ليش تتصرف مع ريلها جذيه ؟ بدا يكش منها

[نونو العصله]

امببه
من صجها
ربي يعوض عليه بوحده احسن منها وفاهمه وعقلها كبير مو سطحيه وتافهه
هي الخسرانه

ما تبدلني
خل تحمد ربها والله
في رياييل ما تدق خير شر
وتحقر
تزعلين و ترضين بروحج
النعمه زواله للي مو حامد ربه

 

[حلوه بكيفي]

انا اشوف

ان احد يكلمها ويوعيها على تصرفاتها بس بطريقه غير مباشره لان مو حلو اذا احد تدخل بينهم

وترا باجر لي تزوجوا وتعاشروا وعاشوا تحت بيت واحد بتفهمه وبيفهما وبتنحل امورهم ان شالله


وما بقى شي على عرسهم والنفسيه والاعصاب زيرو يعني عادي

 

[حلوه بكيفي]

امبي شهالردود انا رديت قبل لا اقرا الردود


لا حول ولا قوه الا بالله

ترا الموضوع جدا بسيط ومو كبير

ليش تجيبون طاري الطلاق وتخربون بيت البنت والولد والله حرام عليكم

راح يصير بذمتكم

البنت مو قليله ادب ولا خاينه ولا رايحه فيها ولا ولا ولا ولا

المشكله انها تدلع بس وفاهمه موضوع شلون تجذب ريلها غلط

اتقوا الله

 

[littlelulu]

الحمد لله والشكر
لو انك ريال كان ماييت تتشكئ عند منتدئ خاص للننسااااااااء فقط
وبعدين شلون تخليها ناطره بالمطار بروحها عشان ما عندك شخصيه ولا ثقه بنفسك خايف تخلي رفيجك ومخلي زوجتك بروحها؟!
بخيل عليها ماتبي تعطيها مصروف ولا هدايا لاتتزوج بنت عز!! و بعدين شلون ترووح اماكن فيها بنات و سوالف بايخه؟! والله اهيا الغلطانه انها سامحتك بعد
انت اذا اولها تتشكئ عند منتدئ حريم باجر شبتسوي فيها؟؟يبا وخر عنها خلها اتلاقي زوج يدلعها و يصرف عليها و يستاهلها
و ظل انت هنيه تتشكئ بالمنتدئ
راحت الرجوله واااااسسفااااااه

 

[ام القمرالمطيري]

يعني اذا عرفتو منو الي كاتب الموضوع بتنصحون عدل
وبتلقون الحل

وبعدين المواقف تبين الغلط من منوو

االي كاتب الموضوع بغض النظر عن كوونه منوو ماكتبه الا لان الموضوع زاد عن حده واوفر لجذي السالفه مو ابتلاء وسوء فهم للزوجه

انا اشوف الزوجه مو ناضجه فكريا ولا شخصيا .. او طبعها نكديه وتحب تمتلك واتحكم

واذا هي بالملجه جذي عيل بعد الزوااج بتكون حياتهم جحيم

لاني اعرف الي مملجه تكون عاقله تستحي ماتطلع عيوبها لاهي ولا الزوج

ومجاملاات الى اخر .. لان توهم متعرفين ومايبون ينحرجون او يطفشوون الثاني
هذي الاخت ماهمها احساس زوجها .. اذا ماتغير حياتهم بعدين بتصير مشاكل بمشاكل

وهو دامه تقرب منها بهالملجه وهي نكدت عليه .. يعني كانها تقول انا ماراح اريحك واسعدك بعد الزواج .. تصرفها غبي
لان الزوج يتزوج بهدف الاستقرار والراحه وتكووين اسره .. اذا ماداست ع نفسها وحبت تبين له لوتمثيل انها خووشه وحدت وخووش زوجه

بيكون زواجهم ماله داعي

وبتخسررر هي وهو بيتعب
الحل يقعد معاهااااا ويقولها كل الي يضايقه

ويقعد مع اهلها الي متفهمين منهم

ويعطيها فررصه

شاف ماكو فايده

يشوف غيرها قبل العرس والوهقه الكبرى

لانه بيتزوج بيرتاح مو يتعب من اولها

اعرف المشاكل بعد الزواج موو قبله

والله يعينه

 

