ليش رجال مجتمعنا يخجل من هالشي؟؟

[فلنتينو]

مساكم الله بالخير وتقبل الله طاعتكم وتقبل الله صيامكم

بصراحه موضوعي كتبته بنأ علي برودكاست وصلني الا وهو برنامج مقالب علئ قناة السعووديه كان المقلب عن يسون مقابله مع الشباب وكان السؤال

شنو اسم امك؟؟
طبعا ولا واحد قال اسم امه
وهو فعلا حتئ في مجتعنا عييب ينقال اسم الام حتى هالشي
انزرع في الاولاد الصغار انه عييب اقوول اسم امي او صاير يعايرون بعض ياولد فلانه

وكانه قااايل فضييحه او يخجلوون من اسم الام
وانا اشووف هالشي في قمة التخلف ليش هذي امي افتخر فيها
ما استحي من اسمها او اني اقول اسمها
وبعضهم يقول يااويلك اذا قلت اسم امي
وكأن اسم الام عيب

انا اشوف هالشي عادي
وقمة التخلف من الحياء من اسم الام

واترك لكم التعليق
واتقبل وجهات نظركم:eh_s(7):

 

[a7ebah]

صح انه مو حرام

بس شنو الفايده ان الريال يقول اسم امه لربعه ؟
دامنه عارف ان الكل بيناديه بإسم امه
يا ولد فلانه ؟
والقاصي والداني يعرف اسم امه واهمه مالهم خص

اخوي يحب يستعبط على ربعه ويناديهم بأسامي امهاتهم
وهالشي غلط واهو ما يقول اسم امي لربعه لأن عارف اللي يسويه فيهم يسوونه فيه

بس بنظري مافي فايده ان الريال يقول اسم امه لربعه

 

[zqertya]

صح مادري ليش يخشووون هالشي وحت اليهال قاموا يسووون جذي بس مو منهم من ربعهم لان يطنزون عليهم عشان جذي مايقولون

 

[زهرآء]

صحيح اخوي مايرضى يقول اسمي ولا اسم امي لصدقانه والشي استغربناه منه صراحه وكان بأول ابتدائي واحنا ماعلمناه ع شي

بس المحيط اللي حولي احس عادي يعني اخواني يعرفون اسامي امهات صدقانهم واسامي خواتهم
وابوي يعرف اسامي بنات صدقانه واهم نفس الشي

ومو مقصود شي من هذا كله لان مو شايفين فيها شي يعني
يعني بإختصار الشي طبيعي صاير عندنا حاله من حال اسم ولده

بس اسم مثلا مرت صديق ابوي كأنه قويه لوووووووووووول بس هم اتوقع عادي

 

[فلنتينو]

صح انه مو حرام

بس شنو الفايده ان الريال يقول اسم امه لربعه ؟
دامنه عارف ان الكل بيناديه بإسم امه
يا ولد فلانه ؟
والقاصي والداني يعرف اسم امه واهمه مالهم خص

اخوي يحب يستعبط على ربعه ويناديهم بأسامي امهاتهم
وهالشي غلط واهو ما يقول اسم امي لربعه لأن عارف اللي يسويه فيهم يسوونه فيه

بس بنظري مافي فايده ان الريال يقول اسم امه لربعه

صح كلامج
انا ما اقول انا كل سااعه اهو قايل اسم امه بالدوانيه
بس هم اسم الام مافيه خجل واذا سألوه في شغل او مكان مهم عادي مافيها شي لوقال اسمها
مو يتهرب او يقول اسم غير

الرسول عليه افضل الصلاة والسلام
مخجل من اسم امه

 

[زوغه الحقوق]

يعني يا يسكت ويقول اسم امه
او يقعد بكل ديوان ترا انا ولد فلانه ههههههههه

عيب تراها منقوده

مو لازم الناس تعرف اسم امه شالفايده اذا عرفو ؟​

 

[ندى~~]

اممممممممم مااااادري

 

[لحظآتَ]

اي الشباب لسانهم فالت
فإذا عرفوا اسم امه بيشتغلون ضغاط وينادونه باسم امه
علبو بيحرجونه قدام اللي بالديوانيه ..
واهما اصلا دفشيين بمعاملتهم لبعض فـ اكيد ينحرجون يقولون اسم الام خوفاً من ضغطات مُباغته ..
يعني الشيء مو عيب ولا حرام ..
لكن راجع لعقليات شبابنا ودفاشتهم بتعاملهم ويا بعض

 

[فلنتينو]

اي الشباب لسانهم فالت
فإذا عرفوا اسم امه بيشتغلون ضغاط وينادونه باسم امه
علبو بيحرجونه قدام اللي بالديوانيه ..
واهما اصلا دفشيين بمعاملتهم لبعض فـ اكيد ينحرجون يقولون اسم الام خوفاً من ضغطات مُباغته ..
يعني الشيء مو عيب ولا حرام ..
لكن راجع لعقليات شبابنا ودفاشتهم بتعاملهم ويا بعض

