى جريمه يرتكبها ماكان تجرأ على احد او خالف قانون

الله يحفظ امه محمد اجمعيين

 

[puppet]

مشكلة سببها من الاصل سوء توزيع السكان في الكويت

يقطون عيال البدون والكويتيات المتزوجين من غير كويتي مع بعض

في منطقة واحدة

وهذولي في وايد منهم مساكين حالتهم مو زينة ، ما عندهم يدزون عيالهم المدارس

احنا نقوم الصبح نوفهم يلعبون كرة ، ونرجع بالليل هم يلعبون كرة

واحد مثل هذا ما يقرا ولا يتعلم ش دراهم الحلال عن الحرام

حتى غشمرتهم بالسكاكين

على فكرة انا تابعة لهالمنطقة ..

 

[sondos]

مشكلة سببها من الاصل سوء توزيع السكان في الكويت

يقطون عيال البدون والكويتيات المتزوجين من غير كويتي مع بعض

في منطقة واحدة

وهذولي في وايد منهم مساكين حالتهم مو زينة ، ما عندهم يدزون عيالهم المدارس

احنا نقوم الصبح نوفهم يلعبون كرة ، ونرجع بالليل هم يلعبون كرة

واحد مثل هذا ما يقرا ولا يتعلم ش دراهم الحلال عن الحرام

حتى غشمرتهم بالسكاكين

على فكرة انا تابعة لهالمنطقة ..

كلامج صحيح ........البشر يظلوون بشر لهم حقوق مهاما اختلفت جنسياتهم ..وفى موضوع البدون ماندرى منو نلوم ؟؟

الاهل اللى خاشين جناسيهم وحرموا عيالهم من الحياه بصوره طبيعيه ...عشان ياخذون الجنسيه الكويتيه؟؟

ولا ديرتنا اللى مو مقصرة مع القريب ولا البعيد ....والكل مخليها الدجاجه اللى تبيضله ذهب



عموما القاتل والمقتول كويتيين .....بس زوجه القاتل عراقيه

 

[Ibtisama]

شوفي يا حبيبتي ما يسوي هالشي الا الريال االلي الوازع الديني عنده ضعيف

الحين الناس صارت بس تفكر بدنيتها و ناسيه الآخرة

والإنتقام ما يسويه الا الإنسان الضعيف

والله يرحم اللي توفى يا رب و يغفر له

 

[sondos]

شوفي يا حبيبتي ما يسوي هالشي الا الريال االلي الوازع الديني عنده ضعيف

الحين الناس صارت بس تفكر بدنيتها و ناسيه الآخرة

والإنتقام ما يسويه الا الإنسان الضعيف

والله يرحم اللي توفى يا رب و يغفر له

صدقتى ....اول اسباب تغيير حياتنا وقله البركه فيها ضعف الوازع الدينى ...........

والناس فعلا بس تفكر بدنيتها واللحظه اللى عايشينها بس


شكرا على مرورج ......:aha: