ليش تتضايقين لما وحده ....... !!

[جنون العاطفه]

اذا امون عليهاا عادي اتعلم منها ... وهذي حريه يعني عادي ...

بس اذا ما امون عليها وهيك تكلمني وانا ما اعرف (( ما ارد عليها خخخ لين تكلم عربي ))

 

[*truth_love*]

تكلمي انجليزي مع الاسيويين وخلي الكويتي حق الكويتيين

وتنحل مشكلتج بإذن الله

اوافقج الراي 100 % :eh_s(15):

حبيبتي تكلمي انجلش مع الناس اللي تعرف وتفهم بالانجلش.. سواء كان الشخص عربي او اجنبي ..

وتكلمي عربي صافي مع الناس اللي ماتعرف للغه..لعدم الاحراج لهم..ومايسببون لج ازعاج ..من فلسفه ومشتقاتها ..

وبجذي محد راح يأذيج..وبتنحل مشكلتج بأذن الله ..بس انتي شيلي عنج الحساسيه شويه ..:sfg:​

 

[Rock & Zoza]

مشكورين بنات عالمشاركات و طرح الآراء
يعطيكم الف عافيه

 

[dodowa el7elwa]

لا مااتظايق كيفها بس اذا امبين تصنع مااتظايق بس اظحك عليهاا لوول:ggdw::eh_s(3)::eh_s(3):

 

[بـــيـــشـــو]

السلام عليكم ورحمة الله وبركاته

خواتي العزيزات يسسعد لي صباحكم وممساكم _ ان شاء الله ويجعله من ايام الخير عليكم

بصراحه انا ما عندي مشكله سواء كانت طبعها اهي جذيه او تدلع وتتفلسف

خلوها تتفلسف وتدلع دام حلو عليها ولايق واهم شي اهي مرتاح براحتها ودام ما تطلع عن احدود الادب والبنت حبوبه وحليوه

عادي خلوها تدلع وتتفلسف شنو بضركم

بعدين كل الحريم لهم طريقه بالدلع والتفلسف الكل __ بس الي يفرق الطريقه واسلوب التعبير عنها

كل واحد له طريقه مختلفه تعبر فيها

انا يهمني بالشخص فكره وطرحه مو لغته وطريقته

هذا راي

صح كلامج اختي

وانا اواااااافقج الراي

وشكووورة ع الموضوع​

 

[بنت باباتي]

لا صراااحه مرات تصير مصاخه يعني تسولف بوقت تحتاج تسولف مو قاعده ويا مرا كبيره وتقرق على راسها وتحسين العجوز ماتدري وين الله قاطها
والا بمجمع واختها بآخر الممر واهي بأوله ويسولفون انقليزي كأن العالم كلهم بقر او فشخره وماله داعي احس

انا اسولف مع اختي مرات اقط جم كلمه على بنت خالتي
بس مو بمصاخه وسبحان الله في ناس كلامهم كله انقلش مايرفعون ضغطي

 

[%مذهـــلـــة%]

انا مااحب اتنرفز لما اسمع وحده تقط بين كلامها انجليزي مو سالفة اغار او محترة بس ماادري ليش:dddds: مع العلم ان تخصصي انجليزي بس ماادري شالسبب اللي يخليني اتنرفز:eh_s(6):

 

[mi corazon]

عجبني ردج


انا افهم انجليزي و اتكلم انجليزي بالمطاعم بالمحلات اللي يتكلمون فيها انجليزي
و اذا انحطيت بمكان لازم اتحجى فيه انجليزي ... و اعلم خواتي انجليزي


بــــــــــــس


بين الكلام اقط انجليزي لاااااء لان لغتج اذا بتمارسينها او ما تبينها تضيع مارسيها مع اجانب
مو مع عرب لان لو بتقطين قطات انجليزي و اللي جدامج ما يتكلم انجليزي ما استفدنا شي و لا قويتي لغتج على قولتج :ggdw:


و مو كل اللي ما يقطون قطات انجليزية يكونون فاشلين بالانجليزي لااء
في يتكلمون انجليزي بوقته و مكانه ..

