ليش لون الصبغه تقلب ؟؟؟ ليييش قولولي شسوي بعمري ؟؟

[زبــــــــدة]

سلاااااااااام





قبل جم شهر صبغت شعري اشقر زيتي وصاااااار واااااااو عجيييييييب حده حده :eh_s(2):

بس عقب شهر جذي قلب لونه على ذهبي !!!!!!!

وعقب على برتقااالي امبيييييه صااار شكلي واااااو بييييضه وشعري برتقالي اهببببل حدي <<لا تعليق


المهم بفهم لون الشعر ليش يقلب

اوكي انا كنت احط حنه وسحبت اللون الصالونه عشان جذي انزين

الحين انا صبغته بالبيت صبغه كابتشينو من غارنييه


انزيييييين

الحين ابي لونه اشقر زيتي شسوي يااااا جماااعة

يعني شسوي يعني هذولي الفنانات شلون جذي ياااااربي

:eh_s(2):

الحين اذا رجعت صبغته بيقلب بعد :eh_s(14):


عطوني حل ابي شعري اشقر زيتي مالي شغل ترى :eh_s(4):

 

[توووووووتا]

حبيبتي صبغي بالشرقيه غالي بس لون اللي يحبا قلبج أنا صابغا بلاتيني من ٣ ليلحين نفس اللون برد الجذور طلعت نصيحه لأخت خص الشعر لاتغامرين

عند شاهيناز وقصها مباااااارك نصيحه أنا قصير اخر الرقبة ب٧٥ بس ماقعد احد ما سألني وين صابغه اقسم بالله

 

[ام شريفه]

ياااااا قلبي انتي نفسي كنت حاطه حنه و سحبته مرتين ابصالون ولا كل ما اصبغه بعد جم غسله يقلب برتقالي ماكو فايده الا لمن يطول شعرج و تنزل الحنه لانه معناته الحنه لي الحين موجوده....اكلي حبوب تطول الشعر و الله نصيحه انا اشكثر صبغت وايد وايد وكلا يقلب برتقالي اخر شي خليته يولي لمن تطيح الحنه.

 

[آلعناآأ]

،




اكيييييييد من الشامبو


اخذي شامبو من كاندوس اتوقع جذي اسمه على لون صبغتج ولا راح يغيره

 

[تبيني آرضى عليك]

آآآآآآآآب

 

[fatma A]

الانه انتي سويتي سحب والسحب يقلب شعرج برتقالي او نحاسي احسن شي تيبن بودره الميش واكسجين وتصبغين شعرج والسحب بس يفتح شعرج جم درجه اما الميش او الثلجي يخلي شعرج ابيض وبعدين تصبغين الصبغه الي تبينها

 

[***البسبوسه***]

انا نفس حالتج وصابغه بالشرقيه بشي و تسعين ماكو فايده قلب اللون برتقالي مع العلم اني كلش كلش ماحط حنا بس اعتقد من الشامبو او الماي صبغت خصل بالميش فتحتها حيل حيل سارت ثلججي واشوى قلب الارضيه بس الثلججي ماقلب حيل اخف من اول

 

[زبــــــــدة]

توتااا

اووف وايد غالي !!

انا شعري لي اخر ظهري بيطلع فوق ال 200 يعني !! شدعوة ...


ام شريفه

حتى لو سحبت اللون يعني خلاص ماكو حنه ؟؟!! ولا ماله شغل ...
ولاني صبغته مرة ثانية بالبيت بروحي ...

الحين اذا رديت صبغته نفس الشي بيقلب ؟؟؟



مشكورين باجي البنات

 

[Mjnont '3lay]

حبيبتي انا بعد صبغت شعري بني عسلي مع الغسيل لونه يقلب
هذا كلام رفيجتي لانه صاحبة الصالون اللي صبغت شعري فيه تصير رفيجتي وهي اللي صابغة لي شعري
عشان جذي صريحه وياي قالت لي الصبغه مرح تظل مثل ماهي اكيد مع الغسيل رح يقلب لونها ويتغير اما يغمق اكثر او يفتح اكثر
على حسب الشامبو اللي تستخدمينه
والحين اللون تغير بس عادي انا كنت ابي استانس فيه كم يوم وارده اسود يعني مافرقت وياي لانه بصراحه مهما صبغت يظل الشعر الاسود احلى بملييييييييييييون مره من اي لون ثاني
وعلى فكره الصبغه او الحنه مالها شغل لا يقصون عليج الصالونات وتروحين تصبغين بصالونات غااليه على بو مايغير لون الصبغه كله جذب بجذب صدقيييني اي صبغه وباي صالون ومهما كانت الصبغه مع كثرة الغسيل تتغير وتقلب لونها

 

[al39laa]

لازم تغيرين الشامبو والبلسم يكون لونهم بنفسجي

 

[flawar]

يمدحون البنات شامبو لوريال البنفسجي
ماحصلته وان شالله اروح لبوتس احصله

لاني نفس حالتج واللون الاشقر الزيتي صعب يضبظ خاصه اذا اول مره تصبغينه لازم تكررينه علشان يضبط
لاني انا اول مره صبغت اشقر زيتي ماضبظ مره ثانيه بعد شهرين صبغتها الحمدالله احسن من الاولى فررق واهم شي اللي تصبغلج لما تحط الصبغه الاساس اللي تفتح وتوحد اللون مايكون لونها برتقااالي برتقاالي لازم تكون ع اشقر اصفر علشان مايطلع مع الغسيل شعرج لون برتقالي ع الاقل يطلع اشقر وتقدرين تغمجينه او تستخدمين شامبو لو بنفسجي
وبالاخص اللي تصبغ لون بني غامج او بنياااات ابتعدييي عنها نهااائياااا للي تبي الوان فواتح وزيتي
واذا ودج لون واحد غامج حطي زيتي غااامج او اشقر رمادي يطلع لونه ع الشعر بني لانه شعورنا غامجه بس الصبغه اساسها رمادي واشقر

يعني حتى لو بتوحدين لونج ابتعدي عن البنياات
واستخدمي شامبو لونه بنفسجي لانه يعطي الصبغه لون ذرب او ع بلاتيني ما يخليها ع ذهبي بس ما حصلته وان شالله احصله
*

 

[أسرار الجمال]

حبيبتي الفنانات كل ثلاث أسابيع بيسو ون رتوش وعن تجربة مافي شامبو او صبغة تظل نفس اللون لازم كل شهر تصبغينة انا اسوي جدي

 

[نوف الصقعبي]

للصبغه الشقرا اخذي شامبو وماسك لوريال البنفسجي​

 

[snowfoshya]

من الشامبوو اكيد

لاازم من داخل الشامبو لونه ابيض عشان مايأثر ع لون الصبغه

الشامبو والماسك والبلسم كلهم ابتعدي عن الالوان البرتقاليه

ابتعدي عن الشامبو اللي لونه احمر او برتقالي من داخل مثب سانصلك وغيره

 

[Killer^Girl]

عشان جذي ماحب اصبغ شعري اللون يقلب

 

[Adele]

البنات ما قصصرو

اب اب