[قمرية الفيس]

اتوقع هذي ماينفع معاها الدلع لما تتدلع تخرب وتميصخ لونها عند رجال شري يمكن تتادب

 

[قلب ذهب]

تصرف البنت غلط غلط غلط ترى الريال مايحب البنت اللي كل يوم تزعل وتتهاوش معاه وعلى عيد الحب تزعل وعلى هديه ومادري شنو
اسمحيلي هذا يسمونه دلع ماصخ حده
واذا اهو اللحين متحمل ترا باجر راح يبطها ويهدها
انا مستغربه صراحه شنو تبي اكثر من جذي ريال يحبها ويحترمها
اذا ايام الملجه تزعل على اي شي شلون بعد الزواج
وبعدين ممكن من اللي تسوي يشوف غيرها وانتي عارفه الرياييل لي شاف وحده تصده يدور على غيرها وذيج الساعه محد يقدر يلومه
انتي نصحيها وبطلي عينها قوليلها ماله داعي تزعل على ادناة الدون مو كل يوم بتلقى واحد يحبها
صراحه شي غريب حيل الله يعين الريال عليها راح يتعب معاها حيل ​

 

[لمى...]

ياويلكم من الله

ليش جذي ............. اذا اللي كاتب الموضوع الريال نفسه ........

واذا اهو طلقها فذنب هالبنت برقبتكم يعني الريال كان يبي نصيحة كيف يتعامل معاها تقومون تنصحونه بالطلاق

لو هي بنتج او اختج فكري شلون هل تحرضين ريلها يطلقها..........

انا نصحته وقلتله اهجرها عاملها بنفس اسلوبها احقرها وعطها طاف وبعدين بعد ماتشوفها طفرت قول هذا هو نفس اسلوبج

عدلي اسلوبج معاي اعدل اسلوبي معاج..........

يعني المفروض تنصحونه يحاول معاها وماتذكرون الطلاق ابد ........

تذكروا يابنات ان في الله فوقكم يمكن يصير لهالبنية حوبة تصيبج او تصيب بنتج !!

خافوا الله بردودكم وكونو اكثر عمقا

 

[Om_Ksha]

انا قريت الموضوووع وعلاطول كان احساسي انه الزوج .. وقريت كل الصفحات ..

وانا بصراحه اشوف انه لازم انه الزوج يصاااااااااارح زوجته ويحط النقط على الحروووف .. يكلمها شوفي يابنت الحلال انا احب كيت وكيت وحياتنا خاصه لنا مالنا شغل باحد .. فلانه زوجها سفرها .. ياب لها هديه .. الخ انه هالسوالف مو معيار وتونا ابدايه حياتنا والخييييييييير جدام انشالله لا تستعيلين على رزقج انا طلعت من تجربه مريره ومابي اكررها بس مايمنع اني اكررها يهددها انه تتسنع ولا مو فارقه عليها .. وانه الزواج مسؤليه مو بس هدايا وطلعات في يم يكون الزوج ضروفه اوكي وفي ايام بتمر لا لازم تراعي ضروفه

وانا متأكده مليون بالاميه في احد يشيشها ومعلمها انه بهالطريقه تمشي الريل سيده .. وهالشي ماينفع ,, التخطيط وغيره ماينفع للزواج مو داشين على حرب !! طبعا عقب ماتطلع كل اللي بخاطرك وتحددد الامور اللي تبيها عطها فرصه فرصتييييين بعدين خلاص .. اهيا تحدد اذا تبي الاستمراريه ولا تبي الدلع الماصخ واذا وصلت الامور لهلحد والزوج متسمك يفضل يكلم ام البنت انه سنعي بنتج انا كلمتها وفهمتها مو راضيه تفهم ولا ترا كل واحد بطريج ..

الام لها دوووور اذا تعقدت الامور لازم تنحط بالصوره وتدخلها كآخر حل جذري

 

[!! دلوعته !!]