احنا نتكلم عربي و مو نفس اللبنانيين اللي تحجوا فرنسي غصب بسبب الاستعمار


حلو انج اتعرفين كذا لغة و تتكلمين فيها بس مع اهلها و بوقتها

و اذا في جم بنت يقطون بس جم كلمة و اهما ما يعرفون انجليزي عدل على قولتج ليش
ما يكونون يبون يتعلمون منج عشان يقوون لغتهم على قولتج بالممارسه

و اكثر من جذي ما اقدر اوضح رايي... :dddds:

رد مقنع جدا وحيادي جدا .. يعطيج العافيه

 

[chakletaA]

لزوووووووووووووووووووووووووووم الغيره
عااد انا امووووووووووووووت اتكلم انجلييزي
وااااااااااااااااااااااااااااااااااااااااااااااااااااااااااااااااااااااااااااااو
حريه شخصيه

 

[NoNTiii]

انا بعد متعوده اقط جم كلمه
رفيجتي قالت لي فلانه تقول انج تتشيحطين !!!
نعم !!؟؟

 

[Rock & Zoza]

مشكورين عالمرور حبايبي

 

[خاشووقه]

يا تسولف يا عربي يا انجليزي
اما القطات كلش مالها داعي

وهذا ويهي اذا ما توهقت

 

[نايفة الوصوف]

فيه بنات من مدارس انجليزيه هذولا الواحد يتقبل انهم يتكلمون انجليزي بس اذا كانت من مدرسه عربيه وقاعده تكلم وحده عربيه او حتى اهلها ليش تتكلم انجليزي لغتنا لغة القران ولازم نفتخر فيها ممكن انتي تتكلمين انجليزي ثقافه بس فيه بنات يتكلمون انجليزي لانهم يحبون يقلدون الغرب تقليد اعمى في كل شي او يحبون يتشيحطون انا عن نفسي الحمد لله ممتازه بالانجليزي بس ما اتكلم انجليزي الا اذا كان الموقف يحتاج يعني اذا كنت اكلم وحده معاي بالجامعه ما تعرف عربي او دكتور اجنبي ما قلت والله انا بالهندسه ودراستي بالانجليزي خلاص بتكلم عربيزي على قولتهم بالعكس لو تسمعين كلامي بدويه بحت ما تصدقين اني اعرف انجليزي

 

[ملح وسكر]

انا مااتضايق بسسسسسسسسسسسسسسس احسها شحاطه

 

[Om_HaTaN]

السلام عليكم
انا صراحه يضايقني هالشي. لان اولا الحضاره مالها علاقه باللغه. في ناس عايشه بامريكا واخلاق وسلوك حضاري ماعندها وفي ناس من اهل البر واميين واخلاقهم عال العال وعندهم سلوك حضاري يفوق عيال امريكا.
ثانيا, بالنسبه لي استخدام اللغه الانجليزيه يكون لغرض معين وحاجه. مو بس تفلسف وسد فراغات الكلام لان صراحه اللي تعبي كلامها بالانجليزي تكون انسانه غير لبقه في الكلام باللغه العربيه او العاميه وتحاول تسد النقص بكلمات انجليزيه على غرار :
هذا cheap
واااااي هذي مو style
و غيرها من الكلمات اللي قاعده تسوي ثغرات بكلامنا الجميل. حتى ان وصلت درجة التفاهه ببعض البنات انهم لي قدمتي لهم خدمه قالو thank youبدال لاتقول دعوه زينه او مرد سنع مثل "الله يعطيج العافيه".
وعلى فكره انا متخرجه من كليه الاداب تخصص انجليزي لغويات واشتغل مدرسة انجليزي والطلاقه عندي اللهم لك الحمد وما اقط ولاكلمه انجليزيه الا اذا احتجت لذلك وفي طرق ثانيه الواحد يمارس لغته مو شرط لمن اكلم الاوادم. وبعدين الواحد لمن يقط لكمه او كلمتين بالانجليزي ما يعتبر ممارسه لغة. اللي يبي يمارس لغه يكمل ماستر او يدش نوادي او يمارسها في غرف الشات الصوتي.
وسلامتكم

 

[{ مآي عيني }]

شوفي عدل كلامج والله !!
بس في نااس يبين عليهم صج انهم يعرفون انقليزي ومتعودين انهم يتحجون انقليزي وفيه ناس لاا اناا يعني الي اعرف انقليزي واهيا ولا شي
اهواا حلو الوااحد يتحجى انقليزي بالعكس شي حلو او انج تحااولين تعودين نفسج انج تتكلمين مراات تصير فيني والله فجاه اقول حق خواتي
خل نتعود نتكلم انقليزي بس بعدين نرد على لغتناا خو بس مآدري صح مراات ووالله اتضااايق واكره الي تتحجى الانقليزي ماادري ليش ؟!

