.
انتي لا تشوفين فلان و علان !
اهم شي يكون لج هدف بالحياه تحاولين توصلين له
ليه وصلتي حق هالهدف هني بتحسين بسعادة
حدي هدفج بالحياه و اسعي للوصول له
بدل الهدف عندي اهداف واسعى اني احققها لكن مثل ما قلت الحال واقف وحتاره شسوي بعمري
أول شي أسمعي هالكلمات بالمقطع وأتأملي فيها بعدين أقري كلامي تحت
http://www.youtube.com/watch?v=0oq-flt_7to
بقولج على شغله
أنتي تقولين أنج ماحصل لج تغيير من زمن
طيب أحمدي ربج , تدرين لييييش؟؟
لأن غيرج خلال هالفتره بس أحد منهم أنصاب بمرض سرطان
وأحد مات على ذنب من غير توبه
وأحد أرتد عن دينه
بالله عليج بسألج سؤال ؟ أرتديتي عن دينج لو لا فهذي نعمه تستحق الشكر
أنصبتي بمرض خطير لو لا هذي نعمه تستحق الشكر
مو شرط نتغير أحيانا نتوقع أننا بنتغير للأحسن لكن نفسه هالتغير يمكن تجينا المصايب من وراه
دائما أدعي بالأفضل أدعي بالخير
ولا تستعجلين رزقج دائما الخيره فيما اختاره الله
مهما تأخر الخير تأملي بالخير الي انتي فيه الحين الحمدلله صحه
ونعمه وبيت وأهل وعلاقات اجتماعيه وطموح وعمل
فيه غيرج محروم من كل هذا ,,, الحين أحمدي ربج لأنه عطاج أفضل من غيرج
وتأكدي كلنا أهل أبتلاء لكن منو يصبر منو يجاهد بهالحياة ليفوز بالآخره
الحين بدعي لج دعوه يحبها قلبج أن شاء الله لكن خليها بالغيب
شكرااااااااااااا اختى عالتذكير الحلو بس انا بالنهايه انسانه احس واتأأأأأأمل حياتي تمشئ رغم اني اجاهد بالشئ الي اسويه علشان اخلصه ويمشئ حالي بس اشوف العكس ردود عكسيه محبطه
ما في شئ مهم بالدنيا الا انج تكونين اسره صح هذا مو طموح لانه غريزه والوظيفه احتاجها لانها تأمن لي مصدر رزق شوفي متطلباتي كلها احتياجيه انا اسعي واسال الله التوفيج
والله يعطينا العافيه والصحه ان شاء الله
هذي حكمة الله فيه خلقه يجعل أمره بين كاف ونون ويغير الأحوال بطرفة عين ماتدرين وش كاتب الله لك
ثقي بس بالله لا بنفسك ولا بشهاداتك ولا حتي عباداتك افعليه وانتي خجله واعلمي انك مااعطيتي الله حقه
وانا اعرف ناس كفاءه و دبلومات ومتوظفين من فضل الله عليه وانا جامعيه وعاطله بس الحمد الله
غيري ماعندها شهادته ونفس تقرأ بس قرآن وغيري فاقده عقلها
غيري فلوسهم تروح بحرام غيري فلوسهم قست قلوبهم علي اهلهم
انظري للحكمه بوضعك
لان الله مايختار الا الافضل لعباده عشان مايخسرون دينهم قبل كل شي
ولو اطلعتي علي الغيب مااخترتي غير ماكتبه الله لك
الحمد لله رب العالمين على كل النعم واسال من الله انه يوفقني الدنيا والاخره
حمدي ربج انتي احسن من غيرج لا تطالعين اللي احسن منج طالعي المحتاجين المساكين طالعي الناس اللي تحت اللي مو لايقيين ياكلون حمدي ربج على نعمه الامن و الامان حمدي ربج على اشياء عندج و غيرج يتمناها و استغفري ربج على طول ترى الاستغفار زين و كوني قنوعه ترى ربج يحبج
اسال الله انه يوفقني هلا فيج اختي
انت قلتيها انج مو مثلهم ما تحركتي ولا سعيتي للتطور شلون تبين تساوين نفسج بناس تعبت علي نفسها وشقوا وانت قاعده الله سبحانه قال اسعي ياعبد وانا اسعي معاك حددي انت شنو تبين وشنو الوسيله اللي عن طريقها توصلين ولازم تتعبين اذا تبين تتغيرين
قلت هم تطوروااا وانا مثل ما انا بس هذا الكلام مو معناته اني ما اسعى او ما سعيت ليت ما تعبت على الرغم اني مستمره بالسعى لا
سبحان الله الله يوفج ناس بسهوله وناس احواله تتعسر من كل النواحي رغم انها تسعى وتطمح
وانا بعد مثلكم شرايكم نسوي تجمع لهالفئة نشجع بعضنا
ونفتح صفحة جديدة
وانا رايي من رايي البنات انه هاي الدنيا مو الشي اللي نبيه بيصير
لا الشي اللي الله كاتبه بيصير وهالاشياء كلها
مكتوبة من قبل مانولد كل شي مكتوب عند الله
لكن نقدر نغير قضائنا عن طريق الدعاااء
يا ريت حبيبتي على الاقل نواسي بعضنا ونفضفض ويمكن نلقى المواساه والحل وبالاخير التوفيج من الله سبحانه وتعالى
حبيبتي يمكن ينقصك التخطيط في. الحياة حددي اللي تبينه وانشأ الله بيتحقق
ما اعتقد انه احد كثري يقعد يخطط ويدرس الموضوع بس الله كريم ان شاء الله
يارب يفرجها عليكم وعلى كل امة المسلمين ياااااااااارب
ان شاء الله حبوبه يفرجهااااااااااااااااا علينا وعلكيم
انا مثلج حبيبتي
كلما حسيت ان في شي احسن بصيرلي تطلعلي مصيبه تكسرني اكثر مما انا مكسورة
اقول سبحان الله ممكن خيرة
الحمدالله على كل حال
سبحان الله الخيره فيما اختاره الله بس احنا نسعى ونحاول ونطلب توفيجه