:rerrerek::rerrerek:

 

[فلنتينو]

تسلموون بنات

بس يبقئ هالشي خط احمر عند شبابنا وفي كل المجتمعات
وانا المقصد من كلامي مو الريال يدخل ويقول اسم امه في الدواوين ومافي ريال يسويها
انا المقصد ليش الحياء من اسم الام
اذا كان في معامله او شغل مهم وسألوه
يقول الاسم وهو متفشل

 

[امل وكلي آمآل]

قال تعالى(يامريم ابنه عمران----
ماقال يابنت عمران
او ام عيسى مثلا
بس عادات وتقاليد -

 

[g76aniya]

عقول ساذجه ..!
اقول اسم امي وبكل فخر
بس بالوقت المناسب .. مو امشي وادلل فيه
اذا الشي اللي اسويه موحرام
ماعلي من احد
هذي قاعده عندي بالحياة
لاتسوي الحرام وماعليك من كلام الناس

 

[^^ريهام^^]

تدرون ليش

لأن العرب قديما لما يبون يعايرون شخص يقولون يا ابن ( اسم امه)

طعنا في نسبه لا يدعونه لأبيه

لو تقرون قصص التاريخ تلقون وايد من هالقصص

وصارت بعدين عادة

 

[@ كويتيه @]

حبيبتي يوم القيامه ينادوون بأسماء امهاتهم وليييش يعني فششله نوبربلم بالعكس انا افتخر فيهاا وين ما اروح

 

[ToOoF]

ما فيها فشله بس مو يمشي ويتحجى امي فلانه وامي فلانه
اهو مو عيب ولا حرام و اذا على الشباب الي يضغطون بعض بهالسالفه اهما سخيفين عييب اصلا ً واذا قلت له انت ولد فلانه وشنو يعني اكيد بيفتخر بأمه حتى اهو ولد فلانه وهم هذاك بيفتخر بأمه بس عيب يتطنزون على بعض بأسامي امهاتهم عادي اسم الام مو حرام ولا عيب اذا انقال

 

[الأميرة جوري]

صج ليش غريبه ...مافيها شيء اذا اسم امه....

 

[مسك حياتي]

موضوعج ذكرني بولد خالتي كان صغير اسأله واحد بالدوانيه اتوقع كان بيشوف رده فعله قاله شسم امك قاله اعقققققققققققب ....

ههههههههههههههه ...

المفروض نفتخر بامهانتا بس هالشي اتوقع يرجع لقناعاتهم اكيد ان مو قصدهم تقليل شأن الام لمن ما يقولون اسمها لو شنو ...

بالعكس احس يعتبرون هالشي غالي لازم مو الكل يدري عنه ...<<<< تحلل الاخت

يعطيج العافيه ...

 

[~ بنت الهدى ~]

ذكرتيني بموقف من كم سنه

كنا نتغدا بيت جدتي و دخل علينا ولد خالي و وجهه فيه رمل و شعره كشه مبين عليه متهاوش !!

مسكين اثر و اهوا بالملعب تهاوش مع و ولد خالته قال له احترم نفسك ياولد خالتي فلانه هههههههه

قعد يصيح مسكين و يقول فشلني يم ربعي الحين في المدرسه بيعايروني ....

طبعا هذا اول موقف شفته و عرفت ان الصبيان عيب عندهم اسم الأم

طبعا بما اني بنت اشوفها عادي بس الولد مايندرى بشنو يفكر و شنو وجهة نظره ؟؟؟ ..
اخواني ربعهم القراب يعرفون اسم امي عاادي بس البعااد لا .. ماعدا اخوي الكبير عااادي يقول اسم امي لأي احد و هذا الصح

 

[اسيرة الأحزان50]

للأسف مجتمعاتنا مليئه بالعقد والعادات والتقاليد الباليه ​

المسأله عاديه مافيها شيء ، الرسول عليه السلام كانت معه زوجته السيده صفيه رضي الله عنها ​

ولما رأووها الصحابه معه قال لهم الرسول على رسلكم إنها صفيه ولم يقل زوجتي ​

أيضا احب اذكر مثال آخر : الرسول عليه السلام سئل في مجلس عام وامام الرجال هذا ​

السؤال : يارسول الله من احب الناس إليك ؟ وكل من في المجلس ينتظرون الإجابه ​

فقال الرسول عليه السلام : عائشه صّرح بأسمها ولم يقل زوجتي البكر .​

وعندي مثال آخر : الرسول عليه السلام قال : فاطمه بضعه مني من اغضبها فقد اغضبني ​

والرسول هنا لم يقل بنتي الصغيره ​

ياليت مجتمعاتنا تترك هذا التخلف والعقد اللي يعانون منه، سيد البشر ذكر اسم ابنته وزوجاته فلماذا لايقتدون به!.​

 

[فلنتينو]

منورييين الموضوع