حلو الموضوع لانه في نقااشات ثانكس ^_^

 

[3aboora]

حبيبتي اذا الوحده تبي تمارس اللغه تروح تمارسها مع ناس اجانب مو تي قاعدين بزواره و تقط كلمه بالانجليزي جدام وحده عوده ما تفهم عليها
دام اللي جدامي يفهم عربي اكلمه عربي ليش التفلسف .. و بعدين لما تقط كلمه عربي و كلمه انجليزي هذا ما يسمونه ممارسه يسمونه تفلسف .. في ناس يا ربي يغثون و الله لسانهم يطيح لما يقطون كلمه بالانجلش اشدعوه عليكم ..
يعني انا صارلي 3 سنين ادرس بره ايون بنات خالاتي يقولون لي انتي مو عايشه هناك ليش ما تسولفين بالانجليزي !! شكوووو إذا انتوا تفهمون عربي ليش اكلمكم انقلش ؟ يعني ال 3 سنين بتخليني ما اتكلم عربي و الله ناس غريبه .. طبعا استثني من كلامي عيال المدارس الخاصه لانه اهمه البيئه اللي درسوا فيها تحكم عليهم انه يتكلمون انجليزي و مرات يلقون صعوبه انه يعبرون بالعربي فا هذول حاله استثنائيه

و مشكووره عالموضوووع

 

[miss-pinksh]

حسب كل وحده اذا دارسه برا و لا دارسه بمدرسه اجنبيه يعني اكيد رح تكون مو متعوده على العربي بس وحده مالها شغل بالانغليزي تيي تتفلسف على راسي بكلمتين توهي متعلمتهم :eh_s(14): هذيل اللي يبطون جبدي :eh_s(1): جنا قاعدين بامريكا انا بصراحه مااحب هالنوعيه خل يطلعون ثقافتهم على غيري يعني انا اعرف انغليزي عدددل بس مااتحجى انغليزي يعني عرفت اتحجى انغليزي عددل حق نفسي مو عشان ااذي غيري :tomato2: :eh_s(1): ​

 

[MSS.AJQ8]

وععععععع حدي اتنرفز لمن وحده تتكلم انجليزي

يعني انتي كويتيه مسلمه عربيه تكلمي عربي ولا مو عاجبتج لغه اهلنا ورسولنا !!!
تكلمي انجليزي مع شخص ما يفهم عربي وكلنا عندنا ثقافه ونعرف انجليزي بس ما نتكلم انجليزي يعني اذا احنا نتكلم عربي يعني ما نعرف انجليزي !!!

انا في كلمات احب اقولها بالانجليزي دايما حتى مع اهلي بس كلمات بسيطه ماله داعي ادق على رفيجتي ونسولف انجليزي عشان انكون اوبن مايند !!

 

[jesse Lover]

أولا ..

موضوع رائــع و الكل متفاعل معاه مشالله ..

جوفي إختي ..

آنا بعد تنبط جبدي .. لأسباب وايد ومنها ..

إن اهيا تتحجى إنجليزي بزوود .. وإلي يخلي الطرف الآخر ينزعج .. جنها بتقول لنا ترى آنا أعرف أتحجى e

وهم إذا الطرف الآخر ما يعرف ولا كملة بالــe راح ينقهر .. ويتجرء ويقول لها سكتي ..!

اللغة العربية لعتنـــآ .. مو فخر أبدا تتكلمين الإنجليزي لدرجة مو طبيعية ..

بالعكس هذا مو فخر إذا كان بالنسبة لأحد طبـــعا ...

وفي اختي وايد أسباب وأعتقد هذي من أكثر الأشياء الشائعة بين الناس ...

:


:


مشكووورة على الطرح الجميــل ..

ودمتي بووود ..