اب اب

 

[قاهره عذالي]

لي عوده .....

 

[قاهره عذالي]

الله يعين الزوج بس

ما اقول الا حظ العوب والوقحات

اللي تدور رضا زوجها وتنازل عن كل شي

بس تبي الامان والاحترام ما تحصله

واللي تشرط هدايا ومصرف وهي للحين ما دخلت عليه يدور رضاها

الظاهر الرجال لازم من اولها ينضغطون بنظام تمشيهم المراه عليه

انا كنت استحي اطلب

وبس ابي حق البيت

لا طلعني لا وداني ولا عمري طلبت طلعه لو ضروريه ووداني وان وداني منفس
وتحملت بس ابي احترام ما حصلته وتطلقت وتركته

لا حاسبته ولا قلت ابي هدايا او فلوس او طلعات وعيد حب وتعالي المكان الفلان ولا زعلت على هالسوالف

اللهم بس مقاضي البيت جمعيه شي لللبيت كنت صج ازعل ابي يساعدني مو كل شي علي

ولا كلام حلووو ولا شي

اصلا لما تزوجت صرت اعرف الفاظ السب تعلمت من سبه لي

ببيت اهلي ما عندنا سب ولا متعوده على هالشي

بس ما اقول الا حسبي الله ونعم الوكيل

 

[petita]

معني دايخه و بنام بس ما قدرت ما اكتب رد
بغض النظر عن السالفه
احسج وحده مو كفو احد يرد عليج و يعطيج حل
تدرين ليش
لانه الردوود اللي عاجبتج تردين عليها و الردود اللي يبي يعرفون منو انتي تحقرينها
عيب
مثل ما انتي تبين حل من ابنات لازم تجاوبين على سوال الوحيد اللي سألوج اياه مو اطنشين
ما اتوقع فالولج شنو اسمج او من بنته اللي قاعده تحقرين
عيب يا حبيبتي
في ادب و فن الحديث

بصراحه انا وحده عقب الردود اللي شفتها احس ما تستاهلين احد يرد عليج لانج تردين على اللي تبينه بمزاجج و بس

 

[q8dvd2000]

والله خن نشوف شيصير وياهم

مادري الريال اتوقع بيطنش لان ماله وي

اهو المسكين خاف من طريقة كلامها انها زعلانه ويقولها لاتزعلين ولاتزعلين لمن عصبت بويهه وانفجرت

الله يستر بعد لاتطلب الانفصال على جذيه لان هالمره جد منبطه جبده منه

مع ان الريال مومقصر وياها

بس دلعها ماصخ
والريال ماعرف شنو هذي فجأه جذيه عصبت معاه وتصرررخ

يخوفي تقول حق اهلها السالفه وتقول مابيه

شنو يا خوفي تطلب الانفصال ؟
خل تطلب بالطقاق اللي يطقها ؟
اقولك شي
ماعصبت عليك لما قلت لها انتي زعلانه علي؟ الا لانها صج ماتبيك ومو طايقتك
احنا جذي يالحريم
اذا احد مانحبه كل ساعه يقولنا ليش زعلانه وليش زعلانه نعصبببببببب وننفجر


نصيحه

هددها بالطلاق
قول لها بصراحه يا فلانه انا احبج واموت فيج بس انتي ماقدرتي النعمه وتصرفاتج كلها دليل انج ماتبيني وانا بصراحه قمت اكرهجج واكش منج . انتي اللي كرهتيني فيج والا انا كنت اموت ع التراب اللي تمشين عليه . حاولت اطول بالي واصلح الوصع ماكو فايده
باقي ع العرس حول الشهرين
خل ننفصل ع البر احسن

صدقني اذا سمعت هالكلام وحست انك جد وكانت صج تبييييك راح تيلك ركص وتتسنع وتحس بغلطتها

اما اذا كابرت وعاندت وما همها
يووسفني اقولك انها ماتبيك ولا تحبك
وبهالحاله الانفصال اهو احسن حل