ليش بنتكم ما حملت !

[G!RLooNa]

والله لا أسألو فهذي لا تعتبر لقافة ولا قلة ادب
بالعكس لو ما أهما يحبون المرة ويهتمون لها جان ما أسألوا هالسؤؤؤؤال
عاد انتو لاتاخذون كلشي بحساسية
ماناقص إلا إذا احد قال اشلون الصحة شلتوا قشكم وقبيتوا
خو كبروا مخكم
ووسعوا صدركم
ترا الدنيا ماتسوا

لا حبيبتي مو الكل يسأل من زود المحبه

يعني متزوجه 3 ايام يسألونها حملتي ولا لا

ولا توهم جم شهر

كل شوي رافعين السماعه حملت ولا لا

بعدين الاسلوب يبين

اغلبهم يا يكون لقااااااافه لا شماااااته

ولا اللي كل شهر تسأل يتلج الدوره هالشهر !!!

مو بس سؤال لا يتدخلون بعد يالله حملي ييبي ياهل وان يابت ييبي الثاني والعاشر

بس انتو شكوووووو

 

[G!RLooNa]

لووووووووووول اي والله ناس ماتستحي
انا ماحملت من الا بعد ست شهور بس بعدين طرحت
والله طرحت اهني ولا يقولون شنو هذي اللي نفس خالتها ( اخت امي ) ماتييب يهال وان حملت تطرح
الله يعين اخونا لازم انزوجه


وطبعا انا من طرحت وانا رافضه اني احمل من الصدمه مابي انصدم مرا ثانيه بس الحين لا لالالالالا ميته ابي ياهل ان شاءالله يارب الله يرزقني ويرزق كل محرومه

الله يرزقج يارب

 

[G!RLooNa]

يووووووووووووووووووووووووووه الحمدالله مو بس انا اللي صايره لي هالحاله

ياكثرهم بس اذا قالوا لي كذا اقوول توني عروسه خخخخخخخ

زين تسووين لا تعطينهم ويه يتمادون

 

[G!RLooNa]

عدنا وعدكم خير حبايب قلبي .. نحنا بمكن كدول خليج نحتلف بشي يسيط عن بعض بلهجه بالطريقه لكن باللقافه كلنا سوى مانختلف بشي ..

:krkrkr::krkrkr: اي والله

 

[G!RLooNa]

والله كنت ابطها بالويه لمن احج يسالني مثلا يقولي ما حملتي اقول لا يردون ليش اقول والله كيفي انا و ريلي متى ما بغينا ياهل ان شاء الله بيرزقنا...........بطلوا يسألون انا ما احب اللقافة كلش كل شي راجعلي انا و زوجي هذا ردي

:ggdw:

تعجبيني​

 

[G!RLooNa]

عادي مجتمعنا مجتمع ملاقيف وكلمن يتدخل بكل شي ..
انا لما تزوجت متفقين انا وريلي مانبي يهال كيفنا ..
عاد استلمي هاااا ما حملتي ماكو شي ؟؟ وانا اقول الحمدلله ان مافيني شي واستخدم مانع بس يعني لو انا ماحملت فعلا شنو قلة الادب هاذي خو اللي جدامكم اوادم يمكن البنية تتحسس من هالموضوع يمكن عندها مشكلة ..
لا والحين الحمدلله عندي 2 ولي يومج يسألون خلاص بنتج كبرت ماكو شي ؟؟!!!
جنه اهمه اللي بيصرفون واهمه اللي بيربون ويدرسون وينومون ويسهرون ..

يعني انا لو بمشي على كلامهم جان عندي 10 الحين ..

هههههه وايد ملاقيف بالعايله وبرا العايله لووووول

 

[أنوار البحرين]

جبتيها على الجرح
آنة اللحين كملت سة وشهرين من زواجي
والله وكيلج من أول مارجعت من شهر العسل عمت زوجي تسال وكل شهرين وشوي تسال
الله كتب وحملت حماتي قمت تحن علي وين الياهل وين الياهل واسلوبها حده سخيق ساعات ودي ارد عليها رد اسكتها بس احشمر روحي واقول بارد عليها ببرود لكن حبيبتي ام زوجي كلش ما تيب طاري جدامي بس ادري ابها خاطرها تجوف احفادها وامي حبيبه قلبي لو شنو تحن علي بعد احب حنتها لانه ودها اتجوف احفاده بس عمت زوجي وحماتي اعوذ بالله من جذيه ناس

ويااااااااااااااااااارب سنة 2010 سنة خير وبركة ويرزقنا الكريم بالذرية الصالحة يارب

 

[Nokia N95]

ذكرتي باللي مضى ....

