ليش بعض البنات ايزي ؟؟

[Australia girl]

لليش انا اقولج ..البعد عن الدين ..الله يستر على البنات يارب ..والله يعورني قلبي لما اشوف هالسوالف واخاف على خواتي الله يحفظهم يارب يارب يارب ويستر علينا

 

[انواروه]

الله يستر علينا وعلى بناتنا وخواتنا وعلى كل امة المسلمين

 

[Dreamy G!rl]

الحين ما في وحده اتكلم شاب عن حب حقيقي و كذلك
ما في شاب يكلم بنت عن حب حقيقي ..
لان الحب الحقيقي ( الحب في الله )
البنات صايرين بس يبون يلعبون ما تهمهم مصلحة نفسهم
و رح يعرفون و يتأدبون لمن ينحطون بالقبر
رح اتييهم التربية السنعة
هذا اذا ما يتهم تربية و ياهم تأديب قبل لا ينحطون
بالحفرة
الله يهدينا و يهديهم

 

[كويتيهx5]

الله يستر علينا وعليهم

اولا غياب الوازع الديني.
ثانيا لانه يشوفون بعض البنات اللي تزوجوا كانوا يلعبون فا يقولون خل نلعب نبي نتزوج .

ثالثا غياب الاهل والفراغ ذابح الكل والرفيجات السيئن.


وحبيبتي مالج شغل باحد اذا شفتيها قولي الحمد الله

 

[• قلبه نصيبي •]

انا اقولج ليش البنات يصدقون هالشي
لان بعض الاباء والامهات ماكو حنيه كلش على بناتهم
فيدورون الحنيه مهما كانت النتيجه

:ggdw::ggdw:
صح كلامها يدورون هالشي بره !
وفي من صحبه السيئه !
يعني وحده تحتك بنات جذي وتصير مثلهم !
الله يهدييهم

 

[شـيخة الـزين]

اممممممم يكمن لانه ميتين عالزواج فيصدقون اي كلمه من الشاب

بالضبط .. وفعلا حتى لو اهيا متأكدة انها مااااايبيها ولا راح يفكر فيها تقول يمكن يحن وتكمل !!!
الله يستر علينا وعلى بنات المسلمين

 

[غيآبڪ عذآبي]

عدل كلآآآآمج ..~
وشششكثر نششوف هالنوعيه ، المشششكله آهي مآتبيه وآهو مآيبيهآ بسس كل وآحد يركض ورآ شششهوتهـ !

الله يسسستر عليهم بسس "

 

[بدورة القمورة]

دااااااااااايم اشوف بنات يطلعون من الدوام مع شباب لانهم مواعدينهم.. ولا بنات يقعدون معاكم ولاجنهم معاكم..ويرضعون بهالفون ويكلمون هالشباب وبصوت عالي وبدن حيا والله اني اكش من هالمنظر

((الدنيا هذي ميته لو بها حي.. والعمر مهما طال آخره ذابل..
من يسقي الورده يبي منها شي..مافي شي الا بشين مقابل..

اي والله ملينا من هالمنظر الله يستر علييناااا

 

[بدورة القمورة]

الله يستر علينا وعليهم

اولا غياب الوازع الديني.
ثانيا لانه يشوفون بعض البنات اللي تزوجوا كانوا يلعبون فا يقولون خل نلعب نبي نتزوج .

ثالثا غياب الاهل والفراغ ذابح الكل والرفيجات السيئن.


وحبيبتي مالج شغل باحد اذا شفتيها قولي الحمد الله

اي والله الحمدالله عسي الله يستر علي الكل و يهديهم

 

[بدورة القمورة]

اصابعج مو سوا فيه بنات بصراحه فصع ويبون يلعبون وفيه بنات عقلهم صغير ويصدقون كل شي ينقال لهم وفيه بنات يبون يتزوجون بس واحد تعرف شخصيته وتحبه وعلاقتها فيه تكون محترمه وبحدود ما تبي زواج خبط لزق يالله واحد ماعرفه انا باجر يملجونلي عليه واذا ما حبينا بعض او تفاهمنا عقب الزواج يا نتطلق يا ريلي كل يوم يخربط مع وحده او نقعد في بيت واحد كل واحد لايعه جبده من الثاني ولو الاهل عندنا يسمحون بالخطبه والتعارف يكون جدامهم جان وايد بنات ما سووها من ورا اهاليهم

صح حبيبتي كلامج بس يبون يزوجون يطلعون معاه شقه؟؟ و خربيط؟؟ واذا هو جد يحب يجي يخطب من اهل رسمي الرجال مايتزوج وحده ارخصت نفسها له ورضت تكون علاقه معه بالحرام الحمد لله على نعمه العقل بس

 

[ام عيون عسلية]

الله يستر علينا وعلى بنات المسلمين

 

[الصعيريه]

اي والله صاجه يالغلا بكل كلمه قلتيهاااا


عسى الله يهديهم ويصلح حالهم آمييين

وتسلمييين يالغلا عالطرح

 

[pretty sarona]

انا عندي اهي عايشه بقفله و امل ان بيتزوجها واهو يجذب عليها ,, اهون من اللي تدري ان يلعب و قايلها بصريح العبارة ان ما راح اتزوجج , بس بالنهاية الحالتين غلط ,, مشكوورة وما يمنع ان يكون في شباب صادق بعلاقته

 

[katko0ota]

الله يستر على الجمييع

 

[نداوي]

الله يستر علينا وعلى بناتنا

 

[صمت الروح]

لله يهديهم

 

[غصن الغلا]

لاتعليق الشرهه على الاهل ألي هادين بناتهم بالمجمعات بدون حسيب ولا رقيب:0bee2e8d89:


يوم كان ايامنا مانطب السوق الي للمناسبات اغراض مدارس او عيد مع امي وابوي مو الحين بروح مع رفيجتي مع سايقهم والحين كل يوم سوق:eh_s(14):



الله يستر بس من زمنا هذااااااااااااااااااااااااااااااااااااااااااااااااا

 

[المكسيكيه]

الله يهديهم

 

[أم حمد =)]

أكو بعضهم يدرون ان الصبي ماراح يتزوجهم .. بس اهمه بعد يبون يتسلون ..


الله يستر عليهم ويهديهم ..

 

[مفرفشه عالاخر]

يدورون الحنان او اللعب