عوار راس و النفسية تتعب من هالسؤال البايخ ....

اول الزواج ... صايرين كلندر ( رزنامة ) ... يعرفون موعد دورتي ..
وبعد ما الله رزقني وحملت ....
كل اسبوع يسئلون .... انتي باي شهر ؟
ومتى ولادتج ؟
كل يوم نفس السؤال

وبعد ماولدت ...
ها ... ياتج الدورة ؟
يمكن حامل ؟


بس ودي كل وحدة تسأل هالاسئلة السخيفة تمر في هالوضع ....

بس للامانة ... في بنات يسئلون علشان يبون يعرضون المساعدة ...
اكلي جذي ... سوي جذي ... راجعي بهالمكان ....

والله يرزق كل بنت محرومة الذرية الصالحة البارة ....
وكل وحدة تأذي بنات الناس بـ الاسئلة اللي مالها داعي او الشماته .. عسى ربي يرد لها هالشي

 

[*مرامي*]

اللي صادفتهم كلهم كانوا يدعولي ومن غير احراج
وماصارلي 9 شهور وحملا بس اجهضت وتالي ريلي قالي خلاص مانبي علاج مثل ماحملتي اول مره وانتي موقفه علاجج بتحملين مره ثانيه
وخالتي حرام ماعمرها احرجتني وقالت اللي الله كاتبه بصير ويامالكم من اليهال
والحمدلله كاني حامل بعد اجهاضين
الفال للكل يارب


بس فعلا في ناس مايستحون ويدققون بأصغر التفاصيل ومو من حقهم

 

[توته سعوديه]

هههههههههه احلى رد انو احنا دول خليج نفس اللقافه وربي صاجه
انا لي سنه و5 شهور ونفس الموال من اول شهر ها ماحملت
الحين خلوني عقيم
وصج ناس كانت تقول ماحملت ماحملت ولمن حملت قلت يالله اكيد بيكسرون تلفوني من المباركات ولادقوا واجهضت ولادقوا لا وتشمتوا بعد
والحين صاروا يقولون احنا داعين عليها عشان جذيه ماحملت وصاروا من تحمل وحده يخشون عني يخافون اني انظلها اصكها عين وربي حتى القطاوه تحمل وتولد
وانا الحمدلله مافيني شي بس انا ماابي
والله كريم افضل رد ع هالاشكال

 

[شهدQ]

طااااف حبي لان كل واحد ادرى بحياته اكثر من الاخرين

القافله تسير وال ..... تنبح

 

[queen84]

وااااااااااااي عندنا من هالاشكال وااايد خصوصا عمات ريلي ومرت خالي قطع ماادري اهم شكو ... انا لمن صار على زواجي 5 شهور تقريبا الكل يسال ماحملتي كنت اقول الله كريم ولا فوق كل هذا طلعوني مااييب اعيال والكل يتكلم الظاهر قام تتعالج بس ماتقول وانا اسمع من اذن واطلع من اذن ثانيه بس صج نرفزووووني .... ولا اسألو خالتي اخاف تاخذ حبوب منع الحمل بس خالتي جعمتهم قالت كيفها متى مافكرت تيب اعيال اهي حره ومتى ربنا كاتب لها الحمل ان شاء الله تحمل .... بس هم ردو يسالون والله لقاااااااااافه ولا لمن حملت بعد فتره تقريبا صار 10 شهور من زواجي اللي كانو كله يسالون دروا اني حامل بس محد فيهم باركلي وكله الحين تخزز فيني جني مسويه جريمه اي ليش مو كنتو ميتين بس علشان احمل حتى كلمة مبروك ثقيله على لسانكم الحمدلله والشكر

 

[G!RLooNa]

up up

 

[أجمل انسانه]

اي والله سمعته من خالتي .... بس شتسوووين عند العجاااايز كل شي جاااااااااااااااااايز

 

[سنعه بس مظلومه]

اااااااااااييييييييييي مرروا علي وااااااااااايد



انا حملت عقب العرس بست شهوور



ذبحوني بالكلام


و مره وحده شافتني بحفله انا كنت حامل بالشهر الاول و كنت توني محلله فماتكلمت الا عند القراب


يعني هاذي ماتدري يات جان تقولي



شلوونج انتي ويا هذا (.........سج) عرفتوا شنو اسم اللي عندنا قالته اشكره



اللي ما يشتغل عدل


للحين ما حمل!!!!!!!!!!!!!!!!!!!!!!!!!!!!!!!!!!!!!!




شووفووووو الوقاحه لي وين واصله!!



و اصلن ما عرفها عدل مادري شلون تجرأت و قالتلي هالكلمه


بس الناس ما تبي تشوف واحد مستانس تبي تغث و بس



يعني لو انا كنت مو حامل جان مت من القهر و البجي

اندمجتي حدج بالسالفه :krkrkr:


ما اخذ واعطي بهالامور انا ولا اخلي لهم مجال يتكلمون عن خصوصيتي كل شئ وله حد والا بعد بيتدخلون بعلم الغيب

الحمد لله ماتعرضت لمثل هالشئ واذا بس لمحوا نظره ويتغير الموضوع

 

[رفرف]

غيرلونا لا والله وانتي الصاجة لو من العايلة جان قلت يحاتوني وقلبهم علي ..
بس من بره العايلة وماكو علاقة اهمه شكووو ..

 

[بحر الذكريات]

يووووووووووو انا مليت من هالسؤال

قعدت عقب عرسي سنه وشي ماحملت وطبعا كلن يسأل حتى المدرسات وانا رايحه الحصه يسألوني غثوني بعدين حملت وسقطت تبينهم يسكتون لا يسألون حملت عقبها وولدت ولاده مبكره وتوفت البنت وقعدت عقبها وهم يسألون ولما كنت حامل ومادري كلن يقول صح حامل قولي؟ عطيتهم طااااااااااف وغبت ولاعبرتهم

 

[Nany-83]

وااااااااااااااااااااااااااي..
هذا أكثر موضوع يقث بالزواج..
تخيلو آنا زوجي كان يدرس بالجامعه سنة ثالثه لما تزوجنا..
وكليته 5 سنين على ما يتخرج يعني باقيله ثالثه وغيرها سنتين..
ومحاضراته لي الخمس ودراسته صعبه!!!!!!!!!!
وما يشتغل!!!!!!!!!!!
وخالتي من ثاني شهر ها يتلج؟؟؟؟؟؟؟؟ظ
وعقبها بشوي كنا بنروح العمره فقالت لي لا لا تروحين يمكن تكونين حامل..
وقبست علينا ومارحنا..
وعقبها يوم يينا بنروح سمعتني أقول حق بنت خالتي إني برفعها.. ينت وقعدت.. لالالالالالالالالالالالالا يمكن تكونين حامل..
قلت لها لا مو حامل..
ولو حامل فما تأثر!!!!!!!
من قبل الزواج ريلي قالي أول سنتين ماكو بيبي على ما أتخرج!!!!
وقلت له اوكي..
وقالي محد يعرف بس آنا وياج..
واي أمي ما سإلت.. بس أمه!!! مأساااااااااااااة..
نغزات كل شهر وكل يوم ويومين..
عسى ما طلعنا قالن يمعو فلوسكم وراكم ياهل!!
المهم عقب 6 أشهر سنه قالت له ودها تفحص!! قالها ما فيها شي..
عقب ما صار لنا عشر أشهر ردت نفس السالفه جان يقولها احنا مانعين..
ينت وقعدت..
ليييييييييش واشلووووووووووووووون.. وزعلت!!
آنا طاف وسويت روحي ما أدري..
عقب سنه ردت نفس السالفه روحو فحصو.. وريلي طاف..
المهم يوم حملت تدرووووووووووووووووون شقالت؟؟
قالتلي مبروك والله استانست قاعده أقول ودها تفحص طولت على ما تحمل!!!!!!!!!!!!!!!
من الحررره جان أقولها أصلاً آنا كله أقوله بحمل اهوا ما يبي.
وتميت طول ما آنا حامل أنغز إنه آنا أبي أحمل وريلي ما يبي يقول تو الناس..
وأسولف جدامها إنه إييييي رياييل هالوقت ما يحبون المره اللي تحمل بسرعه..
واي والله مرت أخوي 4 سنين ما حملت ما بطلنا حلجنا!!!!!!! دام ريلها راضي ومرتاح خلاص كيفهم..

 

[G!RLooNa]

المنتدى وايد يعلق بفتح الصفحه الاخيره ما تفتح لازم اكتب رد عشان اشوف لوول

 

[G!RLooNa]

uppp